سكت شوي بعد كلامه وطالعت فيه بدون تصديق وقلت في خاطري يعني أمجاد تدري إني مظلومه وتدري إني مالي ذنب بكل اللي صار ولين الحين مقاطعتني وماترد علي 00ليش ليش ؟هالسؤال مابقى بخاطري لأنه إنتقل على لساني وانا أقول :ليش ؟
لف علي ماجد وطالعني وهويعقد حواجبه و يقول :إيش اللي ليش ؟؟ (وكمل بنظرة خوف ) مررااااااام فيك شئ ؟؟
سرحت بعيد بعيد عنه وتذكرت حياتي قبل مااعرف عامر وقبل خطبة ماجد وقبل شك أمجاد وقبل كره شروق وقبل ظلم الدنيا وتعديها علي 00تذكرت كل شئ حلووو طفولتي مراهقتي اللي مابعد تهنيت فيها 00 حياتي اللي كانت كلها ضحك وبسمه وسوالف وغشمره 00بعكس حياتي الحين اللي كل ماضحكت ولا إبتسمت شفت النكد يطل علي وكأنه يقول لي حرام تضحكين حرام يامرام 00 رجولي ماشالتني الهم والضيق والظلم اللي كاتم على صدري خلاني أجلس على الارض وانا اغطي وجهي بيديني الثنتين وصرت أبكي 00 وانا أبكي حسيت بخطوات ماجد اللي تقرب مني عشان كذا صرخت بوجهه وقلت وانا أشر بأصابع مرتجفه : بعد عني بعد وخلني بحااااااااالي (وكملت وانا أرجع أبكي ) يااااااااارب يارب خلني اموووووووت والله مااقدر أتحمل أكثر يارب أنا صغيره وانا ماني حمل هالهموم 00
سمعت صوت ماجد وهو يقول لي بخوف وحزن "مرام ايش قاعده تقولين إستغفري ربك وهدي عمرك 00
قلت له وانا أضحك بهستريا من بين دموعي :هههههههههههههههههههه ههههههههههههههههه ماجد دخيلك روح وخلني (ورجعت أكمل صياحي ) ماااااااابي اشووووووفك مااااااااااابي 00
سمعت صوته وهو يقول لي :أوكي أوكي 00
ضميت رجولي لصدري وأسندت راسي عليها وانا أصييح 00إختفى صوت ماجد وعرفت إنه راح 00عشان كذا مااهتميت للشيله اللي بدت طيح على كتفي 00 ماادري كم أخذت من الوقت وانا على هالحاله ماانتهبت على عمري الا لما حسيت بيدين ناعمه على كتفي وصوت ملئ بالحب والخوف يوقفني على رجولي ويقول:مرااام قومي فديتك ؟؟!
عرفت صوتها على طول 00عشان كذا وقفت معها بتعب وطالعت فيها شووي بوجهه محمر وعيون منفخه وبعدها رميت نفسي بحظنها وانا أنا اشهق 00أخذت عشر دقايق تقريبا وأنا على هالحاله00بعدها حسيت بالراحه وبديت استكين وأهداء لما ظمتني لصدرها وجلست تمسح على ظهري بحنان 00 رفعت الشيله من كتفي وحطتها على راسي وهي تقول :بس مرووووووومه بس 00
قلت لها بصوتي متقطع :اسرااار اللي يصير فينيي مو مو حرررراااام 00
قالت لي بحنان وهي طالعني :خلاص مرام إن شاء الله مايصير الا كل خير (وباستني على جبهتي وهي تقول بتأثر ) بس يالغاليه اوعددددك من اليوم ورايح مااراح أتركك وراح اشاركك بكل شئ حلووه ومره0
اذا حسيت بضيق او انك حزين، دايماً ردد ..
لا اله الا انت سبحانك، اني كنت من الظالمين
قلت لها وانا أتمسك فيها أكثر :أسراااااااار مالي غيرك بعد الله (وكملت بدمعه حاره على خدي ) ماجد ظلمني مثل ماظلموني كلهم 00
قالت وهي تنزل راسها وتنظر بالأرض :أدري يامرااااااام ماجد توه متصل علي وهو اللي قالي إنك هنا وقال لي كل شئ صار بينكم (وكملت بتوتر واضح بصوتها )مراااام انا الي قلت لأمجاااااد عن زواج ماجد من مريم 0
بعدت عنها شوي وانا أطالع بعيونها عشان استوعب الكلام اللي قالته لكن ماشفت شئ لأنها كانت منزله راسها وعيونها بالارض 00رفعت راسها بيد مرتجفه وقلت لها بهمس :بس إنتي وعدتيني ؟
قالت لي وهي طالعني :ادري ادري بس 00
قطعت كلامها بعصبيه وقلت لها وانا أضربها على صدرهاااا :بس ايش ؟؟ إنتي وعدتيني ؟ وعدتيني ؟(وطالعت فيها بقهر وحسره ) اخر شئ توقعته إنك تخلفين بوعدك 00
قربت مني وقالت لي وهي تحاول تمسك يديني وتهديني :بس يامرااااااام حرام اللي تسووووينه في عمرك 00
دفيتها عني وقلت لها بصراخ :مااايخصك فيني ؟؟بعدي عني ؟(وكملت وانا أحس راسي بينفجر من الصداع ) طلعتي مثلهم يااسرار مااتختلفين عنهم 00
قالت لي وهي تصيح وبترجي :والله يامرام إني ماقلت لها الا لأنها رجعت تحاول تبعدني عنك وتبغاني أقاطعك (سكت شوي لما سمعت كلامها وهذا اللي شجعها إنها تكمل وتقول) امجاد الله يهديها على بالها إنك تركتي ماجد ورفضتيه عشانك تحبي عامر 0مااقدرت أتحمل ظلمها لك عشان كذا إنفعلت وقلت لها عن كل شئ 00(وكملت بعد ماتنهدت بضيق ) هي بالبدايه ماصدقتني وهددتني لو إني كنت أكذب عليها بتسوي فيني شئ بحياتي مااشفته00 لكن بعد ملكتي بكم يووم إسألت ماجد اللي تفاجاء من كلامها وإستغرب كيف عرفت؟؟ّّوحاول يعرف من أمجاد كيف عرفت لكن أمجاد ماقالت له ولا شئ (وكملت ودموعها على خدها ) وامجاد تعبانه حيل من يوم درت وحالتها النفسيه اثرت على الحمل وبصراحه هي في المستشفى متنومه لين تووووولد ولين الحين مااحد يدري غير انا وشروق وروان وماانبي أمي تدررررري 00
غمضت عيوني شوي وانا مو مصدقه كل اللي أسمعه واللي جالس يصير أحس عمري بكابوس مو قادره أصحى منه عشان كذا قلت بصوت مخنوق:في المستشفى ؟؟!!