كثير مانرى التلاعب بمشاعر البنات بكلمات الاعجاب والشكر والثناء
وليس المقصود با اشخاص يردون على المواضيع لا اخذ العبره من الموضوع والاستفاده
ولكن تجد رده على الموضوع في وادي واساس الموضوع في وادي
والاهم من ذالك يلفت الانتباه
انا كانت عندي كم كلمه بصراحه بره المنتديات
يعني با الاصح في الاماكن العامه والتمشيه
والشباب ماشالله كشخته تقول كاشخ حق زواج اخوه
والا احد اقاربه يا ولد انت رايح مكان بر ورمل وش تبي با الكشخه
مالكم في الطويله
جات في بالي فكره بصراحه تعبنا من كثر ما نشوف من ها الاشكال والالوان من الشباب
وكل مالهم في زياده
تمنيت ها اليوم اللي يجي واقول الكلام اللي في قلبي عليهم
وللحين ماجا بس ان شاءالله مقرره اقول ها الكلام حق شاب واحد على الاقل يمكن الباقي يحسون على دمهم اشوي
كانت في بالي ها الكلمات (( انا موافقه اخذ رقمك بس تنفذ شروطي اول بيقول الغبي اكيد اي
بقول له اوك تجيب اختك او وحده من قريباتك حق اي شاب قدام عيوني وتسلمها له وانا اخذ رقمك
طبعأ هينا ابو شباب بتطلع رجولته والكرامه وماراح يرضاها على اهله
فكيف بيرضاها على بنت الناس
وادري اني طلعت عن الموضوع اشوي بس حره في قلبي وقلة لازم اقولها
وبما ان الاعجاب عن طريق المنتديات ابصم با المليون هذا يبي بس سوالف وضحك
والا اذا كان صادق في كلامه لا والله عنده الف طريقه يوصل لها
واذا حاط في باله النيه الحسنه الاكيد راح يكون الله في عونه
ويسهل عليه اموره ويكون الطريق سهل وميسر
اما اذا كان الشي نزوه مؤقته
لا والله الا راح يشوف العذاب والتعب من ورى ها الزواج
وحتى لو كانت البنت مافيها شي والحمدلله
اعذروني على اللخبطه والكلام الغير مرتب
الله يستر على المسلمين والمسلمات وترحمنا برحمته يارب
قبل الناس كانت تخاف من الاسواق والتلفون الحين
صار حتى الخروج عند فتحت باب الشارع خوووف
قميص يوسف
اعذرني على الاطاله
الله يوفقك ويسعدك
تحياتي