مشى عامر قدامي وراح لسيف وعلي وطلعوووا من الحديقه 00وشكل علي هو اللي بيوصلهم للمطار 00بعد مااطلعووو أخذت ريماني وطلعنا فووق شغلت لها التلفزيون وحطيت لها على سبيس تووون ورحت للمطبخ عشان أسوي لها شئ تااكله 00وانا بالمطبخ سويت لها بطاطس وحطيت معه عصير00وطلعت لها فووق وجلست أطالع التلفزيوون معها وأكلهاا00شوي سمعت صوت باب غرفة سميره وهو ينفتح 00طالعت بجهة الغرفه و شفت سميره واقفه وهي طالع ريماني وتقول بإبتسامه حزينه :من متى وهي هناااااا ؟
رديت لها الابتسامه وانا أطالع في عيونها اللي كانت حمرا من كثر الصياح وقلت :من شوي جابها أخوهااا(وكملت وانا أحضن ريم اللي كانت مندمجه مع التلفزيون وأقول) دقت على جوالي قالت لي إنها تحت في الحديقه 00
مسحت سميره وجهها بيدينها وبعدها قالت لريم وهي تناديها :أقول ريماااااني ماتبغين تسلمين علي 00
لفت عليها ريم وهي طالعه بضحكه بريئه وتقول :هههههههههههههههههههه عموووو ثميره 00
ضحكنا أنا وسميره بصوت عالي لما قالت ثميره 000 ولوت سميره بوزها وسوت عمرها معصبه وهي تروح لريم وتقول :أنا مو ثميرره (وكملت وهي تقرصها مع خدودها بنعومه ) قولي سميرررره 00
قالت ريم ببراءه وهي تحاول تنادي سميره بإسمها :ثميرررررررره00
ضحكت انا عليها لكن سميره كانت مصره تعصبها وهي تقول :سميرررررره مو ثميرررره 00
عصبت ريم وهي تلف علي وتقول :عموو ثوفيهااااااا 00
طالعت بسميره بنظره وسويت عمري معصبه وإني ابغى اضربها عشان كذا قالت سميره بخوف مصطنع وهي تمسك يدين ريم وتقول :لا لا خلااااااص قولي ثميره بس لا تخلينها تضربني 00
ضحكت ريم بفرحه وصدقت عمرها وهي تقول بحماس :خلا ص عمووووو لاتضلبينها حلام خليهااااااا 00
ضحكنا شوي ولعبنا مع ريماني لكن لما إندمجت ريم مع التلفزيون مره ثانيه قربت من سميره وقلت لها بصدق :سميره 00
قالت لي وهي سرحانه وطالع قدامها بدون هدف :هممممم 0
حطيت يدي على كتفها وقلت لها :ماادري إيش أقولك بس لازم تعيشين حياتك مثل 000
قطعت كلامي وهي تضم يدينها حول فمها و تقول بصوت مجروح ومبحوح:بس أنا مااقدر والله مااقدر 00
سكت شوي وبعدين قلت لها :حاوولي (وأشرت على نفسي وأنا أقول) شوفيني قدامك أكبر مثال صار لي اللي صار لك ويمكن أكثر والحين أنا الحمدالله متزوجه وسعيده 00
قالت وهي تشهق من البكي :لا أنا غير أنا غير (وكملت بصوت مكتوم )أنا اخوووي اللي كان كان 000
سكتت ومااقدرت تكمل كلامهااا 00وبصراحه أنا إحترمت سكوتها وماتكلمت 00بعد ماهدت قلت لها :سميره روحي شوفي عمتي أكيد إنها تعبانه00
وقفت سميره وقالت بزعل :إعذريني مراااام مااقدر (وكملت وهي تمشي لغرفتها )أنا بروح لغرفتي 00
راحت لغرفتها وماانتظرت تسمع ردي 00دعيت من قلبي إن الله يهديها ويوفقها 00 بعدها لفيت على ريم ولقيتها متمدده على الكنب وشكلها نامت بدون ماتحس 00إبتسمت تلقائيا ورحت عندها وأنا أسكر التلفزيوووون وأشيلها بين يدي وأخذها معي لجناحي وأحطها على السرير 00بعد مااحطيتها على السرير تمددت جنبها وأنا أطالع وجهها البرئ وأمسح على خدودها الناعمه والورديه 00 جلست أقراء عليها المعوذات وانا أقول في خاطري فديتك ياريماني كيف بتعيشين حياتك بدون لا أم ولا أب ولا أخت كل اللي لك في هالدنياااا أخوووو الله يخليه لك يارب 00 بعدها إبتسمت بنعومه لما خطر على بالي إن ريم تكون بنتي صح هي كبيره بالنسبه إنها تكون بنت لوحده بعمري لكن هذا ماايمنع إنها تكون أخت لبنتي 00ماادري ليش حسيت بالاحراج لما خطر هالشئ ببالي 00رجعني للواقع لما تحركت ريم بين يديني وهي منزعجه من مسحي على شعرها 00إبتسمت لها وبعدين بستها على جبينها وحطيت راسي على المخده جنبها ونمت 000 قمت بإنزعاج على صوت الجوال اللي كان على الكومدينه ويرن 00مديت يدي للجوال وفتحت الخط بدون مااطالع بشاشه الجوال وأنا اقول بصوت نص نايم :االووووووو00
سمعت صوت محرج ومرتبك وهو يقول :أسف على الإزعاج 0
عقدت حواجبي لأني بصراحه مااعرفت الصوت00 وإستغربت من كلام صاحبه وإرتباكه علشان كذا حاولت أصحح وأعدل جلستي وأنا أقول بتساؤل :ممكن أعرف مين معي 00
رجع صاحب الصوت وتنحنح وهو يقول :إحم إحم (وكمل بإحراج) أنا علي بغيت أخذ ريم إذا ماعليك أمر 00
قلت له بإحراج :هلا علي 00 (وطالعت جنبي وإستغربت إن ريم ماهي موجوده عشان كذا قلت ) خلهااا للعصر بأخذها معي لبيت أمي 00
قال لي بصوته الرجولي :ماابي أكلف عليكم 00
بصراحه زعلت من كلامه عشان كذا قلت :إيش تقول إنت!! (وكملت بدون مااحس ) ريم غاليه علي حيل وهي مثل بنتي 00
رد علي وقال:خلاص بجئ أخذها من بيت عمي أبو فهد (وكمل بحرج) مع السلامه00
رديت عليه وانا أقول :مع السلامه 00
بعد ماسكر جلست شوي أفكر كيف كلمت علي والله لو عامر يدري يسوي لي سالفه 00صح هو متصل يبي أخته بس عامر تفكيره صعب ومستحيل يقتنع بسرعه 00حطيت الجوال على الكومدينه وقمت من السرير لأن النوم طار ورحت للحمام وإنتم بكرامه وتوضيت بعد ماتوضيت طلعت وشفت الساعه اللي على التسريحه وكانت 1 الظهر 00فاستغفرت ربي لأن نمت عن صلاة الفجر صليت الفجر والظهروجلست أدعي ربي 00بعدها قمت ورحت للدولاب وبدلت لبسي وأخذت لي تنوره طويله ناعمه لونها بني مع بلوزه قطنيه أكمامها طويله لونها أحمر عودي حطيت روج وردي وقلوس00بعدها طلعت من جناحي وإتجهت لغرفة عمتي عشان أطمئن عليها 00لما رحت دقيت الباب لكن مالقيت رد فتحت الباب بعد تردد ولقيت الغرفه فاضيه ومافيها أحد 00طلعت من الغرفه وسكرت الباب ونزلت تحت لكن مالقيت أحد وكان البيت مافيه أي صوت 00 إتجهت للمطبخ وشفت عمتي واقفه قدام الغاز وتطبخ جيتها من ورى وحبيتها على راسها وانا اقول :صباح الخير 00
لفت علي وهي تبتسم وتقول :صباح النور والسرور (ولفت على القدر بعد مااغطته وهي تقول) إيش رايك يمه تروحين معي لجارتنا أم تركي 00
قلت لها بتساؤل :ليش إيش عندهاااااا 00؟؟!
قالت بإبتسامه وقوره :ابد 00بس ولدها تركي جاي من برى ومسويه له عشاااء بالليل 00
إبتسمت لها وقلت بإحراج :ودي والله(وكملت وانا استسمح منها) بس أنا بروح لبيت أهلي اليوم إذا ماعندك مانع يمه 00
قالت لي وهي تمشي للثلاجه :روحي يابنيتي ولاتنسين تسلمين على أمك 00 (وكملت وهي تأخذ من الثلاجه مويه وتقول) روحي يابنيتي نادي سميره وريم من الحديقه من يوم مااصحووا وهم برى بالحديقه 0
قلت لها وانا اشر على عيوني وأقول :من عيووني الثنتين 00
طلعت من المطبخ ورحت للحديقه وشفت ريم وسميره من بعيد 00قربت منهم وانا أحط يدي على عيوني عشان أبعد ضوء الشمس عني وأقول :متى صحيتم من النووووووم 00؟
جات عندي ريم اللي كانت لابسه بنطلون جنز كحلي وبلوزه ليموني وهي تقول :أنا ثحيت وإنتي كنتي نايمه 00
جات سميره من ورى ريم وشالتها مع خصرها وهي تقول :شفتها في الصاله جالسه تتفرج فقلت خليني أخذها معي وأفطرهاااا وبعدها جلسنا نلعب في الحديقه00
جلست أمشي معهم لداخل البيت وأنا اقول :اليووم الجو شوي حار مو مثل قبل صح 0
هزت سميره راسها وهي تقول :يعني مو مره حااااااار00
دخلنا الصاله وشفنا عمتي والشغاله يحطون الغداء 00دخلت أنا عشان أساعدها أما سميره وقفت مكانها ونزلت ريم على الأرض وهي طالع فيها من بعيد 00بعدها بشوي راحت عند عمتي وباستها على خدها وهي تضمها وتقول :الله لايحرمني منك يالغاليه 00
ضمتها عمتي بقوه وهي تقول :ولا منك يابنيتي (وكملت وهي تجلسها على السفره وتقول ) خليناااا نجلس ونتغداء 00
بعد الغداء شربنا شاهي أخضر وجلسنا نسولف وبعدها طلعت عمتي لغرفتها عشان تريح اما انا وسميره جلسنا في الصاله 00وإحنا جالسين رن التلفون الثابت للبيت فقامت ريماني تركض له وهي ترفعه وتقول :ميــــــن ؟؟
بعدها طالعتني وهي تمد لي سماعه التلفون وتقول :عمووو رجال يبغاك00
قمت من مكاني ورحت عندها وانا أخذ الجوال من يدها وأقول :الووووووو
سمعت صوت عامر وهو يقول :ماوحشتك ياحبيبي00
إنرسمت إبتسامه سريعه على وجهي لما سمعت صوته وقلت وأنا أطالع سميره اللي لفت وجهها عني لما قلت :هلا والله حبيبي 00أخباااااارك؟
رد علي وهو يتنهد ويقول :الحمدالله انا بخير (بعدها سكت وماكمل كلامه )
قلت له وانا أشيل التلفوون بعيد عن سميره وريم وأقول :خير عامر صاير شئ 00!!
سمعت صوته وهو يتكلم بصوت خافت :لاتخافين أنا بخير 00بس الحين لازم اسكر لأنه عندي شغل00
بصراحه زعلت علشانه بيسكر عشان كذا قلت :بس
قال لي بسرعه :لا بس ولا شئ 000إن شاء الله أكلمك مره ثانيه خلي بالك من أمي وسميره (وكمل بإنفعال غريب )وبوسي لي ريماني 00 مع السلامه00