أخــــاصم حزن گلبي الليله وأرتــــاح
وأگله بوحدي هــــــاي الليله خلينــي
وأمد چفي أبصلح لچفوف الأفـــــراح
وأگلهه أنتي الأريدنــــچ تبـارينـــــــي
السعد هالليله ضيفي وعفت الأجراح
تــــزهر بالسعد صارت دواوينــــــــي
على ضي الگمر ماريــــد مصبـــــاح
نديمي النجم وحده ألي حـله بعينــي
من دمع الفرح خمر الحفــــل ســــاح
صحت يانجمه خل أسگيچ وسگيني
ستار المستحه عني أهجس أنـــزاح
وصرت بمـــوج ياخذنــي ويودينــي
الغزل توه أبتده وتوه العطر فــــــاح
وغدت مهرة أشواگي أتلف ميادينـي
طرت وأفــــراح گلبي صارت أجنـاح
وسماي الكـــون كله ومـــا يكفينـــي
عجب جاري وسأل ليش آنه مرتـاح
واليـــاسبب هــــالفرحه ينـــــادينـــي
سألني وجـــــــاوبت بدر الالنبي لاح
وتــــــــدري المصطفى دم بشرايينـي
ولأن چني أسمعت حيدر علي صاح
يـــــادنيا بنبي الرحــــمه هنينــــيني