شاكر لكم واحب هذا النوع من المدد .
ليس لي خيارات تعالج كل مسأله على حده لانه بالأساس الأهل يريدون ابنائهم يتصرفون بالطريقة التى تعجب تفكيرهم وما يقارب ذوقهم البسيط هذا اكبر عاق يواجهني من اين لي القدره على مسك كلا الكفتين أنا ودي أحافظ على الجو العام بين أاهلي واعيش مع زوجتي بسلام و وئام *
التدخلات بين الأهل كيف أصنع لها حد
لا أحد يقول حاول تطنش خل البيت يضرب فيوز ويشب هم راح يتصافون
ولا تتدخل وحاول تضبط نفسك وووووو
و( احساس) لا تقول تفاهم بين ناس عندهم توافه الأمور مشاكل عظام تهد الجبال
أعترف لك يا( سمكه) أنه فعلا كمال الذوق مسايرة أهل الزوج وهم بعد السياسه محتاجه سياسه أنا أسوي الشيء ابي له نتيجه ولو بعد حين
والأخت (ورود) تعاتب على أيام الخطوبه ليش ما تصير معهد تعليم وتهذيب وتغير في نمط الأفكار
المشكله أيام الخطوبه زي ما قلت كلام فاضي يدخل في جيوب شركات الجوال قرووووش
قبل أيام الخطوبه المفروض اعرف كيف يفكرون أهلي ويش يبون ويش تفكيرهم
قراري الأخير يقول فرق تسد يعني بطلع شقه وكلنا يعرف المعاناه في فتح شقة أولهم الأم تزعل و ثانيها ميزانية خاصة عشان يرتاح الواحد بمزاج طيب وصارت المشاكل دبل عن أولها السلف (وزيد الألم يا قلم)
يقول حبيبي الأمام علي عليه السلام (عليكم بنظم أموركم )
(اللي عنده أحد بيتزوج عن قريب وتلاحظون عليه الصغر في الأدراك علموهم كيف ينظمون أمورهم الحياة موكلها نغم وخاليه من المشاكل بالعكس المشاكل تنمي الذهن وتطيب الفكر في حال شفت المشاكل وعالجت المشكله أفضل من التطنيش والتغابي والصغير أذا مرت عليها تجربه صغيره وحلها بكره يفهم كيف يتحمل عائله في ظرف صعب مو من البدايه يوصل الأمر ل طلاق)