سلطان:يلا ركون منت ماشي؟
راكان ينأظر في ساعته:اي قم أشوي ويأذن
سلطان:يلا مشينا
محمد:تو الناس
راكان:أنت ناسي نفسك,أشوي ويأذن
محمد وقف:يلا قومو أجل
~..•.°..•.°..~..~..•.°..•.°..~
عبدالعزيز من بعد مامشى من بيت بوفهد راح لمكان كلنا راح نكون فيه
كبير وصغير غني وفقير وقف سيارته وبكل نظرات حزن جلس يتأمل فيها
فارس:عبدالعزيز وش فيك؟
عبدالعزيز فتح الباب:أنا جاءي أزور سعود.الله يرحمه.ونزل
فارس ماكان نأسيه بس من بعد ماراح للعمره ماجاء له في المقبره
ظل دقايق ونزل بسرعه وكأنه متلهف ليشوف قبر أعز أصدقاه,دخل ولقاه
حاط رأسه على قبره وشهاقته وصاله لعنده تقدم خطوات
وبتردد:عزيز خلاص أدعي له بالرحمه
عبدالعزيز رفع رأسه:الله يرحمه,بس مأقدر أمسك نفسي خلني خلني معه
فارس جلس جنبه وحط يده على كتفه:أدعي له أدعي له ياعزيز بالرحمه والمغفره
عبدالعزيز ماكان يفارق قبر سعود لازم يروح له كل يوم في الاسبوع
فارس وقف:عبدالعزيز يلا قم
عبدالعزيز:أسبقني وأنا جاي
فارس:طيب..وراح
عبدالعزيز جلس مره ثانيه وحط يده على التراب:يأخوي
ماراح أنساك أبد,هذاني رايح الشغل تذكره اللي كنت أنت فيه ماراح
أطلع من الشغل مهما يكون لانه فيه صورتك وين مارحت صوتك,ضحكتك,خطواتك
وكل شيء لك ماراح أهده بسهوله
قام من مكانه وشوي شوي مشى عن القبر لين بعد وبعد وصل لسياره وركب,
مشى بكل هدوء وحلى السكوت بينهم
~..•.°..•.°..~..~..•.°..•.°..~
شوق جلست بسرعه تلتفت من قدامه مسحت جبينه اللي كان مليان عرق
شوق:"اللهم أجعله خير,بسم الله الرحمن الرحيم,أعوذ بالله من هالحلم"
جلست وتوضت وفرشت سجادته وصلت..
بعد ماخلصت صلاه أخذت القرآن وقرأت فيه وبعد ماخلصت السوره سكرت القرآن ووضعته فوق الرف
وقفت جنب النافذه تتأمل في السماء..دقايق وتذكرت الحلم..أمي من زمان ماحلمت إبه وش اللي خلني أحلم بها اللحين
الله يرحمك ويغمد روحك الجنه يالغاليه
~..•.°..•.°..~..~..•.°..•.°..~
ندى:ماراح تروح مع أبوي المسجد؟
فهد ينشف شعره:لا وين أروح,أبوي راح من مساعه
ندى قامت:أروح أفرش لك السجاده
فهد:"الله يخليكي لي ياندى"
ندى:فرشت لك السجاده
فهد:تسلم يدينك الحلوين
ندى:ربي يسلمك
من بعد ماخلص فهد من الصلاه ندى تقدمت له
ندى:تقبل الله
فهد:منا ومنك
ندى:صالح الأعمال
فهد:صليتي؟
ندى:رايحه أصلي أحين
فهد:كنك بتقولي شيء
ندى أبتسمت:أبقاك توديني المشغل
فهد:بس من عيوني
ندى:تسلم عيونك
فهد:يلا إذا خلصتي جهزي وتعالي
ندى:طيب
بعدت ماصلت جهزت ولبست عبايته وتوه بتنأديه إلا لقته
حاط رأسه على المخده ومغض عيونه وباين على وجه الآرهاق
نزلت عبايته على كتفها وأخذت جهاز التحكم من بين يدينه إلا فتح عينه وأبتسم له
فهد:كأن جلستيني
ندى:ما حبيت أزعجك
فهد يمد يده:يلا قومي
ندى قامت:على ماتشغل السياره بروح اشوف أمول
فهد:طيب
فهد كأن مأسك يده من طلعوا من الجناح وصلت للغرفه اللي فيها خلود
وجنبه غرفة ديمه ومغابلتهم غرفة خالد
ندى:فهد أترك إيدي يلا
فهد أبتسم وجلس ينأظره
إلا طلع خالد من الغرفه,وبسرعه نزلت النقاب على وجهها
خالد:أووو شعندهم المعريس مارين علينا
فهد:أي تعرف ولهت عليك وعلى حنتك
خالد يضحك:ماأعتقد توله علي وجنبك الملاك
ندى خجلت وتركت يده من يد فهد
خالد:مبروك عليك أخوي يابنت العم
ندى بخجل:الله يبارك فيك
سحبت نفسه لغرفة خلود لان عارف أن أمل ماراح تنام إلا عنده,
دخلت ولقتهم نايمين وراحت على الستاره وفتحته
خلود تغطة على وجهها إما أمل حطت يده على وجهها
ندى:يلا قوموا ماشبعتوا نوم
أمل سمعت صوت أخته وفزت:ندوووي
ندى أبتسمت لها..
أمل قامت وضمته:صبايحه مباركه ياعمري
ندى:الله يبارك فيك
خلود من تحت الغطاء:أمول خذي أختك وطلعي أبقي أنام
ندى:بعد ماراح أطلع جالسه على كبدك
خلود توخر الغطاء:صباحيه مو مباركه إبد
ندى تنأظره:وجع
خلود:أنتي ووجهك متى نمتي عشان تجلسين
ندى تضحك:مايخصك
خلود:مقبوله منك يامرة أخوي
ندى:بل كبيره في ثمك
خلود:والله ماراح أنديك إلا كذا بقيتي ولا بكيفك
ندى:هههههههههههه
أمل:أشوفك لباسه عبايتك وين بتروحين؟
ندى:نسيتي بروح المشغل
أمل:أي صج
ندى:يلا محد بيروح معي
أنفتح الباب:إلا أنا بروح
خلود:بسسم الله يابنت من متى وأن أقولك
دقي قبل لاتدخليني
ديمه:أقول ندوي قومي هذاني جاهزه
ندى وقفت:يلا
خلود:ديوم كان جيتي من زمان عشان خذتيها
وفكتيني منها
ندى:أستني إذا جيت أوريك شغلك
خلود تضحك:زين
~..•.°..•.°..~..~..•.°..•.°..~
راكان رجع للبيت لقى الخدامه تنظف في الصاله
راكان:وين ماما؟
ريتا:ماما فوق
راكان:بابا فوق ولا؟
ريتا:لا في يطلع من زمان
راكان:أوكي ومشى
راح لغرفت أمه ضرب الباب
أم راكان:أدخل
راكان:تقبل الله طاعتك
أم راكان تسكر القرآن:منا ومنك
راكان:يمه مدري إذا الوقت مناسب أفاتحك
بالموضوع أو لا
أم راكان:قول اللي عندك
راكان:تعرفي سلطان صديقي؟
أم راكان:أي أعرفه وش فيه
راكان:هو قال لي اليوم أن هو وأخته جاين
عن غريب يتقدمون لأختي
أم راكان بفرح:الحمدلله,هذاي الساعه المباركه ياولدي
وعقبال مانفرح فيك
راكان:الله كريم..وقام
أم راكان:وأنت ياولدي ماتبقيني أدور لك وحده
راكان:لا يمه تو الناس
أم راكان:الله يهديك بس
راكان:آمين,وطلع
راكان من بعد ماطلع من عند أمه راح لغرفته تسطح على السرير:"لو أني لقاي اللي أبيه ماخليتك
تستنين يايمه كان من اليوم قلت لك روحي خطبيه لي بس مافي أحد أخذ قلبي مثل ماأخذته عبير,ولو
كانت عبير لي كأن أخذتها بس مو مكتوبه من نصيبي,تم لحظات ساكت وتذكر كلمت جده قبل لايتوفى كان يقول:يابو راكان لا تخلي أحد من العائله يأخذ من عيله مانعرفها خل الأهل يلتم شملهم ولايتفرقون مهم كأن,هذاي آخر كلاماتها..الله يرحمك ياجدي,بس لو طلع كلام جدي صدق يعني لازم اخذ أحد من عيال عمتي أو خالتي أوعمي أو خالي,
وش لي بهالتفكير لو فتحوا معاي هالموضوع برفض على طول"
-شنو سالفة حلم شوق؟
-عبد العزيز في شيء راح يخليه ينسى صديق عمره؟
-راكان وحبه اللي محد داري عنه؟
.•.°.•?•\missDooDooay\.•.°.•?•
•.°.• أنتهى البارت •.°.•