((الجزء الثاني ))
((هدوء ما قبل العاصفة ))
دخلت الغرفة ونزلت عبايتها وقفلت الباب
ورمت نفسها على السرير وصارت تبكي
ملاك : انا ويش سويت كيف ضربته قدام
الناس وليه سوى لي هالحركه ...
ملاك تتذكر شكله وملامحه اللي لمحتها
وهي تضربه : كيف ضربت هذاك الوجه ....ال.... ال..... الحلو
لالا يستاهل اللي سويته فيه هو اللي غلط
علي ))...نفضت هالا فكار من راسها
وراحت تبدل ملابسها رجعت لسريرها
وجلست تفكر....
ملاك (لازم ما اندم على شيء سويته انا
واثقة بتصرفاتي ... هو اللي تعرض لي ))
جات الساعة 2 بالليل ونامت صحت من
اليوم الثاني بدري عشان صلاة الجمعة
وصحت أبوها و اخوانها للصلاة....وبعد
الصلاة الكل مجتمع على سفرة
الغداء...غريبة ملاك ماتتكلم الكل مستغرب
عليها السكوت ...وكانت أول وحده قامت
من السفرة
أبو محمد : وين بدري ما أكلتي شي
ملاك : الحمد لله شبعت بطلع غرفتي أذاكر
الكل : موفقه
طلعت غرفتها وقفلت الباب ...مسكت
شنطتها طلعت الكتب والدفاتر وقامت
تذاكر وتحل واجباتها
الساعة 7 المغرب خلصت مذاكره رتبت
الشنطه وحطتها على جنب
طلعت ملاك لكاتي : كاتي خذي العبايه
والطرحة واغسليها...رجعت لغرفتها وأخذت
دفترها الخاص ومسكت قلمها وكتبت
(((عشت بالدنيا تايه وحيد لا لي حب ولا
لي ونيس يا نااااس ليش الطيب بالدنيا
ماله نصيب ليش قلبه يظل يمشي بدربة
وحيد)) حست أنها تعبانه من التفكير في
شي ماله داعي ولا يستحق منها
الاهتمام
حطت راسها على المخدة وراحت في عالم
الأحلام...صحت على صوت المنبه
قامت غسلت وجهها وصلت ولبست
مريولها وزبطت نفسها وكانت ناعمة لأبعد
حد ما يحتاج تضيف أي شيء على جمالها
الرباني...أخذت العبايه...ولبست وراحت
للمدرسة...مر يوم السبت عادي بدون أي
شيء يذكر وبدون تطورات ونفس الوضع
ليوم الأحد
يوم الاثنين وهي راجعه من المدرسة
خان : مدام
ملاك: نعم
خان : مدام هذا سيارة همر اسود في
يمشي ورى أحنا من اثنين يوم
ملاك : شكلك تتوهم
خان : والله مدام
ملاك : طيب طيب...لفت وشافت همر
اسود مو واضح شيء فيها والتظليل اسود
غامق جدا ما تشوف شي فيها
ملاك :خلاص ما عليك منه.... ماخطر ببالها
أي شي ((مسكينة مو داريه ويش يحاك
من وراها ))
نزلت للبيت وشافت الهمر موقفه بعيد
استغربت شوي ...ودخلت البيت
بالليل كانت رايحه للمكتبة ...شافت نفس
الهمر...بدأ الشك يتسلل لها
ملاك :مين اللي يمشي ورانا
ومرت الأيام ..........
<<يوم الخميس بالليل >>>
&&
&
كانت رايحه عند شذى البنات مجتمعين
عندها ونفس الهمر وراها عند الاشاره ...
وقفت الهمر بجنب سيارة ملاك الفان
الكحلي المظللة .....
ملاك : ياترى من يكون؟ بفتح الزجاج عشان
احتمال أشوف من هو ....
نزلت ملاك الزجاج ونزل فيصل الزجاج
انصدمت ملاك ما كانت تتوقعه ارتبكت
وخافت وانرعبت على طول رفعت الزجاج ......
فيصل : هين اوريك يالحقيرة
ملاك : يمه هذا هو نفسه اللي .....ياربي
ويش يبي فيني أكيد بينتقم مني يارب
ويش أسوي ..
وصلت عند شذى ...وبسرعة نزلت ....كان
وجهها مخطوف وباين عليها الخوف
ولاء : ميمي ويش فيك كأنك خايفه
ملاك بخوف : تتذكرون الولد اللي ضربته
بالمول
الكل : أيه
ملاك بارتباك: طلع ... طلع يلاحقني
الكل أنصدم ......... جود : شووو عم يلاحئك ....
لوجين : وضحي لنا كيف يلاحقك
وقالت لهم ملاك عن مراقبته لها من أسبوع تقريبا
شذى : أكيد بينتقم منك
ملاك خافت : ايش ينتقم؟؟؟ بس هو اللي تحرش فيني
جود : انتبهي لحالك
لوجين : ما راح نتركك اليوم انا بوصلك البيت
......جلست شوي بعدين رجعت للبيت
ولما رجعت للبيت بسررررعه راحت لغرفتها
من الخوف غيرت ملابسها ونامت من كثر
خوفها
صحت الصباح وهي قلقانه ماطلعت يوم
الجمعة أبدا من البيت ......
يوم السبت .....وهي رايحه لمدرسه
...تتلفت تشوف سيارته لكن مالقتها ..
ملاك : الحمد لله .....راحت للمدرسة ومر
يومها عادي ......بالانصراف وهي طالعه
ومعاها البنات
شذى : في ....
ملاك : لحظة ...كانت ماسكه يد جود
ضغطت عليها بقوة .....
جود : آآآآه ....عورتيني ....
ملاك بخوف : بنات شوفوا هناك .....وشافوا
الهمر السوده ورى سيارة ملاك بالتمام
ملاك : لالا ... مستحيل ...انا خايفه
لوجين : يا غبية كذا تبينين له انك خايفه خلك قويه
ملاك :طيب ....لازم أكون قويه ....يالله باي
وراحت للسيارة وركبت .....وصلت للبيت
وأخذت جوالها وأرسلت للبنات رساله
تطمنهم عليها ......ونامت ولما صحت
العصر ....راحت للصالة ولقت اخوانها
محمد : ها بشري كيف الدراسة
ملاك : تمام ...ثاني ثانوي سهله
عبد الله : الاختبارات النهائية على الأبواب
..باقي لها أسبوعين ...خلاص مافي طلعه
ملاك تتخصر : بالله ...ويش قلت ماسمعت يالخو ؟؟؟!!!
ثامر : انشاء الله متى ناويه تذاكرين
ملاك : مالك خص ...أذاكر بالوقت اللي أبيه
محمد : انا مع عبد الله خلاص شدي حيلك
كلها أسبوعين وبعدها أجازة 3 شهور
ملاك : انا حرة أذاكر ....اطلع شيء راجع لي
ثامر بحده : ملاك وبعدين ...قلنا مافي
طلعه الا بعد الاختبارات وخلاص ......انتهى
الموضوع
ملاك تتحلطم : اوووووف ....ياربي وبداخلها
((أيه صح لازم اجلس عشان هذاك اللي يلاحقني يمل ويروح )
بعد 3 أيام ....بدوا الطلاب والطالبات يستعدون للامتحانات .....الكل يذاكر .....اما ملاك
ملاك : اوووووف كل الوقت مذاكرة .....أبي اخذ استراحة ....دقت على لوجين وجود وسووا مكالمة
جماعية
...سولفوا وغيروا جو شوي
جود : مليييييت من الذاكرة ....اوووف زهق
ملاك: وانا بعد بيطق فيني عرق
لوجين : الحال من بعضه .......
ملاك : انا بروح السوبر ماركت أجيب اغراض وارجع أبي أتابع فلم على شوتايم ...يعرضونه الساعة 1
بالليل
جود : فلم الرعب قصدك
ملاك : أيه توه نازل ....
جود ولوجين : اجل بنتابعه
ملاك : اوكي يالله باي ...................
جود ولوجين : باااااااااااي
لبست عبايتها وراحت للسوبر ماركت ....وشافت السيارة الهمر لسى وراها
ملاك بخوف : الله يستر ....بديت أخاف منه ............دخلت السوبر ماركت واشترت شيبس وشوكولاته
وعصير
وأغراض تكفيها أسبوعين ......
ماجد : فيصل حرام عليك اتركها باين أنها خايفه
فيصل : والله ما اتركها والله لأكون مثل ظلها ....ومثل الكابوس أطاردها ....وشوف الحين ويش بسوي .
.
ملاك .... طنشت وجوده ....وقعدت تنقي ويش تشتري ....وهي ماشيه وقفت تاخذ بيبسي ...حطت
العلب بالسلة
....وقف جنبها ...رفعت عينها وشافته ...ملاك من كثر خوفها ما تحركت ....
ملاك ((لازم أخليه يعرف أني قويه ...ومايهمني لا هو ولا عشره من أشكاله ))
ملاك بقوة : نعم ويش تبي
فيصل : أبي حقي منك
ملاك : أي حق ...مالك أي حقوق عندي
فيصل بسخرية : مشاء الله بسرعة نسيتي
ملاك بتهديد : قلت لك مالك حقوق ...وبعدين اترك حركات الأطفال حقتك ...على بالك بتخوفني بمراقبتك
وراحت وخلته ...حاسبت بسرعة ...وطلعت وبسرررعه على السياااااره ....وصلت البيت
ملاك ((الحمد لله الحين اقدر أتحداه ...هو ناوي ينتقم بس من مين من ....ملاك ....نشوف يااااا ......صح
ما اعرفاسمه يالله مو مشكله ))...أخذت الأغراض ودخلت غرفتها وسوت لها جو ...وتابعت الفلم ...ولما
خلص نامت
................صحت الظهر بعدما أكلت وصحصحت زين ...اتجهت لغرفتها تذاكر .....وعلى هالحال طول
الأسبوع
جاء أسبوع الامتحانات .........الكل متوتر وخايف
ملاك : ايش فيكم متوترين
شذى : اليوم رياضيات .....خاااايفه
لوجين : يارب تكون الاسئله سهله
جود ترفع يدها للسما : ياررررررررررررررررررب .....
ملاك : انتم اتوكلوا على الله وانشاء الله نجاوب صح
ولاء : يالله ويش هالبرود ميمي ....تقولك رياضيات ..((وترفع صوتها رياضياااات))
ملاك : خير ياطير وإذا رياضيات ....زيها زي أي ماده ثانيه ....(((ملاك شااطرة بدراستها ....وعلى
قولتهم دافوره))
لوجين : يالله بدت اللجنة ....وكل وحده راحت لمكانها ....وجلسوا ...واتوزعت الأوراق .....والكل بدا
يجاوب .......بعد
الاختبار .....
شذى : حلوووة الاسئله ....لكن السؤال الثاني ....سؤال ذكاء
ملاك : يعتمد على الفهم ....الحمدلله على كل حال.....رجعت للبيت دايخه وتعبانه ....نامت وصحت العصر
تذاكر
للمادة الثانية ....وعلى هالحال طول أسبوع الامتحانات
ولاء : أقول ميمي الى الحين وهذاك الولد يطاردك ويلحقك ...
ملاك : أي والله الى الحين ....ياربي انا مستغربه منه كيف ما مل الى الحين
جود :أكيد مسوي خطه .........
ملاك : أحيانا أخاف وأحيانا أقول لازم أوقف بوجهه ....اسمعوا اليوم اذا طلعنا بنروح كلنا نشوفه ...اوكي
.
الكل : اوكي
جات شذى ....
شذى عندها خبر : صبايا
الكل: نعم خير ......
شذى : سمعت من البنات انه في واحد دايم يوقف برى ...والبنات طايحين عنده ...يقولون صاروخ ..ملك جمال
...ايش رايكم نشوفه اليوم
ملاك : اوكي بس احنا ما نعرفه ...............
شذى :ما عليكم صبا تعرفه أخليها تورينا
الكل : اوكي............ بعد ما خلص الدوام .......
شذى : ها صبايا مستعدين لإلقاء النظرة على توم كروز المدرسة ..........
الكل : ههههههههههه يس افكورس
شذى : يالله صبا .............طلعت صبا معاهم ...طبعا هي الدليل ((السياحي لهم ههههههههه))
صبا : والله يجنن يا صبايا ما عمري شفت ولد مثلوا بحياتي ...جماله يذوب ...الا يسحر
ملاك بتوتر: اخلصي علينا صبوه .....وينه ؟؟؟؟؟
لوجين تهمس لملاك : ميمي ...امسكي أعصابك ...شوي شوي !!!
جود : وينه يا صبا
صبا : هذاك ...اللي في .....
ياترى ...من هو الولد اللي الكل تتكلم عنه صبا ....معقولة يكون .... ؟؟
ايش راح تكون ردة فعل ((قروب لايف )) ؟؟
ايش راح تكون رده فعل ملاك .....وايش راح تقول عنه ؟؟؟
معقولة تتفجر مشاعر ملاك ....وتكون تحمل له شيء بداخلها؟؟
والولد ...ايش غرضه ...راح يكون تسليه ...أو انتقام ...أو شي آخر ؟؟؟
هذا اللي راح نشوفه بأحداث الأجزاء الجايه
وراح نتعرف على شخصيات جديدة وأحداث جديدة تقلب مسار جميع أبطال روايتنا ......
************************