أعتذر على الرد المتأخر لإنشغالي
ولكن أحببت أن أوضح أكثر
أخوي زغردة الجراح
أنت ذهبت لمندوب الشركة
طبعا أكيد راح يقول لك إنها حلال مثل مايقولون مايمدح الحلال إلا صاحبه
وبعدين هذا مندوب من إسمه مندوب يعني يبي نسبه أرباح
مايهمه منهو إنت ومن وين تجيب الفلوس
أهم شي يحط الفلوس في جيبه ويمشي.
وبعدين أنا لاقلت كلام جارح ولا شي
بس أصبت بخيبه أمل لما وضعت ثقتي في شخص مابحثت في تاريخه بالبدايه
بس لمازاد النقاش معاه طلعت البلاوي الي كان مخفيها
المهم الله لايحلله ولا يبريه للذمة إلى يوم الدين
أتذكر كلمته لما قال لي تعرف هذي 3000 آلاف مو 300 مئه
وين كلامه لما كان يقول لي شنهو 3000 آلاف ولاشي كلها طلعه بمطعم بالخبر وتنصرف
هههههههههه
خليها على ربك بس
وأخوي فوزي
مع إحترامي لرأيك
إذا إنت مشترك إسأل الأب لين (Upline) حقينك وتعرف على حقيقتهم وبعدين رد علي
ومدري إذا إنت صرت عضو كبير لهم إذا كنت تجتمع معاهم بالبحرين وتعرف إيش يصير بالإحتفالات الي يسوونها
وبالنسبه للفتوى
شوف ياحبيب ألبي
الفتوى وصلتني نفس النسخة الموجودة بالإنترنت
http://www.hajr-network.net/hajrvb/showthread.php?t=402947381&page=3
وبعدها قام أحد الأعضاء بإرسالها إلى الموقع مرة أخرى للتأكد من مصداقيتها
تعرف إيش كان الرد؟؟؟
كان لم تصدر منا هذة الفتوى
وإذا مو متأكد
أنا أرسلها مرة ثانيه على موقع السيستاني ولما يجيني الرد
راح أحطها بالنت
وصاحبي الي دعاني على الشركة
قال لي إذا تبي تتأكد أتصل على القاضي الي عندهم بالقطيف مدري إيش إسمه
ولما أتصلت عليه وشرحت له
قال على حسب الي شرحوه لي أنا أشوف مافيها شي
قلت مافي مشكله
أبحث لي فيها أكثر وإستشير المشايخ
إلى يومك ماجاني رد منه
يعني بالعقل 1% من المشايخ يحللونها و 99% يحرمونها
على العموم
طولت عليكم
أنا فقط حبيت أنبهكم
إن حبيتوا تشتركون براحتكم
بس لاتنسوين المال الي راح يجيكم راح تأكلون أولادكم منه
ماتدري إذا هو حلال ولا حرام
بالنسبه لي أنا أكتفي بالجواب الشافي من أبن تيماويه
ومن المكالمة التي أجريت للشيخ رستم الرستم
وبقوله الله يعوضك في تجارة أحسن منها
ولا أحب أخوض في تجارة مشكوك في أرباحها
ولا أدري بحلالها ولا حرامها
وبعدين الأرزاق بيد الله
ماحد يعرف المستقبل الي له
وشكرا جزيلا