[قيثارة]

المشكله أخي زكي في مجتمع لا يرى الا ما بيد الآخرين .. عن تجربه شخصيه ..
ربه منزل زوجها بحاله ماديه ممتازه هاويه للدراسه والكتب والثقافه .. لها نشاطها الاجتماعي بإستضافه برنامج دعاء كميل طموحه .. أكملت دراستها الثانويه بعد 6 اطفال .. فنظر المجتمع لها على انها انسانه فاضيه وماعندها سالفه بعد ماشاب ودوه الكتاب .. والكل يسأل على الله بتدخلين الجامعه وبتصيرين دكتورة وانتي بالاربعين ..
تجاهلت كل التعليقات .. اتمت الدراسه الثانويه واتجهت لدراسات البرمجه العصبيه .. رغم هواياتها المتعدده .. مثل الخياطه القراءه الطبخ .. وتفننها فيها ..
الكل نظر لها انها قويه قلب .. واحنا ما نقدر نصير مثلها ..
مرضت .. تدهورت حالتها الصحيه .. السبب .. هم لم يستطيعوا ان يعملوا وينجزوا ما انجزت فحسدوها بدل تشجيعها وإتخاذها قدوه ..

كثير منا لديه هوايات .. لكن ما ان تبدأ مشروعاً بسيطاً في منزلها .. ليش محتاجه ؟؟ اول سؤال يطرح ..وثاني جمله ... يمه منها تشتغل وزوجها راتبه كويس مدري وين تودي هالفلوس ومدري ليه تجمعهم على قلبها .. سافرت ايه مو من فراغ تدخل خير هي وزوجها او هي وابوها او اخوها راتبه قوي وهي تشتغل لازم كل صيفيه بتروح ايران شهر على الاقل ..


بصراحه لو مجتمعنا يدع الخلق للخالق .. وما يحط عيونه على اللي فيد الغير .. كان شفت الفقير والغني يمارس هواياته ويفتح مشاريع .. ومحد قعد بدون مهنه او هوايه ... لكن العيب كله بهالمجتمع .. يعني مجتمعنا يؤمن ان المرأه لازم يكون شغلها الشاغل البيت والزوج والعيال .. وتفني حياتها تحت رجلينهم .. كبرت الرجل تخلى عنها وابدلها بزوجه اخرى .. او توفى وترك لها ايتام تعيلهم .. الابناء عاقين بها ولا يصرفون عليها .. تبدى تتحسف .. انا ليه ما نميت مواهبي .. ليه ماكان عندي هوايات كان الحين تسليت فيهم وكسبت رزقي من خلالهم ..
آآآآآآآآه في القلب غصه يا أخي الكريم لكن هيهاااااات