يـنجرح قـلب،، لكن ترتفع هامه
...........................والله انـي لاموت ولاانحنى راسي
لـو رمـاني زماني وسط،،دوامه
...........................العواصف شديده ،، والجبل راسي
أنـقل الحزن وامشي منتصب قامه
............................قـاسي الـوقت ،، لكني بعد قاسي
واسمع الحلم يصرخ لحظه اعدامه
............................رابط الجاش ،،، ماهز الخبر باسي
عـزتي غـاليه ،،والناس سوامه
...........................قـلت مـاابيع حتى تقطع انفاسي
زانـت ايام عمري ،، شانت ايامه
...........................مارجيت العزى من رحمة الناسي
مـن عـجز لايدوس الهم باقدامه
...........................لازم انـه مـع الايـام يـنداسي
يندمل جرح القلب ،،ماتت احلامه
...........................بس ما اظن يبرى جرح الاحساسي
يـوم صارت مابين القلب والهامه
..........................وش ابـي بالحياة الياانحنى راسي
مساعد الرشيدي