[أحسائية]

اللهم صل على محمد وآل محمد وعجل فرجهم
..
يابحر والعام شطك والله انـه فيـه راحـه
=يابحر واحسّ موجك ياخـذ همومـي بعيـد
جيت اشيل الفين ضيقه ودي ارجع بانشراحه
=فيني قيد وودي ارجع يابحر مـن دون قيـد
ودي اهرب من وجود الهم فيني واجتياحـه
=ودي انسى ودي اضحك ودي اتفجّر قصيـد
ودي ابكي دام عندك تنزل الدمعـه مباحـه
=حتى لو تحرق جفوني لكن يـذوب الجليـد
جيت ادوّر لي زمان وجيت ادوّر لي مساحه
=بس احسّ احساس واحد (يابحر ماني وحيد)
يابحر والحزن طيرٍ كـل مايكفـخ جناحـه
=قلـت آه وقلـت آه وقـلـت آه ولا تهيد
آه من همٍّ سكنّـي وآه مـن هبّـة رياحـه
=وآه تقطع في وريد وآه تقطـع فـي وريـد
آه من ليلي ومني وآه مـن باقـي صباحـه
=وآه من حـظٍّ قديـم وآه مـن حـظٍّ جديـد
آه من جرح الزمان وآه من طعنة رماحـه
=وآه من وقتٍ يخلّـي طيـب النيـات صيـد
يابحر علّم بياض القلـب لا لملـم جراحـه
=يستفيد ان كان وده مـن جراحـه يستفيـد
بعدها يمكن الاقي من عذاب الوقـت راحـه
=يمكن انسى يمكن اضحك يمكن اتفجّر قصيد
..
للشاعر الراحل / بندر السميري رحمه الله