غمضت عيوني بقوه و رجعت فتحتها وانا احس بالصداع اخف من قبل 00 فتحت عيني شفت أمي واسرار واقفين جنبي 00
قلت بهمس وتعب وانا ارطب شفايفي بلساني :ابغى ماء00
قربت مني أسرار أكثر وحطت إذنها قريب فمي وقالت بفرح :مرام بغيتي شئ00
قلت بصعوبه :ماء00
قامت اسرار بسرعه تجيب لي مويا اما امي جات عندي وتقول بفرحه :الحمدالله على سلامتك يمه الحمدالله لك يارب00
قلت لها بعد ماابدت تتضح عندي الرؤيا شوي :يمه وين أنا؟
قالت لي :إنتي بالمستشفى يمه 00فجاءه أغمى عليك وو
قطعت كلامها ومااقدرت تكمل 00
قلت لها بتعب وسخريه مو وقتها :شكل المستشفى صار فندق كل يومين اجئ أزوره 00
قالت أمي وجهها متغير:الحمدلله على كل حال 00
حسيت من ملامح وجهها إنها فيها شئ فسألتها :يمه ايش فيك0؟!
قالت لي بحنان الأم وهي تمسح على راسي :يمه إذكري الله00
قلت لها وانا مو فاهمه شئ :لاإله إلا الله(وكملت بخوف)يمه إيش فيك خوفتيني 00صاير شئ00
قالت لي وهي تمسح دمعه غافلتها وإنزلت على خدها :إنتي أجهضتي 00
حطيت يدي على بطني وانا منصدمه 00يعني فقدت اخر خيط يربطني بعامر فقدت ولدي 00صرخت بصوت عالي وبكيت مهما يكون هذا ولدي 00ولدي يااااناااااااااس 00
00دخلت اسرار ومعها ماء ناظرت بأمي وفهمت من نظرتها إنها خبرتني 00هدتني و شرربتني كأني طفله00بعد مااشربت رجعت ونمت بتعب ودموعي ماجفت من على خدي00
ماادري كم نمت لكن يوم قمت شفت كل العائله متجمعين عندي امجاد وروان الاء واسرارا وام حسن وام ماجد كلهم 00
إنتبهت على البوسه الصغيره اللي إنطبعت على خدي وسمعت صوت ريم الطفولي وهي تقول :عمووو إنتي تعبانه00
إبتسمت لها بصعوبه وقلت:لا حبيبتي 00
جات اسرار وشالت ريم من جنبي وقالت لها :ريماني بعدي عمووو مرام تعبانه00
قالت ريم وهي تحرك رجولها بالهواء :ماابي مابي خليني عندهااااا00
قلت لأسراربتعب :خليهاااا00
قالت لي بإصرار:لا ماابخليها إنتي تعبانه ولازم ترتاحين00
قامت روان وأخذت ريماني وقالت :ريوم حبيبتي تعالي00(وكملت وهي تبتسم بوجهي)الحمدلله على سلامتك وربي يعوضك يارب00
رديت لها الإبتسامه مع همهمات بسيطه مو مفهومه 00
قامت ريم من عندي وراحت لها وهي تقول :بس ماما انا ابي اجلس عند عموووو00
وربي مااتخيلون فرحتي لما قالت ريماني لروان ماما مع إنه شكل روان كمان صغير وكأنها طفله بملامحها البريئه00
حسيت إن ريم تحبها وإن الله كتب روان لعلي عشان خاطر هاليتيمه 00
كلهم طلعوا وخلوني بروحي ومابقى احد بالغرفه غيري انا واسرار00
لأن اسرار اصرت على امي تروح البيت ترتاح لأنها تعبانه 00
تنهدت بتعب وقلت:متى بطلع من هنا00؟؟
قالت اسرار وهي تفتح جوالها :يمكن بكره 00
سكت ومااتكلمت لأنه مالي خلق أتكلم00 تصدقون عاد الانسان الوحيد اللي تمنيته يكون هنا هاللحظه هو عامر لكن وين عامر وين انا00 اكيد بتقولون مجنونه تفكر فيه بعد اللي سواه فيهااا بس انا ماافكر ارجع له حتى لو جاء وترجاني عشان أرجع أنا أبيه يدري إن أخر خيط بينا إنقطع وابي اشوف ردة فعله إذا درى 00مااصدق أرسل لي ورقة طلاقي وسافر00
سمعت دق خفيف على الباب وسمعت اسرار تقول :حياك سميره00
طالعت بأسرار بتعجب وقلت لها :ايش دراك إنها سميره؟؟
قالت لي وهي تبتسم وطالع بسميره اللي دخلت :توها ارسلت لي رساله وقالت لي إنها برى00
جات عندي سميره وحطت باقة الورد على الطاوله اللي قدامي وقالت :سلامات مرومه سلامات ماتشوفين شر يالغاليه00
قلت لها وانا ابتسم مهما كان هي مالها ذنب باللي سواه أخوها:الله يسلمك 00والشر مايجيك 00
قالت لي بحب:الله يعوضك حبيبتي وتسلم عليك أمي لكن تستسمح منك لأنها ماتقدر تجئ00تعرفينها تعبانه00
قلت لها بصدق:الله يسلمها00 سلمي عليها كثير00
جلست سميره عندي وحسيت إن فيه بعيونها كلام تبي تقوله لكن وجود اسرار مانعها من إنها تتكلم00
بالصدفه إتصل فهد على اسرار وطلعت تتكلم برى بعد ماطلعت
قالت سميره بخجل:كيفك الحين0؟؟0
قلت لها وانا مو فاهمه وين تبي توصل من كلامها :مثل ماانتي شايفه00
قالت لي وهي تفرك يدينها بتوتر :مرام عامرقال لي اقول لكـ
قلت لها بسرعه وانا ماابي اسمع أي كلمه عنه لأن سيرته صايره تنرفزني :سميره رجاء كل شئ إنتهى 00ماابيك تجيبي لي سيرته00
قالت بخجل:بس يامرام هووو
قاطعتها بعصبيه وقلت ابي أنهي النقاش :سميره رجاءاً00
سكتت سميره وقامت وهي تبتسم وتطبع بوسه على خدي وتقول :اوكي00ماتشوفين شر مره ثانيه 00
رسمت إبتسامه على شفايفي وقلت :الشر مايجيك 00
أخذت سميره شنطتها وغطت وجهها وهي تقول :مع السلامه 00
طلعت من عندي وانا احس بالوحده والضياع00
دخلت اسرار وقالت لي وهي تبتسم :فهد الحين جاي00
قلت لها وانا ارد ابتسامتها :وليش مبسوطه هالكثر إنه جاي00
قالت وهي تقرب مني :من يومين مااشفته 00
قلت لها وانا قلبي ينعصر على حالي :الله يخليكم لبعض00
قالت لي :أمين يارب 00ويخليك لنا 00
بعد ربع ساعه جاء فهد وجلس معنا شوي وبعدها أخذ اسرار وخلوني اناااام
00
اسرار اصرت تجلس معي لكن أنا حلفت عليها غير تروح00 ماجاني نوم وانا اتقلب على السرير وافكر بحالي وين وصلت 00
إنفتح الباب فجاءه وعدلت جلستي بعد مالفيت الشيله عدل على بالي إن اللي دخل الدكتووور
00ولما طالت المده وماسمعت حس رفعت راسي أطالع اللي دخل 00وياليتني ماارفعت راسي
أمنيتي اللي تمنيتها من شوي تحققت بس اللي تعجبت منه إن سميره قالت لي إنه سافر 00ايش اللي رجعه الحين والأهم ايش اللي جايبه00
قلت بكرهه:إيش جايبك عندي 00إطلع برىىى00
كان واقف على الباب وماتحرك وهو يطالعني بنظره طوووويله 00
صرخت بصوت أعلى :إطلع برىىىى00
واخيراً همس :مراااام أنا
قاطعته بعصبيه :ماابي اسمع منك ولاكلمه 00إطلع بررررى 00إنت ماتفهممم00(وكملت بقرف)وبعدين إنت طلقتني وانا أعتبر غريبه عنك فما يجوز تدخل هناااا000
مشى خطوتين لجهتي إنرعبت وصرخت بأعلى صوتي :لاتقررررب لاتقرررب 00
قال بنبرة إعتذار :ليش ماتسمعيني ليش ماتحاولين تتفهمي00
قاطعته وانا ابكي من القهر :لا والله شوف من يتكلم عن التفاهم 00مو إنت اللي طلقتني وقبل كذا إتهمتني بشرفي بدون مااتحاول تتاكد أو تفهم قبل ماتطلق علي احكامك الجائره00(واشرت عليه بإصبع مرتجف)إنت دخلت حياتي وقلبتها لي فوووق تحت(وكملت بضحكه مريره) إرتااااح الحين الوووولد ماااات إنبسط00
قال وهو مرتبك وبوجه شاحب :انا اسف00
وعطاني ظهره وطلع 00تعرفون والله إني ضحكت بعد إعتذااره بهالطريقه من قلب00حتى جاني شعور إني إنجيت ومابقى فيني عقل خلااااااااااااص00
يكرهك قلبي والاحاسيس تكرهـك
ويكرهك دمع صادق لك نثرتــــــــه،،
جننتنــــي ياجعل ربـــــي يجنـــنك
لاوحسافة ليلي اللي سهرتــــــه،،
منه بكفو قلبي له سنين صاينك
منه بكفو اللي من اجلك فعلتــه ،،
في اليوم الثاني كتب لي الدكتور خروج وهو معصب علي ويهاوشني لأني مااكل00 وحذرني لو مااكلت راح يخليني بالمستشفى على المغذيات 00
طلعت من المستشفى ورحت للبيت00 دخلت غرفتي أبي ارتاح نزلت عباتي ورميتها بإهمال على الأرض وأخذت جوالي وفتحته لأني من زمان مقفلته بعد شوي سمعت صوت مسجات كثيره واغلبها من صحباتي ومافيني أقراها لكم ومن بين هالمسجات مسج من رقم غريب فتحت المسج وجلست اقراه وانا مستغربه واعقد حواجبي:
طال البعاد ولع القلب فرقاك
ومن غيبتك صاب المولع مضره
اسهر طوال الليل واعيدذكراك
واراجع الماضي وبالقلب حره
يذكر زمان فات بالخير وياك
الله يعيده لوبالايام مرررة
(ليتك تفهميني وتعذريني بس إنتي مو معطيتني فرصه اشرح لك)
عرفت إن المسج من عامر ضغطت على الجوال ومسحت المسج بيد مرتجفه وانا اقول بقهر:خلاص يامرام خلاص لاتصيحين 00اللي بينا إنتهى 00
بعد هذا الكلام حاولت إني احط حد فاصل بين حياتي قبل والحين وإني أثبت للكل إن مرام المسكينه الطيبه ماعادت موجوده بح 00
راح اخذ حقي بيدي ومااسمح لأي أحد يدوس لي على طرف 00مرت الايام ممله وبعد كم شهر ملكت سميره وإعزمتني على ملكتها وحاولت فيني وترجتني أحضرلأن الملكه عائليه لكن أنا رفضت00
لأنه من المستحيل ادخل هالبيت مره ثانيه 00كانوا محددين الزواج لما تتخرج يعني الله يعطينا عمر00
في يوم ملكة سميره كنت في الصاله اتفرج على التلفزيون واقلب من قناة لقناة وقفت على أغنيه أهـ ياليل وجلست أرقص عليها بحماس مثل ماكنت قبل00 حياتي إرجعت مثل ماكانت قبل مااتزوج00