أنا يا زين ما خنتك..ولا ألعـب علـى الحبليـن
هويتك من صميم القلب..ومَدْرا العين داريتك
عشقت أسمك وحبيتك..وكم هجرك عليّـه شيـن
يعاني القلب من صدك..هجرته وما تناسيتك
أهل الدمع بغيابك..وأفكـارك مـا هـب داريـن
ولا يدرون في موتي..لأني صـدق حبيتـك
كأني في وسط صحرا..أحاسيسي غد(ن) ظامين
وأنته مثلمـا لال(ن)..تباعـد كلمـا جيتـك
حبيبي بس ذا يكفي..ترى عايـش علـى ناريـن
ياليتك تعلم ابحالي..وتروف الحال يا ليتـك
حشا لي صـاب قلبينا..مؤكـد إنهـا ذي عيـن
حشا ذي آخر الدنيا..إذانّـي مـا تلاقيتـك
ذا خلي ويجفيني..أنـا بعـدك أبرحـل ويـن؟
أنا من لي بعد قلبك..عجب تنسى مواريتـك
احبك هيه نعـم والله..أحبـك ليـن يـوم الديـن
أحبك واهتوي أرضك..ووسط العين ضميتك