[قيثارة]

ههههههههههههههههه ذكرتوني بأول ما تغطيت وبحكم اني عايشه بالدمام من صغري .. فلبست النقاب من باب انه مثل ما قالت اختي استر يعني بدال لا ارفع وانزل .. وكل وجهي ينكشف .. والنقاب اقصد فيه النقاب الساتر .. مو المزركش ولا الواسع اللي يشمل الوجنات ..
كنت كل ما انزل الحسا تصير لي ميه الف سالفه لان امي تقول لي لا تلبسينه هناك لانه كان مستهجن ومستنكر عندهم وكان حرام وعيب واذايوم نسيت ولبسته وطلعت مشوار ورغم صغر سني يعني اول متوسط يمكن الا اني كنت اشوف النظرات الاستهجانيه في عيون الناس والمجتمع ..
الحين لما صرت انزل الطرف وامشي في الشارع واشوف هالعبي الغير شكل ارجع اقول الله يرحم ايام ما كانوا نفس هالشخصيات تستنكر نقابي الساتر .. صاروا يلبسون صقر وعباة راس مخصره حدها يعني بس اسم انها عباه راس ولا الزنود مخصره والوسع يدوب عشا ما جات نسمه هوا ولا نازله من السيارة الا هالعباه يا لاصقه يا منفتحه على مصراعيها واللي ما يشتري يتفرج ..
اقول في نفسي يااااربي كيف الدنيا تغيرت ..
نقدوا علينا يوم كنا صغار نلبس كابات بعمر الابتدائي وكنا نكره بالنسبه لهم والكل ينقد علينا ما اشوفهم الحين نقدوا على بناتهم على هالصقر ولا النقاب المزركش .. والموضوع كله تقليد اعمى يعني يبون يصيرون متعولمين ومنفتحين ..
لو يجوا الدمام او يروحوا الرياض يشوفوا ان اغلب البنات والحريم اللي يبلسوا نقابات مزركشه او عبايات مخصره او ملونه بشكل مبالغ فيه هم قله بالنسبه للي يلبسوا عبايات ساتره وان كانت عبايات كتف والوانها مطفيه ومو ملاحظه ونقابات ساترة
ظلينا سنين نذوق المر من التعليقات لاننا بنات الدمام على قولتهم ولا نستحي وكل شيء عندنا منفتح والحين احنا ظلينا على ما احنا عليه .. وهم استفرطوا
الله يستر على الجميع ان شاء الله ..
ومشكورة اختي