مهوي :اف عليس ياجده شايفتني علميه ترا انا احسن من ..بوبو ..وقشطه ...خفوش ..وبوزقم ...وكل المفحطين
جدتي : من ذولا سكون
مهوي :لا ياجده ذولا ناس حايسين شوارع السعوديه
انا :جده خلي مهوي تفحط
شيخوه :جده انا ابي اسوق ولا مهوي وليلوه احسن مني
ريموه :بعد انا ابي اسوق
عبير :ايه صح كلنا نبي نسوق
رنود :خلينا نوقف ياعمه شوي
جدتي :صح وقفي يامها خلينا نجلس شوي
مهوي :انشاء الله ..
وتجي مهوي عند عرق وتوقف وعلى طول نزلنا كلنا ونتشرنا وحطينا عبياتنا وكلنا كنالابسين بنا طيل جنز وتيشرتات وكابات وجواتي سبور عشان نلعب كوره وجدتي كن موب عاجبها الوضع وفرشت ريموه فرشه لجدتي وحطينا اغراضنا
انا :بنات الحد يروح خلونا نخطط ويش نلعب مع بعض حتى جدتي
مهوي :نلعب ثلج ماء
رنود :لا شرطي حرامي
ريموه :خلونا نلعب مسدسات الما
شيخوه :لالا خلونا نلعب بطين
كلنا :كيف
شيخوه احنى جايبين معنى ماء يكفي سنه خلونا نكبه على الارض ونلعبه ونتحاذف
جدتي :لا تلعبون بنعمه
شيخوه :عادي ياجدتي وخير يعني موب ميتين عندنا غيره
جدتي :لالادورو لعبه غير
امجاد اخت مهوي :خلونا نلعب خطه
لميوه :لا موب حلوه خلونا نلعب كريزي
الكل :لالالا
عبير اخت مهوي :احنى جاين عشان نلعب لعبه كلها ركض ووناسه موب جايين عشا نجلس
هنود :ايه صح يالله عاد خلونا نلعب
عهود اخت شيخوه :خلونا نلعب كوره ويش رايكم
انا :لا
ريموه :خلاص موب لازم تلعبون معنى ياللله بنات نلعب بمسدساتناحقت الماء
وراحت هي وعهود ونجود بنات سلطان وعبير وامجاد بنات نايف
شيخوه :خلونا نلعب العبه الي قلت لكم
انا :يالله خلونا نلعب
جدتي :لالا العبو غيرها
انا :تكفين جدتي خلينا نلعب
جدتي :لا كيف العب معكم في ذي العبه
نوير :جعلكم المرض جدتي تلمح تبي لعبه هي تحبها
ندوي :يالله ياجده انتي الي بتختارين العبه وكلنا بنلعب
جدتي :كوره
كلنا :ياااازاااحفه يااجده
جدتي :هههه موب احسن من الي تبي شيخه
انا :يالله ننقسم فريقين وانا مع فريق جدتي
هنود :طل انا الي معها
شيخوه :جدتي معي في فريقي ولا ليه مسميني عليها
جدتي :لا انا حارس
رنود :بايعتها ياعمتي والله لاتشوتس شيخوه ان تروحس ورا الشمس
جدتي :عادي انا ابي حارس
وحطينا السياره مرما وفرشنا الفرشه وتربعت جدتي
وحنى انقسمنا فريقين
انا وريموه وامجاد وهنود ونوير ومهوي
شيخوه ورنود وندوي وعبير وعهود وامجاد ولميوه
وجدتي الحارس
وبدت العبه ولميوه اشتغلت في الصياح كنها صفات انذار
وريموه كنها في حلبت مصارعه ومهوي ماخلت عكسيه ولا تربعه ولا تخميسه ماسوتها كنها تسوق يساره وشيخوه كنها دبابه تركض وتدعم البنات ندوي انواع السب والشتم وانا ماخليت دعاه ماقلتها وهنود كل محد طاح راحت تكشف عليه مصدقه نفسها انها دكتوره ونوير مسوتلي رولاندينهو بتعديات والتزريقات على قولتها تعرف تلب ولعبها عجيب اما رنود تدربي راسها بلا تحلطم طول الوقت ناولوني ناولوني وامجاد طلعت دلع الدنيا الي موب لايق وعبير تلعب بخبث معنى عهود شوي وتموت ضعييفه وكل شوي طايحه ونجود كنها عبير اثنتين خبيثات
وجدتي جالسه في حالها وكل ماجاتها كوره انحاشت بس احنى نشوت بخفيف عشان مانذي جدتي الي جالسه تتفنجل ومشغله الريدو اما شيخوه متحمسه مشكل موب طبيعي وكل شوي شايته الكوره بقوى ماعندها
ولوجدتي ما تنحاش كان الحين في قبرها بسبت شيخوه
المهم لعبنا وجلسنا نستريح شوي ونشرب عصير وناكل
مهوي :ويش رايكم نروح نتدربا من فوق العرق
لميوه بميوعه :لا والله وشلون بنمتلي تراب
امجاد بميوعه غطت على ميوعت لميوه :لا مستحيل نسوي هاذي اللحركه البايخه
مهوي :محد عزمكم
انا :يالله
رنود :كيف ذي العبه
مهوي :ماتعرفين ترقين العرق و تدربين نفسس من عليه لين تاصلين الارض
رنود :وبعدين
مهوي :بس ويش تبين بعد
رنود :طيب وين الوناسه في هاذي العبه
مهوي :انس تدربين احلى وناسه
انا :جربي وماراح تندمين
رنود:يالله وامر لله
ريموه :صدق وناسه يله نتسابق
لين العرق
عبير : من الي بيروح معنى
انا :قلعتهم الي تبي تلعب تدلنا
وتروح عبير وترسم خط ونوقف عليه انا ومهوي ورنود وريموه وعبير ونجود ونوير أما الخايسات هنود وندوي ورلميوه وامجاد وعهود عيو مايبون