وقفت شوي أطالع بسماعه التلفون اللي بيدي وعلى راسي علامه تعجب كبيره 000 ماادري هالايام ليش أحس إن عامر فيه شئ وشئ كبير بعد يارب رحمتك يارب00إنتبهت على سميره لما سحبت التلفون من يدي ورجعته بمكانه وهي تقول :أظن المكالمه خلصت (وبعدها وقفت مواجهتني وهي تقول ) إيش فيك يامرام لين الحين ماتعودتي على مزاجية عامر 00
قلت لها بدون شعور وانا أنظر بعيد واحط يدي على قلبي :خااااايفه 00
حطت سميره يدها على يدي وهي تربت عليها بنعومه :لا تخافين عامر طول عمره كذا 00 (وكملت وهي تقول لي ) ترى العصر بيأذن قومي تجهزي عشان تروحين لأمك 00
هزيت راسي بمعنى طيب ورحت عند ريم وسحبتها مع يدها وطلعتها لغرفتي عشان أبدل لها ملابسها وأخذها معي لأمي 00المهم بعد مالبست وخلصت الى العصر يأذن صليت العصر بعدها أخذت عباتي وشنطتي وحطيت الجوال فيه00 مريت على غرفة عمتي أبغى أستأذنها قبل مااطلع لكني مالقيتها 00نزلت تحت وشفت سميره واقفه تكلم عمتي وعمتي جنبها تلبس عباتها00إنتبهت علي عمتي وقالت لي بحنان :يلاااا يمه خليني أوصلك بيت أهلك قبل مااروح لأم تركي00
لفيت الشيله عدل وإبتسمت لها وانا أقول :أنا جاهزه عمتي (ولفيت حواليني وقلت )وين ريمااااني0
قالت لي سميره وهي طالع الحديقه :تلعب برى (وكملت وهي تضحك) تركض ورى القطوه هههههههههههههههههههههه
مشيت مع عمتي وسميره برى للحديقه وقلت بإستغراب وأنا أرفع حواجبي :أي قطوووووووووه 00
أشرت سميره على ريماني اللي كانت تركض ورى قطوه صغنونه وتقول :شوفيهاااااا 00
جلسنا نطالع في ريماني وبعدين إنفجرنا من الضحك لما شفنا ريماني طاحت على الارض وهي تصارخ ومعصبه لأنها مااقدرت تمسك القطوه 00رحت عندها ورفعتها من على الارض ونفضت الغبار اللي على فستانها القصير وبستها على خدها وانا اقول :تعورتي حبيبتي 00
إبتسمت بقوه وقالت وهي تهز راسها :لااااااااااااااااا
إبتسمت لها ومسكت يدها ومشيت معها لين السياره لأن عمتي ركبت 00بعد ماركبنا تحركت السياره أول شئ نزلتني عمتي بيت أهلي بعد ماطلبت مني أسلم على الأهل 00بعد مانزلت مسكت يد ريماني ودخلنا جوى الحوش لقيت مامي وبابي فارشين الفرشه وجالسين يتقهون رحت عندهم وبست راس بابي وقلت :السلام عليكم 00(وكملت وانا أروح أبوس راس مامي ) كيفكم ياأغلى ناااسي 00
رد بابي علي وهو يقول بفرحه :بخير طول ماانتي بخير يابنيتي (واشر على ريماني اللي راحت له تركض) تعالي ريوووومه
رمت ريماني نفسها بحظنه وإجلست بحجره وهي تقول :بابا حبيبي 00
ضحكت على مامي لما سوت عمرها زعلانه وهي تقول :بس بابا حبيبي (وأشرت على نفسها وهي تقول) وانا كخــــه00
قامت ريماني من عند بابي وإحضنت مامي وتعلقت برقبتها وقالت :مامي حبيبتي00
ضمتها مامي حيل لصدرها وجلست تبوسها وجهها وهي تقول :فديت عمرك والله مااحد يسواك عندي00
قلت لها انا بزعل :لا والله (واشرت على ريماني وقلت )الفصعونه تسوووواني 00
ضحك بابي ومامي علي وبعدين قال بابي بغياض :الحين إنتي مره متزوجه تغارين من هالياهل 00
قبل مااتكلم وقف بابي وقال :يلا أنا ماااشي بمر أخوي بو ماجد وأسلم عليه 00
قلت له انا ومامي :سلم عليه 00
قال وهو ماشي :يوصل إن شاء الله 00
وقبل مايطلع راحت ريم وراه ومسكت بيده وهي تقول ببراءه :الوح معك 00
نزل بابي عيونه لها وهو محتار يااخذها معه ولا لا00عشان كذا قلت :ريماني تعالي حبيبتي00
لكن هي طنشتني ومسكت ثوب بابي من تحت وهي تقول :ماابي ماابي بلوح مع بابا 00
لفيت على امي أسالها عن رايها 00 وسمعتها تقول :خليها يمه تروح معه على الاقل تغير جووووو شوي 00
إبتسمت لبابي وقلت :شو رايك إنت بابي 00
نزل لمستوى ريماني وشالها بيده وهو يقول :اكيد بأخذهاااا معي 00هذي حبيبتي ماارفض لها طلب 00
وعطانا ظهره ومشى وريماني رافعه لنا يدها وهي تقول :بااااي ماما باي عموووو 00
لفيت على مامي وانا مبتسمه لكن هالابتسامه تبدلت وصارت بدالها نظره تعجب وخوف لما شفت أمي إطالع الارض وهي تقول بصوت مبحوح:والله كااسره خاطري هالبنت 00
قلت لها وانا أمسح الدمعه اللي إنزلت من عينها :خير يمه 00عسى مااشر 00
قالت لي وهي طالعني :والله يابنيتي حال ريم مو عاجبني ولا حال أخوها علي 00
عقدت حواجبي وقلت بتساؤل :ليش؟!!
قالت لي وهي تضرب كفينها بعض :ماتشوفين حالهم وحيدين بهالدنيا مالهم أحد (ولفت جسمها علي وهي تقول) ولا ريم كيف بكون حالها لما تبداء المدارس إنتي ناسيه إنها هالسنه أولى إبتدائي وناسيه إن علي أخوها يشتغل يعني مين بكون فاضي لها 00
نزلت الشيله ورميتها جنبي وأنا أتمدد وأحط راسي على رجل مامي وأطالع السماء واقول :أي والله معك يمه (وكملت وانا اقول ) أمممممممم ايش الحل 00
قالت مامي وهي تمسح على شعري وتقول :يتزوووووج 00
رفعت راسي وجلست وانا اطالع أمي وأقول بدون تصديق :يتزوج00
قالت لي وهي تضحك :ههههههههههههههههههه ايه يتزوج ليش طالعني جذيه00
قلت لها وانا أرجع شعري على ورى :يمكن ماايبغى يتزوج00
ضحكت لما قالت أمي :مو على كيفه بزوجه مع فهد أخوك إن شاء الله بعيد الفطر00
زادت صدمتي أكثر وقلت لاشعوريا :مع فهد (وبعد خمس دقايق من الاستيعاب )ومين العروووووس 00
قالت أمي والابتسامه شاقه الحلق :إنتي 00
ضربت على صدري بقوه وقلت بإنفعال :يمه إيش تقووووووولين (وكملت واانا أوقف) انا متزوجه عامر ولا إنتي ناسيه 00
طالعتني مامي شوي وبعدين إنفجرت من الضحك وقالت :ههههههههههههههههههههه ههههههههههههههههههههههههه ههههههههه أدري إنك متزووووجه هههههههههههههههه
قلت لها وانا احاول أضبط أعصابي :أجل ليش تقولين إنتي 00
قالت لي وهي تضحك :هههههههههههههههههههههههه أقصد إنتي إختاري له بنت الحلال00
طالعت بأمي شوي وبعدين جلست أضحك بصوت عالي ومن الخاطر:هههههههههههههههههههههه ههههههههههههههههههههه
وفجاءه صرخت لما حسيت بيدين تمسك خصري وترفعني على فووووق 00
بعدها سمعت صوت فهيدان وهو يضحك و يقول :هههههههههههههههههههه بس يالدلووووووعه (ونزلني على الارض وهو يقول ) فجرتي أذني 00
من القهر لفيت عليه وضربته على كتفه وانا أرص على اسناني وأقول :سخييييييييييييييييييف 00
بعدني عنه بغرور وقال لي وهو يجلس جنب مامي :السخيف زوجك 00
ضربت رجلي على الأرض وقلت :ماااااااالت عليك يالخاااايس 00
كان بيرد علي لكن أمي قطعت كلامه وقالت بجديه:فهد وين علي؟!! (وكملت كلامها وهي تقول )مو قلت لي إنه بيجئ معك الحين00
أخذ فهد فنجان وصب له قهوه وهو يقول :بيجئ يمه بيجئ غ€ن شاء الله(سكت شوي وجلس يااكل من التمر اللي قدامه وبعدها قال) بس هو قال لي عند مشوار صغير وجاي 00
تعبت من الوقفه علشان كذا جلست وقلت بإستهزاء :زين والله بتتزوج إنت وعلي بيوم واحد00
بعد كلمتي اللي قلتها أوالقنبله اللي فجرتها 00شرق فهد وجلس يكح بقوووه عشان كذا مامي ضربته على ظهره وهي تقول بخوف :صحه صحه 00
أما انا جلست اضحك بغياااض على شكله 00لكن هو طنشني وقال لمامي بتساؤل وهو يأشر علي :ايش قاعدة تقوول هالخبله؟!!!
إبتسمت مامي وقالت بحب وحنان:ايش فيك ياوليدي 00أختك ماقالت شئ 00
عدل جلسته وتربع وهو يطالع مامي ويقول بلهفه : صدق يمه (وبعدها قال بتساؤل ) بس كيف ؟!!
قالت مامي بصدق :ايه يمه 00أنا قررت أزوج علي معك وفي يوم واحد (واشرت على نفسها وهي تقول ) وزواجه بكون هديه مني انا وأبوك 00
إبتسم فهد إبتسامه عريضه ولمعت عيونه وهو يبوس يدين أمي ويحب على راسها ويقول :الله لايحرمني منك يالغاليه ولا من ابووووي الله يخليكم لنـــــــــا 00
قلت له بغرور وانا أطالعه من فوق لتحت واشر على عمري :وانا مرام بجلالة قدري بخطب له 00
لف علي فهد وهو يقول بجديه :من جدك إنتي ؟!!
قلت له :ايوووووه (وكملت وأنا أحط يدي على خصري ) ليه مااني ماليه عينك 00
طلع فهد الجوال من جيبه وطنشني وبعدها قال :هلاااااا والله بالمعرس 00
سكت فهد شوووي وبعدها ضحك مره وحده وقال :هههههههههههههههههههه هههههههههههههههههههههه أدري إني أنا المعرس هذا مو شئ جديد 00 هههههههههههههههههههههههههههه لا مااراح أقووووولك شئ 000 لا إنت تعااااال الحين 00 أوكي أنتظرك 00يلا فمان الله 00
قام فهد وقال لنا وهو يأشر بيده :انا بطلع غرفتي وابدل 00وإذا جاء علي نادوني 00
بعد مادخل فهد للبيت لفيت على مامي وقلت لها بحمااااس :مامي إيش رايك في شرووووق 00
قالت أمي بتعجب :شرووووق ماغيرها 00
ماادري ليش حسيت بالحماس وأنا اقول :إيه مامي شروووق (وكملت وانا اقول بفرحه) هي تحب ريماني وريماني بعد تحبهاااا 00
قالت أمي بتساؤل :تظنين توااااااااااافق (وكملت بتفكير ) ماادري مااظنها توافق لأن علي على قد حاله وهي إذا تزوجته لازم تهتم بأخته00
وقفت من مكاني وقلت لها :ليش نحتاااار 00بروووح أسألها وأرد عليك 0(وكملت وانا امشي للبيت )بس مامي لاتخبرين أحد لين أسألها 00
هزت أمي راسها بمعنى طيب وأخذت أنا شنطتي وشيلتي ودخلت جوى البيت طلعت لغرفتي سيده وانا متحمسه حيل 00 بعد ماطلعت دخلت غرفتي وسكرت الباب وراي 00طالعت الغرفه بشوووق وإبتسمت من الخاطر 00بعدين رميت عباتي وشيلتي على السرير وأخذ الجوال من الشنطه وجيت بتصل 00لكن بعدين ترددت شوي وطالعت بالجوال أشوف الساعه لقيت الساعه تقريبا 5ونص العصر وشوي يأذن المغرب 00قررت أجلس شوي لين يأذن واصلي وبعدين أتصل عليها 00حطيت الجوال على الكوميدينه ورحت للتسريحه وانا أعدل شعري 00بعد مااعدلته رحت لدولابي وفتحته وطلعت منه صور زواجي 00انا مخليته بيت أهلي لأني أخاف ينسرق ويضيع 00المهم أخذته وحطيته على السرير وجلست أتفرج عليه 00مع كل صورة كنت أشوفها كنت اضحك واتذكر الموقف اللي صار لي فيه 00أنا كنت مبوزه وعامر كانت إبتسامته شاقه الحلق 00 مسحت على وجهه وأنا ابتسم واكلم نفسي واقول : الله يخليه لي يارب 00
كنت ضايعه في عالمي الخاص العالم اللي مافيه الا أنا وعامر00صحاني من سرحاني صوت الأذان عشان كذا سكرت البوم الصور ورجعته مكانه 00بعد ماارجعته أخذت عباتي وشيلتي ولبستها وبعدها كبرت وصليت 00بعد الصلاه جلست شوي وبعدين وقفت ورحت للسرير وجلست عليه 00مسكت الجوال بتردد وبعدين دورت بين الأسماء على إسم شروق وضغطت على الإتصال 00 بعد كم رنه سمعت صوتها النااااعم وهي تقول :هلا والله 00
إبتسمت بيني وبين نفسي وقلت :أخاف هالترحيب يقلب على هواش بعد اللي الكلام اللي بقوله لهاااا00
سمعت صوتها وهي تقول :الوووو مرام إنتي معي 00
قلت لها بعد ماتنحنحت :إحم إحم 00(وكملت بإحراج) اسفه ماانتبهت إنك رديت علي00
ضحكت شروق وقالت بغياض :هههههههههههههه اللي مااخذ عقلك يتهنى به 00
ضحكت معها وقلت لها :ههههههههههههههههه وين راح عقلك بعيد بعيد حيل (وكملت بتوتر ) انا سرحت فيك إنتي 00
لاحظت بصوتها التعجب وهي تقول :فيني انــــــــــــــا 00
سكت شوي وبعدين قلت لها بجديه :بصراحه أنا متصله أبغى أخذ رايك بعررريس 00
رددت كلمتي الأخيره وقالت :عرررريس 00
قلت لها بهدووء :أيوه عريس (ولما مااسمعت لها رد كملت كلامي وقلت ) علي أخووو ريم يبغى يخطبك0
إنصدمت لمااااا قالت لي بهدوء :ومين قالك أنا أبغى عريس (سكتت شوي وبعدها قالت بنبره غريبه ) إنتي ناسيه إني أنا أحب عامر000000
غلطتي الطيبه اذبحتني شوفها ودتني وين..!؟
اتضايق حيل منك واضحك وقلبي حزين