[أمل الغد]

اقتباس المشاركة الأصلية كتبت بواسطة تناهيد الألم سلامـ .. أخبارك يالغلا لطوفة ـ ؟؟ ان شاء الله امورك كويسه بشرينا بتسافري والا لسه الأهل رافضين ؟.............. انا الحمد لله وصلت اليومـ لأحسائي .. وووهـ اشتقت لها الملتقى بشكل عام جيد ومفيد نوعا ما احس يحتاج لتكثيف وفترة أطول ليتسنى لنا الاستفادة اكثر : الحمد لله ع اخر يوم حصلت طالبتين مبتعثتين لنفس الدولة ان شاء الله نتواصل مع بعض طبعا قبولات لسه ماوصلتنا ولا نعرف متى بتوصلنا مالنا الا الانتظار بعضهم استلمو ضمانات مالية خصوصا اللي بيسافرو الشهر القادم في شغلة مو فاهمة لها كويس اول يوم بالملتقى قالوا لنا ابحثو عن الجامعات الموصى بها في بلد الا بتعاث واختارو لكم كذا جامعه تحصلون منها ع القبولات وفي محاضرة ثانية قالو ان الملحقية هي اللي تختار لنا وتنسق فـ مش عارفة ايش الهدف من بحثي عن الجامعات طالما هم اللي بيختارون لنا ؟؟ وفي محاضرة معادلة الشهادات يقول ان لازم تخصصي بالجامعة الموصى بها يكون مطلوب عشان يعادل الشهادة بعد التخرج لأن على كلامه قد تكون الجامعه موصى بها بس مو شرط موصى على جميع التخصصات اللي فيها يعني لازم اتاكد ان التخصص موصى به والا اغير الجامعه وربي حووسة ويالغلا ياريت لو تفيديني اذا كان عندك خلفية عن اختبارات ielts & tofel اذا تنصحيني بمعاهد معينة تهيئ لهذه النوعية من الاختبارات حابة استثمر وقتي وربي يعطيكِ الف عافية :

وعليكم السلام ورحمة الله وبركاته

أهلاً وسهلاً فيك غناتي تناهيد الالم

كل شي تمام التمام ..

أنتِ أخبارك ..؟ شلونك ..؟

لا والله ماراح اسافر يالغلا محرمي نكب فيني

بس أدعي لي ..

الاحساء هي من اشتاقت لك يالغلا .. نورتيها برجعتك ..

يمكن لان انتوا باليابان ما عطوكم المعلومات الكافية ..

بس أنتي بحثي بالنت واقري كويس ..

حلووو .. لازم تتعرفين على بنات علشان الغربة ..

الله يعينك عاد المكاتب تماطل خلك على اتصال معهم

واااو اشقد عشنا هالمعانه بس حلووة بصراحة ..

لا يا قلبي أنت ماستر يعني الوزارة بس تتكفل بقبولات اللغة

وبعدين انتي اللى تبحثين عن الجامعه مو الوزارة ..

بس طلاب الثانوي الوزارة تتكفل بقبولات اللغة والجامعه ..

امممممممممممم الصراحة ما اقدر افتي لك عن معادلة الشهادة لاني مافهمت للمحاضرة هاذي

وماحبيتها هع

أدرسي لغة هنا طال ماتروحين على اليابان

علشان على طول تنتقلين مستويات عالية ..

وفي معهد نيوهورايزن في حصص لـ أختبارات التوفل

وإذا أخذتي التوفل هنا يكون افضل لانك بسرعه من تقدمين الجامعه يقبلونك


والله يوفقك يارب ..