[المشاعر العذبة]

مـر يوم كــامل ..
وعقـارب السـاعه تعامدت ع 12 مساءً ..
" الحمدلله إن ربي فكني منه الحمدلله ."
ناظرتهاا " خاافي ربك مهما كان هو ولد عمتك .."
لمى " خلييييه جعله العَمى .. يستااهل ربي جازااه صدق يمهل ولا يهمل الحمدلله إنهم كشفووه قبل حتى لا أتزوجه وأتوّهق .."
ليان " الله يعين عمتي صيته ويصبّر قلبهاا .."
لمى " تستاهـ...- بسرعه – أستغفر الله بس الله لا يغضب عليناا .."
ليان بقلق وعيونها على ساعتها " اففففف .."
لمى " وش فيك ؟"
ليـان " مدري تركي تأخر ........."
" دقي عليييه !"
ليـان بقلق " دقيت والله بس مايرد ، ياااربْ الله يستر "
مرت ربع ساعه ولمى كل ساعه تحمد ربها يلي أنقذها من هـ الأحمد يلي طلعت بلاويه للعالم كلهم خصوصا أبوها يلي مو مصدق للحين ..
صحيح تكرهه .. بس بعد قلبها معورهاا على أمه وأخواته .. مهمـا كاان يلي صار له مو هيّن !

أخيرا إنفتح باب البيت وطل تركي يلي يصفر بطرب ..
قامت له ليان بسرعه ووقفت قدامه " ويييييييينك تأخرت ؟!"
إبتسم وناظرها " كنت مع مشااري .. – وناظر إخته السرحانه – "
لفت ليان وناظرتها وهي تضحك ..
لف يده على خصرها ومشاها معه إلى إن وقفوا قدام لمى يلي
أول ماإنتبهت ناظرتهم بخبث ..
تركي " جهزتي لبكرة ؟!"
إرتاعت " أجهز ؟؟؟؟ ليييييه أحمد بيطلع ؟!!"
ضحك وجلس وليان معه " لا وش يطلعه ..؟"
أزفرت " الحمدلله طمنتني .."
تركي " جهزي لك فستان حلوو فاهمه ؟!"
لمى " ليييييه تكلم طيّرت قلبي .."
ضحك " لا سلامة قلبك مشاري يبيه .."
تجمّع الدم بوجهها " قلييييييل أدب .."
تركي " هههههههه ومنكم نستفيد .."
" إنطــم .."
تركي مبتسم " إسمعي .. بكره بيجي مشاري ولد عمي فواز ويعقد علييك بدل أحمد .."
طارت عيونها وبدون قصد " قل قسـم .... – أول ماإنتبهت – أأأأأ.. وشوو ؟"
ليان " هههههههههههههههه يلي في القلب يطلع "
تركي للحين مبتسم على وجه لمى الأحمر " يلي سمعتيه .. بيجي ويمّلك عليك .. هو جا لأبوي قبل
بس أبوي رفض لأنك مخطوبه لأحمد لكن الحين بعد ماإنمسك خلاص رجع مشاري وطلبك بسرعه أول مادرى خاف تروحين منه .."
لمى للحين مصدومه" ................. "
حرك يدينه قدامها " هيييه فاهمه وش أقول ؟"
هزت راسها بسرحان وفهااوة وكل مصطلح ممكن يصف حالتها الحين ..
ياارب مايكون حلم يااارب ..

::::

في اليـوم الثـاني وعلى حدود السـاعه 4 العصر ..

دخل للبيت وهم معه والضحكه مو قادره تفاارق شفايفه ..
قفل باب البيت وبفرح واضح " حيااكم الله تو ماأنوّر البيت والله .."
مبتسم ولأول مره بعد كل يلي صار " منور فيك ياطلاال .."

دخلهم لـ الصاله يلي تغيرت عليهم وااجد وإبتسم وهو يتوجه لدرج " حيااكم الله البيت بيتكم شوي بس أنادي مها وأجي ..- وبصوت عالي – سعديـــــــه .. سعدييييييه يابنت .."
جاته تركض وهي مستغربه الضيوف الجالسين " أيوَه ؟"
مبتسم " إسألي عمي سعود هو والمدام وش يشربون وجيبيه لهم بسرعه .."
أم وليد مبتسمه " ماله دااعي ياطلال .."
طلال " لا والله مافي شي من واجبكم أنا ماصدقت إنكم رضيتوا علينا ههههههه .."
ضحكوا على ضحكته وكمل طريقه لفوق بسرعه وهو ينط درجتين درجتين ..
دخل للغرفه شافها جالسه وبحضنهاا كتاب تقرا فيه " مسااااااااء الخير يالمثقفه ."
رفعت راسها وإبتسمت" هلا مسااء النور .."
مشى لها بسرعه وشال الكتاب .. حذفه على جنب و وقفها من يدينها " قوووومي في شي لك تحت .."
مها مرتاعه " وشو ؟"
جرها معه " شي بيعجبك والله يلاااااااااااااااااااه بسرعه .."
نزلت ورااه بتخبّط خصوصا إنه شبه يركض .. وعيونها ع الدرج بتركيز تخاف تطيح ..
وصلت لنص الصاله وأول مارفعت عيونها " كسرتني طلاا............."
نـاظرت يلي قدامهاا ويلي وقفّوا أول ماشافوها ،
صارت تحرك شفايفهاا بالهوا تبي حروف لكن ولا شي طلع ..
إبتسم لها بحنان وهو فاقد بنته .. وفااقد حنانها يلي كانت تعطيه إياه مع إن المفروض العكس ..
ضيعها منه بس عشان كم ريال .. والحين ( مع إنه تأخر ) حس بس بقيمة البنت .. حس وش يعني يكون عندك ورده ماتنمو إلا إذا أرويتهاا ..
بهمس " أبوو..وي ؟!"
فتح يدينه لها وعيونه تمتلي دموع .. وش كثر صدها وصد طلال بغباءه ..
وش كثر سكّتهاا بصراخه يوم يسمعهاا تقول هـ الكلمه ..!
وش كثـر هو مشتااق لضحكها ولـ لعبهاا معه " تعااالي يابووي .."
لفت ناظرت طلال يلي إبتسم لها بتأييد ..
وركضت على طول .. ضمتّه بقوة وهي تبوس يده وراسه وتصيح ..
وجنبه أمهاا يلي ماقدرت تنطق بحرف ..
أبو وليد " شخباارك يابوووي وش الدنيا بك ؟"
مها بإنهيار وهي تسلم على أمها " ماينقصصني إلا إنتو يبه ماينقصني إلا إنتّو .."
طلال " مره قلتي لي ودك بـ مثل هـ الييوم يجي وتقدرين تحضنين أمك وأبوك مثل قبل .. وهذاني أكثر من شهرين وأنا رايح جاي عندهم وأحاول أقنع فيهم إلى إن إقتنعوا . – إبتسم بحب – وليت هـ الشي يوصل لك لو ربع من غلااك عندي .."
أبو وليد " وأنا أشهد يـ المها إنه رجاال من ظهر رجاال .. والحق علينا يوم إنّـا صدينااه ..""
مها بحيا " من يومه يابوي طلال رجال .."
ضحك " سمعت ياعمي سمعت ؟"
أبو وليد وعيونه بين بنته وزوجها " عسى الله يسخرها لك ويسخرك لهاا .. لولا الله ثم كلامه كاان للحين وأنا مدري عنك شي .."
طلال يستهبل " وااي خلاص ترا أستحي .."
أبو وليد " هههه العذر يا طلال أدري مقصرين بحقك وغلطنا عليك واجد بس.."
قاطعها مبتسم " مسموحين من غير أعذار .. الله يشهد علي إني منيب شايل بقلبي شي أبد ويكفي بس أشوف ضحكة المها بينكم .."

::::

بطلب من لمـى المرتاعه .. تمت الملكه بعقد فقط ..
يعني جا الشيخ وكتب عقد القران بدون لا حفله وبدون ماعزيم وبدون شي ..
اللهم وقع مشاري المتشقق .. ووقعت لمى يلي للحين تحس نفسها تحلم وإنتهيناا ..

ليان " هههههه يبي يشوفك يختي حرام عليك .."
لمى " منيييييييب والله ماأنزل له .."
ليـان " ههههههههههههه هو بيطلع لك .."
لمى " خليه يسويها والله أذبحه ............... عيال أخر زمن وهـ .."

....

مشاري برجا " عااد بس نظره .."
تركي " هههه ولا ربع نظره يااخي إختي تستحي إفهم ."
مشاري بتأفف " بعد كم يوم بجي وبشوفها رضت ولا لأ .."

::::

" خلاص يافجر ذبحتي عمرك صيااح بس يكفي .."
فجر بألم " فيصل متخيل إنت أنا وش فيني ؟ سرطااان يافييييصل سرطاان .."
بأسى " لاحول ولاقوة إلا بالله .. فجر إنتي مؤمنه وهذا قضااء ماتقدرين تعترضين عليه .."
فجر " ................ هئ .."
فيصل بضيقه " ذبحتي عمرك بسّك صيااح تكفين .."
فجر وهي تمسح دموعها وتضم ركبهاا بصدرها " عمر درى ؟"
فيصل " لأ .. ندق عليه وجواله مغلق مدري وش فيه !؟"
فجر " طيب عمي سالم درى ؟"
فيصل " إيه .."
بخوف وترقب وضح بصوتها " وش قاال ؟"
تنهد " وش بيقول يعني ؟ إحتسب الأجر عند ربه وسكت مو مثلك سويتي مناحه !"
فجر " .......... "
فيصل ويدينه على ركبتها " ياقلب أخوك إنتي ! لو لي معزه عندك قومي كلِي لك شي من جيتي من المستشفى ذاك اليوم وإنتي ماطب بطنك الأكل .. قومي مو زين لك الجوع ..!"
فجر " ...... "
فيصل " لا تخاافين الله معاك وماراح ينسااك إن شاء الله .. والله إذا حب عبد إبتلااه .."
فجر " ............... ونعم بالله هئ .."
ومحاولات يائسه " الدكتورة قالت لك إنه أقل من 3 سانتي يعني يمديهم يستأصلونه بسهولة من غير شقى مرضى السرطان يافجر .."
فجر " ............ – ضمته بقوه – بموت يافيصل بمووت !"

::::

مرّت فترة .. والأوضاع في تقلب مستمر ..
لمـى للحين معنده ماودها مشاري يشوفها يقال مفتشله لأنه شافها ترقص ذاك اليوم !
ليـان وتركي على ماهم عليه ، وعلاقه رائعه لكن مابعد تقرر بشي من القرارت الكثيرة يلي في بالها ..
شذى ، وكابوس أم الزوج المرعب يلي هاد حيلهاا .. تحاول قد ماتقدر تتصف بالحلم والصبر أقل شي مايزعل منها مشعل يلي صاار جزء لايتجزأ من حياتهاا !
فـجر من إنهيار لإنهيار وحـالة تشتت وصدمه وللحين مو مستوعبه ..
وعمـر من قال له أبوه وماتنسمع أخباره !
فـارس وقلبه يلي رق وأشفق على فجر يلي صدمه خبر مرضهـا !
أمـا مشـاعل ..
،
وش رجّعك ؟
لـ يكون قلبك يوم حسّ إنّه جرحني
وجّعك ..!
،‘

كـانت جالسه بغرفتها ع النت وتتكلم مع رائد يلي رجع وأخيرا وحط عذر لغيبته إنه كان مسافر وتوه يجي !
إندق باب غرفتها ودخلت أمها " مشاعل بسرعه إنزلي لأبووك يبيك ضروري .."
إختبصت من الخرعه وقفلت صفحت المحادثه بسرعه قبل لاتقرا وش كتب .. ناظرت وجه أمها المخطوف " هاه ؟! هه وش يبي ؟"
أم مشاري " والله مدري يقوول خليها تنزل لي ضروري .."
وقفت وهي تتنافض " الله يستر .."
نزلت ورى أمها بسرعه وقلبها يرقع من الخوف ..
جلست قباله " نعم ؟!"
بدون مقدمات وهو يناظر وجهها " بسام طالب يرجعك وش قلتي ؟"
صــــــدمه .
صــدمه .
صدمه .

بهت وجهها " و..ووش ؟"
أبو مشاري " حنا كبرنا وماندري إذا بندوم لك ولا لأ ..؟ ومشاري وملك وزواجه بالإجازة يعني محدن بيبقى غيرك .. بسـام للحين رجلك وماطلّقك غير طلقه وحده وحس بغلطته الحين وجاي يصلحهاا وش قلتي ؟"
مشاعل بهلع " وو.أأأأأ بسام يرجعني ؟"
أبو مشاري " منيب ضاغط عليك يكفي يلي جاك .. بس فكري بالموضوع زين ترااه يمكن آخر من يجيك .."

هزتها كلماات أبووها وخرقت العظم .. آخر من يجيني ؟
ليه لذا الدرجه النااس تناظرني نظـرة البايره ؟!
وقفت من غير لاتنطق وطلعت لغرفتها بصمت وللأسف ولا دمعه رضت تطيح ..
جلست ع الكرسي وأخذت اللاب بحضنها وفتحت محادثه مع رائد ..

ألا ليــت الزمن يرجع ( مشاعل ) :
رائد تدري وش سوا الحقيييييييييييييير ؟
أخطيــت وليتك تقبلين أعـذار ( رائد ) :
منهو ؟
ألا ليــت الزمن يرجع ( مشاعل ) :
بســاام جعله الموت وله عين بعد جااي يبي يرجعني تخيل ؟!!!!!!!
أخطيــت وليتك تقبلين أعـذار ( رائد ) يجس نبض :
وليه ماترجعين له على حد علمي يحبك .."
ألا ليــت الزمن يرجع ( مشاعل ) :
حبوه الدود يارب وش فايدة محبته بعد يلي سوااه .."
أخطيــت وليتك تقبلين أعـذار ( رائد ) | تضايق ، أجل هذي دعاويك لي يامشاعل :
ممممـ طيب ماعلينا منه ها ريم وش رايك ؟"
ألا ليــت الزمن يرجع ( مشاعل ) :
في أيش ؟
أخطيــت وليتك تقبلين أعـذار ( رائد ) :
نتقابل بكره ..
أخطيــت وليتك تقبلين أعـذار ( رائد )
تكفيين من بعيد لبعيد بس أشووفك وأتأكد إنك بخير ثم تروحين ..
أخطيــت وليتك تقبلين أعـذار ( رائد )
بليييييز ريمي بلييز والله من بعيد لبعيد وفـ مكان عام بعد ..

مشاعل بعد فتره
ألا ليــت الزمن يرجع ( مشاعل ) :
آسفه رائد .. ماأقدر لا أهلي ولا ديني وعاداتي ومبادئي تسمح لي أطلع مع أحد ..
أخطيــت وليتك تقبلين أعـذار ( رائد )
تكفيين عاد من بعيد والله حتى لا تقربين .. وبعدين كإنك رايحه تتسوقين وشفتيني بالغلط ..

ماردّت ..
أخطيــت وليتك تقبلين أعـذار ( رائد )
طلبتك ريم والله حتى وجهك منب شايفه ..


بـ لحظـة ضعـف وبـ لحظه تسلط فيها الشيطان وزاد من كبْر الخطـا والذنب .
ألا ليــت الزمن يرجع ( مشاعل ) :
أففف منك حنّـان .. خلااص طيب وين ؟ بس هااااااااه ترا من بعيد لبعيد إنت بأول المكان وأنا بآخره وياويلك إن قربت ..

....


وعلى هـ المحادثه إنتهى اليوم .. قـامت الصباح وكـ العاده راحت للبنك كمّلت دوامها طبيعي وكإن مافي شي صاير مع إن قلبها واصل لحلقها من الخوف ..
رجعت للبيت وطلعت لغرفتها يلي أول مادخلتهاا قامت تصيح ماتدري ليه ..
ياارب وش قاعده أسووي أنــا ؟ وش قااااعده أسوي ؟

لاتخافين عادي .. هو بيقابلك بالراشد يعني مجمّع كبير وماراح يقدر يسوي فيك شي لاتخافين ..

زااد صياحها وهي تسمع لهالوسوسه الشيطانيه الخبيثه .. ويلي للأسف رضخت لها
بضعف ..
بدلت ملابسهاا وتأكدت إن وجهها خالي من أي مستحضرات تجميليه ..
شالت عبايتها وأزفرت بإرتبااك تخفف الألم يلي في قلبهاا يلي من قوته حاسه نفسها بترجع كل يلي في بطنها اكرمكم الله ..

ناظرت ساعتها يلي تشير عقاربها للخامسه مساء ..
صلت المغرب يلي توه أذن بعد ماتوضت ودعت ربها بدعاوي كثيرة وقلبها مقبووض ..

طلعت من غرفتها أخيرا وقبل لاتنزل الدرج مرت غرفة أمهاا بقلب يدق بعنف ..
شافتها واقفه قدام التسريحه وتزّين الشدو ..

طفلتك ماعشت " إحساس" الطفولة !
فاقده في هالزمان ... إحساسها !
شافت إن الصبح ..... ماتقدر تطوله !
وازفرت .. ونّه ! ورى أنفاسها !
واحضنت هالليل والورد ..... وذبوله !
............ لين مانامت ...... على كراسها !
فيه شي ٍ لو قدرت إني ....... أقوله !
كان شفت الناس ... حبّت ناسها !
يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
،‘
إبتسمت أول مالفت لها أمهاا " يالله يمه أنا طالعه .."
بإستغراب " وين توك راجعه ؟!!!!!"
مشاعل بإرتباك واضح " أأ.. لا بس مشوار بسيط ماراح أطول تبين شي ؟"
أم مشاري بدون إهتمام وترجع لمرايتهاا " لا .."
إبتسمت بأسى على الحال المنحدر يلي وصلت له هي وأمهاا ..
تعوذت من أبليس ولفت بتطلع لكن ..
" مشااعل !"
لفت لها بلهفه " سمي .؟!"
إبتسمت غصب " إنتبهي على نفسك وأنا أمك !"
ولأول مره تسمع هـ الجمله .. ولأول مره بعـد كل ذيك الأيــام تسمع هـ النبرة من أمها ..!
مشت لها بهدوء وحبّت راسها " أبشري يمي ماطلبتي .."
حطت العلبه يلي بيدها ع التسريحه وإبتسمت وهي تمسح دمعه عابره طاحت على خد مشاعل " وإرجعي بدري بنتظرك .."
مشاعل " وحفلتك ؟ مو اليوم حفله عند أم م.."
قاطعتها " ولا حفلات العالم كله تغنيني عن ساعه وحده بجلسها معك .. "
إبتسمت وإمتلت عيونها دموع " صدق يمه صــدق ؟"
أم مشاري بإبتسامه " طبعـا .. إنتِ بنتي الوحيده يعني صديقتي ههه ولا ؟"
ضحكت وهي تتحجب " خلاص يمه نص ساعه بالكثيير وأكون عندك إنتظريني .."

::::


بعـد ماتأكدت إن الوضع تمـام . وإن الحمَل تم وردت عليها الممرضه إن يلي في بطنها صار له أكثر من شهر ..
مسكت جوالها ودقت عليه تبي تبشره بـ هالخبر وأخيرا ..
شوي بس وبعدها " ياهلاا والله بنجلاا عين السيح !"
ضحكت بحيا " هلا وليد وينك ؟"
وليد " شوي وأرجع ليه بغيتي شي ؟"
نجلا بحماس بيطلع من عيونها " إيه عندي لك خبر بيسعدك كثيييير .!"
وليد " وشو ؟ قولي .."
نجلا " لا لا لا تعاال بـ الأول ثم أعلمّك مايصير بـ التليفون .."
وليد " دامك بديتي فيه إنهيه .. قولي وش خبره لاتخليني أجيك طياره .."
ضحكت " هههه لا طياره ولا قطار بشويش لاتصدم .."
وليد " قوولي طيب .."
نجلا بعد فترة " توني جيت من المستشفى .."
بخرعه " مستشفى !!!!!! لييه ؟؟؟"
نجلا " تطمن مافيني إلا العافيه .."
وليد " العيال فيهم شي ؟؟؟؟؟ نجلا تكلمي ..!"
نجلا " لا وليد كلنا بخير تطمن بس رحت أحلل .."
وليد " تحللين ؟!"
إبتسمت " إيه وطلعت ........... حامل هئ .."
شهق بصوت عالي " قوووولي قسسسسسسسم .."
نجلا " والله العظييم .."
وليد " نجلا من جدك ولا تمزحييييين ؟!"
نجلا بصيحه " لا والله جد وأخيراا .."
وليد بفرحه ملتْ صوته " ياجعلني أفداا موطى رجلينك أنـا ... مبرووك ياقلبي مبروك الله يتمم لك على خير .."
نجلا " آمين .. يلا وليد لاتتأخر تكفى .."
وليد " ثوااااااااااني وأنا عندك .."
سكر منه والبسمه شااقه حلقه من هـ الخبر يلي وش زينه : )

حط الجوال بجيبه وأول مارفـع راسه صرَخ ومسـك بريك قوووي ..
وشـي قوي يرتفع بالسمآ و يطيح على كبوت السياره من قدام ..