الغريب أنت هاجرني وانا أموت فيك ...
والمصيبة أحبك حيل واعشق جفاك
لو جفيت أنت الأول والأخير ارتجيك ...
تدري أنّي متيّم وأنت تعرف غلاك
لا يهمّك على كيفك أنا منك إليك ...
اجفني عام كان اللي مضى ما كفاك
( يا عسا وعل ) في يومٍ يجي ما أجيك ...
خلّني علّني أنساك وأنسا هواك
لكن المسأله صعبه على من يبيك ...
كيف وشلون بنسا ذكرياتي معاك
ما به إنسان خايف مثل خوفي عليك ...
مدري شلون قلبي حبّك ولا نساك
ليه قلبي يغار من أي شخصٍ يجيك ...
حتّى لو كان أخوك أغار لي من رآك
ليه لاجلك كرهت وعفت هذي وذيك ...
ليه من قبل أعرفك ما ملكني ملاك
جاك قلبي وكلّي لو تنادي أجيك ...
معك قلبي أمانه واحفظه يوم جاك
حاول أنّك تصونه في دفا راحتيك ...
يوم قلبي تولّع بك دخل في حماك
مع تحيات أخوكم
naseer933