حس بصدااااااع غريب وشديد راسه يحس بثقله حطه على طول على المخده يشوف الواحد اثنين والاثنين أربعه ... جلس مره ثانيه يبي يستوعب اللي يصير أأأخ راسي حط راسه بين يده ...وغمض عيونه ...رعشه شديده وغريبه بجسمه مايدري ليه... ..جلس فتره على هالحال
غلا حطت اللي بيدها على طول وراحت جهته ... عبدالله !! عبدالله!! تكلمه مايرد عليها الحمدلله على سلامتك ماتشوف شر ... واهو عيونه شااخصه قداام ولايدري وش اللي يصير .. وينه؟ فيه ووش جابني أنا لها المكان ؟ومين هذي اللي تكلمني ؟.صوتها اعرفه زين لكنني مو متذكر..غلا تكلمه تحاكيه مايرد عليها بس حاط عينه على فارس ولده ويحاول يتذكر اللي صار ...مرت قدامه وبشكل سريع صور بيته في لندن ... والجامعه وبعدين الحااادث وبعدها فهم اللي يصير فيه
لمى لمى لمى؟... وينها وين لمى
غلا: لمى عندك لمى تجي ألحين بس انت تكلم قل لي وش تحس فيه
عبدالله: غلا؟
غلا: ايه انا غلا وهذا فاررس عبدالله لاتخوفني
عبدالله: انا وينني فيه الحين؟
غلا: انت لازم ترتاح الحين
وضمته بقوه وتحمدت له بالسلامه واهو الى الان يبي يستوعب وش صااارجاامد بمكانه
غلا قامت تطاامر من الفرح وتصيح وحالاتها متناقضه مسكت الجوال على طول واتصلت على لمى ...اول المكالمه لمى مافهمت منها شي ...غير تعال بسرعه تجين الحين ..عبدالله يالمى تعالي بس هذا اللي قدرت تفهمه .. جت مع السواق دخلت على طول
شافت عبدالله واعي قدامها مسكته وضمته بسرعه وحطت راسه بحظنها واهي تصيح .... عبدالله وده يتكلم لكن كلامه صعب ... ووده يعرف اهو وش فيه بالضبط وصدااع راسه صار يزيد عليه ..الحين لما ليه تصيح مين اللي ميت؟
لمى تشهق: الحمدلله اللي رجعك لي الحمدلله
وجلست ثلث ساعه تقريبا على حالتها
دخلت الممرضه وقاست الضغط والقلب والحمدلله كلشي سليم واللي يحس فيه طبيعي بعد غيبوبه اسابيع
ييوه يامحلا الفرحه برجعتك ياعبدالله حرمتني منك اسابيع وانا اتعب فرقاك يوم واحد ياقوى قلبك ... علي
اخذ مسكنات وأدويه
لمى: عبدالله
عبدالله: لمى ..أنا وش صار لي بالضبط؟
لمى: هذا بعد الحادث اللي صار رحت بغيبوبه والحمدلله رب العالمين
عبدالله: ويني فيه؟
لمى: السعوديه
عبدالله: السعوديه؟
لمى: نقلناااك ياعبدالله الف الحمدلله على سلامتك
عبدالله : الله يسلمك
غلا: ها وشلونك الحين اخوي؟
عبدالله معقد حواجبه: مصدع!!
لمى تمسح دمعتها: ايه لازم طبيعي هالصداع خلاص نبيك ترجع لبيتك
عبدالله: وكم لي هنا؟
لمى: مب شوي ..يالله انت نام الحين ارتاح احسن لك
عبدالله: وفارس ابي أكلمه
لمى: فارس نايم الحين
عبدالله واهو يطالع بلمى: وانتي يالمى ليه وجهك شاحب شكلك ماتاكلين
لمى: اللي مرريت فيه مب سهل كيف اكل وافرح وانا اشوفك بين الحيا والموت
غلا : خلاص عاد ضيقتو صدري الحمدلله اخيرا عبدالله رجع لك يالمى بس انتي خلصينا من هالدموع
لمى: الحمد والششكر لله
__ __ __ __ __ __ __ __ __
لمى مسكينه ماخلت من احد تعرفه مابشرته كلهم جو عندها بالمستشفى اخوانها وابوها وامها ... الكل فرح لها وله ... أخيرا ياعبدالله رجعت ؟!!!!!!!
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::
غلا على طول راحت للبيت عشان الليله ترجع ثانيه عند عبدالله
ريناد: كذاااابه؟
غلا: تخيلو قدامي كذا
ريناد: الحمدلله على سلامته
غلا: الله يسلمك
ريناد: ابروح معاك
غلا: انا الليله ان شالله ابروح
دق التلفون ورفعت ام محمد السماعه.. طولت تكلم أم نايف وشكلهم يتفقون على موضوع طويل ويبي له جلسه
ام نايف داقه تخطب لنايف ولدها ....
سكرت التلفون بفرحــ لبنتها ... يووه ياساره واخيرا ابنشوفك عروس وتتزوجين ؟....نايف ولد اختي هذا كل ماتمنيته لك ..وياحظكـ بنايف فكرت تقول لساره عنه لكن بغت تأجل الموضوع مع محمد وابوعبدالله احسن
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::
>>>>>في البر
جلوي ونايف أبعدو عن جهت الشباب عشان بيصيدون
نايف: وديت ابوي اليوم؟
جلوي: ايه وديته
نايف: كم اعطاه من علاج
جلوي: قال مايغير علاجاته يخليها نفسها بس لازم يداوم عليها
نايف : ايييه الله يعين
جلوي: اللا وش صار على زواجك من جدك بتاخذ بنت خالتي ام محمد
نايف: ان شااالله
جلوي: نايف فيصل؟ حرام عليك
نايف: لالاطبعا مارح أخذ ساره
جلوي باستغراب: اجل مين؟
نايف: غلا
جلوي عقد حواجبه: غلا؟؟؟
نايف: ايه لالامستحيل أخذ ساره وانا اشوف فيصل يحترق عليها ماارضاها لنفسي
جلوي: امي تقول انها بتخطب لك ساره اليوم
نايف: لاساره ماآخذها وفيصل له زماان يتعذب عشانها
جلوي يغمز: ومتى بتخطبها رسمي ان شالله؟
نايف: ان وافقت ماادري عن رايهم انا
جلوي: اييه الله يوفقك ان شالله..بس وراك ماتقول لمحمد
نايف: ايه ابقول له ول اروح لأبوها مره وحده؟
جلوي: محمد احسن
نايف: ايه لالا ان شالله انا قايل له قايل له
جلوي مبتسم: الله يوفقك
محمد مقبل عليهم من بعيد
جلوي: هذاهو نسيبك جاي شفه
نايف يناديه: خخخخخ محمد!!!
محمد يصارخ لأنه بعيد عنه: سم
نايف: ابروح للرياض ابجيب مويه خلصت تجي معاي؟
محمد: أي يالله مشينا
نايف: اركب سيارتي وانا جاايك
في السياره
محمد فاتح الدرج اللي قدام وقاعد يحوس شوي ويرتبه شوي كل اللي فيه نظارات شمسيه فجأه يجيك حبل سناره صيد شويه محفظه فيها خمسمية ريال ... عطر قدييم مايدري من وين مطلعه هالنايف
نايف وتوه راكب
محمد: اقول نايف وش هالحووسه اللي عندك؟
نايف: والله كلشي تلقاه بها الدرج
محمد ماسك الخيط ومستغرب وومعقد حواجبه: خيط سنارة صيد؟
نايف: هههههههه خبرك يوم روحت الشرقيه اخر مره
محمد: الحمدلله والشكر كلش عندك
رفع راسه لقى ساعه ماركت فندي نظيفه ومو مغبره مثل اغراضه الثانيه محطوطه بعنايه تحت القزازه الكبيره
محمد: وش هاذي؟
نايف: ساعه الا وقتك مدري حقت مين
محمد مسك الساعه وقام يقلبها ويطاالع فيها يعرفها لكنه ناسي على مين شافها
محمد: ومن وين لاقيها؟
نايف: من بعد سالفة الحادث يمكنها لوحده من البنات
هنا محمد تحممس وش السالفهـ؟!
محمد: أي حادث؟
نايف: ماقال لك جلوي؟
محمد: لا
نايف: غريبه مابقى احد ماقال له بغى يحطها بالجريده من كثر ماهو منبسط
محمد معقد حواجبه : علمني وش صار؟
نايف: هذا يااخوك رايح ابشتري اشيا من ساكو وشوي اللي واشوف ذيك السيارتين اللي يتحادون وحده بنات مع سواق والثانيه شباب ... شكل الولد اصلن من سواقته مب صاحي ... وشوي ويفقع الكفر حقه وتنقلب سيارته سواق البنات سفط بهم جنب جهت الرصيف كل هذا على طريق قصور المقبل مدري وش موديهم هناك
المهم نزلت انا وجلوي نشوف وش السالفه الولد انقلبت سيارته وطلبنا الاسعاف ..البنات تعطلت سيارتهم اعطيناهم السياره وصلحنا لهم سيارتهم وشوي وجا أبو وحده منهن وشكرنا وماقصرتو ويعطيكم العافيه ومن هالكلام ... ركبت سيارتي لقيت فيها هالساعه وان ماخاب ظنني انها لوحده منهن
محمد جمد بمكاااااااااااااااااانه نفس كلام غلا اللي قالته ...حط عينه على الساعه تذكر يوم يدخل عليها بغرفتها واهي تحووس بأغراضها
محمد: وش تدورين؟
غلا: ساعتي ماادري وينها
محمد: أي ساعه
غلا طلعت له مجله وورته شكل ساعه معروضه: نفس هاذي
جلس يدور معاها ومالقاها
(اجل السالفه كذا يامحمد وانت ياغفلين لكم الله ماتدري عن شي)
سكت واهو يشوف بالساعه ويبي يستوعب اللي صار واللي بيصير ...الحين نفس كلام غلا ياناس وش هالصدف ؟ وامي تقول انها طالعه مع غريـــــــــــبـــ؟! كيف..؟.صدقتــ يامحمد؟..حتى لو بيحط نايف يكذب مستحيل تصير ..... أنا ضربتها طيبــ.! ضربت بنت ضعيفه شريفه وغير كذا ماسوت شي ولاصدقتها ...ليه ليه يامحمد ... كانت تقول لي ماسويت شي ومستغربه ردت فعلي وانا متجاهلها ومسوي نفسي ذكي وقوي عليها ...(حط ييده على راسه وغمض عينه)لامب رجوله هذي يامحمد طيحت قدرك عندها وعند نفسك .... تمنى يذبح نفسه كل ماذكر ...
نايف: محمد وش فيك سكتت؟
محمد: نايف عيد لي السالفه مره ثانيه
عاد له اياه اكثر من مره وذاك مب قادر يصدق اللي سواه ... طيب امي ليه تكذب كل هذا عشان تزوجين غلا يايمه ؟ وتتهمينها واهي بريئه لاومين بعد سعد من زين اخلاقه صدق ان كيدهن عظيم وانا اشهد مستحيل ارضى لغلا باللي اسويه لازم اعدل غلطتي على الأقل يمكن اصلح اللي صاار
ياشين الندم ان عرفت انك غلطت بحق انسااان مايستااهل وظلمته من غير وعيك في حالات حتى عقلك يتبرى منك....والمشكله أختـــــــــك ابوك واخوانك موصينك عليها أمها ماتت واهي بعمر محتاجتها فيه ... تجي انت يااخوهـــأ.؟؟ يارجال البيت يالفاهمــ ؟... غبي غبي والله اني غبي
نايف: وانا كل ماقلت لك سكتت؟ محمد وجك تغير
محمد: لالاولاش
نايف: كله من هالساعه خذها خخخخخخخ
محمد(ياليتها على الساعه ): خلها لك
نايف: طيب ووراك ؟مكتم ؟ (ابتسامته اللي ماتنوصف وبغمزه على خده تطير العقل) ورااك ياولد خالتي
محمد بحييييره : لالامافيني شي انت علمني وش صار على دراستك؟
نايف: مدري مافتحت هالموضوع مع ابوي
محمد: بتسافر؟<<يبي يشغل تفكيره وداري عن نايف ان اصر عليه رح يعلمه وهذا اللي مايبيه
نايف: ان شالله هذا اخر شي وصلت له
محمد: والزواج ؟؟؟ول بتروح عزوبي وترجع عزوبي؟
نايف: ايه هذا اللي ابي اكلمك عنه
محمد:وش؟
نايف: والله بدون لف ولادوران انا اتشرف اني اناسبك يامحمد
محمد طاارت عيونه: تناسبني؟ الساااااااعه المباااااااااااااركه وانا من وين ابلقى لأخواتي واحد مثك
نايف: الله يسلمك
محمد: عندي لك ثلاثه طب وتخير وان بغيتهن كلن حاظرين للطيبين نايف انت مب أي واحد
نايف: تسلمـ طالب اختك من ابوك
محمد : غلا؟
نايف: على سنة الله ورسوله
محمد تذكر الموقف حاس انه فيه شي صاير بينه وبين غلا وان بغى يصلح غلطته عليها يزوجها نايف بس منحرج تكون سالفة أم محمد صح ويتفشل عند نايف: بس غلا....
نايف: وش فيها ؟
محمد بابتسامه مصطنعه: لالابس اكلمها واشوف رايها
نايف ابتسم وسكت وغميزاته الحلوه بانت
محمد: مبرووك مقدما والله خوش من يناسبنا يانايف
نايف: وانا اتشرف اناسبكم
محمد بتردد: طيب ليه غلا ؟ ليه مب ساره؟
نايف: وفيصل؟
محمد: ايه صح ..تستاهلك غلا وتستاهلها
نايف بابتسامه: الله يعافيك
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::
دق تركي ع غلا
تركي: ابروح عند واحد ابزوره واجيكم
غلا نطت من سريرها : كذااااااااب انت في الرياض
تركي: هههههههه ايه روعتيني لازم اعرف وش صاااير
غلا: ملقووف سعودي ماعليك شرهه جاي من الشرقيه لهنا عشان تعرف وش السالفه
تركي: يالله اجل استقبليني والله الله بالمفطح لاتنسين
غلا: اقول انطم حدك شاي وقهوه وتخب عليك
تركي: هذا وانا طاق لي 4 ساعات الشرهها مب عليك الشرها على اللي يجي عشانك
غلا: ههههههههه لاوالله يااهلا فييييييك كم تركي عندنا نهلي ونرحب به
تركي: واحد بس انا
غلا: كل ترااب
تركي: افاا
غلا: ههههههه شايف نفسك علينا اشوف كبر راسك
تركي: خخخخــ خليه يكبر وش حارقك
غلا: لاجد جد جيت للرياض
تركي: ايه والله ماتسمعين صوت الزحمه ؟؟
غلا مبتسمه: اووكي يالله اجل وش تبيني اسوي لك طب وتخير
تركي: ابي مثل مراصيع امي
غلا: يوووه تذكر يوم انها تسويها ونتطاق انا وانت
تركي: الله وياحلو طعمها سويلي مثلها
غلا: من عيوووني ابشر
تركي: مثل حقت امي
غلا: أي ان شالله ان ماعرفت انا اسوي مثلها مين بيعرف
تركي: الله لايخلينا منك
غلا: هههههه امين
تركي: ولايحرمنا وجودك ولامراصيعك يالغلا
غلا: احلى شااعر اجل؟
تركي: هههههه تهزين بعد يالــدجاجه
غلا: نعم نعم؟
تركي: سلامتك بس الله الله باللي وصيتك
غلا: ابشر
تركي: الله يقويك سلاااااام
غلا: سلام
ام محمد: بنااااااات رتبو هالحووسه ابوكم بيجي الحين
ساره: احلاا وش هالحلاوه يمه وهالجلابيه كله عشان الحبااايب؟
ام محمد: اقول انطمي انتي
ساره: ههههههه وحشك اجل؟
ام محمد: سوير
ساره: هههههههههههههههه آسفه
ريناد: يمه بتجي اليوم ندى؟
ام محمد: اييه بتجي ابوكم بيجي اليوم لازم كلكم تجتمعون حتى تركي بيجي
ساره: يوه مالي نفس ألبس
ريناد: اللا غلا وينها
ساره: هههههه تبي تسوي نفس مراصيع امهاههههههههه
ريناد:فله اذكر مراصيعها حلوه
ام محمد: عاديه مالها طعم
ساره: لاوالله يمه الحق ينقاال تجنن
ريناد: ههههههههههه تذكرين يوم ننشب لها انا وانتي وممحمد ؟
ساره: خخخخخ تكفين لاتذكريني
ام محمد":هذا هودق الجرس وانتم مارتبتو
ريناد واهي تطل من الشباك":يوووووووه يمه تركي هذا
غلا طالعه من المطبخ: تركي جاا؟
ساره: ايه
غلا تزغرط: الف الصلاة والسلام عليك ياحبيب الله محمد
تركي وتوه داخل: كل هذا لانني جيت؟
غلأ: افا عليك انت اول معرس بيجي
تركي: هههههههههه
قربت عنده وسلمت عليه والكل سلم عليه جلس معاهم شوي وضحكهم ونكت كعاااادته وكان يبادلها النظرااات واهي نفس الشي كل واحد في عيونه كلام بيقوله للثاني
دخلت غرفتها وقالت له كـــــــــــــــــــــــــــــــــل شي صااااااااااااااااااااااااااير
وبينت له انها بريـــئه وماسوت شي
عصبــــــــــــ وانفعل تركي حاولت تهديه غلا وعلمته باللي ممكن يصير ان كبرها وسواها مشكله كبيره
بيفترقون وبتصير مشاكل ... ماصبر تركي واتصل على محمد لاكنه ببالبر ... ام محمد خااااااايفهـ وحاسه ان فيه شي بيصير محمد مب قادر يسامح نفسه الحين ومن جد ندماااااااااااااااااان على اللي سواه لكن تركي قام يتوعد فيه اهو وامه غلا طبعا حاولت فيه انه ياخذها بالعقل ومو بالعصبيهــ لكنه طمنها ان الكلام راح يكون بين رجال اهو ومحمد اما ام محمد بيترفع عنها ولاااارح يصير شي لها من بعد اللي سمعه ....
هنا غلا ارتاااااااااااااااااااحت لكنها لازالت خاايفه من المشاكل بين اخوانها ... طبعا غلا ماتلووم محمد أي واحد مكانه بيسوي نفس اللي سواه مستحيل بيكذب امه البلامن ام محمد ولو درى محمد أكيد رح يندم ..فهمت تركي يخف على محمد لأنه ماابينلااااااااام ....
...............................
دخلت عليهم ريناد قطعت حدة الجو شوي
ريناد:تركي وغلا ترا أبوي توه جاي
غلا: دخل؟
ريناد: ايه
نزلو كلهم تحت وسلمو على أبوهم سلام حاار وبعد وشخبارك ووشلونك ووشمسوين
وفي كل هالوقت ومحمد لالبر ومابعد يجي .. تركي ينتظره وجالس يصرقع بأصابعه لأنه مره متوتر وينتظرعلى احر من الجمر وده يأدبه يعطيه كم من كلمه على جنب مارح يخليها طقاق وزعل في كل الحالات أهو خايف عليها واهم أخوان لكن مب بها الشكل ... المفروظ مايصدق ولايفكر ويعطي غلا الثقه الكااامله .... لأن اسلوبه مااينفع ....على أن غلا ملاحظه تركي مب على بعضه ...شوي تحسفت أنها قالت له خاايفه من المشاكل ... لكنه أحسن لها مهما حصل أفضل من الصمت!!
ابو عبدالله : ها ياغلا؟ 99باميه؟
غلا: هههههههه يبه شدعوه؟
ابوعبدالله: ان شالله ليه مستغربه
ريناد: ههههه ابوي حلوه عليك البدل
ابوعبدالله: تقولين ابو عشرين سنه ول لا ياام محمد
ام محمد: وش خليت لأبو العشرينات
تركي: ايه والله انا من يوم ماشفت هالكرفته قلت أبوي أصغر مننا صار
الكل: ههههههههههههههههههههههه
ابوعبدالله: افاا هذا وانا ابوك
تركي: لالاكسرت علينا كلنا ماشالله عليك يبه
غلا: ههههههههههههه تركي وانت وين الكشخه اللي بعد لندن اول ماركات وأرماني ووخرو عني
تركي: ايييه مالنا اللا الجينز ول الثيااااب
ساره: لاوالله؟ ...ول مافيه حبايب يختارون لك حتى الملابس
تركي استغرب منها: هههههههههههه اللا الحبايب الله يحفظهم
غلا بضحك : الله ياااااخذ ابليسك
ابوعيدالله: اللا على طاري ديما خير البر عاجله
تركي: والله يبه انا متردد عشان عبدالله
ابوعبدالله: لالا ان شالله بيطلعونه قريب صحته زينه توني شايفه اليوم
تركي: ظنك يبه؟
ابوعبدالله: ايه لاتطول على الرجال
تركي بتفكير: خلاص اقول له
ابوعبدالله: ماودكم نروح عند عبدالله؟ بكره بيطلع
غلا: والله يبه بكره؟
ابوعبدالله : ايه ان شالله
ساره: الحين؟
ابوعبدالله واهو يطالعه ساعته: ايه ماعاد اللا خير لاينتهي وقت الزياره
ام محمد اعطته نظرااات
ابوعبدالله: ههههههههه الليله عندك حبيبتي عاد انتي لازم اليوم وبكره كلها عندك بس اخلص امور العيال وأحجز معاك بفندق ليلتين وشرايك ؟
تركي قام يصفر والباقين ماتو ضحك على أبوهم
تركي: عاااش الشاااااايب عااااااااااااااااش!!
غلا: هههههه من جد وش عشرين سنه وبس
ساره: ياحليلك ياابوي اشتقت لأمي حتى انت؟
ريناد: ياااي أمي بعد منحرجه أكيد وحشك أبوي الصراحه الكليب حقكم اعجبني
ام محمد انحرجت وعيالها مايصدقون تنفتح هالمواضيع: هههههه يالله بس استحو على وجيهكم
غلا: والله ابوي اليوم مره متغير طالع أحلى من تركي حتى
تركي: سلامااااااااات أحلى منني؟
غلا: ههههه ايه
ابوعبدالله: حتى البنات شفتي يام محمد مب انا احلى منه؟
تركي: اما ذا الشااااااايب احلى منني كثري منها
ام محمد: الله يخليه لي ولايحرمني منه
ريناد: ياعيني على الأفلاام الهنديه
ام محمد: ههههههههههههه
ابوعبدالله: يالله ماودكم نروح روحو البسو
ساره: يمه بتجين معانا؟؟
تكهرب الجو شوي الكل ينتظر ردت فعلها
ام محمد: مدري والله مصدعه اليوم وراسي يعورني ماودي اروح
ساره: وانا؟
ابوعبدالله: بتروحين وبتسلمين عليه وتجلسين وياه وقولي مابي
تركي: يبه بسيارتي؟
ابوعبدالله : ايه
تركي: ان شالله يالله ابركب واللي بيجي معي ألحييييين يطلع
ريناد: يووه بغير
تركي: انا قلت ألحيييييين ابمشي بسرعه
.................................................. .........................
دخلو عنده (تركي وغلا وابوعبدالله وساره وريناد ) وندى ولمى طبعا كانو موجودات من قبل وسلمو عليه وتحمدو له بالسلامه ...ساره متضايقه لأنها جاييه (حاسه ان مالها داعي) ريناد بالعكس أعجبت فيهم جد أخوان بالرغم ان لهم من زمان ماشافو بعض وكل واحد ظروفه تختلف عن الثاني لكن باين انهم يحبون بعض وواضح الحب بينهم وبين بعض صحيح تعليقات وكل واحد يضحك على الثاني لكن حتى جلستهم ماتنمل ... وكلهم لبعض داااااااااايم
تركي: بكره؟
عبدالله: والله انا مافيني اقعد زياده هنا ملييت
ابوعبدالله: هانت مابقى شي
عبدالله يمزح: ايه زين اللي مااهج من عندهم واتركهم
تركي: اطلع طيب
عبدالله: ممنوع...يبه قل لهم ابي اطلع اليوم تراني بصحتي والحمدلله مايحتاج يوم زود
ابوعبدالله: انا اكلمهم واشوف
ريناد: وين فارس؟
لمى: عند عبدالعزيز مايبي يجي
غلا: هههههه مسكين هالعبدالعزيز رحمته احس انه مبتلش فيه
لمى: هههه مره الله يعينه عاد فارس مدلع وان بغى الشي صاح
ريناد: ووينه أبي اشوفه
لمى: ماادري خليني اتصل على عبدالعزيز واشوف وينهم
عبدالله: اقول خلها بالرياض أحسن لك<<الرجال بسوالف ثانيه
تركي: اهم ترا أكثر اهلهم بالرياض اهم الوحيدين اللي بالشرقيه
ابوعبدالله: خلها هناك احسن
عبدالله: يبه وش الفايده كل المعازيم يروحون من الرياض للشرقيه خلها بالرياض أحسن
تركي: ايه والله أنا اقول بالرياض أحسن
ابوعبدالله: وابوها وش يقول؟
تركي: ماعنده مشكله بس يقول مارح يجون كثير ان كانت بالشرقيه
ابوعبدالله: ايه دام الدعوه كذا لالااجل الرياض أحسن لكم
غلا: يووه ياتركي توك صغير الله يعينها عليك
ساره: وانتي الصادقه
تركي بتعصيبه مصطنعه: لاوالله؟ وش ناقصني أنا؟ عين ول خشم؟
ريناد: هههههههههههههه
ساره: معروف أصلن لاتاخذين لك واحد صغير كبر تركي
غلا: جد الله يعينها ههههههههههههههههه
تركي: اقول ماكنكم حشيتو؟
غلا: لالاخلاص توبه
تركي: وانتي بعد قولي توبه
ساره : تووبه هاذيني قلت
دخل عيهم فارس ومعاه حلويااات وشاف المكان مليان راح مسرع عند امه
لمى: ايش هذا فروس؟
فارس: نوف اعطتني اياه تقول لي اذا تسلقت النخله كلها أعطيتك
لمى: هههههههههه والله ذالتك هالنوف
فارس: انا قلت لها تعالي بيتنا بس عييت
ريناد: تعاااال ابيك تسولف علي (واهي تحطه على رجولها) علمني وين رحت اليوم
فارس: رحت بيت خالي بدر بيته كبيييير وفيه ألعاااب ونوف وبليس تيشن واذا جيت اخذ حلاوه مايقولون لا
تركي: ايه بلاهم خايفين من لسانك وصياحك
فارس: وشو؟
تركي: لالالا أبد سلامت قلبك أنسى
الكل: ههههههههههههههه
فارس: اصلن أنا مااحب عمي تركي أحب خالي عبدالعزيز أكثر(مد له لسانه)
تركي: والله وصرنا نقول كلام أكبر مننا أشوف
فارس: وش تقول ؟ ماافهم
تركي: نسيت من اللي يراكض فيك يوم اننا بلندن
فارس: بس ان قلت لك تشتري لي ماتسوي بس انت تاكل وماتعطيني ولاحلاوه
تركي تفشل فضحه
ريناد: والله انك نذل ياتركي هههههههههه
تركي يبي يصرف: مخلصه فلوسي حرام عليكم
غلا: وبعد وش يسوي ؟
فارس: اقول له ودني هناك ودني مايوديني بس يمسكني ويقعد يسولف مع صديقه ول صديقته
تركي: اقووووووووووووول ماودك تسكت
الكل: هههههههههههههههههه
ساره: طلعت الفضايح
تركي: وانتي بعد هذا تخلينه يسولف كل اللي عنده فضايح تعال بابا تعال لاأخليك تكره خالك عبدالعزيز أطلعك أي مكان تبيه(يصرفها)
غلا: خلاص انفضحت ماينفع
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::
Color]
دخل البيت بوجه شااحب ومرتبك ...ندمـــــــــــــــــــان والندم ماينفع الحين ...الغلط اللي سويته ماينتسوى ليه يامحمد ليـــــــــــــــــه والأكثر من كذا هالخطوبه اللي مايدري كيف يفكر ول شلون يفكر واهو ماضمن الظروف اللي عاشها ... او بالاصح اللي رسمها.... حطمــ له لوحه بريئه ظلمها بقسوته وبظلمه .... أجل بنت بأول عمرها اجي أقول لها أنتي عار علـــي وأنا اببقلتك .؟. كل ماتذكر كلمه قالها لغلا يتحسف ووده يقتل نفسه ... الحين وش الوجه اللي ابقابل فيه أبوي واخواني ؟.... اقول لهم ضربت بنتكم واتهمتها؟؟ ولو انك مخليها تروح لمصر يامحمد كان أحسن لها تذكر غلا يوم أنها تقول له لو اني رحت مع ابوي مصر كان أحسن ...ســــــــــــــــــامحيني ياغلا أنا آســــــف آســــــف ...دخل للمطبخ مستحيل بياكل لكن دخل ومسك السكين وحطها جهت قلبه
ليت من ينتحــــــــــــــــــــــــــــــر أبرك له من هالعيشه ...عادت الطيب ان أخطأ يلوم نفسه أكثر من غيره وعلى أتفهم سبب أجل كيف ان كان مثل هذا؟
تنهد وتعوذ من ابليس وطلع من المطبخ لقى أمه قباله
ام محمد: هلاهلا محمد متى جيت ماحسيت فيك
محمد ووجهه أسود وببرود: يمه جا ابوي وتركي؟
ام محمد بعد ماانصدمت من شكله : ايه وشفيك؟
محمد ووده يكلم امه لكن مافيه قوه يتكلم فيها عن هالموضوع اهو عساه يشيل جسمه بلحاله تعب من طلعت البر ومن التفكيرواهو يفتح أول زرار من ثوبه
لالاابروح انام الحين
ام محمد: محمد عندي لك بشاره
محمد واهو يرقى للدرج لف عليها وبنفس نظراته الحزيييينه الحايره: وش فيه فرح الحين؟
ام محمد: ساره اختك
محمد: وشفيها بعد؟
ام محمد: انخطبت وانا متأكده أنها توافق
محمد بهدوء وبروود: يعني وافقت على فيصل؟
ام محمد: لالانايف ولد خالتك
محمد باستغراب: نايف؟
ام محمد: ايه
محمد: مستحيل
ام محمد: ليه اليوم مكلمتني أمه
محمد( والحين بعد تبين تخلين نايف لساره واهو بالأساس جا يخطب غلا ؟.. تفكير غريب): لالامستحيل بياخذ ساره
ام محمد : اقول لك قايلت لي اليوم
محمد: واهو يكمل طريق: اصلن اليوم كلمني نايف بالموضوع يخطب غلا مب ساره
ام محمد: لالاساره
محمد بملل: يمه قلت لك قال لي اياها بعظمت لسانه غلا وبعدين مستحيل بيجي يخطب ساره واهو يدري ان فيصل يحبها أنا مارح أرضى له وتعرفين نايف ولد اجاوييييد ومايسويها
ام محمد (تذكرت ان ام نايف ماقالت ساره : مااخفي عليكم ضيقت الصدر اللي حست فيها (يوه يابنتي ياساره تحلمين بأحد ويصير أخر شي لأختك؟ ...ومين؟... غلا؟ ليتها ريناد انا من زمااان ابي نايف لوحده من بناتي ولو بيدي كان خطبته لهم ...اجل تجي بنت الجوهره وتاخذ ولد اختي ؟؟ والله مب حلوه، ياام محمد) غيرهــ ...وحسد ...نـــــــــــــايف كل الحريم يتمنونه لبناتهم ...يجي على غلا؟... ويخطبها بعد؟... والكل بصفه الحين موقفها ضعيف حتي محمد مارح يزوجه ساره ؟.... وساره ...بتصير عانس ول بتجيها حالــــه نفسيه أكيد ... لالازم تتصرفين تسوين شي يام محمد لاتوقفين ساكته مثل الضعيف ...تذكرت مواقفها مع غلا وكيف ظلمتها .... حست باحساسها يوم تطيح تعبانه ضريره واهي تقوم محمد عليها ...ماحد وقف معها ... قويـــه غلا لكني منعت كل الأسباب اللي تخليها قويه... حست فيها وخنقتها العبره .... حطت عينه بعين محمد اللي بس شكله ونظراته لها معااني وفي خاطره أشيا مب شويه .... اليوم قابل نايف وتكلمو عن الخطوبه ... طيب محمد ليه معتفس كذا؟....
ام محمد: محمد ليه تعبان وشفيك؟
محمد: البر تعرفين
ام محمد: لامب البر انت كل اسبوع رايح مع نايف هناك قل لي وشفيك
نزل من الدرج عندها لأنها فرصته يكلمها دام الموضوع انفتح وجلس على الكنب اللي بالجنب
محمد: والله يمه اخا ف من الفضيحه ..نايف والنعم فيه يعلم الله اني لو الف الرياض كلها مارح ألقى لغلا أحسن منه ...نايف انا أتشرف به ... ولي الشرف أعطيه كل خواتي ان بغى بس ..ماودي بها الزواج يصير بننفضح قدام الرجال ... وعند أهله والفضيحه مب سهله (ماوده يقول انتي كذبتي علي مهما كان هذي امه لكن لازم يحطها عند الأمر الواقع عشان يقدر يلغي خططها الجايه)
ام محمد: فهمت عليك ...محمد وشرايك نرده؟
محمد: أرد نايف؟ أن مت سووها وردو واحد مثل نايف.. انا يكفي فيصل رديته بعد تبون نايف؟ لااذا اندفنت تحت التراب ردو اللي تبون ومستحيل ارد نايف لو وش يصير
ام محمد: وسعد؟
محمد: سعد بسلامته الله يوفقه سعد اهو اللي أرده مب نايف
ام محمد تبي تنغزه: الله يسامحك ياغلا اللي سويتيه مب شوي
محمد انقهر كلامها (مب حاسه انها قالت شي):بس يمه ماتلاحظين ان فيه شي غريبــ يصير؟
ام محمد بخوف: وش؟
محمد: ان كانت طالعه مع خويه ووشلون بيجيني يخطبها ؟؟؟؟؟؟؟
ام محمد: ايه صح غريبه
محمد: والشي اللي محيرني أنه قال لي عن عن السالفه وغير كلام ندى(يبي يقول ان ندى تكذب مب انتي)
ام محمد وقفت روحها خلاااص ماعاد تدري وش تقول :وش دراك؟
محمد: قاال لي بلسانه السالفه وعاد لي اياها اكثر من مره مستحيل راح يكذب نايف لوانه غيره يمكن بس نايف مستحيل ...نايف هذا شخص أنا اتعلم منه أشيا كثيره مايكذب كذبه بايخه مثل كذا...وربعه كلهم شايفهم اليوم
رجاااااااااااااال والواحد منهم يسوى عشر رجال وابد مب راعين هاللفات
ام محمد: ............
محمد: اتوقع انه فيه لبس ول فيه كلام غلط لأن نايف أعطاهم السياره وخلا سواقهم يوصلهم وبعدها اخذها ..اتوقع شفتوها سيارة نايف قلتو انه خويه
ام محمد بتردد: مـــ... مــ...دري ....والله ...عن ن،،د دى
محمد: اهاا يعني ندى؟؟؟
ام محمد: ايه ندى الله يسامحها المفروظ تاكدت
محمد شاف امه وقرا ملامحها من غير مايكثر كلام ومن غير مايسأل كلشي انفضح من ملامحها
فهمــ كل السالفه وتأكد مو بس فهم أمه تكذب واضحه مثل عين الشمس حريم واتوقع كل شي الحين