قنبلة حساسـة .... فجـرت احساس كل من قراءة
موضــوع عن الام ...~
ولكـن ليسـت ككـل الـمواضيع
احساس صادق من القلب للقلب(((مـــــدخــل)))
يمـه تكفيـن ردي لي ياحنان مابقى لي مكان ....
ايه والله ابيك لا تجيني اجيك ... بس حسافة الموت فرقني معاك
غبتي ليه يمـه رحتـي وهجرتي
من بعدك افترقت كل اللمـة
كيف هان عليك حبيبـك يبقى لحاله وسط الظلمـة
كيف غبتي وانتي تدري من بعدك مالي اي لزمـة
طلبتـك ارجـع لي تكفيـن يمـه ردي لي
انا بنتظرك ادري فيك حيل تحبيني
يمـه ليه ساكتـة ؟ طلبتـك لا تطولين في السكوت
يمـه انا ولهـآن عليك من داخل مكبوت ...
يا ناس امي وش فيهـآ ماتحكي لما احكيهـآ
ياناس قول لي نايمـة قول اي شي امي ابيها
لا تقول لي ماتت موتني خذو روحي بس تعيش
انا ما ابغـى نفسي انا بعدك اهلك واطيش
اقبل رجلك ردي لي انا لك اتوسل
انا بعدك حالي تعثر من بعدك وضعي تبدل
هانت سنيني عليك ؟ ما اتوقع
يمـه شوفي عيوني على موتك للحين تتدمع
لو ماتت كل احلامي يايمـه انتي المسؤولة
لو يسآلوني عن آمالي بقول مقتولة
رسمـت حيآتـي معك جهزت معك الطريق
والحين يوم رحتـي تشتت وتبعثر كل التنسيق
يمـه انا محتاجة منتظرك انا وآخوآنـي
من يومك كنتي حنونـة دايم تضحي علشاني
انا عليك ولهان ... يمـه قلبي تعبان
مابين حياتي موتي ردي قلبي الضميان
اتذكر كلماتك لي قبل ما اروح مدرستي
ما انسى كل لحظآتـي معاك ولا عمرك هنتي
يمـه من جدك انتي ..! كيف رحتـي مابقيتي الا صورة من بعدك اشكي
يمـه أصغر اخواني يسالني وينـك عنـه
تؤه صغير يايمـه من بعد ما اتهنـى
من بعدك مات كل الي حولي واثمار الحصاد
من بعدك عشت في ظلمـة انحرمت عيني الرقاد
من بعدك همي آكـل صدري حيآتـي حداد
من بعـدك اتمنى ايامي تنعاد
سآليني عن آحوآلي رقمك باقي في جوالي
برسل انا مشتاق ما اتوقع يوصل مرسالي
قصرت في حقك كم مرة لساني عليك زل
يمـه انا ما ادري كيف اعبر يمه لساني شل
انا ضقت بعدك الاه ... قلبي محروق جواه
اقضي ايامي وانا خاذل يمه عطيني الحل
يمـه انا ندمان من راسي لرجلي مهموم
اصبحـت منتف يمـه يومي من بعدك مشؤوم
والي رفعهـآ سبعـة
اتمنـى اعطيك لك عمري
شوفي في عيوني الدمعـة
شبيت وانا توني في صغري
الوالد باقي محتفظ في صورتك تنور البيت
يمـه ابوي يتآلـم يتندم وانا حسيت
كنتي في حياتـه فجآة عنـه انطفيت
شايف في همه الشيب زاد شيبه يوم اختفيت
طيفـك عذبني وجنني دايم في راسي يتمشى
عشرة سنين وانا اناظر في السماء انتظر رشه
جفيت يا ليت مريت البيت لقيتـك انتي فيه
لفيت هجيت تناسيت مافي شي في الدنيا ابيه
كل ما اطلع طلعـة عالجلسة يطلع طيفك كالعادة
يمـه تفكيري عذبني موتي شرف عداده مشتاق لموتي لجروحي مع روحي ممكن تتقابل
ما اتم عايش خذلان ما ابي اطول وانا خاذل
بس ما ارضى يعيش اخواني والمرة يصبح مرين
سؤآلي لك يايمـه على احزانهـم كيف ترضيـن ...
يعني لو مـت مهمـوم لو عشت بعيش محروم
يعني راح ابقى اتعذب لو مشيت في الدربيـن
ما توقعـت في يوم ارمي امي في التربة
ما توقعـت اني بآيدي ببدى رحلة الغربة
ما توقعت اني احط الرمل على امي الغالية
ما ابي دنيا ما صارت على لساني حالية
اقبل كل يوم رجليك والحين صليت عليك
فديـت عيونـك طلبني انا كلي بين ايديك
آه يا كم اتعذب نفسي ماتدري عنك مكان
آه تدرين بموت بقتل نفسي لو حلال
من العيشة نفسي طابت
كل العادة افراحي خابت
ظنوني كل ما احسبهـآ يمـين تجيني شمال
((( مخـرج)))
يمـه تكفيـن ردي لي ياحنان مابقى لي مكان ....
ايه والله ابيك لا تجيني اجيك ... بس حسافة الموت فرقني معاك
تحيــــــــــاتي \ وحيــــــــد بدنيتــــــي