[عطر فواح]

السلام عليكم ................

الحالة الثالثة /
تخيلوا شخص متزوج اثنتين مو ثلاث أو أربع
في بداية شهر ذو الحجة الماضي طلعت رحلة مع المدام لزيارة كل المجمعات التجارية للملابس النسائية
(وصراحة أنا شاغلني الزيادة في المجمعات التجارية يعني بعد كم سنه لازم نزود مدة الرحلة )
بس معليه المجمعات التجارية أحسن من الأحزاب السياسية .
صحيح الأحزاب السياسية نطرح فيها أفكارنا و نتناقش في أمورنا بس يمكن نأخذ فيها علقة ( خلوني ساكت )
أما المجمعات التجارية بس فيها تضييع للوقت وتحتاج راتب شهر او نصف شهر بس على الأقل نلبس ونأكل ونتفسح ونشوف الناس وبالخصوص العوانس ( كل رجال معه خمس أو سبع نسوان وحده زوجته والباقي أكيد فيهم عانس أو يمكن يصيرون عوانس )

المهم وأنا طالع من أحد المجمعات التجارية شفت واحد من الزملاء أيام الجامعة . سلمت عليه وبعد كلام قليل معه قلت له أين تشتغل الآن . قال مثل ما تشوف باص صغير جالس أكد عليه . أوصل طالبات للجامعة و حريم للفاتحة وووووووو
قلت له تمام يعني ما نقطعت عن الجامعة . قال ايه جالس أحضر الماجستير في التوصيل . قلت له و ما هو
أخر ما وصلت له من تحضير للماجستير . قال تطوير توصيل الطالبات و تقديم خدامات أكثر لهم .
قلت له أجل الجيش ( البنات ) اللى معاك الآن هم طالبات يتسوقون في المجمعات من ضمن الخدمات . جلس يضحك وقال لالالا هؤلاء الحرس الخاص ( الأهل )؟؟؟؟؟؟؟؟؟؟؟؟؟؟
قلت له أجل ما طول عليك وخليك تروح تقود ( ترئس ) الكتيبة العسكرية بعدين يخافون اللى في المجمعات ويفكرون انه فيه عملية إرهابيه بتصير في أحد المجمعات . قال لالالا بالعكس يفرحون أصحاب المجمعات ويرفعون الأسعار .
ولا تخاف أنا حاط عليهم ضابطه فاهمة تعرف كيف تدير المعركة في المجمعات ومدربه على كل أنواع الأسلحة والذخائر مو مثل الجنود ( البنات العاديات ) ما يعرفون يستخدمون حتى رشاش كلشنكوف .
قلت له تمام أجل أنا عندي لك اقتراح . بس قبل ما قوله لك قول لى كيف بتخليهم يتسوقون في كل المجمعات التجارية النسائية . قال لى قلت لك عليهم ضابطه فاهمة وتعرف قدرات جنودها ( البنات ) وتعرف تحلل أسعار وخطط أصحاب المجمعات وأنا دائما أستشيرها في كل صغيره و كبيرة . وقبل ما تدخل المعركة ( المجمعات ) ترفع معنويات الجنود ( البنات ) وأحيانا تخدعهم وتقول لهم هذه المعركة ( المجمع ) كل شي متوفر فيه وتمدح و تمدح فيه وفيهم و تقول لهم لازم نخلص المعركة ( المجمع ) بسرعة علشان نطلع بأقل الخسائر . ( صراحة أنا أدهشتني فكرة أضابطة . وقلت السنة هذه لازم أطبقها ).

المهم ما طول عليكم الكلام اتفقت معه أن نلتقي في العيد . وقال لى اريد اسمع اقتراحك

اتصل فيني يوم ثاني العيد و تفقنا وطلعنا في سيارتي نتمشى في الهواء العليل اللى بين النخيل

قال لى يالله قولى شنو اقتراحك . قلت أنا امزح معك قال انزين امزح معي وقول لى اقتراحك

قلت له أنت تقول أن الضابطه اللى تدير الكتيبة عندك زينه وفاهمه وتعرف كيف تدير المعركة في المجمعات التجارية النسائية قال ايه وهي خريجه الجامعة والحوزة الدينية . قلت له أجل ليش ما تفتح مكتب يستقبل الجنود ( البنات ) اللى ما يفهمون علشان تدربهم وتعتني فيهم وتخليهم معاها يدخلون المعركة ( المجمعات ) علشان ما يقدر أي ارهابي أوطائش يطلق عليهم رصاصه ويقتلهم أو يجرحهم . ولا تخاف كثير من الأولياء راح يسجلون جنودهم عندكم وبفلوس لانهم يخافون عليهم من الطائشين ويعرفون ان جنودهم مو مدربين . وما عندهم وقت يروحون معهم المعركة ( المجمعات التجارية ) .
فرحني و قال الفكرة حلوه ومقبولة بس عليها نقاط كثيرة أهمها كيف نتحكم في ذوق البنات والغيره اللى بينهم ( كل وحده تبي تشتري من مجمع أسعاره أغلى و ما حد يشترى مثلها علشان تبقي هي المميزة والنجمة الوحيدة ) عصبت عليه وقلت له أجل قل لأولياء الأمور أي بنت بكر ( غير متزوجة ) تدخل السوق وحدها تعتبر انسانه رذيلة وجالسه تشوه سمعتها وسمعت أهلها بيدها وإذا صابتها رصاصة طائشة لا تلوم إلا نفسها . لأنها دخلت المجمعات بدون حماية ( أب أو أخ أو أو أو )

وقول للبنات المحترمات وخصوصا الغير متزوجات أعرف انكم محترمات ومالكم ذنب لكن الطائش يطلق الرصاص في كل اتجاه ويدمر ويصيب حتى الأطفال و الكبار ( من فيكم يقدر يدخل مجمع الراشد ) أعرف أنكم تحبون تدخلونه وتقدرون تدخلونه بس ما تدخلونه لان فيه رصاص يمكن يصيب ويشوه سمعتكم ؟؟؟؟؟؟؟؟؟؟ أنا أخجل اروح سوق الحب في الدمام بسبب أسمه فقط

المهم بعد ما شربنا العصير ( أنا شغف وهو كوكتيل ) قلت له عطني أخبارك وسمعت أن أبوك تزوج ثانيه

قال تزوج و رتاح و عمل لنا رجه في البيت . قلت له رجه ( هوشه )؟؟؟؟؟؟؟؟؟؟؟؟

بكره أقول لكم القصة وسامحوني ومع السلامه