،
مرحبا بنوتات ... شحالكم ؟
أجل تقولوا اللوتس في سطور ..
أها بجاوب وأمري لله ، عم إنه الحظ مو لهناك بس أجاوب شووود يطلع لي شي
عساه ومُسجل و إلا ريدو راضية و لا القلة > تفكر داخلة مسابقة 
س 1 / عبري عن " ذاتكِ " بـ خمس كلماتٍ فقط ..؟
صبوره طيووبه قلبها نظيف تتاثر باللي حولها احبهااا حيل
> هذي مارية بنت خالي هي اللي تقول مو أنا والله 
س 2 / .. أيهما الأقرب لطبيعتكِ " الهدوء / الصمتْ / القوَه / غير ذلك " .. ؟!
احسك الصمت لوتس
خلاص مارية تقول الصمت يعني الصمت ، مع إني أنا أشوفني / غير ذلك 
س 3 / .. هل أنتِ واثقة من ذوقكِ .. ؟!
بلي ....
س 4 / .. ما رأيكِ بهذه العبارات ..
(أ ) .. حلاة البنت شعرها .. ؟! : )
بلي ، بس عاد لاتنسى إنّ أصل الجمال في لسانها ...
( ب ) .. كُل فتاةِ بأبيها مُعجبه .. ؟!
أحبّ أبي وكفيه وأهوى قلبه الحاني ...
( ج ) .. نصف الرجل امرأه .. ؟!
ثلاثة أرباع الرجل امرأة ...
س 5 / .. أعطي نفسكِ " نسبه من 100 " لكلِ منْ ..
النعومه / مع شامبو جنسون ما بحتار ..
الذوق / عربي طبعه ونجره ,, ولو
الفضول / أوه وينكم ووين وصل إلى 10 الحين
الخجل / نقطة ضعف
الهدوء / يغلب الإزعاج
الرومانسيه/ مانعلّم كل شي عاد 
العاطفه / تغلب العقل أحيانا..!
س 6 / .. خمس عبارات توجهينها لـِ " إنـاث" المنتدى .
منهنّ وماتلكَ العبارات .. ؟!
لوزم خمس بونيات ..؟؟!
أها أشوف خليني أجرب حظي
الساهرة : ها متى العزيمة ؟
أنين الشوق : شحلاتش والله مافيه مثلش إلا ثنتين أنا الاولى والثانية ما بعد تنولد
تاروتية : فقدتش شـ كثر
أحسائية : أخلاقك رفيعة
سكون الصمت : عذرا خيه ، مقصرة وياش واجد
س 7 / .. بكلمتان صفي الوضع العام لـ " إناث المنتدى " ؟!
ما يكفي بس كلمتين ..!! بس ما يخالف ولايهمش..
فتياتُه إناث ....
س 8/ .. لونكِ المٌفضل .. ؟!
الأخضر لا يُعطي سوى الأخضر
س 9 / أيهما تفضلين عطرآ برائحة " الورد / الفواكه / البخور و العود " ؟!
العطور كلها صلح وياي وعن البخور والعود ما أستغني
س 10/ هل تُجيدين الطبخْ .. ؟!
إيه مول ،، حتى خبز و فصين جبن أعرف لهم
المهم بس لا يكلفوني بالحلويات > يبيلهم وقت وانتظار وأنا مالي مقاقة
س 11 / .. جميعنا معشر الإناث تحدث لنا " مواقف مُضحكه"..
في بداية إلتزامنا بـ غطاء الوجه ..
أنتِ ماموقفكِ حينها ..؟!
لا عااااد ... بس صج أول ما كنا نتغطى من الهنود لإن شسمه وذاك......
على هالطاري قبل يومين سألت حسون ولد أخوي
حسون ،، وش اسم الهندي ,,؟ قال لي براءة : صديق
س 12 / أكملي الفراغات : )
( أ) أنا " هي " أحب " الرهش " وَ أكره " الدجاج "
(ب) لو كان الأمر بيدي لـ " تحررت
(ج) يحدثٌ أحيانآ .. أن أموت
( هـ ) لا شيء يستحق الـ بُكـاء
( و ) أكتفيتُ منَ .. الدراسة
س 13 / كوني شُجاعه وقدّمي إعتذار علني فلمن تعتذرين ؟!
عذرا يبه .. عذرا يمه ..
س 14/ بطاقتكِ الشخصيه ؟!
الاسم : زهرة اللوتس
مكان وتاريخ الميلاد : مستشفى العمران ذيك السنة 1408 - 1987،
برجي القوس / أقول لكم بنابة يعني
رقم شسمه و مصدرها وتاريخها : ما أدري والله بس يتروالي مصدرها قندهار
السكن الحالي و الدائم إن شاء الله : قرية البطالية.
وش بعد يقولوا فيها البطاقة الشخصية ....؟؟!! يتروالي بس يكفي
س 15/ كلمه أخيرهـ تودين قولها لنا ؟!
أقول كله يهون و لا الناس اللي يسموا لبنان / أبنان
علي علي يا أمير المؤمنين.. ودي أقطعهم
أخير عاد .. أدري مالها دخل بس صج يقهروني إذا قالوا أبنان ،، شلون بعد أبنان 
لـ بالله مشكورين على هالاستضافة و عيدوها نابة فانية
شود يطلع لي ثلاجة أو شي
تحايا مكللة بالأزاهير 