• من يوم كنا بنات صغار وحنا نعاني من هالمشكلة وقت طلعتنا من البيت نلقى جماعة متجمهرة عند عتبة الباب لازم نقول لو تسمحون نبغي نمر ولين كبرنا صرنا حريم وقمنا نروح الحسينيات ويقول الشيخ يا حريم لا طلعون إلا بعد عشر دقايق من طلعت الرجال حتى ما يصير اختلاط وقت الطلعة ونطلع بعد ربع ساعة طبعاً :No ...... ... الخمس دقايق لتوديع الحبايب وهم نشوف أربعة ولا خمسة في الطريق واقفين يسالفون والحل ...... يا شباب ؟
• في الشتا القارس طبعاً الحريم ما يهدون الدوارة في البيوت وأنا منهم حبيت أزور جدتي وطبعاً منتجع البلاعات " عزكم الله " في الراشدية سيارة مرت بسرعة وطشرت ما في البلاعة على ..... :Crying طبعاً صارت عباتي قماش أسود مشجر بالطين .
وبعض الشباب الطايش يشوف التفحيط على البنات الطالعين من المدرسة مهنة لازم يمارسه كل يوم ظهر يخوف البنات :Down ، هذا غير عدم احترام الحريم اللي يقطعون الشارع في حالات كثير يكون من حق الحرمة تمر :H_angry وطبعاً السواق يشوف نفسه مو ملزوم يوقف .... والله حاله .
• وهناك في بلدتي الحبيبة مكان استراتيجي يمر منه الجميع الصغير قبل الكبير " الشرقية " لو بغت الحرمة تمر تشوف صبيان يعفسون في القواطي وشباب الله يهديهم يحلون قضية ... وبعض الشياب ما عندهم سالفة فارشين حصير وجالسين يناظرون اللي راح واللي جاي :Exclamation والحرمة منهم .... والحل ....... يا شياب ؟
• الأولاد مسوين لهم ملاعب في كل صوب ... يوم بغيت أمر :Sorry قال الصبي : وقف للمره بتمر قال الثاني : خلها تولي ما لقت مكان تمر إلا من هالملعب نعطل نفسنا علشان كل لحين حرمة مرت ...... بعد اللي سمعته لازم أمر بحذر علشان ما تجيني الكرة :Oc_Sun1 ........... والحل يا صبيان ؟
• وبعد حصل موقف لبنت تذكره لي تقول: موقف من أيام الابتدائية أنا وبنت عمي مارين الشارع ومر ولد على السيكل ومد يده وسمعنا صوت ضربة " بزخة " :Eyes طبعاً كانت البزخة على ظهري وبنت عمها إلى الحين ماسكه عليها الموقف ضحك :Laughing ....... وبعدين وياكم ما تحترمون الحرمة اللي في الشارع.
•قالت وحدة من الأخوات تعاني من أولاد الفريج كل يوم خنقه ومضارب وكل يوم نعال وجزمه وحصاه داخل البيت وكل يوم والثاني الجرس رن عطونا :Sorry الكرة والنعال ....... إلخ من الإزعاجات اللي تجي من الشارع .
• من سوالف الحريم في الشارع تقول حرمة كانت في السوق مع زوجها من الغطوة ما شافت طاحت طبعاً ما قال لها زوجها أسم الله عليج بس قال : أنت عميه ما تشوفين :Eyes ........... والحل يا زوجها تلبس نقاب ؟
وهم لطاحت وحده من البنات تسمع ضحكات من الشباب بصوت عالي اللي تحرج البنت :Laughing .
• ومن سوالف البنات الابتدائية في الشارع إذا ركبوا الباص الأصفر " الحافلة المدرسية " يقول راعي الباص أتزاحموا في مكان وبعد أتزاحموا لين تشوف اللي جنب الباب شنطتها تحت ونعالها" عزكم الله" فوق والغطوة ممصوعه ومسكر عليها الباب " الله يرحم حال هالبنات :Smile04 ......... والباقيات الصالحات يصحون سواقنا عاش .. عاش باق الدجاجة ونحاش :Hi_3 وما يدرون المساكين هم اللي صايرن دجاج في هالباص...... والحل معاك ياراعي الباص
• بعد سالفة إزعاج الجرس تشوف الواحد كل ثانيتين يده على الجرس يصيح ورجله على الباب ترقع في الباب ، وأنا مو بيدي حيلة أقلي السبوسة :Exclamation .......... والحل مع هالباب نطفي الجرس ؟
لابد أنعي فن التعامل مع الناس سواء في البيت أو في الشارع أو في أي مكان وخصوصاً مع النساء " الضعيفات "
والبعد عن مضايقتهن وإزعاجهن والسماح لهن بقطع الطريق ....اسمحوا لي على السوالف الطويلة بس حبيت أنقل راي الأخوات ومايعانونه من إزعاجات .