الجزء العاشر :.
الاياام تركض .. وابطال قصتنا (منهمكين)<< هالكلمة متعووب عليها خخخخخ
بالشغل والتجهيزات للعيد ..
اما دانة فكان الشغل مضاعف .. لانه ملكتها بعد العيد باسبوعين ...
اما بيت ابو سعود .. فكان الهدوء مخيم ع الجو .. لانه الكل مشغول ومو فاضي حق المشاكل والمشاحنات ....
(( اول ايام عيد الاضحى ... بيت ابو رائد ))
( الساعة 12 الظهر )
من الصباح وبيت ابو رائد بدت فيه الزحمة .. الناس والمعارف اللي جوا من كل مكان عشان يعيدون على ابو رائد .. وهذا غير ربع رائد اللي ما يخلصوووون ...
مبارك : كل عام وانت بخير..
رائد : هلا والله مبارك الله يبارك فيك ..
مبارك : وينك يا رجال...؟؟ قطعتنا بالمرة .. ما سمعنا صوتك ولا شفنلك من زماااااااان ..
رائد : تعرف الشغل .. والدوام .. والحين انا خطبت وملكتي بعد اسبوعين انشالله ..
مبارك ما عجبه الوضع : افاااا.. خطبت ..؟؟ ليش...؟؟ هذا وانت تقول ماني متزوج قبل ما اصك الثلاثين.. !!!!!!
رائد : ههههه كلام طيش..
مبارك يطنز : والحين انت مسوي فيه عاقل وفاهم..؟؟
رائد يمشيها له لانه ضيف : أي اكيد .. وش بقى ..؟؟ اشتغلت وبتزوج قريب انشالله .. خلاص لازم استقر وامشي مستقيم ..
مبارك لصديقه اللي جنبه : افااااااا ... خلااص .. راح الرجال ..
رائد : هههه أي راااح ؟؟ ياخي هذاني موجود بس بكون اكثر مسؤوولية شوي ...
شوي الا تدخل سيارة ثامر وكان راكب حنبه بندر .. واو ما شافهم رائد فرح .. لانه حصل شي يفكه من الرجال الغثة الي نشبله .. هو ما صدق يفتك منهم .. يجووون له الحين؟؟
نزل ثامر يعدل ثووبه : السلااااااااام عليكم
راح رائد يسلم عليه : هلا والله وعليكم السلام ...
ثامر : كل عام وانت بخير....
رائد : وانت بخير .. ش هالكشخة يا شيخ ...؟؟ غطيت علينا ..!؟؟!
ثامر بخقة وهو يرمي شماغه لورى ظهره : أي والله .. تدري الدنيا عيد .. لازم نكون شوي رزة ...
بندر : تكفى لاتمدحه .. نافخ خشمه علينا من الصباااح ..
راح رائد يسلم على بندر : هههه خليه يضحك على نفسه شوي ..
بندر : ههههه كل عام وانت بخير ...
رائد : وانت بخير وصحة وسلامة ... من العايدين الفايزين انشالله ...
ثامر : افففف .. كل هالزحمة بس ف الحوووش .. اجل داخل البيت وشلووون ..؟؟
رائد : ههههه قول ما شالله ....
ثامر : ما قلنا شي ما شالله .. عن تاكلنا بس .. المهم وين عمي وابو عوض ..؟؟
رائد :ابو عوض مسافر ... ف الامارات مع العائلة ..
بندر : افاا...!! ما بيعيد هنا...؟؟ ليش...؟؟
رائد : خلها على الله يا بندر .. الجرال مو طايق البلد والبيت من بعد موت عوض الله يرحمه .. تدري بعد ما مر على موت عوض الا شهر او اقل بعد
ثامر :والله العظيم يا رائد .. ما قد زعلت على احد قد ما زعلت على عوض .. والله كان رجال بمعنى الكلمة .. واعي فزعو ونشمي زي ما يقولون اخواننا ..
رائد : هههههه من اخواننا ...؟؟
بندر : واحد من قبيلة الفلان الفلاني في صحراء الربع الخالي خخخخخخ
رائد : خخخ تعجبني والللللله ......!!!
بندر : ههه تسلم .. المهم .. نبغى نسلم على عمي...
رائد : حياكم ...
راحوا بندر وثامر وسلموا على ابو رائد وقعدوا معاه شوي .. وبعدين استاذنوا وراحوا يعيدون على باقي معارفهم واقاربهم ...
___________________________________
(( بيت ابو سعود ))
( بعد ربع ساعة )
بيت ابو سعود ما كان وضعه مختلف مرة عن بيت ابو رائد .. البيت كان مليان ناس ومعارف واصحاب ابوسعود وحريم ام سعووود ..
والكل ف البيت كان واقف على قد وساق زي ما يقولون .. حتى دلع اللي قررت بينها وبين نفسها تستانس ف العيد وتنسى هموومها لـ 3 ايام ع الاقل .. لانها صدق تبغى ترتاح شوي .. عشان كذا .. جهزت نفسها للعيد تحهيز كامل .. ملابس واغراض ومكياج وكله على حساب ابو سعود اللي ما بخل عليها بشي .. وكان دايم يوصيها اذا بغت شي تقوله .... وهذا الشي ساعد نفستها عشان تتحسن
كان ف المطبخ تشوف الخدامات وش يسوون ...
دلع : يا ميري...
ميري : نأم ............؟؟
دلع : تقول ماما باسمة ودي زيادة فناجين قهوة ... وطلعيلي ودلتين عشان اصب فيهم القهوة
ميري : تيب ...
طلعت ميري الصينية وحطت عليها فناجين .. وطلعت دلتين حق دلع اللي كانت تسوي القهوة ...
دلع ابتسمت : شكرا .. خلاص روحي كملي شغلك انا بوديها ..
ميري : تيب ماما ...
اخذت دلع الصينية وجات بتطلع من المطبخ الا بصوت من عند الباب الخارجي يقول : سووا زيادة قهوة ..........!!!
التفتت دلع وشافت سعود واقف وماسك جواله يقلب فيه والظاهر انه ما نتبه لها ..
ويوم حس انه مافي رد دخل المطبخ .....
سعوود : يا ميــــ.........
انقطع كلامه يوم شاف دلع .. كانت لابسة تنورة قصيرة بيضا وعليها نقش بالاخضر .. وبلوزة خضرا حلوة وناعمة .. وكانت فاتحة شعرها وحاطة مكياج ..
سعود : ا..... سوري ما دريت انك هنا..
دلع حطت الصينية على الطاولة : ناقصكم قهوة...؟؟
سعود استغرب من معاملة دلع : ا.... أي لو سمحتي
ابتسمت دلع : خذ هذي وان بسوي ثنتين زيادة ...
سعود مستغرب : ا ...ا .. لا خلاص عادي .. خلي ميري تسوي ثنتين وهذي وديها ..
دلع : اقولك خذ هذي بدون نقاش يللا .. انا بسوي زيادة ..
سكت سعود وشال الصينية ... لدقيقة حس انه انسان مجنوووون ... او مهستر ..
دلع : شفيك واقف...؟؟ روووح الناس ينتظرووون
سعود انتبه لعمره انه ماتحرك وللحين واقف بالمطبخ : ا... طيب شكرا
طلع سعود من المطبخ وهو متلخبط من فوق لتحت ... اما دلع فرجعت سوت لها قهوة وودتها للحريم ..
___________________________________
(( بيت الجدة مزنة ))
( الساعة 6 المغرب )
مزنة : يا مها ... خلاص عاااد يكفي مناقز يمين يسار .... اقعدي مكانك...!!!
مها : يما يا حبيبتي .. الدنيا عيد ..
مزنة : عيد ..؟؟ ادري ان الدنيا عيد شايفتني مجنووونة ..؟؟ انا ما قلت لك لا تفرحين .. اقولك اهجدي شوي .. بسك يمين يسار .. من الصباح رايحة جاية
مها : يا يما والله مستااانسة والجمعة حلووووة
مزنة عصبت : قسم بالله يا تقعدين زي باقي البنات العاقلين يا والله بذبحك ..
مها تضحك : ههههههه طيب خلاااص .. ولا تزعلين يا قمر ..
راحت مها وقعدت مع خواتها وبنات خالتها الثانيات ..
( مها ... بنت خالة دانة .. عمرها 19 سنة هبلة .. وماتوزن كلامها .. وتعتبر انها احسن وحدة ف الدنيا ومحد قدها .. وان الكل اصغر منها .. وما تسمع كلام احد .. كلمتها لازم تمشي .. هذا غير انها تجرح الناس بكلمات بسيطة وتقول انها ما سوت شي )
قعدت جنب اختها سهى..
سهى : اعقلي يا ماما ... شوفي انس شلون قاعدين بادب .. ما غير انتي اللي تناقزين ......
مها : كيفيييي... انتي وش عليك..؟؟ اقول .. وين زوجك عنك خليه يجي يضفك عن وجهي .... !!!!
سهى : !!!!!! قاعدة في بيتك انا..؟؟ يا ماما انا قاعدة في بيت اهلي .. متى ما بغيت اطلع بطلع ....
مها : شوووف .... متهاوشة مع زوجك يعني ..؟؟
سهى : اعووذ بالله ... الله لايقووول ياا حمارة لاتفاولين علينا ....
مها : هههههه خلاص اعصابك اعصابك ...
( سهى اخت مها .. عمرها 26 سنة .. متزوجة عبدالعزيز .. صارلها سنتين .. وعندها ولد اسمه فارس .. )
.......: خلاص عااد وخري عن اختك .. خلصتي من امي جيتي لسهى ..؟!؟!
التفت مها بضيق لخلود بنت خالتها اللي اصغر منها بسنتين ...
مها : انتي من كلمك ..؟؟ اختي وانا حرة .. وبعدين جدتي مستانسة علي .. ومحد طلب فزعتك فاهمة ..؟؟؟
خلود بخقة : استغفرالله ... صراحة احس بمعاناة اختك .. لو وحدة زيك تج كذا تكلمني والله لا اعطيها كف .......!!!!!
دانة : ههههه هدي يا آلاء .. البنت تمزح مع اختها ما صار شي ...
خلود : انا اقووول رأيي لااكثر
مها بقهر : ومجد طلب رايك .. خلي رايك لامك الحقيقية فاهمة ..؟؟ هي اولى فيه ..؟؟
كل من ف المجلس سكت .. يوم طلعت خلود والدمعة بعيووونها ....
دانة بعتب : الله يهديك يا مها ماكان لازم تقولين لها كذا ...
مها : هي اللي مصختها .. الحين مين دخلها ف السالفة
دانة : انتي حاقرتها وخليتها بروحها محد يسولف معاها ولا شي .. بعدين ما كانلازم تجرحينها كذا قدامنا ....
مها : احسن .. خليها تحس بالقهر اللي احس فيه لما اشووووفها
دانة فتحت عيونها ع الاخير وقامت تاشر لمها انه اخت خلود الصغيرة موجودة معاهم .. وتسمع الكلام ..
مها : عهود يا قلبي .. معليش تروحين تجيبين موووية .....؟؟
عهود ( 15 سنة ) قامت : قولي انك تبغيني اطلع وبطلع .. اصلا انا ما اقعد مع ناس يهينون اختي .. والمشكلة انهم ما شافوا نفسهم اول ... !!!
مها قامت تقلدها وتتطنز ... اما عهود فطلعت تقعد مع امها والحريم ابركلها من القعدة مع مها ولسانها الطويل ..
( ف الحوش )
كانت خلود قاعدة على الدرج وتمسح دموعها وتحاول توقف صياااح ... هي كل ما تجي هالبيت تسمع كلام التجريح والتنقيص ...
( خلود .. 19 سنة .. تدرس في جامعة فيصل برمجة ونظم معلومات على الكمبيوتر .. حبوووبة وطيبة مررررة .. وناعمة .. بيضا وشعرها لكتوفها اسود ونااعم .. مرة نحيفة .. وعيونها خضرا ..وطولها حلو ... حساااسة مرررة .. وتنجرح بسرعة .. خلود عاشت مع امها وابوها .. بس امها ما كانت مهتمة بسالفة الامووومة مرة .. عشان كذا تطلقت من ابوها وابوها تزوج خالة دانة .. بدرية .. وجاب منها عهوود اللي صارت تحب خلود وتعتبرها اختها من امها .. )
حست بكره شديد لامها .. اللي ما جابت لها خير في هالدنيا .. تركتها وهي صغيرة وراحت تزوجت واحد ثاني اغنى من ابوها .. خلتها بروحها وراحت ..
قامت بقهر واخذت اقرب صندل عند الباب وحذفته بكل قهر وهي مسكرة عيوونها ..
..................: آآآآآآآآآآآآآآآآآآآآآآآآآيــــــــــــــــــــــــ ــــــــــ
فتحت عيونها الثنتين ع الاخير .. وشافت واحد واقف قدامها .. لابس ثوب وشماغ طايح ع الارض .. وماسك راسه من الالم ...
حطت يدينها على فمها تلقائيا : اوووه ... آسفة ..
لف الرجال عليها .. بس ما عرفها .. وقرب زيادة وهي خافت ورجعت على ورى شوي ..
بندر : ا ... انتي عهود ولا مها ...؟؟
خلود بخجل واضح من اللي سوته : لا... انا خلود ..
بندر يحك راسه بالم ويبتسم : والنعم والله ... بس .. حشى موب يد ..
خلود انحرجت مرة وكان خاطرها تشرد في اي لحظة بس الطريق الوحيد للبيت كان من قدام بندر ..........
بندر : ما شالله .. صايرة حرمة والله ... كبرتي ..
خلود : ا .. أي .. حتى انت ..
بندر : خخخ اتحدى تعرفيني حتى ... انتي اصلا ما تعرفيني .. ولاقد يوم شفتيني
خلود رفعت حاجب : ليش انت مو ثامر .....؟
بندر : ههههاااااااااااي ضحكتيني .. لا يا حلوة انا مو ثامر ... معاك بندر .. اخو ثامر التوأم .. الكبير طبعا ...
خلود : ا... طيب تشرفنا .. انا لازم ادخل الحين ..
جات بتمشي خلود الا بندر يمسك يدها بسرعة ..... حست بيدها تجمدت .. وحست لسانها انعقد ..
بندر : لحظة ... !!!!
لفت عليه باستغراب وخوف.......
بندر : هههه وش فيه وجهك صار اصفر ...؟؟ لاتخافين والله ما باكلك .. بس بغيت اقولك انه حتى انا تشرفت بمعرفتك ......
ضحكت خلود على غبااااء بندر ...
وسحبت يدها وركضت بسرعة للبيت وقلبها يدق مرررة .. اما بندر فكانت كم دقيقة كافية انه تخلي عقله يطير...
@@@@@@@@@@@@@@@@@@@@@@@@@@@@@@@@@@@@@
(( ثاني ايام عيد الاضحى .. بيت ابو سعود ))
( الساعة 2 الظهر )
في ثاني يوم عيد .. جو حريم وصديقات باسمة اللي ما قدروا يجون اول يوم .. وقعدوا يسولفون ويحشون في خلق الله .....
وبين المعازيم كان في وحدة ملقووووفة مرة وتحب تصير خطابة .. ويوم شافت دلع نازلة بفستان وردي ناعم وعليه شريطة بيضا من الوسط ....
الحرمة : يا ام سعووود
ام سعوود : سمي ..
الحرمة : ماشالله على دلع كبرت وصارت حرمة ماشالله .. ما فكرتي تزوجينها ...؟؟؟
دلع انصدمت وتجمدت ملامحها .....
ام سعود تصرف : هههه الله يهديك لسة ما جاها نصيبها اللي يناسبها والله ...
وبدوا الحريم ...
وحدة : انا اعرف لك ام فلان قالت مرة قدامنا انها تبغى وحدة كذا صغيرة وحلوة واخلاق .. شرايك اقوولها ...؟؟
الثانية : لااا .... ان ابغاها لولد اختي .. والله ما شالله عليه .. شغل ومسؤوولية ويقدر يدير باله عليها ...!!!!!
الثالثة : اسكتوا واللي يعافيكم .... دلع ماهال االا ولدي علي....!!!!
الرابعة : ............
...............................
.....................................
وقعدوا الحريم يتكلمون عن هالموضوع وام سعود ساكتة ومو عارفة وش ترد عليهم .. ودلع شالت نفسها وطلعت الحوش على طول ... مستغلة فرصة انه بو سعود طلع مع سالم وسعود من شوي يعيدون على واحد مريض ف المستشفى ...
قعدت على الكراسي الموجودة ف الحوش تفكر ..
دلع " ياترى .. انا في يوم بتزوج؟؟ .. ولا هالشي مو ممكن ..؟؟ بس .. ا.. انا وش ذنبي .. الله يسامحك يا سعود بس على اللي سويته فيني .. يالتيك حسيت بغلطتك وكبرها قبل لاتسويها .. كانا انا الحين بخير .. وبسعادة .... !!! "
شوي الا يدخل فيصل الحوش ... ويشوفها قاعدة ....
وبحكم انه دلع لابسة قصير .. ماعرفت وش تسوي ..؟؟ تدخل ولا تقعد عاادي خصوصا انها للي دخل مو شخص غريب ... و ف النهاية حست انها تحتاج احد يقعد معاها شوي عشان كذا ما تحركت ...
تقدم فيصل وهو لابس نظارته الشمسية وثوبه وشماغه : السلااااااااام ....
دلع : وعليكم السلاااام ... وش هالكشخة ..؟؟ قلنا امس لانه اول يوم لازم تكشخ ... بس اليوم ليش...؟؟
فيصل قعد ع الكرسي اللي جنبها : والله العيد لسه ما خلص ... وللحين الفرحة فيني .. خليني عايش جو ......
دلع : ههههه شخبار خواتك ..؟؟
فيصل فصخ نظارته : بخير الحمدلله ... امس ابوي وداهم الملاهي عشان يلعبون شوي .. والحمدلله استانسوا مرة ...
دلع : الحمدلله ..... ونسايم ...؟؟
فيصل : مم ... عادي .. فرحانة لفرحتنا .. بس تعرفين زعلانة شوي لانها ما شافت اهلها من زمااان ... اكيد بتحط بخاطرها .. بس ع العمووم ماهي راضية تبين هالشي ..
دلع بحزن : الله يعينها يارب ويرحمها ابوووك شوي
فيصل باستنكار : ابوي يرحم ..؟!؟!؟! خخخخ ماعرفتي ابووي والله ..
دلع : انت لاتقول كذا .. ادعي ربك يهديه ..
شوي الا تطلع لينا تدور دلع .. وكانت فستان اسود ضيق وقصير .. وفقاتحة شعرها اللي طول شوي .. وحاطة كحل وروج احمر فاقع ....
لينا : دلــــــــــــــــــ....
سكتت شوي يوم شافت سالم موجودة وهي طالعة كذا ..
دلع : هههههه تعالي محد غريب....
استحت لينا لانها طالعة كذا ووقفت مكانها متصنمة : ا....ا .....
دلع باستغراب : شفيك يا بنت...؟؟ اقولك تعالي اقعدي ...
فيصل : ههههه شايفة جني شكلها ..
اشّرت لينا بنعوومة على فيصل متفاجأة : هذا انت ..؟؟ والله متغير شكلك ..
فيصل : ههههههههههههه حلو صح ..؟؟
لينا فصخت الحيا وقربت تقرص خدوووده : يا قلبووووووووووووووووس ... والله تزنن ..!!!!!
دلع متفاجأة : خخخخخخ يا بنت عيب ... وين الحيا اللي من شوي .. ؟؟؟
لينا قعدت وحطت رجل على رجل قدام فيصل ...
فيصل طالعها من فوق لتحت : نعم ..؟؟ مين الاخت الكريمة ..؟؟
لينا ماسكة عمرها عن تطيح بالارض : مم .. معجبة ..
فيصل : فديت المعجبااات انا ...
سكتوا الثنتين وفتحوا عيونهم ع الاخير ...
دلع تصارخ : هيييييي .... هي انت .. عسى ما شر ..؟؟ لاتخليني اطلعك برى ... ترى سالم مو موجود ...
فيصل : خلاص خلاص .. توبة توبة ... بس كنت ابدي رأيي ... لا اكثر
لينا صار وجهها احمممممممممممممر ...
دلع : مرة ثانية رأيك حطه بقلبك ..
لينا عصبت : خلااااص عاااد .. ما تسوى ع الولد قال رأيه ... بعدين ليش محترة ..؟؟ امدحها تكفى فيصل عشان تفكنا وتسكت....!!!!
فيصل : خخخخخخخ لا مافي .. الغزل بس للحلوين ....!!!!!!!!!!!!
لينا شوي ويغمى عليها ... اول مرة احد يمدحها كذا.. وخصوصا انه واحد كاشخ ع الاخير وصاير مرة حلوووووو....
وقفت دلع : قوم اشووووووف
فيصل : هههه شفيها هذي ..؟؟
دلع : قووووووووم
فيصل : ليش.....؟؟؟
دلع سحبتها من يده وقومتها .... ودفته للباب ...
دلع : لما يجي سالم بقوله يتصل فيك عشان تجي .. انا بدون سالم ما تجي طيب..؟؟
فيصل : افاااا طردة ..؟!؟!
دلع : طردة ونص بعد .. اجل قاعد تغازل اختي قدامي ..؟؟ انا الغلطانة اللي خليتها تطلع قدامك كذاااا ...
فيصل : غيرااانة ..؟؟؟
دلع : مااااااااالت عليييييييييك انت وياها .... يللا برى .. لما تتعلم كيف تتكلم بخليك تدخل ...
فيصل : آخر كلااااااام ...؟؟
دلع : ههه أي آخر كلام .......
فيصل مسوي زعلان: طيب يا دلع ... حسابك جاي انشالله .. اجل انا انطرد من بيت ابوي هااا ...؟؟
دلع تدفه للباب : بيت ابوك في حي ( ..... ) ... يللا روح
طلع فيصل ورجعت دلع تضحك وقعدت على الكرسي ..... تخز فلينا ..
لينا تنرفزت : ليش تطالعيني كذااا ...؟؟
دلع رافعة حاجب : لا والللللله .. مسوية بريئة انتي بعد ......؟؟؟
لينا : حرام عليك والله ما سويت شي .. بعدين ترى كان يمزح ...
دلع : يمزح ..؟؟ مجد يمزح بهالطريقة .. لاتعلم شلون يمزح زي الناس خليته يدخل ..
لينا : خخخخخخ اللي يقول بيسمع كلامك الحين ... والله لايدخل غصب عنك وعني ..
دلع : يجرب ويشوف وش بيصير له ههههه .. انا اوريه ...
سكتوا الثنتين شوي ...
لينا : دلع
دلع : ها.......؟؟
لينا : مو كانه صاير حلووووو ؟؟؟؟
دلع : طبيعي صار رجال .. بدى يحلى الحين .. اصبري عليه سنتين .. او ثلاثة ويصير يجنن ...
سرحت لينا تفكر شلون بيصير بعد كم سنة ....
دلع قامت : هههههههه مالت عليك انتي وياه .. اشف قمنا نحب ونعجب بعد .. ؟؟!!
لينا : انقلعيييييييييي ....!!! ما تنعطين وجه ... انا الغلطانة اكلمك
دخلت دلع داخل وخلت لينا برى تفكر وتسرح على كيفها ....
___________________________________
(( بيت ابو فيصل ))
( بعد ربع ساعة )
دخل فيصل البيت مستانس وشااااق الوجه " والله وكبرتي يا لينا وصرتي قمر ... !! "
دخل البيت وشاف شوق تناقز وامل قاعدة ف الكرسي حقها ... ونسايم تكلم بالتليفون شكلها تصيح ..
سكت فيصل ومشى بهدوووء عشان ما تحس نسايم عليه ... وسمعها تكلم امها ..
نسايم تصيح : والله يا ماما ادري .. بس ايش اسويله..؟؟ كلمته مية مرة .. مو راضي .. يقول كلميهم وخلاص !!!! ادري والله ادري .. والله كلكم وحشتوووني .. وابغى اشوفكم .. بس .. يا ماما الظروف ما تسمح ...
سكتت شوي بعدين قالت : لأ .... الله يخليكي يا ماما لأ .. والله لايزيد علي والله .. لاتكلميه ولا شي... انا بحاول معاه مرة ثانية .. لأ ولا بابا لاتخليه يكلمه .. كذا بيقول اني انا اشتكيت لكم .. الله يخليك يا امي ماني ناقصة مشاكل وهواش ...
قعدت تسمع وش قالت لها مها بعدين فجأة صرخت : للللللللللللللللللللللللللأ .......!!!!
لأ امي لأ الله يخليك .. لا تسوين كذا فيني لأ.... واللي يعافيك ...
شوي الا انهارت صياح يوم انقطع الخط وجلست تصيح ع الكنبة صياح قوي ويقطع القلب....
انكسر خاطر فيصل عليها .. وكره ابوووه زيادة ....
فيصل " الله ياخذه انشالله ..!! شووف شلون حالة هالانسانة وهو مو مهتم ... ما اقوول غير بس الله الله ياخذك مننا ونفتك منك ومن مشاكلك ....!! "
تقدم فيصل وقعد ع الكنبة جنب نسايم وبدون ولاكلمة حضنها بقوة لصدره .. وقام يهديها ..
فيصل : خلاص .. خلاص يا نسايم .. اهدي بس... فهميني وش صااار ...؟؟
نسايم تشاهق : اهئ .. امي تقول بتتدخل وتكلم ابوك .. ويوم قلت لها لأ بتجيني مشاكل .. اهئ .. عص .. عصبت وقال ت.. ق .. قالت خلاص .. مادامك ماتبغي مساعدتنا .. ولا تبغي .. تتفاهمين .. م .. مع زوجك... دبري نفسك بن.. بنفسك .. ا.. احنا مالنا .. د .. دخل ............!!!!!!!!
تنهد فيصل : هـــــــ... لا حول ولاقوة الا بالله .. هدي طيب انتي الحين .. وانشالله ربك يحلها ... تبغين اكلمه ....؟؟
نسايم باستنكار : الحين انا اقولك ما خليت اهلي يتدخلون بدخلك انت عشان تتهاوش زيادة مع ابوك..؟!؟!؟!؟!!؟
فيصل ضحك بسخرية : والله حالتنا احلى منها مافي...
نسايم مسحت دموعها يوم شافت شوق جاية تركض : ماما ... سوفي ايس لونت ...!! ( شوفي ايش لوّنت ......!! )
ابتسمت نسايم مجاملة لبنتها لصغيرة : اشووف .. اللللللله ...!!!! حلووووة .. بتصيرين احسن رسااامة لما تكبرين .... !!
___________________________________
(( بيت ابو بندر ))
( الساعة 5 المغرب )
اذن اذان المغرب .. ودخل وقت الصلاة .. والكل قام عشان يصلي في بيت ابو بندر اللي كان فيه رجال وربع بندر وثامر ....
وبعد الصلاة .... رجعوا الكل البيت ... الا احمد .. الي استأذن وطلع ..
وركب سيارته وتوجه فيها للمكان اللي قاده له قلبه وباله .... لين ما وصل ..
وقف السيارة ونزل .. مر وسلم على الحارس .. ودخل .. طالع ف المكان شوي .. وبدى شعور بالرهبة الوخوف يدخل قلبه ... حس بانه جسمه كله ينتفض .. وقلبه يدق بقوة..
مشى شوي وهو يدور بعيونه ع المكان .. لين ما وصل للي يبغاه ...
قعد على ركبه وابتسم : كل عام وانت بخير يا عوض ....................!!!!!
ومن بين الابتسامة نزلت دمعة خاينة من خده ...
احمد : شخبارك يا اخوي ...؟؟ شمسوي..؟؟ عساك بخير.... ؟؟ وما تحس بالوحدة ...
عوض .. عوض ياخوي فقدتك .. من جد فقدتك .. فقدت ضحكة العيد حقتك .. فقدت روحك .. فقدت صداقتك .. فقدت كل شي.. كل شي يا عوض فقدته من بعدك ...
والعيد .. ( بدى بصياح وهو يمسك التراب ويتحسسه ) والعيد ياخوي ما يسوى من دونك والله .. ماهو عيد اصلا... !!!!!!
قال لي بيجي ..
واخلف في وعده ونساني
هو عادته
ينسى اني ع الوعد انتظر ..
اكيد مو منه اكيد ..
وارجع وارددها واعيد
هي الظروووووووووووووف ..
آآآآه يا الظروووف
قعد احمد عند قبر خويه وصديقه .. يقوله عن حياته .. وعن كل شي صارله من يوم ما مات ....
@@@@@@@@@@@@@@@@@@@@@@@@@@@@@@@@@@@@@
(( ثالث ايام العيد ))
( الساعة 11 الظهر )
كانوا عائلة ابو غادة على الجسر رايحين لجسر البحرين ... والكل كان مستانس .. لانهم حاجزين على مسرحية هناك ورايحين يشوفونها ...
سمر : ونااااااااااااااااااااااااااسة ......!!!!
ابو غادة : يا بنت انتي ما تشبعين صراخ ..؟؟ خلاااص عاد صجيتينا .... !!!! اقعدي اشوف وانتي ساكتة
غادة كانت قاعدة بهدوووووء وتسمع الاغاني اللي على الاذاعة وهي مروقة على الآخر وكانه محد حولها ....
وابوها وامها كانوا مندمجين ف السوالف ... وماخلوا شي ما تكلموا فيه .. حتى ف انواع الافران حقت المطبخ تكلموا فيها وهم واقفين على الجسر يستنون الزحمة تمشي ...
___________________________________
(( بيت ابو فيصل ))
( الساعة 4 العصر .. )
كانت نسايم ف الغرفة ترتب التسريحة حقتها وابو فيصل قاعد على السرير يقرا جريدة..
قعدت نسايم على السرير جنبه وقالت : بو فيصل....
بو فيصل ولا التفت لها : هممم....؟؟
نسايم : بو فيصل ابغى اكلمك اسمعني
طالعها باستغراب وحط الجريدة جنبه على السرير : وش عندك...؟؟
نسايم برجى : يابو فيصل ... امس كلمتني امي .. تقول من زمان ما شافوووني ويبغوا يشوفوني ..
بو فيصل يقاطعها على طول : لأ ... مافي ... سكري الموضوووووع... قوليلها مو فاضيين
نسايم تترجاه : بو فيصل .. الله يخليك .. ابوووس يدك يابو فيصل .. والله اهلي من تزوجنا انا ما شفتهم .. تكفى خليني اروح لهم انا وبناتي .. تراهم ولا مرة شافوهم
بوفيصل بصرامة : مو لازم يشوفونهم .. عشان لارحتي هناك تاخذين العيال ولا ترجعينهم ....!!!!!!
نسايم متفاجأة : إيــــــــــــــش....؟؟ انا آخذهم ولا ارجعهم..؟؟ يابو فيصل لاتنسى انا زوجتك وهذولي عيالي وعيالك..... وشلون آخذهم واشرد فيهم .. شلون ابعدهم عن ابووووووهم.....!؟؟!؟!!؟!؟
ابو فيصل بدى يعصب : مااااااااافي.... قلت لك مافي يعني مافي..
نسايم آخر محاول : الله يخليك .. طيب احضر عرس هيفاء بنت عمي بس .. الله يخليك .. والله من زمان عنهم..... !!!!!!!!!!
قام ابو فيصل من على السرير ولبس ثوبه : مالت عليكم .. وعلى العيد اللي بقضيه معاكم .. انا خليني اروح مع ربعي احسنلي من مقابل وجهك ووجه عيالك .. مالت عليك انتي وياهم ..!.!.!.!.!!!!! اصلا الله يلعنكم من عائلة ......!!!!! انتوا وولدي الحيوان معاكم .... !!!!!!
... وطلع من البيت ... وتركها المسكينة تعاني من اليأس والعذااااااااااب ..... !!!! هذا غير الجرح اللي يوم عن يوم يزيد في قلبها .. ويزيد ندمها على الزواج اكثر من قبل ...
___________________________________
(( بيت ابو سعود ))
( الساعة 6 المغرب )
رجع سالم ومعاه فيصل من صلاة المغرب ودخلوا مجلس الرجال لانه البيت كان فيه حريم ...
رفع سالم السماعة ودق على تحويلة المطبخ .. الا وترد عليه دلع : مين ..؟؟
سالم : هلا دلع .. خلي الشغالات يجيبون لنا قهوة وشاهي .. فيصل عندي..
الا وتدخل لينا عرض : ساااااااالم
سالم : شتبغين انتي ...؟؟ لا تصارخين ..
لينا شوي وتدخل ف التليفون : اقووول من عندك...؟؟
سالم : فيصل مين يعني ...؟؟
لينا بتشقق من الفرح : ا... اها ... طيب .. وش كنت تبغى ...؟
سالم بدى يزهق : اقووولك قولي لدلع ترسل الخدامات يجيبون لنا قهوة وشاهي .. ما ضيفت الرجال شي ...
لينا : مو لازم يتضيف......
سالم بتعجب : انتي وش فيك اليوم ..؟!؟!؟ تفهمين عربي ولا ما تفهمين ..؟؟ قولي لدلع وانتي ساكتة فاهمة ..؟؟
سكر سالم ولينا جات في بالها خطة ...
( بعد 10 دقايق )
دخلت دلع المجلس وهي شايلة صينية القهوة والشاهي .. ولابسة تنورة وردية وبلوزة بيضا نص كم ... وفاتحة شعرها مع روج وردي .. وداخلة تتمخطر بالصينية ...
سالم : حطيها على الطاولة ..
بس الهبلة لينا مسوية فيها بنت سنعة .. راحت تضيف فيصل .. الا تكب نص الشاهي عليه ....
فيصل نقز مكانه من الشاهي الحااار اللي انكب عليه : آآآآآآآآآآآآآي .......
لينا صرخت وحطت الصينية على جنب .. ووقفت منحرجة من اللي صار : يوووووه ... سوري والله سوووووري .. !!!!!!!
سالم من هبال اخته وقف منصدم : انتي وش سويتي ...............؟؟!؟!؟!
لينا : اولله ما دريت .. آسفة .. انا بمسحه ..
سالم : وين تمسحيه ..؟؟ نادي الخدامة تجي تنظفه قبل ما يتشربه الكنب وما يوح بعدين .....
فيصل يضحك ويخفف الجو : هههههه حصل خير .. ما صار شي .. عاادي .. تصير في احن العائلات بعد .........
سالم : هههههه والله سامحنا يا فيصل .. مدري هذي وش فيها اليوم ... مو على بعضها ابد ......
فيصل : خخخخخ بس اليوم..؟؟ دومها كذا تعودنا ... عااااااادي .. انت هدي وما صار شي .. بس .. شد حيلك وقوم جيبلي ثوب ثاني عشان المشوار اللي ورانا ..
لينا للحين واقفة ف الزاوية وحاطة يدها على فمها من الفشلة .. ووجهها صاير احممممممممممممممممممممممر ...
_________________________________________
@@@@@@@@@@@@@@@@@@@@@@@@@@@@@@@@@@@@
مر العيد على ابطال قصتنا بفرح وسعادة .. الا بعض اللحظات اللي عانت منها بعض الشخصيات ... بس بشكل عام .. كان احسن من العيد اللي قبله ....
بعد 4 ايام رجع ابو عوض وعائلته من دبي مع الكثير من الهدايا للكل..
وبعدها بيوم .. بدت دوامات المدارس ورجع الكل للشغل والدوامات .. بنفسية حلوة ..
ودانة كانت تكافح عشان تخلص الفستان بالوقت قبل الملكة .....
بعد مرووووور اسبووووع ...........
(( بيت ابو بندر .. يوم السبت ))
( الساعة 7 بالليل )
ام بندر : طيب أي واحد بتلبسين ..؟؟ اللي لونه نفس لون الفستان ولا لون الديزاين...؟؟
دانة : اللي لونه نفس لون الفستان .. عشان يطلع مرتب ...
ام بندر علقت الفستان ف الدولاب وقعدت جنب بنتها ...
ام بندر : ترى ملكتك بعد بكرة .. متأكدة انك مستعدة ..؟؟
هزت دانة راسها بالموافقة ....
ام بندر : متأكدة ...؟؟ مو خاطرك بشي بعد...؟؟
دانة حطت يدها على يد امها : لا يما .. تطمني ....
ام بندر والدموع ف عيونها : والله وكبرتي يا دانة ... وملكتك بعد بكرة ... ما اصدق ..!!!
دانة حطت راسها على كتف امها : الله يخليك لي يارب ... !! ولا يحرمني منك ..
ام بندر باست بنتها على راسها ...
وسكتوا الثنتين شوي .. وبعدين
ام بندر : الحين تعرفين وش بتسوين يوم تدخلين على زوجك....؟
دانة باستغراب : أيـــــش...!؟!؟! لا والله .....
ام بندر : خخخخ وش فيك كذا قلبتي وجهك ... يعني وش بيصير ... ما تعرفين ..؟؟
دانة تهز راسها بالنفي وهي فاتحة عيونها الثنتين على الاخير ...
ام بندر : هههههه طيب ما بقولك .. كل شي بيصير بوقته....
دانة : هههههههه ... يا زينك يا يما والله ..........!!!
___________________________________
(( بيت ابو سعود ))
( الساعة 9 بالليل )
كان سعود قاعد ف غرفته ومسكر الليتات وقاعد يكلم بجواله خويه خالد .. اللي صحته بدت تتحسن وصاير يمشي بعكاز واحد بس ...
سعود : اقووول ... انت وجهك وجه طلعة بس .. اخاف تتكسر زيادة علينا .. خلك في بيتك احسنلك ..
خالد : والله حرام عليكم .. يعني يكفي الحفلات وقفناها .. بعد نوقف روحة للاستراحة ليش......؟؟
سعود : ياخي انت ما تفهم .. اقولك الشرطة تحقق ف موضوع الشقة .. تعرف ايش يعني ..؟؟ يعني لو صادوا واحد فينا ... رحنا فيها ...
خالد : انت مو تقول انك مستخدم واسطة كبيرة عشان تتسجل الشقة باسم واحد موجود .......!؟!؟!؟!؟
سعود : أي .....
خالد : طيب ... ليش خايف اجل .. مدام وراك ظهر وسند ....!.!!!!
سعود فكر : يا خالد والله اني خايف .. ابوي سالني اول امس عن الفلوس اللي ف الحساب وما عرفت وش ارد عليه ....
خالد : ووش قلتله ...؟؟
سعود : وش قلتلته يعني ...؟؟ قلت له طلعات ومصاريف عشا وغدا واجار سيارات وشاليهات .....
خالد : يووووه ... الله يستر بس يا شيخ ... طيب البنات ...؟؟
سعود زهق من هالموضوع : ياخي والله مدري .. انا كل اللي اعرفه انهم عرفوا بالشقة .. وقبل ما يوصلون لها شردوا منها الشباب .. وحصلوا البنات .. بس وش صار عليهم ما دريت.. ولا بغيت اتدخل عشان ما اكون ف الشبهة .....
خالد : الله يعين يارب ... خلاص اسمع .. انا لازم اسكر ..
سعود : يللا مع السلامة ...
خالد : مع السلامة ..
سكر سعود عن خالد وهو يفكر بهالورطة الي انحط فيها .... الشقة الي كانوا يسوون فيها احتفالاتهم ويجيبون فيها بنات .. حصلوها الشرطة وحصلوا فيها بنات بس ما حصلوا ربعه .. وللحين قاعدة تسوي تحقيق ف الموضوع.. ولو دروا انه هو اللي مستأجرها .. راح فيها ...... !!!
وبين ما هو يفكر ... جات على باله دلع .. تذكر شلون كلمته اول يوم عيد وابتسمت في وجهه .. كانت هذي اول مرة تبتسم في وجه من يوم المشكلة اللي صارت..
سعود " ياترى هذي وش صار فيها ..؟ لا يكون استخفت او صار شي لعقلها .. معقووولة صارت مجنووونة ...!؟؟! المشكلة مو من عادتها تعطيني وجه ... لاااااا... اكيد السالفة فيها شي ......!!! "
@@@@@@@@@@@@@@@@@@@@@@@@@@@@@@@@@@@@@
(( ورشة ابو بندر ))
( الساعة 10 الصباح )
دخل رائد الورشة مستانس وشاق الوجه ...
رائد : صباح الخير ......
ناصر : جا العريس .. هلا والله صباح النور ...
رائد : شخباركم ..؟؟ شمسوين..؟؟
الكل : بخير الحمدلله ..
دخل يسلم على ابو بندر كالعادة ...
رائد : السلااام عليكم .... صباح الخير ابو بندر ..
ابو بندر متفاجئ : رائد...؟؟ وعليكم السلام .. صباح النور .. شتسوي هنا ...؟
رائد باستغراب : ايش شسوي هنا ...؟؟ انا اشتغل هنا ولانسيت يا عمي ..؟؟ هههه .. لااا .. شكلها الشمس ضربتك زين اليوم ... الله يهديها هههههههه
ابو بندر : خخخخ الله يسعدك يارب دوووم قول آمين ...
رائد مبتسم : آمين .... اجمعين يارب
ابو بندر : صدق والله شتسوي هنا ..؟؟ ملكتك بكرة .. المفروض ما تدوام .. روح جهز عمرك .. فصلك ثوب جديد واشتري لك شمااااغ ... عفنت بشماغك انت .. صارلك سنة ما غيرته ....
رائد : ههههه الله يهديك ياعمي .. الشماغات ف دولابي فائض .. يا كثرهم .. حتى في جدد لسة ما لبستهم ....
ابو بندر : مالي شغل ...ع الاقل روح ارتاح ونام .. اهم شي اليوم انت عريس .. المفروض ما تدوام ....
رائد ابتسم : لا ياعمي .. والله انا كذا مرتاح .. ماله داعي هالإجازة .. ما بعرف اصلا وش اسوي فيها ....
ابو بندر : اقولك رووح .. شوف الوالدة اكيد محتاجتك بشي ولا حاجة ..
رائد ابتشم من قلب : مشكور ما تقصر يابو بندر .. والله جميلك كبير علي ...
ابو بندر يمشيه : روح روح روح بلا كلام فاضي وخرابيط .... اشوفك بكرة ف بيتنا ...
رائد وهو طالع وقف : حتى بكرة ...!؟؟!!؟!
ابو بندر : أي حتى بكرة .. وان جيت طردك من عند الباب ....
ضحك رائد على ابو بندر وانبسط بنفس الوقت انه بيناسب ناس زي هالناس .. طيبة وما تعرف الحقد ابد .....
___________________________________
(( بيت ابو بندر ))
( الساعة 2 الظهر )
كان بيت ابو بندر مشغوووول وحوسة من الصباح ... ترتيب وتجهيز ضيافة .... وام غادة بعد كانت موجودة معاهم عشان تساعدهم .....
ام بندر : يا نورة شرايك احط هذي الكنبة هنا ولا هناك....؟؟
ام غادة : لا خليها هناك ... عشان لما يجيبون الكراسي يكون في مكان لها ...
ام بندر : والله خيمة الرجال اللي مدري وش صار فيها ....
ام غادة : ليش ما شفتيها ...؟؟
ام بندر : لأ.... بندر واقف برى معاهم ... بس مدري وش قاعدين يسوون لازم انا اكون موجودة
ام غادة : خلاص البسي عبايتك وروحي شوفي الوضع ... وانا بقعد هنا واشرف على الخدامات ...
ام بندر وهي ماشية : ماتقصرين ... وقولي لدانة تساعدك ...
ام غادة : انشالله