وجودها قباله واهو عندها ودها تصرخ وتقول انا غلا.... حتى النظر خانها وصار يطاالع ولايتحرك وقبله قلبها اللي ينجذب ينجذب لحظه ورا الثانيه تحس بشعور يطغى على كل ماتملك ياهو نظر ياهو قلب حتى التفكير صار لك ؟... معقوله الحب هذا اللي يكبر في لحظات؟.... ول الانجذاب القوي بس لمجرد نظره؟... انا لو اقابله يوم كامل.؟ بيموتني وبيهلكني عشق ..أعجبت باخلاقه واطباعه وشكله وكل شي في نايف أعجبها ... وطول ماكانت تفكير..سمعت صوت ريناد تناديها تطلع ...
رجعت نظرها للمكان اللي كان موقف فيه نايف مالقته!!
توهم طالعين من المصعد
غلا من غير شعور: وينه؟
ريناد:مين اللي وينه؟
غلا: مب نايف ولد خالتك كان موجود؟
ريناد: هههههههه ايه موجود اهو ومشاعل ماابيهم يعرفووننا ابي اضحك شوي
غلا: وينهم طيب؟
ريناد بضحك: بحح أختفو
غلا: ريناد انا ماصدقت عيوني من شوي
ريناد: خخخخ لالاصدقيها طلعو قبلنا يالحوولا
غلا ومازالت مسبوهه: وربي ماانتبهت
من كثر ماني احبك صرت اخاف البعد عنك
آه يالدنيا الحزينه كيف اخاف وانا احب
يسكن الخوف بعيوني...والالم يحكم شجوني
مو بيدي يوم اخاف..ومو بيدي يوم انا اسال
وش معك يصبح مصيري..؟
وش بعـــــــــــــــــــــــــــــــــــد حبك اكون !
تمنت بها للحظه انه يعرفها ويميزها ضحكت شوي في داخلها على نفسها وكيف قدر يلعب بعقلها أجل لو عرفها يعني وش بيسوي..؟!مارح يصير شي
ابتسمت على نفسها وكملت
البتول قابلتها واهي مع اختها
البتول: غلا
غلا:...........
البتول: هههههه ريناد وش فيها اختك؟
ريناد: والله مدري عنها
غلا: نعم نعم؟
البتول: غلا وشفيك؟
غلا: لالاولاش
البتول: اقول تعالي ابقول لك ع شغله
البتول واهي تهمس لها بأذنها: شفت واحد يشبه نايف
غلا: ايه نايف اهو
البتول: والله؟؟
غلا: اقول اسكتي لو شافني بيعرفني
البتول: الصراحه ماالومه حافظ شكلك
غلا: ههههه اسكتي بس
البتول: ولقيتو شي لريناد؟
غلا: شفتي هذاك الفستان اللي بالعرض؟ تتوقعين يناسبها؟
البتول: ايه بيطلع عليها حلووموديله مره رهيب
غلا:البتول وربي متوتره ومنيب عارفه اسوي شي
البتول بضحكه: عسى عشان نايف؟
غلا: مدري مدري البتول من يوم ماشفته من شوي
البتول: هههه هذا مرض الحب اللي يقولون عنه
غلا: اقول اسكتي البتول فكيني
البتول: ههههه ياحليلك ياغلا ماصدقتي تتخرجين على طول تحبين ؟ طيب اصبري له خليه يخطبك اول
غلا: البتوول وربي مدري وش فيني
البتول: هههه طيب خلاص وشرايك نروح نتغدا الحين؟ وبعدين نرجع ونشتري الفستان؟أو اقول خلي ريناد تروح تشتريه
غلا: ايه تكفين
البتول طبعا عارفه ان نايف موجود جهت المطاعم
ريناد: يوه ياغلا ومتى بنشتريه
غلا: ياشيخه مااااالي خلق ادخل محلااات
ريناد: ورا مزاجك انقلب فجاه؟
البتول ماتت عليها ضحك
غلا: مافيني شي بس طفشت من الدواره وانتي ياريناد مايعجبك شي
البتول تهمس : ايه اللا قولي شفت الحبيب ومن شوفه ابتلييييت
غلا: اقول انطمي انتي الثانيه
البتول تبي تنرفزها: كل هذا تبينه يعرفك؟ خلاص ولايهمك اسوي لكم مقالب بعد شوي
غلا: تكفين فكيني شررك
البتول: ههههههههههههه ياحبي للعشاق متى اتزوج ول انخطب واصير مثلك انتي ورنا؟
غلا: تعب ماانصحك فيه ومرض ماله علاج
البتول: ههههههههههههههههههههههههههههههه غلا لالامااتفقنا خلاك شاعره مره وحده؟
غلاواهي تطالع قدام وبصدمه شافت اللي قدامها نايف موقف عند مطعم ومشاعل وراه
البتول: غلا حبيبتي هدي اعصابك
غلا: لالا البتول ليه جبتيني هنا؟
البتول باتسامه: يقولون دوا العاشق معشووووقه
غلا واهي تطالع: وانتي الصاااادقه
البتول: ههههههههههه كليب وربي اقول يابنت اعقلي لاينتبه لك احمدي ربك انه منشغل ول اكيد بينتبه
غلا: تصدقين صرت استغرب من نفسي مستنكره كل شي على اني مب راضيه باللي يصير فيني لكن مدري وش الشي اللي يخليني مااقدر اتحكم بنفسي
البتول:مااقول اللا الله يكوون بعونك
غلا : وانتي الصادقه
كانو قاعدين على الجلسات حقت المطاعم وريناد توها جايه من المحل
البتول: جت اختك انتبهي ترا ريناد ماتفوت شي
ريناد حاسه انهم مخبين شي وساكته:وش تقولوون؟
غلا: ريناد شريتي الفستاان؟
ريناد: ايه الحمدلله ببس لقيت مقاس
غلا: الحمدلله افتكيينا من الفستان وهذا اهم شي
البتول: اقول ريناد ولد خالتك نايف هذا؟
ريناد: هههههه شفتيه ايه هذا هو أفكر اهبل فيه بالبلوتوث
البتول: لالاتكفين ترا أنواع المشاكل بعدين
ريناد: خخخخخخخ
بعد ماتغدو وخلصو طبعا نايف ماانتبه لهم كان ملقيهم ظهره وراح مع مشاعل ...بيطلعون من المركز وغلا تحترق ليييييه..؟! مب عارفه مشاعرها مب بيدها هاللحظات ماتملك شي
طاحت الملعقه من يدها وريناد والبتول موصلين لقمة الضحك تنكيت اهي وياها اساسا نفس الطبع ثنتينهم
غلا: خلاص خلونا نمشي
البتول: ليه الحبايب طلعو لازم نطلع؟
غلا: البتوول اقول لك قومو
ريناد: والحفله نسيتيها؟
غلا: ايه صح
البتول: اقول غلا ماودك أوريك الماسكرا اللي قلت لك عنها؟
غلا: يووه صح وريني اياها نسيت
البتول: تعالي
.................................................. .................................................. .......................
بين المواقف والسيارات اللي ماليه المكان ... كان الأودي الأسود ونايف توه حاط الأغراض في الشنطه
ركب سيارته وتوه جالس
كانت مشاعل ماسكه احد الأكياس وتدور فيه
نايف: مشاعل فيه شي؟
مشاعل: فيه شي ناقص مااخذته دافعين فلوسه بس مأخذناه
نايف: ياااحياة الشقى
مشاعل: ههههه معليش تعبتك
نايف: طيب اعطيني الفاتوره
قرا الفاتوره وشاف الناقص وراح بيجيبه رجع للمركز
.................................................. .................................................. ..........................
دخل مستعجل والأمن بالموت دخلوه وتوه داخل واهو موقف عند الكاشير يتفاهم معاه
التفت على جنب ماعرف يحرك راسه.... الرجال يكلمه واهو مب معااه اساا كانه مبنج نظره شاخص على قدام
يحاول يتذكر ..العيون ...!والجسم ..!والصوت ...نفسه... شاف الخدامه خلااص بعدها تأكد انها اهي نفسها
وقبل لايجيه نفس شعورها....
عقد حواجبه ووده يصرخ ... حاس بدمه كله تجمع في عروق يده قبظ قبظه قويه .. وترك المصري اللي يحاكيه
راح معصب جهتها..تغير حتى لون وجهه ..اهو بس شاف اللي قدامه تمنى يمووت ...ولايشوف اللي قباله الحين
....
طاحت عينها الخضرا بعينه الوسيعه ...نظره خايف..ونظره حاااده وبعصبيه ... كان ماسك يدها بقوه وعاقد حواجبه ومب حاس بنفسه ... ومومصدق اللي قاعد يصير ولا حتى اهي نفس شعوره مو مصدقه شي أبد ودها تستوعب اهي بحلم ول بعلم ..انا الحين يدي بيده ..؟. ول نظرته يعيني قريب مني لها الدرجه ...صحيح كانت مرتبكه وخايفه لكن هذا ماامنع عنها احساسها فيه وتجاهه ...واهو نفسها لكنه كان معصب وملامحه المغروره تغيرت الحواجب متعقده والوجه أحمر ...عيونه الوسيعه معصبه وتتكلم بداله ....
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::
طلع محمد ينتظر تركي عند الحوش... تركي واهو طالع مر ع المغاسل غسل وجهه ورطب شعره على خفيف ..عشان لايرتفع ضغطه من العصبيه ..!
طلع ولقى محمد قباله ..
تركي وقف اعطاه نظره قويه معناها جااكـ الموت ..محمد التزم الصمت وهذا سلاحه الوحيد
تركي وواضح انه يقصد شي بكلامه معقد حواجبه: محمد!! وش أخبار غلا عندكم؟ أشوف صحتها ونفسيتها متغيره حتى يوم كنت أكلمها ماكانت على بعضها
محمد: لالاعادي بس تعرف الدراسه
تركي: اهاااا أجل دراسه؟
محمد:................
تركي: تصدق يامحمد اعرف واحد اخوه كان طيب وحليو ورجااااال وينشد به الظهر .......بعدها يقول على انه اخوي بس مدري ليه كاره عيشتي معاه بنفس البيت
محمد: ليه؟
تركي: يقول انصدمت فيه
محمد يستغبي(لاتلومونه تركي وأسلوبه يخلي الواحد يتبع أغبى الطرق): ووش سوا؟
تركي: شادين به الظهر ومعطينه امااانه غاليه على قلوبهم ..كانت ورده صغيره بأحلا شبابها ..اخرتها اتهمها انها طالعه مع واحد تخيل
محمد(ماله وجه يتكلم):.......
تركي: لا وغير كذا ضربها ضرب حسبي الله عليه بس ... والمشكله البنت ماسوت شي وخويي يقول اتصل فيها ماتعلمني بشي بس كل اللي عندها اشتقت لك عشان يجي ... بس من جد اخوهم هذا قليله عليه يسود الوجه
لاوأزيدك من الشعر بيت بعد يبي يزوجها واحد سمعته بالترااب ... عشان ايش قال عشان سمعت العايله والله ماحد بيخرب هاسمعه غيره هو وامثاله
هنا محمد نزل راااسه وخلااص وده ان الأرض تنشق وتبلعه موووقف لايحسد عليه والمشكله تركي ياليته جابها على طول قام يلف ويدور عشان يحرق له اعصابه زياده
غمض عينه واهو منزل راسه وسكت
تركي حس فيه شوي لف راسه جهته وشافه وعلى طول جنب
ينتظر رد محمد لكن شكله من جد متوتر
تركي التفت عليه وحط العين بالعين هذي طريقته عشان يقرا رد غيره: بس ياحساافه عليه كان طيب وبسرعه يدخل القلب أخرتها طـــــــــــــــــــــــــااااااااااااااح من عيـــــــــــنهم
محمد وده يقول له خلاص تكفى اما انك تفتح السالفه ول اسكت لكنه فظل الصمت
تركي: هاه ماقلت لي وشرايك بكلامي
محمد:..........
تركي بحزم: محمد!! للأسف غلا علمتني بكل شي
محمد انفعل وانفجرتركي ماتوقع ردت فعله: تركي وش تبيني أسوي؟.. هذا اللي وصلني وهذا اللي سمعته ان غلا
تركي ان عصب عصب وأهو أكثر واحد ينطبق فيه المثل اللي يقول(اتقي شرالحليم اذا غضب) بلحاله معصب وكلام محمد زاد الطين بلله ...وغير كذا انه قباله على طول ... مسكه من ثوبه رفعه من الأرض ولف راسه بـــكفـ من يده
بصراااااااااااااااخ:لاعاد أسمعك تقول اسم أختي على لسااانك!!
محمد انصدم ردت فعله : تركي تركي... والله كله عشان البنت تربيتها ياتركي
تركي بصراخ وانفعال أكبر واكبر: مب أنت اللي تربيها عندها أخوان ابوها حي مامات ..مب أنت انت منتب اخوها عشان تربيها ...انا خالد عبدالله ابوي نربيها مب أنت !!!!!!!!!!!
محمد : وسمعتنا ياتركي.؟ عادي انت ماعندك مشكله؟
تركي موصله معاه بلحاله وقااهره كلام محمد عنه منهو الحقير اللي مايهتم لسمعته ماقدر يترجم مشاعره اللا بكف من يده ثاني على خده ...حول الكلام كله الى صدمه وسكوت من محمد عصبيه وثورااان مب طبيعي من تركي اول مره يعصب بحياته مثل ماسوى
محمد مازال منصدم من الكفــين اللي أعطاه ...وبنفس الوقت حاس بالندم ..مابغى يطلع على طول من الساحه ..لأن تركي أقلها بيقتله ..ان طلع ..!! ومن الغباء انه يطلع في موقف مثل هذا!!!
جلسو ساكتين محمد ماعرف وش يقول وتركي شوي وبيقوم عليه
محمد بندم وصدمه حسره شعوره ماينوصف هاللحظه: خلاص تركي أضربني مستعد أتحمل أنا ضربتها
اهي غلا البنت الضعيفه وتحملت طراقي أنا خلني اجرب أستاهل (مسك عقاله وحطه بيد تركي)
تركي أخذ العقال ورماه على الأرض على طول ..حس بنفسه شوي ...وانتبه اللي قاعد يسويه فحاله يهدي حاله لحاله
تركي: انصدمت فيك يامحمد وين الرجاال محمد ذاك اللي ينشد به الظهرتغيرت يامحمد غلا؟.. اجل غلا..؟ الظاهر انك ماعرفتها قبل ماتقول لها هالكلام
محمد:.......
تركي بنفعال شديد : يوم انك منتب قدها وراك جاي تضرب الصدر وتقول انا لــها وانت من جنبها يامحمد؟.. انا راااااضي ان اختي تروح وتتغرب وتكون معززه مكرمه مب فبيت أبوها منذله..!! السمعه سمعتي أنا خالد وعبدالله سمعت أبوها مب أخوها من أبوها (يبي ينغزه بها الكلمه )
محمد:........
تركي: ومن قال ان المسأله فوضى تروح وتزوجها غصب عنها ..!! ولاحتى علمتنا عن شي كله تحسبنا مارح ندري ؟..وغلا اللي انت ظالمها ماعلمتني اللا يوم جيت ...تدري ليه؟.. كله كرم وطيب اصل فيها كله لأنها بنت الجوهره تدري يعني مين الجوهره غلا مب اللي يتجي وتمد ايدك عليها يامحمد...!! محمد انت عارف ان البنت يوم قالت لي الموضوع أو بالأصح اللحظه اللي طيحتك من عيني بجد وشافتني ووشلون انا معصب تدري وش اكبر همها؟؟... أرفق على محمد هذا اللي كانت تعيده والله اني مااذكر اللا هالكلمه ترددها ...والمشكله لمين؟..لواحد جاي يظلمها ويقول لها ابقتلك ... اسمحلي اقول لك ماتستاهل تصير انت اخوها ...
محمد: خلااااااااااااااص ياتركي خلااص!!
تركي: (يقلد صوته)خلاص؟ (يصرخ)خلاص ليش؟
محمد انفعل من كلامه مهما اعتذر نفس الشي: انا كل اللي سويته عشانها ولمصلحتها تخيل انك بمكاني وش بتسوي؟
تركي قاطعه بصراخ اقوى من قبل : وش ابسوي؟ تحسبني مثلك؟ مطيور ول عقلي يخونني بها المواقف انا هالوقت مايحكمني غير عقلي ..روح تأكد اعرف منها الرجال اللي كان معها ... اعرف مين لاوبعد ولد خالتك يعرفه يعني بتقدر توصل له بسهوله ..تكون واثق فيها تحسسها بها الثقه مب تقلب عليها؟؟.!!!!!! غلا هذي غلا تفهم وش معنى غلابنت الجوهره وسلطاااان مب حياا الله..!!
محمد:..............
تركي: اشوفك ساكت ومب متكلم تكلم مااحب اللي قدامي يكون ساكت وين محمد اللي من شوي ول اللي (وزادت حدت صوته) ماد يده على اختي وينه؟
محمد بهدووء: تركي انا قلت لك ماسويت الشي اللا بصالحها صحيح يمكنني تهورت لكن مب يعني ان تصرفي ماكان بمكانه
تركي: مااقدر اقول اللا منتب محمد اللي توقعته ووليته اختي يااخوي
محمد سكت وضاااااااااق صدره اهو ندماان بروحه وتركي يحاول يحسسه بالندم أكثر ...وتركي شوي زودها وكل حرته حطها فيه ... ومحمد وده بس يمسك غلا ويقول لها ورب البيت انك تسامحيني ...ووده ترجع الموازين مثل ماكانت أشين شي لما تطيح من عين شخص عزيز عليك .... تهمك مشاعره ولاتبيه يزعل منك أجل كيف بغلطه مثل هذي ...؟...
ظلو الاثنين ساكتين تركي وده يقتله على هالصمت ومحمد بس يبي يموت بها لللحظه ولايشوف نفسه بها الموقف....
ياندم الدنيا كله تجمع بها اللحظه يامحمد....!!!...انا ابقتلك أنا ابقتلكـ..!! ..حط يده على راسه اللي منزله ... ووده ينادي غلا ويحب رجولها ..وده ان تركي يرضا ويسامح..!
تركي حط شماغه على كتفه وركب سيارته معصصصب وثاير ..حس انه شوي برد حرته ..فيه بها الكفين
أهو منهو ؟؟..اجل ولد ام محمد يمد يده على اختي ..؟!! وانت ياتركي غاافل عنها.!! مستحيل اخليك يامحمد
...::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::
نايف اللي شافه (لبناني يوري غلا الميك أب ومسك يدها بيوريها لون الميك اب غلا تضايقت لكنها ماحبت تتكلم بس حاولت تصرف بهدوء ...) باللهي رجااال مكان نايف وش بيسوي؟ اقلها بيعصب ..
ترك الكاشير على طول مسك يد غلا وابعدها واهو معصب
نايف للبناني: وخر وخر يدك ؟!!!!!!!
اللبناني: لابدنا نوريها كيف لون الماكيااج
نايف: تخسى اللا انت اللي توريها مالت عليك (بصراخ) بتوريها بيدك ول منديل مب تمسك يدها
اللبناني: حصل حصل خير ياسيدي ريح بالك
نايف: مع وين أريح بالي وأشكالكم مالين البلد ...غلا وخري ابعدي!!
غلا: ان شالله
نايف يصارخ: بتجربه على يدك الله يعافيك على منديل يعني لازم على يدها ول مارح يبان اللون؟
تجمعو الموظفين اللي بالمحل
اللبناني: اوكي اوكي حصل خير حصل خير اللي يريحك
وكان احد اللي يشتغلون سعودي واهو اللي صرف اللباناني اللي قام يعتذر لنايف
السعودي:السموحه منك اخوي هد بالك
نايف بعصبيه: وش اهدي بالي؟هو خلى فيها تهديت بال؟ عاجبك اللي يسويه موضفكم ذا؟
السعودي: والله معاك حق بس تعرف توه جاينا من لبنان ومايدري انها غلط (حط يده على صدره) على مسؤوليتي خلها ياخوي والله مب عن شي بس مانبيك تعصب من تصرف احد العملاء وثق تمام الثقه ان مااحد راضي باللي صار وبتشوف
نايف لف جهتهم وشاف غلا اللي ماعاد تستوعب شاللي يصير ول ريناد والبتول طاايره عيونهم وخايفين مايدرون وش بيصير
نايف: وانتم ماحد جا معاكم؟
ريناد: لابس احنا والسواق
نايف: بلحالكم؟!!!!
ريناد: ايه عادي
نايف: الله يصلحكم بس
البتول تهمس بإذن غلا: خلينا نطلع فوق بسرعه
غلا: اجل اانا اللي ابقعد
ريناد: خلاص بنطلع الحين لمملكة المرأه عند الحفله
بعد ماطلعو كلهم وطبعا نايف وراهم الا ان راحو فوق
نايف حس شوي بتأنيب الضميرشوي قويه حركته
:: غلا اشتري لك الميك أب؟
غلا: لالا مب لازم
نايف: اروح الحين والله
غلا: لالاماعجبني أصلن مشكوور
نايف والصراحه ماقدر يتحمل خق مع عيونها: اكيد؟
غلا: ايه اكيد
نايف بابتسامه: الف مبروك النجاح
ريناد: تراني نجحت
نايف: خخخخخ وكم جبتي ؟
ريناد: جيد
نايف: هههههههه موفقه
غلا نحرجت واستغربت ردة فعله طول الوقت تطالع بجماله وبشكله وبأخلاقه ...موقفه كان بمكانه ..تذكرت أخوها محمد الله لو انه الحين مكان نايف كان طاح علي ضرب ...
بعدها راحو فوق عند حفلة البنات ونايف رجع لسيارته
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::
الجــــــــــــــــــــــــــــــــــــــــزء الســـــــــــــــــــــــــابع
محمد واهو مازال موقف ويفكر بعمق والتفكير شوي ويرهقه .... طلعت له ساره وتفاجأت أنه موجود..
ساره: محمد مارحت مع تركي؟
محمد رفع عينه وشافها بنظرة المجرووح الندمااان وظل سااكت وشكله الصراحه ينرحم
ساره بوجه كله استفهامات: محمد وشفيك؟
محمد تضايق مايحب ان كان متضايق ويجي احد يسأله اهو عساه يتحمل هالجو اللي عايشه بعد كيف لو تكلم لبس نعاله (الله يكرمكم)وطلع من غير مايتكلم:
وبعد صفعة الباب القويه...ساره استغربت وتأكدت أن فيه شي ... ضاق جوها ..وجلست تفكربالسبب أكيد اهو وتركي صايره بينهم مصادمات
<<<
ام محمد دق جوالها (المتصل ولد اختي ,,نايف,,)
ام محمد: ياهلا والله وغلا بنايف
نايف: السلام عليكم
ام محمد: وعليكم السلام وشخبارك؟
نايف: بخير الله يسلمك خالتي انتم وشلونكم؟ ووش مسوين؟
ام محمد: والله الحمدلله
نايف: وبشرونا عنكم ان شالله بخير؟
ام محمد: ابد والله بها الدنيا
ام محمد عرفت عن مكالمته وداريه اهو وش يبي منها كان طول الوقت يكلمها بموضوع خطوبته وهذي ردت فعلها
نايف: بس محمد مارد لي خبر البنت مخطوبه؟
ام محمد: الصراحه يانايف مدري وش أقول لك
نايف بخوف: صحيح كلامي؟
ام محمد: لاياليتها مخطوبه كان أحسن
نايف: أجل؟
ام محمد: سألناها وبغينا رايها بالموضوع لكنها رفضت
نايف بعدم استيعاب: رفضت؟(بعد بيصير فيني نفس فيصل)
ام محمد: للأسف وانت تعرف أبوها واخوانها اهم ماعندهم راحتها ومايفكرون يزوجونها بغير رضاها
نايف بضيق: ايه ايه طيب يعطيك العافيه خالتي ماقصرتي
ام محمد: ماسوينا شي
نايف: يالله أجل أنشوفكم على خير
ام محمد: وانت من اهله
نايف: مع السلامه
ام محمد: مع السلامه
سكر السماعه واهو مصدوووووووم ومغتم...!! ماتوقع هذي ردت فعلها...!! توقع شي ثااااااااااااااني
جلوي كان جنبه وطبعا عرف رد ام محمد من شكله
جلوي: نايف وش قالت؟ مخطوبه؟
نايف: ياليت كان زين
جلوي: ؟
نايف:ماوافقت
جلوي: نعم؟
نايف: اللي سمعت
جلوي واهو متأكد من كلامه: مستحيل
نايف: هذا اللي سمعت
جلوي:خالتي أم محمد؟
نايف: ايه
جلوي: تأكد مب شرط يكون صحيح الكلام
نايف رافع حاجب: وش تقصد؟...(لف لجهه ثانيه بيخفي صدمته)اقول لك خالتي أم محمد
جلوي: خالتك أم محمد يعني مرت أبوها نايف صدقني مستحيل وحده بتردك خذها منني وبعدين مرت أبوها خالتي
يانايف وانت ادرى يكفي البنت اللي تكلمها بالماسنجر وشفها كيف مع زوحت أبوها هذا اكبر مثال حي ان الكلام ممكن يكون مستحيل.!...الصراحه من رايي انك تشوف ول اخطبها رسمي
نايف: ظنك؟
جلوي: ايه والله حرام انت وش دراك عنهم احسن لك خلها خطوبه رسمي
نايف: تدري ياجلوي لو اكلمها أحسن
جلوي: غلا؟
نايف: خلاص ماعاد اثق بحد أحسن لي أشوف رايها بمكالمه احسن من اني اخطبها رسمي وتكون رادتني صدق
جلوي: والله انت ادرى مدري اخاف يدرون اهلها ويجيبون العيد
نايف: لالاماعليك
دق على جوالها واتصل من جده يتكلم
جلوي: نايف خبل أنت؟
نايف مبتسم: لالاماعليك قلت لك
جلوي طاايره عيونه مب مصدق ان اللي قدامه ناااايف (شكلها من جد عاجبته)
نايف: ييوه ماترد
جلوي: لايشيخ؟ احلف؟ انت من جدك؟
نايف: جلوي مالنا اللا كذا
جلوي: اتصل ثانيه
نايف: أبرسل لها مسج
((السلام عليكم ...انا نايف ..ياليتك تردين علي لأن الموضوع مهم))
.................................................. .................................................. ...................كانو البنات متجمعااات وعلى اصوات الأغاني والموسيقى
غلا: متى بيشغلونها؟
البتول: الحين بسرعه البسي لبس التخرج
غلا: يووه وربي مايمديني كل الحمامات مشغوله
البتول: هذي رنا طلعت ادخلي بدالها
غلا: اووكي
البتول كانت ماسكه أغراضها وتنتظرها برا ...شوي ودق جوال غلا (نغمة مسج)
البتول واهي تكلمها من ورا الباب: غلا جاك مسج هههه أفتحه؟
غلا: من هالفاضي اللي يسمج من الجين لالاتفتحينه أبخلص
أخذت الجوال
و فتحت المسج
((السلام عليكم...أنا نايف...ليتك تردين علي لأن الموضوع مهم))
تنحت مع الجوال قرته أكثر من عشر مرات تشوفه مره مرتين ثلاثه .. مين نايف اللي مرسل لي رقمه ويبيني ارد عليه؟.؟؟؟ ..لاوموضوع مهم؟...اكيد لعااب
شوي واتصل الرقم
البتول: ردي شوفي وش بيقول
غلا: مدري أخاف لعاب
البتول: واذا لعاب وش بيسوي لالاتحمست ابي اعرف وش المهم
غلا: اوك اشوف
نايف: السلام عليكم
غلا: وعيكم السلام
نايف(يالبى هالصوت): غلا؟ معاي؟
غلا خاااااااافت وزرق وجهها عقدت حواجبها: ايه غلا
نايف: انا نايف بن سعود
غلا ... مااخفي عليكم صدمتها.... ودهشتها ...من شوي افكر فيه وشفته قبالي ..فجأه يرسل ويتصل...وش هالموضوع وليه....؟؟ توقعت انه عشان الميك أب
غلا: أي هلا
نايف: عرفيتيني يعني؟
غلا: ايه
نايف: حبيت أسألك بموضوع خااص وماحد بيقدر يجاوبني غيرك
غلا: وش؟
نايف: أنا رجال شاريك ماابعتك يابنت سلطان ...ولي كل الشرف اني اناسبكم ...أنا ابيك تفكرين بالموضوع بشكل جاد ..أستخيري وأعطيني رايك أنتي بنفسك
غلا باستغراب: بس انا للحين مافهمت وش تقصد
نايف : انتي ماتدرين عن خطبتك؟
غلا: لاوالله؟
نايف: انا خطبتك من أخوك واللي سمعته انك رافضه
غلا: الصراحه يانايف انا توني أعرف من الحين
نايف: من الحين؟
غلا: ايه والله
نايف: لي الحين مده
غلا: لاوالله ماادري
نايف: غريبه..؟؟ اللي يصير غريب..عالعموم ليتك تفكرين تستخيرين والراي بالأخير لك
غلا بانحراااااااج: ا..ن شالله
نايف: اوكي يالله فمان الله واعرفي اني شااااريك ياغلا أنا شااااريك
غلا سكتت مسكينه ماتدري وش تقول
نايف جته الضحه وأعجبه حيائها: اوكي اجل مع السلامه فكري كويس بالموضوع والقرار أخر شي لك انتي سلام
غلا: مع السلامه
سكرت السماعه واهي منصدمه وتبي تستووعب شوي من اللي صار تتذكر وش صار من شوي .؟..؟...
في شي بدا يطرق أبوابي ..؟..ورود جديده بدت تتفتح.؟؟.. الشمس بتشرق مره ثانيه؟... كنت أشوفك بيقظه وبمنام ... كنت أحلم بك بالرغم اني اعرف انك مستحيل تكون لي....والظروف اللي بيننا أقوى ...ممكن يتحقق هالحلم واحد من أحلامي واكبرها هل ممكن يصير ياناايف... تجيني انت ........؟! مثل ماانا جيتك ؟......
البتول: غلا مين طلع؟ وراك انطرمتي فجأه؟
غلا ومازالت منحرجه ومو مستوعبه نزلت دمعتها ومسحتها ببسمه وبطرف كمها شكلها طالع ناااعم مرره
:لالامافيني شي
البتول معقده حواجبها: تصيحين؟
غلا مبتسمه: لالا
البتول: الله لايبلانا أهلك فيهم شي؟