طاح المشط مني لاشعوريا على الارض الرخام وكان صوته حيل قوي ومزعج 000 وقتها حسيت إذني خانتني 00حسيت إن اللي سمعته تهيأات مستحيل تنصدق00 مستحيل يكون اللي سمعته صدق 00 نزلت دموعي على خدي بسرعه وبدون إستإذان 00 تركتها براحتها وما حاولت إني أمنعها 00لان الحاله اللي أنا فيها ماتسمح لي إني أكابر أو أبين قويه 00 مشيت بضعف وأنا أرجف و أسحب رجولي لعامر اللي كان بيقوم من السرير00 بس قبل مايقوم مسكته مع كتفه وجلسته بضعف وتوسل00 وأنا أقول له من بين دموعي بصوت متقطع :عـ عـ عــا ااامر 00(وأشرت عليه بأصابع مرتجفه) إنـ نـ نـ ت ككككنت تتتدري إن ماجد متزوج 000
طالعت بعيونه أنتظر منه إيجابه 00 أنتظر منه أي شئ أي شئ المهم يتكلم ينطق يريحني ويطفئ النار اللي بداخلي 00 عصبت من سكوته ونظراته الي يحاول يبعدها عني00 عشان كذا قلت بصراخ :لا تسكت تكللللللللللللم حراااااااام عليك عامر (وقفت من مكاني بعد ماكنت جالسه قدامه وقلت ) دخيلك عامر تكلم 00
وقف عامر وطالعني بعطف وشفقه وبعدها قال بهمس وبصوت مو مسموع :إيه كنت أدري 00كنت أدري 00
تقدرون تقول إني ماسمعت شئ كل اللي سمعته همهمه من بين شفايفه 00عشان كذا قربت منه وقلت بصوت مبحوح :تكلم 00(وكملت بترجي) خلني أسمعك 00
عطاني عامر ظهره وكأنه يبي يتهرب مني 00 رحت قدامه ومسكته مع كتوفه وأنا أهزه بقوه وأقول :دخيلك تكلم 00لاتسكت تكلم 00
مسكني مع يديني اللي كانت على كتفه وقال بنبرة حزن :لين الحين تحبينه 00
سكت شوي وانا ماادري ايش دخل الحب باللي انا فيه وبسؤالي له 00لكن كلمته الاخيره صارت تردد في أذني 00لين الحين تحبينه 00تحبينه 00تحبينه 00 حطت يديني على اذني وأنا أقول بصراخ :بس بس هذا مو موضوعنا 00 (وكملت بغيض ولاشعوريا وأنا مو حاسه بعمري ) إيه احبه احبه 00إنت مااااااااااااااااااااااااااالك خــص فيـ 00
قلبك يغرّك وانت فالحب تحتال
وشلون شايل بين الاضلاع قلبك
مدام مالك بالهوى فيّ وظلال
ما يختلف لو شفت سلمك وحربك
كنت احسبك تعطي على كل الاحوال
واثر العطا ما وافق بيوم دربك
عشتك (الم) كلك متاهات وهبال
معنى العذاب وجاير الهم قربك
ماكملت كلمتي لان الكف الحار اللي جاني من عامر قطع كلامي وخلاني أعض على شفايفي وأسكت 00رفعت يدي و حطيتها على خدي مكان الكف وحسيت إن خدي مثل الجمره المولعه من قوة الكف 00 هزني عامر بقوه مع كتوفي وحسيت إن أصابعه شوي تدخل في جلدي من كثر ماهو معصب وقال لي :شو إنتي من شووو مخلوووووقه 00 (وكمل وهي يرص على أسنانه ) كل مااقرب منك تبتعدين 00ظنيت إن خوفك علي لما مرضت بغير حياتنا وبيخليك تحبيني (وأشر على نفسه بعد مانفض يدينه مني وقال بحزن عميق) أنا الغلطاااان أنا الغلطان إني ماحبيت غيررررررررك 00(وحط يدينه مكان قلبه وقال وهو يضغط عليه )كله منه قلبي اللي مااحب غيرك 00مانبض الا بحبك 00
بعد ماخلص كلامه تنهد وسكت شوي وجلس يطالع فيني 00 بعدها عطاني ظهره وهو يقول بإنفعال وسخريه :بريحك بقولك كل شئ 00
ماادري ليش حسيت إن قلبي إنقبض وحسيت بالحزن على حال عامر وحالي 00كلامه حسسني بالذنب والالم 00نظراته حسستني باللوم والعتب 00 ماادري ليش الدنيا تظلمنا يمكن عامر يحبني لكن أنا مااحبه انا أحب ماجد 00قطع تفكيري عامر وكأنه عرف بشو أفكر وقال:إيوه يامرام أنا كنت أعرف إن ماجد متزوج 00(إنصدمت وحطيت يديني على فمي عشان اخفف من صوت صياحي اللي زاد لما سمعت كلامه 00إنتبهت عليه لما لف علي وهو يطالعني وكأنه يبغى يشوف ردت فعلي ويكمل ويقول ) قبل ملكتك من ماجد بكم يوم كنت منقهر وحزين والدنيا مسوده في عيوني وكنت أتمنى أسوي أي شئ بس ماتتزوجين ماجد حتى لو أقتله 00المهم وقتها من الضيق والقهر اللي داخلي رحت للسيف المستشفى علشان أخذه ونطلع مع بعض نغير جو 00ولما رحت (قرب مني وهو يقول ) مالقيت سيف بمكتبه 00سألت وحده من الممرضات وقالت لي سيف بقسم الولاده 00 (بعد عني شوي وهو يطالع بعيوني ويقول )إستغربت سيف تخصص عظام إيش دخله بالولاده وإيش اللي وداه هناك 00 (وقف على التسريحه وحط يدينه عليها وأسند جسمه وهو يطالع بالمرايه ويكمل ويقول ) فقررت أروح للقسم بعد ماسألت عن مكانه 00ولما وصلت ووقفت في أول الممر 00شفت سيف يحاول يهدي في شخص كان منهااااااارحيل ويبكي 00وكل اللي على لسانه لحقوها هذي مريم 00مريم حياتي 00مريم اللي مالي غنى عنها 00مررررريم اللي حياتي بدونها ماتسوى 00
قطعت كلامه ومن بين دموعي قلت :كان ماجد 0
ماتحرك عامر من مكانه وكان على نفس وضعيته وهو يهز راسه ويقول :إيه ماجد 00زياد وفهد أخوك كان عنده 00أنا وقتها ماكنت أدري إنه ماجد هو نفسه اللي خاطبك وإن اللي معه أخوك 00( لف علي وهو يقول بحزن ) بعدها طلع الدكتور وخبرهم إن مريم والطفل ماتوا 00ماجد ماتحمل الخبروالصدمه وطاح عليهم وأغمى عليه 00 راحو عنده الممرضين وشالوه 00اما أنا رحت لسيف وسألته وخبرني إن ماجد يصير لهم وخبرني عن كل السالفه 00وإنه مافي أحد من أهل ماجد يدري إنه متزوج00
زاد صوت صياحي وانا أقول بخاطري 00انا الغبيه أنا الغبيه اللي ظنيت إن ماجد بيحبني 00صدق غبيه 00 بعدها رفعت عيوني اللي كانت مغرقه بالدموع وأنا أقول له:إيش عرفك إن ماجد هو اللي كان بيملك علي ؟؟!
قرب مني أكثر وصارت أنفاسه وأنفاسي وحده وهو يقول :لما رجعت البيت كنت أسولف مع سميره اللي كانت تترجاني مااقرب لك في يوم ملكتك00 ومن بين الكلام قالت لي إسمك بالكامل بعدها عرفت إن ماجد هو نفسه اللي بيخطبك 00فقلت في بالي أكيد بيقولها ويعترف لك 00عشان كذا وعدت سميره إني مااقرب لك 00
تذكرت يوم الملكه وكل شئ صار لي من تحت راس عامر 00 عشان كذا رحت عنده لا شعوريا وصرت اضربه بقوه على صدره وأنا أقول بصراخ :كذااااااااااااااااااااااب 00حقير (وكملت بإنهيار )إنت غشاش ومنااااااااافق 00وعدتها إنك ماتأذيني وأخلفت بوعدك (وكملت بتعب )خليت أمجاد بنت عمي تشك فيني 00
ماوقف بوجهي ولا سوى شئ وخلاني أضربه على راحتي بعد ماتعبت مسكني وظمني لصدره بحنان وقال لي :إقسم بالله يامرام إني نفذت وعدي 00
قلت له وأنا أبكي وأشاهق بحظنه :لا تحلف بالله وإنت كذااااااااااااااااااااااااااااااااب 00
زاد من ظمه لي وقال :مرام وربي مااكذب 00(وكمل وهو يمسح على ظهري ) أنا كنت معزوم بالملكه مثل ماانتي عارفه 00 لما شفت ماجد قام قبل مايملك قلت في بالي أكيد الحين بيعترف لك 00لانه مامر على موت زوجته وولده أسبوع وبيتزوج 00 لما قام قلت ماله داعي جلستي باخذ سميره وأطلع 00وأكيد بعرف الاخبار بعدين من سميره لما رحت لحوش بيتكم مالقيت أحد إتصلت على سميره وقلت لها تنزل قالت لي لحظه بتسلم عليك قبل ماتروح 00 قلت لها خلاص بنتظرك تحت وأنا واقف انتظر شفتك طالعه من المجالس وتركضين وأول مانظرت بعيونك المغرقه بالدموع عرفت إن ماجد قالك 00 وماحسيت فيك الا يوم صدمتي فيني وقبل مااقولك شئ شفتك طالعيني بعيون دامعه وبعدين تغيبين عن الوعي 00 وقتها مااتحملت اشوفك بهالحاله شلتك بين يديني وقلت لك بهمس أحبك 00تمنيتك تسمعينها تمنيتك تحسين فيها وفي 00لكن إنتي كنت مثل الجثه ماتتحركين 000ماصحاني من اللي انا فيه الا صوت وحده جايه من وراي وتسب وتلعن فيني 00حقدت عليها حيل عشان كذا لفيت عليها وقلت لها :لا تلاعنين 00 مرام
قاطعتني بصراخ :حبيبتك أدري سمعت كل شئ (وكملت بصراخ )إطلع من هني يالحقييييييير00
وقتها كان ودي أروح وأجرها مع شعرها وأتوطى في بطنها 00لكني مسكت أعصابي وقلت لها :بدال الكلام الزايد إتصلي على احد يوديها المستشفى 00 طنشتني وماردت علي ومسكت جوالها وكانت بتتصل الا بطلعة سميره اللي كانت تناظرنا متفاجاءه 00لكن بنت عمك ماخلت عنا شئ وإطردتنا 00
لما كان يتكلم رفعت عيوني لعيونه أدور الصدق فيهم أدور الحقيقه أدورالامان 00 ولقيت اللي أتمناه لقيت الصدق والحب والعطف بنظراته 00يعني عامر ماله ذنب 00أمجاد هي اللي إفهمت السالفه غلط 00مااقدرت أتحمل الموقف أكثر وحسيت إني ظلمته وصرت ابكي بحظن عامر وأدفن راسي بصدره وأقول من بين شهقاتي:سامحني ياعامر سااااااااااااااااااااااامحني 00
ضمني عامرلصدره أكثر وهو يقول بصوت مبحوح :لاتبكين يالغاليه 00 (وكمل بعد مامسح دمعه نزلت من عينه ) أنا اللي أاااااااااااااااا 00
بعدت عنه شوي وانا اطالع فيه ليش سكت فجاءه 00 ولما طالعت فيه خفت وحسيت الدموع نشفت من عيوني 00هزيته وأنا أقول بخوف :عاااااااااااااااااااامر 00عامر 00
كان عامر وجهه أحمرو يكح بقوه ودموعه تنزل على خده من قوه الكحه00 والعرق ينزل على جبهته 00 قلت له بخوف :عامر أيش فيك (وبصوت أعلى )00عامر رد علي 00
كان يكح ويأشر لي على مكان الادويه 00ضربت على جبهتي وأنا أتذكر إنه مااخذ الادويه00 حسيت بتأنيب الضمير لاني من اول ماصحيت من النوم وانا أتمشكل معه 00 وأعصب عليه بسبب وبدون سبب 00 رحت للأدويه وطلعت منها الحبه وحطيتها بفمه عشان يبلعها 0ورحت للمطبخ بسرعه وجبت له ماء عشان يشربه 00 لما رجعت من المطبخ شفته متمدد على السرير وجهه رجع له لونه الطبيعي وهو يأشر لي ويقول بحب:لاتخافين حبيبتي (وكمل بإبتسامه روعه) تعالي جنبي 00
أول مره أحس بالخجل من كلامه ومن نظراته 00 أول مره أحس إن عامر يستاهل إنه ينحب 00 قربت منه بخجل وقلت له وانا أمد له الماء :أمممم تفضل 00
مسك يدي مع ذراعي وأخذ الماء بيد وشربه مره وحده وحطه على الكومدينه ومسك باليد الثانيه يدي ورماني على السرير وهو يقول :زعلااااااااااااااااااااااااانه 00
قلت بخاطري خليني العب بأعصابه شوي وانرفزه00 وأرد له شوي من اللي كان يسويه فيني 00 فغيرت ملامح وجهي وقلت بسخريه :لا تحط بالك إني سامحتك 00 إنسى (حسيت بالوناسه أكثر لما شفت ملامح وجهه تغيرت وقلت له وأنا أكتم ضحكتي ) أنا خفت إنك تمووووت وتتركني هنا لوحدي 00
مسكني مع كتوفي وجلسني على السرير وقال لي وهو يجلس على الارض ويحط إيدينه على ركبتي :لاتخافين لو مت بترجعين لاهلك سالمه 00وبتفتكين مني (وكمل بغيض ) إذا هذا اللي مشغلك 00
طالعت فيه وأنا أشوف عيونه على الارض وحسيت بمشاعر حب تتحرك تجاه عامر00صدق مابخاف إذا قلت لكم بالفم المليان إيه حبيته 00حبيته 00 الشئ اللي كان مكرهني فيه وضح وبان 00أنا كنت أعتقد إنه هو اللي خلا أمجاد تشك فيني عشان ينتفم مني 00لكن اللي صار غير 00أمجاد هي اللي فهمت غلط 00عامر إنسان ينحب 00لكن ظروفه وطريقته بالتفكير هي اللي تبعد الناس عنه 00 تنهدت من الخاطر وقلت في بالي :أهـ وأخيرا يامرام 00شفتي الحقيقه 00
كسر خاطري حيل وهو يطالع الارض بحزن وتفكير 00وقلت بخاطري أكيد حاس بتأنيب الضمير عشان كذا حظنت راسه بين يديني ورفعته لي وانا أقول بهمس وخوف من المستقبل :
أنا حنّيت لك بس آتغلّى
وميّت فيك لكّني مخّفي
يشوّقني زمانٍ كد تولّى
إذا نبّشت في ذكرى ملّفي
وأريد أرجع ولكن لا وكلاّ
عواطفك الهزيله ما تكفي
زمان الجرح واللّيعات ولاّ
وقلبي شمت به عن تبع شفّي
عطيتك من غرامي ما تجلاّ
ولا كفّيت عن يمناك كفّي
جميل الصبر من صبري تحلاّ
ولكن الفرج ما هو بصفّي
هوى صدري من أشواقي تملاّ
نبت ضلعي على حبّك ورفّي
لبس جفني ضيا طيفك وهلاّ
كما طفلٍ على عيده يزَّفي
بنيت الجاش لك قصرٍ تفلاّ
على دمي غلا عينك يغَّفي
وفجأه قلت لي كنت آتسلّى
وتشكرني على وقتٍ مقفّي!!!
أنا حرٍ عن الفضله تعلىّ
وأنا ضيفٍ عن الضايل يعفّي
أنا مذنب على الأوهام صلّى
رحلت وخافقي في الدرب خفّي
حبيبي صعب يرجع ما تولّى
ولو دمع إعتذارك ما يجفّي
ثمر جرحي من غصونه تدلّى
لظا بعدك من الوحشه يدفّي
وأنا حنيت لك بس آتغلّى
وميت فيك لكني مخفّي!!
!