كل مازاد حبك زادت حـــرارة الجرح ------- ليه كل ماقلت احبك قلتلي كــذاب !؟
حكيك لو بغيت الصراحه اقسى من الرمح ------- وصدري لو بغيت الصراحه من كلامك عاب
انا اتشفق لوجدانك كل ماسمعته كح ------- واشتعلك حُــب كل مانور الضحى غاب
حنيت لك جناح الذل , لك حنيته صح ------- وكل ماتطلــــــــــــب من غلا تلاقيله إيجاب
لــوقلت لي روحك قلت لك خذها ورح ------- ولو قلت لي قلبك قلتلك واقف على الباب
ولو قلت محتاجك قلتلك على صدري ارتح ------- ولو قلت بردان دفيتك بأعذب كلام العتـاب
أحبك , واشتقت لك ياجامعِ حبي بلا طرح ------- جرحتني البارحــــه مســموح وجرحي ترى طاب
لك في وسط روحي بنيت من الهوى صرح ------- لوتجيه الريح مــــــــــــــاحركت من تربته تراب
لكن لاجيت اصور وضعنا من دون شرح ------- ابسط مثل يمثل الوضــــــــــع تمثيل الصواب
انا طفل كل ماقال لك حب ابتستمت وقلتله بح ------- وكل مابكى زعلان جبتله صــــــــــــــناديق الألعاب
ومع هذا أحبك ولا في خفوقي منك جرح ------- لكن أبسألك والسؤال يحتاج دوماًــــ جواب
أنا ماكو شي عندي و تشوفه عنك شح !! ------- ليه كل ماقلت أحبك قلت لي كــــــذاب ؟
م/ل