والاثنين بس يسمعون أصوات بعض ... لأنهم مره بعيدين عن بعض
جلوي: جواااااالك
نايف: صرفه لأنني منشغل
جلوي: محمد!!نسيبك هههههههههه
نايف: قل له هالأرنب اللي قبالي وجايك
جلوي: يقول لك هالأرنب وجايك
محمد: ياذا البدوي متى بيستوعب ان الدنيا تطورت؟
جلوي: ههههههههههههه كلن يرجع لأصله
محمد: يشيخ انت ...اسمع انت والشباب كلكم معزومين ع زواج تركي أخوي
جلوي: ماشالله ع البركه ومتى؟
محمد: الخميس هذا
جلوي: ماااااااشاالله الله يوفقه وعالبركه
محمد: الله يبارك فيك
جلوي: وطبعا نايف أول من يدخل
محمد: هههههه والله ابوي محرصني على نايف كل يوم والثاني علم الرجال وقلله
جلوي: اييه وش عليه.... اللا ماقلت لي مارح تجي اليوم؟ ترا الجور رهيب والصيد عامل عمايله اليوم
محمد: والله فيه صيد؟
جلوي: خييير كثيير
محمد: ليتني اقدر أجي بس مشاوير هالزواج ماتخلص
جلوي: يتزوج اثنين يورط الفين
محمد:خخخخخخخخ الله يوفقهم يشيخ
جلوي: هههههه موفقين ان شالله
محمد: يالله اجل بس تراني حالف عليكم تجون
جلوي: ان شالله
محمد: يالله اجل سلام
جلوي: مع السلامه
نايف وفيصل كانو مقبلين عليه
جولي: هاه خلصتو؟
نايف حط اللي بيده (غزال و أرانب) نزل نظارته الشمسيه ..وابتسم :وشرايك؟
جلوي: اووف وش هالصيد ؟ ماشالله امداك ؟
نايف: مافيه أحلى منه على انه شقى
جلوي: ههههههههه بس وين فيصل شفه
نايف يكلم فيصل: حدك أرنبين وتخب عليك
فيصل: اقول اسكت عندي غزالين بس ماجبتها
جلوي: هههههههههههههه فاز عليك يانايف
نايف: لالامايصير مستحيل
فيصل: انا ماقلت لك اني ابضحك في الأخير
نايف: يقطع ابليسك اللا انا ماانلام
جلوي: ههههههههههههه
فيصل: مافهمت
نايف: داق محمد من شوي يبيني
جلوي: نسيبه صاير
نايف: خخخخخخخ أي تعرف مايبليها شرح
فيصل : ياعيني ع النسايب حتى بالصيد قمت تلخبط مادرينا كان زوجناك من أول ...ياعزتي لنفسي
نايف حس شوي فيه .. لو انها وافقت عليك يافيصل كان ماتعاني الحين
جلوي ماصدق يفتح هالموضوع: اللا يافيصل انت وراك ماتشوف حالك ماعليك منها
فيصلل: مستحيل
يا ويلي يا من زاد بالهـــم ايبات ليله بحســــــراتي
بايت سهير والليل خيــــم والعين تذرف بعبراتـــــي
حب الحبيب سمني ســــم يا حمد العمــــــر فاتي
محلاه ليمنّه تبســــــم حلو المحيا والصفـــــاتي
انا بحبه صــــرت ملزم واون ونات الممــــــاتي
وين الذي بيديم مغــــرم يشفي جروحٍ داميـــــاتي
خلّي بحالي ما ترحـــــم ظالم ويسعى في شتــــاتي
يا ليت معه الشمل يلتــــم واهنى بقــــربه في حياتي
جلوي: عشق البدو
فيصل: على ماقلت أنا لو أوطي راسي بالقااع عشان حبي لها يهون علي
نايف رحمه وأثر فيه كلام فيصل أجل يوم يتصل على خالته وتقول له ان البنت ماتبيه كيف انه شوي ويموت أجل كيف اللي حاااقرته ساره بلحالها..سكت وفضل انه مايتكلم بها الموضوع لأنه لو كان مكان فيصل مايبي أحد يكلمه بها لموضوع ... فيصل بانت ملامح العاشق المحروم من نظرته ... اللي حاول يكتمها بضحكته
جلوي: وترا محمد عازمكم على زواج أخوه
فيصل: اللي طالع بالجرايد؟
جلوي: لالااقصد تركي
نايف: متى؟ ماشالله
جلوي: والعزيمه ماكدها لك يانايف .. الخميس هذا
نايف: ماشالله الله يوفقه
فيصل: وعازم كل الشباب
جلوي: ايه يقول زواجه كبيـــر اهم اساسا تعرف أبوهم رجاله واجد ومعازيمهم كثار لابيت خالتي ولااهل العروس
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::
<<<بيت أبوعبدالله
كانو كلهم مجتعمين والبنات فوق يسوون بروفات للملابس لأن زواج تركي بكره
ابوعبدالله: محمد عساك عزمتهم؟
محمد: ايه
خالد: ووشلون النفسيه ياتركي
تركي: هههههههههه متوترين شوي
خالد: ووين شهر العسل ان شالله؟
تركي: استراليا هذا اللي وقفت عليه للحين بس مارح نروح على طول
خالد:الله يوفقك
ابوعبدالله: وانت ياخالد متى أبشوفك معرس؟
خالد: لالاماافكر اتزوج انا
ابوعبدالله: نعم ؟؟ماتفكر تزوج؟
خالد: ايه ..ماابي ابي اتفرغ لشركاتي الحين ... وعندي يابوي اشيا انا حاط عليها اهتمامي
ابوعبدالله: تركي وتزوج غلا وساره نفس الشي مابقى اللا انت
خالد: لالاانا حاليا شايل هالفكره تماااما
ابوعبدالله: لاتخليني أحلف عليك ياخالد
خالد: يبه تركي الله يوفقه لكن انا ريض وتوالناس
محمد: يبه انا اللي ابتزوج
ام محمد: انت اقضب أرضك ...
تركي: ههههههههههههه مسيكين يامحمد
محمد: والله ناس وناس بعد
ام محمد: نبيك تروح وتدرس مثل خالد وبعدها تزوج
محمد: خخخخخ لازم ادرس برا عشان اتزوج حشى ماصار زواج لاان تخرجت على طول
تركي: يالله اجل انا استاذنكم
خالد: ايه رح رح كلم بس ايفين المسجات ترا
تركي: خخخخخخخ اقول اسكت
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::
تركــي وديما (اسمين بيرتبطون ببعض ) بيكلمون دنياهم بتشتعل كل شموعهم ايه اليوم غير عن كل يوم اليوم ميلاد حب جديد وطيريرين في سما الرياض
تركي ...أسمر ..محليه سماره وملحه الزايد .. خفت دم ..في وقت الجد تلقااه ..طويل وعريض شوي لكنه مايل للنحف أكثر ... ماعرف للحب مكان ...اللا من بعد ماشاف عذااب عذبه ... وبحب صافي وقلب أبيض عشقه وحلم فيه ...
ديما ...طيبه ... وحلا عن الحلازايد .. رقه وعذوبه .. ورقه .. قلب حنوووووووون جذب لها حبيبها ... نعومه وملاك بشري ... الخشم الطويل والعيون وسيعه ... نظرات كلها حنان ...طول ..وزره .. أدب ..وذوووق وأخلاق ..
في صاله من افخم صالات الرياض ...الورود الشموع تنور المكان الثريات الكبيره ... ألوان القاعه كانت أكثرها أحمر ...تعمدو يكثرون من الورد الأحمر على كل طاوله وعلى الكوشه ...كان زواج تركي بن سلطان على ديما بنت طارق ....
الناس كلها كانت تتكلم عن زواجهم....وخلو اهل الرياض يعرفون عنه ..المعازيم كثااار ... والطق والرقص ... كان الدي جي ...يصرخ على زوايا المكان...يعزف انغام حب ..جديد ..يبشر بقرب أيام حلوه ..جديده
.................................................. .................................................. ........................
<<<بيت أبوعبدالله
خالد ومحمد كانو جالسين مع ابوعبدالله والبنات يستعدون
تركي توه دخل عليهم كل البنات صرخو!!
ساره : وااااااااااااااااااااوو
ريناد: ايش الكشخه ؟
خالد: والله لو بس تشوف هالعيون بتروح فيها البنت
تركي: من جد؟
ساره: خطيير ياتركي وربي تجنن
محمد: اول مره أشوفك مرسم وحالق كذا
تركي واهو يشوف بالمرايا: جد والله حلو؟
ريناد: رهيب مب حلو وبس
تركي: طيب وين غلا قولي لها تكوي لي الغتره
ام محمد: غلا بالمشغل فستانها باقي له
تركي: أفا
ام محمد: ايه مسكينه من زمان موديته يتضوق وجت للمشغل صارت الخياطه مااشتغلت فيه
محمد: وخييير ان شالله دقو عليها أبهزأئها
خالد: خخخخخخخ انت على طول خلها بتخيطه وبيمديها وش عاد كلها تضويق
تركي: وانتم متى بتروحون ترا أول ناس تدخل أنتم المفرووظ
ريناد: انا ادري عنهم ندى باقي لها المكياج (تنادي) ياندى !!
ندى واهي نازله: ان شالله جايه
خالد ومحمد راحو فيها
خالد: بنات سؤال بس سؤال
ساره: وش؟
خالد: الحين كل اللي بالزواجات مكشخين ولاطعين لك هالمكياج على وجيههم زيكم؟
ريناد:ههههههههههههه
ساره: ايه وشفيك مستغرب
خالد: مدري شي غريب
ريناد: عاد احنا خوات المعرس فلازم الكشخه تكون بزياده
محمد: وراكم ماتدخلونني ؟ ابروح معاكم
تركي: خخخخخخخ مغاتير أجل؟
محمد: ايه حركه والله
خالد: اقول اعقل انت مدري وش بيصير بعقلك
تركي: وشمااغي !!
محمد: هاتها أسنعها لك أنت متوتر وحالتك حاله
تركي: الله يعافيك
خالد: يالله أجل أوديكم؟
ام محمد: ايه يالله خلصنا
محمد: وغلا؟
ريناد: بالمشغل فيه بنات خالاتي هناك قلت لها تجي معاهم
تركي: اكيد ؟ ماراحو؟
ريناد: لالامااحد راح
خالد : وابوي وينه؟
تركي: راح ابوك أول واحد قبلي ماشالله خخخخخخ
محمد: اجل انا ابجي معاك ترووك
تركي: لالاوراي أتصالات الحين
محمد: اعوذ بالله من الطردات ..
تركي: آسف ماكلم عزاااب
محمد: والله الشرها على اللي معطيك وجه انت ووجهك يالله خل زوجتك المصون تنفعك باي
تركي: محمد ماعليك أمر..سكر الباب وراك
محمد: على تراب بس
ركبو كلهم وراحو
.................................................. .................................................. ........................................تركي على طول لقط جواله وأتصل
ديما : هلا هلا تركي
تركي: يالبى هالصوت
ديما: يسلم لي قلبكـ
تركي: حبيبتي وينك الحين؟
ديما: توني بالمشغل الحين مابقى اللا أشيا بسيطه
تركي: وليه صوتك كذا؟
ديما: تركي مرره متوتره
تركي: شعور متبادل بس خليكي قويه ماأعظ<<خربها
ديما:هههههههه ياحبي لك
تركي: ديما مستوعبه انتي انا وياك بـــ
ديما: كم مره قلت لك متوتره
تركي بضحكه: !! خلاصص ابسكت
ديما خقت مع الضحكه وانحرجت منه
تركي يبي يخفف جوها: لبستي كشختي؟ وش بقى لك؟
ديما: ايه خلاص خلصت تخيل خياطة المشغل قبل شوي توها تخيط لي جزء من الفستان ..جيت وسالتها عنه قالت لي ان بقى لها كثير قعدت اصيح لي بالمشغل الين ماخلصت والحين اشوا لبست وبس بقى شوي بالتسريحه واخلص واطلع
تركي: اجل ماخيطت فستانك؟ وتصيحين؟ كان علمتيني اجيب فيها العيد والمبلغ لاتعطينها كامل ول خليني اهزأئها
ديما: لالا ماله داعي بتخلصه الحين
تركي: اااااه ياقلبي على هالصوت
ديما بدلع وغنج: ترروووووووووووووووووووك
تركي: عيون تروك انتي بتعذبين ترووك
شوي وجته مكالمه في الانتظار
تركي: لحظه شوي ديما
_محمد_
تركي: نعم محمد؟
محمد: أشوف الخط مشغول وانا ويتنق
تركي: اقول انقلع
محمد: قطعنا الجو عليك أجل
تركي: ماالت عليك
محمد: عليك قاعه انمااايييه تجنن
تركي: اعجبتك؟
محمد: ايه والله حلوه ومعازيمهم ماهنا أكثر منهم وأبوي مجملك ماشالله
تركي: والله؟ فرحان أبوي؟
محمد: ايه والله
تركي: الله يبشرك بالخير ...اجل يالله تلايط الصراحه ماابي اسمع صوت تمساح المره الجايه
محمد: تلايط انت
تركي: سلام وقفل ورجع على ديما
وكل ماكلمها وخش معها جو قطع عليه محمد يبي يطفشه
اللا ان سكرو بمكالمه مقطـــــــــــــعه هههههههههههه