ياغايتي كل ماحدتني الغربه
القى عيونك وتلويحه كفوف الوداع
لك في حناياي حب الماي للتربة
وسوالف من رحلت أشوقها باجتماع
في نبض الارواح صوت الحب وش ذنبه
إذا تركنا حنينه عرضه للضياع
يمكن تقل من رحل ذنبه على جنبه
وبعده طويت الأماني مثل طي الشراع
تتصوراني نسيت معاني القربة
وسريت درب السفر واشعلت لليل النزاع
تعال شف حال مؤمن ساجد لربه
يدعيه في العفو و الرحمة وخير المتاع
توحدت جيوش اليأس والكربة
وخذت منه فوق قدر الحال والمستطاع
ماعاد حتى الصباح أشرق على دربه
ولاعاد للفرحة في صدره أمل واتساع
من غاب ماله حديث الامع الغربه
وآخر حكايات عطر في كفوف الوداع
منقول