وعليكم السلام والرحمة اخوي
اول حاجة اشكرك عالمواضيع الرائعة للنقاش
موضوع عباءة الكتف
طبعا اللي يبقي الستر بيتستر سواء عباءة كتف او عباءة عادية
نجي لموضوع العباءة العادية اللي هي مثل مانسميها عباءة الراس
احين صارت مثل عباءة الكتف بالضبط يعني قاموا يخصرونها حيل وتصير تفصل الجسم وهذا صار ملحوظ كثير
عباءة الكتف صحيح تجي عالكتف لكن احيانا اذا جات مرتبة يعني مو مخصرة واسعه ومسكرة تصير ساترة للجسم كله
يعني احين معنى كلامي عباءة كتف واسعه افضل من عباءة راس مخصرة ومزينة صح والا لا
مجتمعنا حاط على عباءة الكتف ليش
لانها اول ماطلعت صار شيء غريب ونادر فاللي تلبسها تصير شاذة لكن احين صار الامر عادي فمايصير شذوذ وبعدين شوف بنات الخليج يلبسون عباءة الكتف بس عادي الامر عندهم لان صار شيء معتاد احنا مع الايام بيصير شيء معتاد
شوف الايرانيات يلبسون (مشامر) يعني لفة بس بس شوفهم مسترين انفسهم
الستر بعباءة الكتف او عباءة الراس واحد
بس اهم شيء
ماتكون مخصرة ولامزينة لان هالاثنين هم اللي بيلفتون النظر
اسفة عالاطالة
بس اتمنى فهمتوا قصدي
تحياتي