وقفت بتعب وأخذت جوالي وضغطت على الأرقام برجفه
سمعت صوت فهد وقلت:فـ ف ـهد (وكملت وانا اصيح من الخاطر ومااقدرت أتكلم)
قال لي بخوف :مراااااااام ايش فيك 0
قلت له وانا اشهق :تعال يااخوي تعال خذني ماابي أجلس هنا ولادقيقه تعاااااااااااال00
قال لي بسرعه وهو خايف علي:هدي عمرك حبيبتي جهزي نفسك وأنا الحين جايك00
سكرت عنه واخذت عباتي وبصراحه ماادري كيف لبستها من الارتجاف والصياح اللي انا فيه مو مستوعبه اللي صار من شوي 00طلعت برى بتعب وأخذت جوالي معي 00
وانا طالعه نادتني سميره :مراااااااااام مرام 00
طنشتها وماارديت عليها 00كملت طريقي للحديقه وقفت عند الباب وانا سانده عمري عليه وابكي 00
تقريبا عشر دقايق وفهد واقف قدامي وهو منفجع من شكلي وقال:مرام إيش فيك ؟؟!00
ركبت السياره وسكرت الباب وراي و دخلت بنوبه بكاء حاره 00حاول فهد يهديني كثير لكن مااقدر00 وقف السياره قدام بيتنا 00
ونزل منها وجاء للباب اللي عندي وفتحه :مااانتي نازله؟
حاولت أنزل مااقدرت حسيت رجولي ثقيله حيل ومو قادره تشيلني00
قلت له من بين دموعي اللي مغرقه وجهي :موو موو قادره أتحرك00
اسندني فهد وقال لي :مرام تحسين بشئ 00
قلت له وانا ابكي :بمووووووووت00
مشاني معه لداخل البيت وهو يقول لي :بسم الله عليك 00مرام مايصير تسوين بنفسك جذيه00مهما كان اللي صاير0
قلت له وانا اطالع فيه واشهق من البكي :فهد عااااامر طلقني (ورميت نفسي بحضنه أدور الحنان ) طلقني طلقني يااخوووي00
صرخ فهد بصوت عالي وهو يقول :طلقك 00ليش ؟إنتي إيش مسويه عشان يطلقك ؟00(مارديت عليه وهذا خلاه يتنرفز أكثر وهو يقول )لاتسكتين تكلمي ليش طلقك لييييييييييييييييييييش 00
بعدت عنه بألم وقلت بصوت مبحوح من كثر البكي : يشك فيني يااخوي يشك فيني(وكملت وانا أقول بحقد وقهر ودموعي مو راضيه توقف) عامر مو معترف باللي بطني عاااااامر على باله إني خاينته00
رميت القنبله بوجه فهد اللي ظغط على يدينه بقوه وهو يصارخ : يشك فيك الـ 0000اناااااااا أوريه النذذذذذذذذذذذذذذذل والله مااتركه (وكمل وهو يصرخ علي ) انا سألتك قبل كذا إذا كان مسووووي لك شئ 00ليش ماقلتي لي كان ربيته هالـ0000 (ولما مارديت صرخ) طيب ياااعامر حسابك معي 00والله لذبحك 00
دخلني غرفتي وتركني والشياطين تنط قدامه 00 دخلت غرفتي وسكرت الباب وراي وقفلته أكثر من قفله ورميت جسمي على السرير أشكيه حالي بعد فراقه لين نمت 00
قمت من النوم على صوت الباب المزعج 00فتحت عيوني تخيلت إن كل شئ صارأمس كابوس ومو حقيقه وإني بقوم والقى نفسي بجناحي ونايمه على السريري وعامر جنبي
00لكن للأسف الواقع اللي صحيت عليه مختلف تماماًعن أمنيتي 00مسحت على شعري ورحت للباب بتعب وفتحته 00دخلت على طول وجلست على السرير بدون مااتكلم 00
شفت أمي داخله علي ودمعتها على خدها وهي تقول بخوف : :يمه بنيتي إيش اللي صاير لك 00
قلت لها واناا جالسه على السرير ودموعي بدت تنزل على خدي :
يمه عااااااااااااامر طلقني طلقني يمه طلقني 0
قربت مني أمي وضمتني لصدرها وهي تقول :يمه هدي عمرك مايصير تسوين بعمرك جذيه00 لاتنسين إنتي حااااااامل وممكن يتاثر الجنين00
قلت لها بصرااااااخ مع أني ماادري من وين درت إني حامل لأني مااخبرتهااا لكن هالشئ ماهمني وأنا اضرب على بطني :أكره واكرررررره أبوووووووه أكرهم (وكملت بإنكسار) ماابيهم ماابيه يمه ماابيه 00
قالت وهي تحضني لصدرها اكثر وتمسك يديني تمنعني من ضرب بطني:حرااااام يمه حرام تسوين جذيه00 هذا ولدك وهو ماله ذنب باللي صاااار00
قلت لها وانا ابكي بحضنها واشهق :بس هو سبب طلاقي هووو 00
ضمتني أكثر لصدرها وهي تشاركني الدموع وتقول :
لاتبكين يمه والله قطعتي قلبي عليك بس يمه هذي عين وصابتك (ومسحت على شعري وهي تقول) تعوذي من إبليس وربي بعوضك باللي أحسن منه00
هنا مااقدرت أتحمل وبعدت عن أمي وقلت بصوت عالي :أنا ماابي اتزوووج يمه إنتي كيف تفكرين ماتشوفين اللي أنا فيه 00(وصرت أحرك يدي بالهواء بإنفعال وانا اقول) حرام عليكم حرام والله مااستاهل كل اللي تسووونه فيني حراااااااااام00
ماردت علي أمي لأنها كانت تناظرني وتصيح 00
سمعت صوت أبوي وهو يقول بصراخ:مرام عيب تكلمين أمك جذيه00
طالعت فيه بين دموعي وقلت له :بس يايبه
قال لي وهو يقرب مني :هذا نصيبك وربي بيعوضك خير 00بس إنتي صبري عمرك ولاتسوين بنفسك جذيه00ترى اللي تسوينه جزع ورفض لقضاء الله وقدره 00وهذا نصيبك واللي الله كاتبه لك00 وربك سبحانه وتعالى قال
((قُلْ يَا عِبَادِيَ الَّذِينَ أَسْرَفُوا عَلَىٰ أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ))
يارب مااحد حاس فيني مااحد حاس بالنار اللي بقلبي00انا عامر متهمني بشرفي بسمعتي يبه بسمعتي 00ليش مو حاسين بالبراكين اللي تستعر جواي 00
طلع أبوي مع أمي من الغرفه وخلوني بروحي00مشيت مثل المجنونه لدولابي ورميت كل اللي فيه وطاحت يدي على البوم الصور طلعته ورميته على الارض وانا اشق صوره صوره فيه واصيح00
دخلت علي اسرار وهي تبكي وتقول :خلاص فديتك لاتصيحين 00
قلت لها وانا اشهق بإنكسار :اسرار عامر طلقني 00
قالت لي وهي تمسك يديني وتجلسني على السرير :بس مرام حرام عليك نفسك00
ماقدرت أتحمل وإرتميت بحضنها وبكيت لين نمت00 باليوم الثاني خبرتني اسرار إن فهد وماجد دوروا عامر بكل مكان عشان يتفاهموا معه عن اللي صار00 بس لقوه مسافر أكيد هربان بعد اللي سوااه 00 وإرتحت إنه ماطاح بيدهم لأنه سهل عليهم يذبحونه00مايتحملون أحد يدوس لهم على طرف كيف لو كان شرفهم وعرضهم 000وجابو كل اغراضي من بيتي أووه اقصد من اللي كان بيتي بيوم من الأيام000امي وأبوي ألفنا لهم انا وفهد قصه سبب الطلاق لأنا مااقدرنا نقول لهم الحقيقه 00إن عامر مو واثق بنتكم مو واثق بتربيتكم لو درى أبوي ممكن يروح فيهاا00
مرت ايام وانا على هالحال مااتكلم ولااطلع من غرفتي كل اللي اسويه الصياح حتى الاكل مااحطه بفمي 00
جاتني سميره وعمتي رفضت اطلع لهم 00
امي طلبت من سميره تطلع لي 00طلعت عندي سميره ودخلت غرفتي وسكرت الباب وهي طالعني وتقول :كيفك مرام00؟؟؟!
قلت لها بسخريه :مستانسه حيل 00
قالت لي وهي تقرب مني :ليش تكلميني جذيه انا ماايخصني00
قلت لها وانا اطالعها بحقد لأني تذكرت عامر :خير ايش تبين ؟
قالت بإنكار :مرام
حسيت بتأنيب الضمير هي مايخصها
فقلت لها بشفايف مرتجفه :اعذريني سميره ما ما كان قصدي 00
قالت لي بحب :معذوره يالغاليه 00حبيت اتطمن عليك 00وربي فاقده حسك في البيت00
رميت جسمي على السرير وقلت من بين دموعي : لاتخافين انا بخير 00
قالت لي بتردد وهي خايفه من رده فعلي :عامر سافر00
إنشد عرق بوجهي وحسيت بشئ داخلي 00
لكني طنشت وقلت :الله يوفقه00
حست سميره انه مالي خلق لها عشان كذا طلعت بكرامتها وخلتني بروحي00
اول مااطلعت غطيت وجهي بالبطانيه وجلست اصيح بصوت مكتوم00
يمر علي الوقت ثقيل وكأنه يعاندني ومايبي يتحرك00زاروني امجاد والاء وحاولوا يطلعوني من عزلتي مااقدروا حتى المدرسه ماصرت اروح لها
00أدري بتقولين الطلاق مو أخر الدنيا بس أنا والله اللي معذبني مو الطلاق نفسه اللي معذبني سبب الطلاق 00
اسرارر مااقصرت معي كانت تحاول فيني اكل بس مافيه امل وكانت تقول لي عشان اللي بطنك بس وربي مالي نفس لشئ 00
وفي يوم قمت من النوم وانا احس بصداع بيفجر راسي فركت راسي شوي يمكن يخف الصداع لكن مافيه أمل 00
حاولت اوقف واسند جسمي على السرير عشان اروح الحمام( وإنتم بكرامه)
بس مااقدرت ضغطت على نفسي اكثر ومشيت وانا احس ان الارض تلف فيني
00
تمسكت اكثر وطلعت من غرفتي وانا اسند جسمي على الجدار عشان اوصل لجناح فهد واسرار اللي كان بعد خطوتين مني والاقرب لي00
لما وصلت عند الباب دقيت الباب بتعب وبصعوبه وانا احاول انادي لكن مافي فايده صوتي مو راضي يطلع 00
طحت على الأرض و غاب الضوء عن عيني بالتدريج وحل مكان النور السواااااااد والظلااااااام وإنتقلت للعالم ثاااني 00
لو قلت لك قصة حياتي بالابيات
كان ادمعت عينك بدل دمعها دم
محبوس منها داخلالعين عبرات
وقلبي في ذكراها حزين ومهتم
قصة تعاسه حزن آلام وآهات
جرحوعذاب القلب هم ورى هم