[زهرة اللوتس]

،


مواقف ترتوووووب تضّحك ....


أنا ما أنسى موقفي و أنا بخامس إبتدائي ... استأذنت من أبلة إيمان المُرعبة بروح شسمه وذاك

المهم .. قالت لي خلاص روحي أجل و جيبي لي في طريقش غرشة ماي من الفريزن .. أنا سمعًا وطاعة

بمجرّد ما نكلّمت مع هالأبلة يعتبر إنجاز فما بالكم الحين مطرشتني ( يعني اليوم العيد )

خلّصت من ذاك وشسمه ... ورحتت للفريزن إلا وداهية طاحت على راسي .. غراش الماي كلها صايرة

تحت في الفريزن ...

وأنا صغيرة صايرة قصيرة ما أطُول .. ( توّهقت ) قلت على الله خليني أطبّ في الفريزن واللي فيها فيها

أخييير .. طبّيت في الفريزن ( تسبح في الجوهرية ) ثلّجت صح .... و المريول دعى مووول

أخذت الغرشة و أبي أطلع مو عارفة ...! كلما برفع نفسي لفوق .. باب الفريزن يتسكّر ..

والغرشة تطيح ...

ظليت أحاول منّا منّاك أقوووم .. خايفة أحد يشوفني بس ما هنا ..

وقع الفاس في الراس و جاني نفر من المعلمات وشقلوني من الفريزن وطلّعوني .. و انا وجهي

أصفر أحمر أخضر بنفسجي أزرق من الفشيلة


رحت الفصل .. سألتني المعلمة .. شدعووه اللوتس كل هذا حمّام ؟؟