[جهير]

بسم الله الرحمن الرحيم

سلام طاير حاير معطر بعبير الورد وروح المسك لأغلى الناس ..



صباحك / مسائك ورد يا أحلى من الورد..


ياجماعة الخير هذي قصة حقيقيه
في وحده راحت للعمره وهي تصلي بالحرم اللي بذيك الحرمة لي تصلي وتبكي
تصلي وتبكي وتدعي وتبكي
المراة استغربت منها وقالت اكيد لها سالفه وكان كل مابين فترة وفترة يأتي ولد شاب يكلمها ويروح ويشوف شنهو تبغي
المراه اخذها الفضول واجلست بجانبها واسالتها ليش تبكين عسي ماشر
فردت وقالت لها والله من العذاب اللي فيني
وليش؟ شنهو سالفتك؟؟!!
قالتلها اقولك قصتي وبعدين احكمي
كنت متزوجه من زوج ونعم الازواج يحبني ويحترمني ويعزني
بس كان فيني عيب اني ما اييب اعيال وانا حاولت بس الله مارزقني فشرت عليه انه يتزوج ثانيه اهو مارضى بس انا ظليت احن واحن لين رضي
فدورت له على حرمة وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وماتمينا فتره الا والمراه حامل زادت غيرتي المهم جابت له ولد الزوج استانس وفرح وظليت انا افكر بروحي كيف انا شرت عليه يتزوج
في يوم جاني زوجي وقالي بسافر مع حرمتة الثانيه وقال بنخلي الولد عندك
ووافقت طبعا لانه ماكو احد يمسك الولد غيري
سافروا وخلو الولد عندي وكان الوقت شتاء وكنت شابه الدوه(فحم)
والولد عمره تقريبا بين السنه وكم شهر واهو يلعب ويطامر قدامي
وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من هالكلام وفجاه الا الولد يمد ايده بيلعب بالفحم اللي بالدوة ومن ناري وغيرتي مسكت ايديه وحطيتها اكثر بالفحم اللين ذابت ايده وهنا شلتها بعدها مايحتاج اقولك اشلون صارت ايدن الولد
وهنا حسيت ان ناري طفت اشوي نمنا ذيك الليله الا وجنا خبر وفاة زوجي مع زوجته وهم في طريق العوده بحادث
وبقيت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشي
بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان ماقلتله اني انا اللي شوهت ايده
ولازلت اعاني من العذاب وتانيب الضمير وادعي ربي يغفرلي ذنبي
سبحان الله اشلون حكمة ربك انه صار هالولد خير لي لولا هالولد كان انا حالتي حاله
ويرد د الولد واهو خاش ايده ويحب راسها ويسالها ها يمة نروح الحين؟؟؟


الاإله الا الله سبحانك اني كنت من الضالمين
اللهم الاتقسي قلوبنا
وعسى ان تكرهوا شيئا وهو خير لكم

ودمتم بحفظ الله ورعايته