[أول الغيث]

زهرة اللوتس

اقتباس داليا ما أنصحكم فيه ـ أنا ما يجوز لي

فيه بديل له ترى .. و هو " بلو دانا " بس شكلهم كلهم شركة وحدة !!

اقتباس مالكم إلا جودة وبس

و الله مب سهلين جودة .. قاموا يسوون حليب بعد و حركاات ..

مع أن الرمان حقهم يعتبر أسوأ الزينين ..

اقتباس يوم أو حدث لم يكن عابرًا بالنّسبة لأول الغيث ؟؟

كثيرة هالمواقف ( منها المفرح و منها اللي يجيب الكدر )

لكن خل نعطيكم هالموقف << هذا اللي طرى على بالي الحين ..


سلمكم الله في سنة 2007 .. إذا تذكرون .. الدراسة بدأت قبل رمضان بأسبوع أو أسبوعين

المهم أخوكم ما شاء الله عليه من زود حرصه على الحضور و عدم الغياب .. قرر أنه يداوم من أول أسبوع

مع أني كنت متردد .. بس قلت لا ،، يمكن يطلع الدكتور من اللي ما يفوّتون ولا يوم من الدراسة

و أحسن لك تروح لا يسجلون عليك غياب من أول يوم ..


المهم رحت الجامعة .. و كان الوقت ظهر << محاضرة الساعة 1 ..

و يوم قربت أوصل .. إلاّ بذاك الأفغاني اللي يصدمني من الخلف !! ..عاد آنا حزّتها قلت أكيد السيارة راحت فيها

و نزلت أشوف الكارثة .. لكن الحمد لله كانت مجرد ( نتؤات ) بسيطة في الصدام ..


المهم بعدها وصلت الجامعة .. و أتفاجأ بأنها تصفر من الناس و ما فيها أي أحد

فقلت : شاطّ عمري .. و طالع في هالقوايل ،،لا وبغت تنعدم سيارتي و آخرتها تيتي تيتي ،، مثل ما رحتي جيتي ..


المهم رجعت البيت ..و أعلّم الوالد على طول .. عشان إذا فيها قيل و قال خل يطلع من الحين و افتكّ

و صج .. شرشحني لين قال بس .. و بعد ما خلص .. قال : اشلون اصدمك ؟

<<< توّه يبي يعرف السالفة ..


بعدها جاء العصر .. و رحت ألعب كورة .. و للأسف جاتني إصابة في الركبة

مرمرتني ما بين الجبيرة و العكاز و الروحة والجيّة ما بين المستشفيات

إلى أن طبت و لله الحمد بعد عيد الفطر المبارك بأسبوعين تقريباً ..


زبدة الهذرة هذي كلها .. ان ذاك اليوم بالنسبة لي يوم مشئوم لا ينسى .. و هو الأربعاء 22 شعبان 1428 هـ .



زهرة اللوتس .. وصلت الفكرة .. و السؤال انفهم <<< مقدمي البرامج التلفزيونية إذا بغوا يصرّفون المتصل ..