عليكم ...............
أنزين كيف اثبت لك أني مو سببها واني ضحية لها .
ومن انا علشان تثبتين لي . ثبتي حق نفسك أنت التعسانه .
وكيف اثبت حق نفسي ؟
شنو شايفتني طبيب نفساني أو حلال المشاكل ..... انزين ما تقدر تساعدني . !!!!!!!!!! اوكيه
أعتقد ( طبعا من وجهة نظري الخاصة ) لازم تحاكمين نفسك ( يعني تعترفين بالمشكلة )
والتعاسه التي أنت فيها من هو سببها ( يعني تحللين المشكلة ) وكيف حلها ( طبعا تختارين حل شرعي ومنطقي )
أنزين أنا المتزوجة اعترف انه عندي مشكله ( التعاسه )
أنت ساعدني في تحليلها ( بس أنا مو خبير في هذه الأمور و تحليلاتي يمكن تكون مزعجه وسخيفة ) معليه يمكن أقدر استفيد .
أعتقد ان الأزواج ( الرجال ) يمكن تعكر حياتهم أمور بسيطة ( مثل العادات والتقاليد و أسلوب إدارة البيت وتنظيمه ) . وضح وضح أكثر .........
القوامة التي عند زوجك تحترمينها أو تتمردين عليها !!!!!!!!!!!!!! ( الرجال قوامون على النساء ) .
أكيد أحترمها شنو شايفني وحده ساذجة أو مو ملتزمة . ( أختي أنا ما قلت عنك كذا . بس أريد اساعدك وانت حره ) أوكيه كمل :
- الكلمات التي تتكلمين بها في البيت . تشترينها من سوق الادب في المكتبات والمعاجم الزينة أو من أسواق الخردة و المهملات .
- إذا دخل زوجك البيت تستقبلينه بابتسامه ( وتقبلينه بس مو جمب العيال ) أو تنادينه للمطبخ علشان تعطينه لسته طويلة من الطلبات . ( تبين تعرفين أن طلباتك ضرورية أو لا ) أي أمر أو طلب يجول في بالك قبل ما تطلبينه . سئلى نفسك لو كنسلته أو أخرته شنو راح يصير . ( أكيد ما تنقلب الدنيا و تصير بينك وبينه هوشه ) .
- إذا جلس يريد يرتاح تجيبين له ماء أو عصير وتدلكينه عن التعب أو تعطينه ملفات العيال أو يشوف لهم حل .
( أنصحكم أخواتي بسياسة التدليك تري الحوار فيها يكون هادئ ولطيف )
- راتب زوجك القليل تعرفين وين يصرفه أو تخافين يخزنه حق الزوجة الثانية ولازم تصرفينه بأي طريقه .
( يعني إذا زرتي وحده تتفرجين على بيتها الجديد بدل ما تباركين لها . تقولين حق زوجك " خلف الله علينا "
الناس ساكنين في قصور فخمه وزينه وحنا جالسين في عشه حق غيرنا ) لالالا أنا اصلاً إذا ازور أحد أول مره لازم اشتري لهم هديه . ( تهادوا تتحابوا )
( انزين إذا زرتي وحده تعرفينها وشفتي عندها خير ونعمة زينة . بدل ما تطالبين من الله يزيدها ويعطيك مثلها ليش تحتجين عند زوجك على النعمة التي أنت فيها ) وين القناعه أو فقط سمعتي عنها وما تعرفين تطبقينها .
وقبل ما ودعكم اليوم . تذكرت قصه وغصب غصب أقولها لكم يمكن منها تستفيدون .
مع السلامه بروح اكتبها .