بيت هناء
دخلت غرام البيت وهي مبسوطة لأنها بتنام عند هناء خالتها
هناء رحبت فيها
وجلسوا مع بعض
هناء : شنوو صار آخر شي عندك
غرام : مدري
هناء : عندي لك فكرة
غرام : قولي
هناء : حبيبتي يا تسوين سحر يا تقتلين نور
غرام : اقتلها !!!!!!!!!
هناء : أي سمميها مثلاً
غرام سكتت : مدري يا خالة
هناء : لايكون خايفى عادي ياحلوة كنت باسويها لأحمد بس طلع ذكي
غرام : أحمد !!! لا ياخالة إلا أحمد لا تأذيه
هناء : هههههه قلت لك كنت وانا اقصد يوم كان صغير
غرام : اوكي خالة انا راح البس لبس نوم حتى انام
هناء : بدري
غرام : لا انا للحين مواصلة
وقفت غرام ودخلت وبدلت ملابسها
وبعدها لفت نظرها غرفة مقفلة
هاذي الغرفة إلا دوم خالتها ما تدخلها وماترضى حد يدخلها
كانت تعرف وين المفتاح بس مافكرت تدخل
اخذت المفتاح
وفتحت باب الغرفة
لقت فيها مكتبه فيها كتب كثيررة
ولقت هناك حبل وسكين
حست بتقزز من المكان
وبعدها لقت ظرف لفت نظرها على الطاولة
اخذته وفتحته
طلع لها صور
طالعت اول صورة
وشهقت
طاحوا منها الصور
شنووو هذا
معقولة خالتي تسوي كذا
نزلت دمعة من عيونها
وهي تشوف صورة أحمد
ماقدرت تكمل
وانا اقول ليه يكره البنات
ليه يا خالتي ليه
دخلت غرفتها لبست عباتها واخذت شنطتها وطلعت لصالة
هناء : وين
غرام : راح انام بالبيت مدري مو مشتهية اقعد هنا
هناء : براحتك
غرام فتحت الباب وطلعت توجهت للبيت
وظلت طول الوقت متوترة
دخلت البيت لقت امها جالسة تقرأ قرآن
اول مرة تشوف امها تقرأ قرآن
غرام : يمه !!
شذى سكرت القرآن : انتي جيتي مو قلتي بتنامين عند إلا ماتتسمى
غرام نزلت راسها
شذى : غرام
غرام : نعم
شذى : في شي تبي تقولينه
غرام رفعت راسها : يمه انتي وخالتي كنتوا تسون بارتي مختلط
شذى وقفت وبتوتر : وش هالكلام يا غرام حنا وين عايشين
غرام وقفت : ههه عايشين حنا عايشين بزمن ما تثق بأحد
شذى : غرام اختصري شنوو إلا تبيه
غرام : يمه شنوو سويتون انتي وخالتي بأحمد
شذى حست بخوف
توترت
ماتوقعت يجي اليوم إلا تسألها بنتها شنوو كانت تسوي بشبابها إلا ضاع والحين تدفع ثمنه
غرام : ليه ما تتكلمين
طلعت الصور من شنطتها
ومدتهم لها : هذا شنوو يا يمه قوليلي
شذى لقت الصور
وابتسمت : وانتي الحين شنوو تبين
غرام : كيف يا يمه تسوين لولد اختك كذا ياليته كان ولد عمك ولد خالك إلا هو ولد اختك
شذى سكتت ونزلت راسها
غرام : وخالتي كانت تسمح لك
شذى : غرام خلاص اسكتي خالتك هي إلا قطت ولدها علي وماتدري عنه فليه تحاسبني وبعدين خالتك كانت تسوي وقدامه بعد
غرام شهقت
وصعدت غرفتها بسرعة
.................................................. ..................
بيت أبو أحمد
(( نور ))
دخلت لها الكوافيرة وحطت لها ماكياج حلووو
وعدلت شعرها
الكوافيرة : ماشاء الله قمر
نور : تسلمي والله كلك ذوق
الكوافيرة : يا الله انا خلصتك روحي البسي الفستان واحلف لك ان احمد اليوم ماراح يقدر ينام
نور ابتسمت مجامله
وبداخلها
اكيد ماراح يقدر ينام إلا وهو عاطني كم كف
دخلت غرفة الملابس
لقت لها ثوب احمر لحد الركبة
لبسته مع انها مو مقتنعة لأنها ماتحب تلبس قصير
عدلت نفسها بلمسات اخيرة
وطلعت دفعت للكوافيرة لفلوس وطلعت
لبست عباتها ونقابها
وطلعت لسواق حتى ياخذها للبيت
تحس انها مبسوطة مرة اليوم
الله يسعدك يا اريام
تستاهلين كل خير
وقف السواق عند الباب
نزلت وفتحت الباب الصغير ودخلت
المجلس
لقت البنات
سلمت عليهم
وسالتهم عن اريام
ريمه : في غرفتها
توجهت بسرعة لغرفة اريام
وفتحت البا ب
نور : السلام عليكم
اريام : وعليكم السلام
نور : ريموو تهبليييييييييين
اريام بخجل : تسلمي
نور ابتسمت لها
اريام : نور انتي مو بس تهبلين إلا طالعة قمر
نور : اكيد منوو اختي
اريام ابتسمت لها
نور : يا الله اطلعين البنات ينتظروكِ برا
اريام وقفت بتوتر
نور مسكت يدها وطلعوا برا الغرفة
.................................................. .......
بيت أبو راشد
(( هبه ))
تجهزت ولبست ثوب ابيض فيه شريطة سودا وبعدها لبست اختها الصغيرة اسماء ثوب وردي ناعم
حست بالخجل انها تكلم مازن وتقول له انه يوصلها
خلت عباتها و
ظلت خمس دقايق وجوالها بيدها
دق
رفعته بسرعة
هبه : هلا مازن
.....: مازن!!!!! لهدرجة تحبيه
هبه خافت وسكرت الخط بسرعة
وبعدها دق ودق
رفعته بخوف
هبه : نعم
........: هبه حرام عليكِ انا مو قادر انام الليل من كثر ما افكر فيكِ وانتي ما عندك إلا مازن إلا يحب وحدة غيرك ويبي يلعب بمشاعرك
هبه توترت : انت منوو شنوو تبي مني
.........: هبه انا ولد عمك
هبه : أي ولد عم انت من وين طلعت لي
..........: بيجي اليوم إلا تجين عندنا وابوكِ وامك يعترفون لك انتي يا هبه مو بنتهم
هبه خافت وقفلت الجوال بسرعة
كلمته تتردد
انتي مو بنتهم
انتي مو بنتهم
انتي مو بنتهم
انتي مو بنتهم
مو بنتهم ؟؟ليه انا منووو
نزلت من عيونه دموع
لكنها مسحتها بسرعة لما لقت الباب يدق
وقف وفتحته
لقت مازن بوجها
طالعته ونست ان ماعليها عباة
مازن طالعها
وسرح
هبه طالعته
وبعدها سكرت الباب بسرررعة
تحس بالخجل
دقات قلبها تزيد
كيف فتحت له الباب كذا
عن جد غبية
مازن من ورا الباب وهو مبتسم : هبه انتظرك برا
هبه ابتسمت لختها إلا تطالعها
لبست عباتها
ورتبت اختها مسكت يدها وطلعوا
من الغرفة
مشت ومرت من الصالة
ارتاحت لأن مالقت ام راشد إلا تحب المشاكل
فتحت الباب وطلعت لقت سيارة مازن واقفة
اخذت نفس مسكت يد ختها
ودخلت السيارة
سكرت الباب
وحرك السيارة
ظل الصمت بينهم
هي سرحانه
بلي قاله لها
الشاب المجهول إلا ماتدري منوو هذا ومن وين طلع لها بحياتها
قطع صمتها مازن وهو يقول لها انهم وصلوا
هبه فتحت الباب
نزلت اسماء
هبه : مازن شكرا
مازن : العفووو
سكرت الباب ودخلت البيت
ودخلت المجلس
لقت اريام والبنات
سلمت على اريام
وجلست جنب نور
نور : هلا بالحلوة
هبه : هلا نور ههه حلوة انا ولا شي لما اجلس جنبك
نور : لا لاتبالغي
ريمه : نور شافك احمد
نور : لأ
ريمه : هههههه والله زوجك باين عليه رومانسي بس ما يسوي حركات قدامنا
شهد : ههههه محتفظ بحركاته ببيتهم
نور طالعتهم
وبعدها صار وجها احمر
البنات : ههههههههههههه
نوربخجل : هي خلااااص ولا راح تشوفين ياريمه بخطبتك تعليق ماقد شفتيه
ريمه : آآآه قولي إلا تقوليه بس خلي فارس الاحلام يجي
شهد قرصت ريمه
ريمه : آآآآآآآآآآآآآآآه
شهد :هههههه جالسة جنب اخته بعد
ريمه طالعت شهد يتهديد
شهد : الحمد الله اني ما احب
نور : ههههه اما ريمه مافي شاب بالعالم كله ماحبته
غرور : هههههه
مرام : غرور انتي بأي شهر
غرور ابتسمت : بالشهر الأول
التفتت نور لقت ندى
جايه لهم
ندى : بنات يا الله محمد راح يدخل
قاموا البنات بعضهم طلعوا
وبعضهم لبسوا عباياتهم
ريمه : وااااي احب هاذي اللحظات
شهد : انا مثلك ههههههههههههه
نور : يا حبكم للأحراج
اريام وقفت
تحس انها متوترة الحين راح يدخل
أم راشد ابتسمت وهي تدخل ولدها محمد
محمد
تقدم لها وهو مبتسم وقف جنبها
ولتفت لها
انصدم وهو يشوفها
عن جد ضنيتها صغيرة
عمرها مايتجاوز 23
ظل سرحان فيها
والبنات يبتسمون ويتغامزون
اريام نزلت راسها بخجل
وبعدها لبسها الخاتم
ريمه : واااااو طالعين وجها
شهد : نور اختك بيصير لها شي اليوم
نور ابتسمت
غرور : نور جوالك يدق
نور : هاااا
غرور : جوالك
نور اخذت جوالها
لقت أحمد يدق
طلعت برا المجلس
دخلت غرفتها القديمة
نور : احمد
أحمد : نور يا الله طلعين
نور : ليه
أحمد : انا برا
نور : بدري
أحمد : نور بلا غباء يا الله طلعين
نور بقهر : طيب
سكرت الجوال
كل شي على كيفه
لبست عباتها وطلعت من الغرفة ودعت البنات وطلعت
كانت تتمنى انها تنام الليلة مع اختها بس للأسف
أحمد مو مخليها بحالها
(( في الغرفة ))
دخلت اريام ومحمد الغرفة وقعدوا بحالهم
محمد : كيفك
مرام منزلة راسها : الحمد الله
محمد ابتسم : ليه خجلانة
مرام: لا بس
محمد : راح تظلين كذا منزلة راسك
مرام رفعت راسها بخجل
ولقت محمد يطالعها
حست بدقات قلبها
هذا محمد
إلا ضنيته اصغر مني وضنيته بالعشرين
آخر شي توقعاته انه يخطبني
محمد ابتسم : سرحانة بشنوو
مرام : هااا انا مو سرحانة
محمد ابتسم : اخاف بس من شفتيني نسيت الدنيا عادي اخذي راحتك ماالومك
مرام : هااااااااا ماشاء الله يا واثق
محمد : ههههههههههه امزح
وقف : يا الله حبيبتي انا طالع تبين شي
مرام : سلامتك
طلع محمد
وهي ظلت تطالعه
قال لي حبيبتي
يعني تقبلني
ابتسمت وطلعت من الغرفة وتوجهت لغرفتها بعد ماطلعوا كل البنات
.................................................. ........
بسيارة أحمد
ظلوا ساكتين
أحمد
سرحان يحس بالتعب
تذكر مكالمة
أمه له
هناء : احمد
أحمد : انتي شنوو تبين
هناء: ولا شي بس ابي اقول لك تسجل كل شركات ابوك بسمي والحين هم شركاتك
أحمد : وبصفتك منووو اسجلهم بسمك
هناء : انا امك مو بس تسجل لناس وناس
أحمد : شوفي اسجل بكيفي لو اسجل كل املاكي بأسم صاحبي كيفي وبعدين لا تكلمين على هالرقم مرة ثانية
نور تحس انها راح تثور بأي لحظة
وبدون شعور
صارت تتكلم مع نفسها وهي مو حاسة
نور : الغبي هذا يجي بكيفه ويروح بكيفه ولا يقول ما يتشرف اجلس معه بالسيارة طيب ليه جاي عن جد يـ
أحمد قطعها : لهدرجة ماتقدري تكلميني
نور طالعته : متى راح نوصل
أحمد وقف السيارة ونزل
نور التفتت لقت انهم داخل البيت
عصبت دخل البيت ؟؟؟
سكرت السيارة
ودخلت
فتحت الغطا
كانت راح تتكلم بس سكتت لما لقت أبو أحمد
نور : السلام
أبو أحمد : هلا نورالغالية
نور : تسلم يا عمي
أبو أحمد : شبلاكِ يا بنتي معصبة
نور : لا انا مو معصبة
أبو أحمد : إذا على أحمد سامحيه ترا أحمد طيب بس هو مريض نفسيا واتمنى انك تقدريه
نور : طيب ليه مايتعالج
أبو أحمد : حاولت فيه بس هو مو معترف بمرضه و يضن ان اعتقادته صحيحة
نور : طيب ليه يكرهنـ
سكتت
شنوو اقول لأبوه ليه يكرهني
ليه تزوجني حتى يذلني
ليه وليه
لقت اسألة كثيرة
اكتشفت انها ماتعرف ولا شي عن احمد
حتى عمره كم ماتعرف
نور : عن اذنك
صعدت في الطابق الثاني
وهي سرحانة
دخلت الغرفة
ولقت أحمد مستلقي ومتمدد على نهاية السرير ومغمض عيونه
سكرت الباب بهدوء حتى ما يحس
أحمد كان سرحان بأمه
هاذي ام
عمرها ماحسسته بشي اسمه حنان
يصير لها سنين ماتدري عنه
كرهته بكل شي كرهته بنفسه
زرعة بقلبه الأنتقام لكل بنت
فتح عيونه
أحمد : طفين الانوار
نور : شنووو
أحمد : إلا سمعتيه
نور : طيب بس شوي
توجهت لدولاب اخذت لها لبس نوم مرت من عند احمد
احمد ابتسم ومد رجله
حتى تطيح
نور ما انتبهت له وطاحت عليه بالسرير
أحمد
بعدها عنها
وبأرتباك : انتي ماتشوفين
نور : لا كيف اشوف وانت ماد رجلك
أحمد : كنت ابيكِ تطيحين بألأرض مو فيني
نور : يعني متعمد !!!!
أحمد وقف : أي متعمد
نور وقفت بجنبه : انت ليه كذا انسان غبي وتافه تحب المشاكل انا مو فاهمتك يا احمد حاولت افهم اتقرب منك لكنك (( بعصبية )) انسان غامض وبنفس الوقت سخيف ومريض و تبي أي مشكلة وتـ
قطع كلامها
لما لقته يضمها
نور تنفست بقوة بين احذانه
هذا شنو يسوي
أحمد بهمس : كثر ما اكرهك كثر ما اني محتاج لحنانك
مرت دقيقتين
وبعدها بعدها عنه بقسوة
أحمد وهو طالع من الغرقة : غبية
سكر الباب
نور جلست بالسرير
للحين مو فاهمة شي
أحمد ضمني !!!
ابتسمت
طيب يا احمد الايام بينه وإذا كنت خافي سر يوم من الايام بكشفه
وقفت كلامها
شنوو يقصد محتاج حناني
عن جد غرييييب
(( أحمد ))
طلع من الغرفة
ليه تهورت
لهدرجة اثرت فيك
من حلاتها ولا حلاة كلامها الثرثارة
دخل غرفته إلا كان ينام فيها قبل ما يتزوج
القى نفسه على السرير
نور انتي شنووو بالنسبة لي
معقولة تكونين غير عن البنات وصادقة وماتخونيني
.................................................. ...............
اليوم الثاني
(( بالمدرسة ))
دخلوا البنات المدرسة وهم خايفات
من النتيجة
غرور اخذت شهادتها
كانت نسبتها 85
ماتضايقت لأنها حست بالفترة الاخيرة ما ذاكرت عدل
طلعت لزياد إلا ينتظرها برا وهي مبسوطة
زياد : واخيرا ارتحتنا من هم المدارس
غرور : طيب ماراح تقدم لي شي بمناسبة نجاحي
زياد ابتسم لها : ياحبك للأستغلال
( ريمه )
ريمه : شهد تتوقعي كم نسبتي
شهد : عن جد خايفة
هبه : وانا بعد
نور : انا مو خايفة احس اني قدمت حلووو خصوصا ان اخوي ساعدني بالمذاكرة
شهد تطالع ريمه : هههه يااااااي على الحنونييين
نور ابتسمت
اخذوا البنات الشهادة
نور اخذت 99 %
هبه 97 %
ريمه وشهد 89 %
نور : ماشاء الله مثل بعض
ريمه : هههههه اكيد
نور : مو خوفتي إلا غش بغش
شهد : لاتشوفين نفسك علينا ان نسبتك حلووة
ريمه : أي والله وجع اعطيني نسبتك
نور بفخر : اقول اخوي ينتظرني باي
هبه ابتسمت لها : مع السلامة
شهد : قولين لأخوكِ في ناس تسلم عليه
نور : شنووو
ريمه : هههه تقصد ان تروحين وتوصلين بالسلامة
نور : طيب مع السلامة
البنات : الله يسلمك
طلعت نور
ولقت سيارة عبد العزيز
دخلت وسلمت على اخوها
عبد العزيز : ها يا حلوة بشري
نور بأبتسامة : 99%
عبد العزيز ابتسم : مبرووووك
نور : الله يبارك في حياتك
عبد العزيز : أي نور حبيت اقول لك تحدد زواج اختك بعد شهر
نور : عن جد احس ان شهر مايكفي بس يا الله الله يسعدها
.................................................. ...........
بيت متعب
متعب : وين الفطور ؟؟
شروق ابتسمت
متعب : شروق تقوليلي قوم وقوم وآخرتها حتى فطور ماسويتي
شروق : اكيد لأنك راح تفطرني بمطعم
متعب : لا والله
شروق : أي
متعب : ماشاء الله
شروق لبست عباتها : يا الله لك خمس دقايق انا انتظرك هنا
متعب : ولا مخططة بعد
شروق : متعب الوقت يمضي
متعب جلس
شروق : متـــــــــعب
متعب وهو يخفي ضحكته : نعم
شروق : يا الله قوم
متعب وقف : انا طالع برا
شروق وقفت معاه : قول كذا من الاول
طلعوا من البيت دخلوا السيارة وراحوا يفطرون
.................................................. ..............
بيت أبو ناصر
جلست شهد بحالها بالبيت
بعد ماطلعت ياسمين بيت زوجها
تحس بالفراغ والملل
رفعت جوالها وكلمت سارة
شهد : الووو
سارة : هلا شهد
شهد : هلا فيكِ
سارة : وش تسوين
شهد : ابد جالسة بحالي ومتمللة
سارة : ايش رايك نطلع
شهد : وين نروح
سارة : أي مجمع نتسوق فيه
شهد : طيب
سارة : اوكي بعد ساعة راح اجي لك
شهد : اوكي
سكرت من سارة وقامت تلبس
.................................................. .............
(( نور ))
طلعت لصالة
وجلست
دق جوالها
لقت رقم ما عرفته
ردت
نور : الوو
غرام : اهلين انتي نور صح
نور : أي منوو معي
غرام : معاكِ مروج
نور : هلا مروج انتي تعرفيني
غرام : أي انا معك بالمدرسة وحبيت اصاحبك وابارك لك على زواجك
نور : الله يبارك لك
غرام : ما تبي نلتقي يوم من الايام
نور : اكيد ابي
غرام : خلاص حبيبتي انا ابي اشوفك ضروري لأن عندي كلام ابي اقوله لك
نور : اهاا
غرام : ايش رايك تجين لي يوم الجمعة
نور : والله مدري راح اسأل زوجي
غرام : تسألين زوجك
نور : شنوو
غرام : لا ولا شي اسألينه انا انتظر ردك باي
نور : باي
سكرت من مروج ( غرام )
ولقت أحمد نازل ومعاه شنطة سفر
نور وقفت : أحمد انت مسافر
أحمد : أي
نور : وراح تتركني هنا بحالي
أحمد : نور لا تسوين فيها بريئة اقول انبسطي لأنكِ ماراح تشوفيني وتشوفين زوجك المريض
نور رفعت راسها : احمدلا
أحمد قطعها : انا طالع ومدري متى راجع لأن عندي شغل مهم
نور : طيب تروح وتجي بالسلامة
.................................................. ........
في السوق
جلست شهد وسارة بالكوفي
سارة وهي تشرب الكوفي : شهد هذا خالد صح
شهد التفتت : هاااا
سارة ابتسمت : طيب يا خالد وين راح تهرب مني
رفعت جوالها و دقت عليه
شهد : شنووو راح تسوين
سارة ابتسمت : الووو خالد .. كيفك .. افا ليه تكلمني كذا .. خالد انا احبك .. شنووو هههه وإذا تبي تعرف اني صادق انا اسمي شهد ناصر هههه
التفتت شهد بسرعة لسارة
وخذت منها الجوال
وسكرته
شهد : ليه سويتين كذا
سارة : مزاج
شهد : انتي تافهة
سارة : شنووو
شهد وقفت : خسارة اني صاحبتك
مشت عنها
طلعت من المجمع
فتحت شنطتها لقت جوالها مغلق وماعندها إلا بطاقة
ياربي منوووإلا راح يوصلني البيت