عمرك عملت مقلب وزعل منك أحد بسببه ؟
بصرااحه ايه يا كثر مقالبي بس بقول واحد سويته في المدرسه لعدد مو سهل
من البنات
وهو اني وديت معي في المدرسه حمض الليمون (( الجوهر)) وشريت بخمس ريال
علب ماي وكل وحده قللت منها اشوي علشان الحمض وكبيت كميه مو طبيعيه ورجيتهاا
وامشي واعطي معارفي واقول لهم انه مقري فيه ويصدقون وما يمديهم يشربون الا والصرخه
تسبقهم ههههههه بس يالله شنو صار بالبنات اوجيهم تتلون بشكل فضيع
واللي جلست بدورة المياه تتمضمض مده واللي اشربت علبة ماي بعده و----الخ
والاغلبيه خذو الموقف بضحك وناسه الا وحده زعلت بس
أكثر شيء أتمناه بحياتي
ان الناااس يتركون اللقافه والتدخل في شؤون الاخرين
* أكثر شيء ممكن يخليني أبكي.
المواقف الحزينه ومشاهدة أي صوره لانسان قد مات أي انسان
بغض النظر باني اعرفه او لا
* أحلى موقف مرّ علي بالطرف
يوم ضحت احد صديقاتي بكل من حولهااا للتبقى معي
وأطرف موقف كان
يوم تنفك جزمتي في الجنادريه وما معي احتياط ههههه
* سؤال ما أحب أحد يسألني إياه
كم راتبك – وكيف سويتي هالشيء
* أكثر شيء يضحكني
طيحت الحريم في الشارع هههههههه يموتني ضحك
والشخص اللي يعصب في موقف ما يستحق اضحك
* أعلى فاتوره لجوالي سددتها كانت
وتلقيت على إثر ذلك تهزيئ محترم
الحمدلله ما عندي حتى الان
* أجمل شاعر أقرأ له : احمد الصانع
وأكثر قصيده حبيتها قصيدة الغدر وقصيده ((ثلاث سنين)) لشاعر اخر
لانهاا تجسد واقع عاشه نسبه من النااااس
* حُلم أتمنى يتحقق
زيارة جميع الاماكن السياحيه وبالاخص ((شرق اسيا ))
والاكوادور وابني اسره مثاليه
/أغرب اشاعه سمعتها أو عايشتها ؟
اشاعه عشتهااا باني محجوزه لاحد الاشخاااص
وهل كنت في يوم من الأيام بطل لإحدى هذه الإشاعات ؟
نعم
ماهي طقوسك اليوميه ؟ ( بالتفصيل الممل )
نوم- دوااام – مطبخ – دراسه- جلسه سوالف- احداث متفرقه
وواجبااات كزياره مريض
.
.
.
سؤال تحب توجهه لأي عضو من أعضاء الطرف ؟ وتنتظر اجابته
اسئل جميع الاعضاء منتدى الطرف ماذا يعني له
.
.
.
أبرز عيوبك ؟ وأبرز مميزاتك ؟ ( بشكل حيادي بحت )
طبعاً في الاثنين سويت عليها استفتاااء لاني بصراحه
مااعرف اقيم نفسي وقالو
مميزاتي : حقانيه وصريحه لحد النخااع
عيوبي: من الصعب احد يدخل مزاجي بسهوله
ومو من السهل يعجبني ذوق احد
وتقبلوا مروري واتمنى يكون خفيف عليكم
شروووووق يعطيك الف الف عافيه على الموضوع المميز
تسلم الانامل يارب