جلست اسرار جنبي على السرير وهي تحط يدينها على كتفي وتقول :مرام سمعيني زين 00صحيح إني مااكنت أتمنى إنك تتزوجين شخص غير ماجد أخوي 00وصحيح إن كرهت عاااامر بعد اللي قلتي لي عنه 00لكن هذا كله مامنه فايده الحين لانه كل شئ صار وإنكتب (وكملت بحنان )عشان كذا حاولي تتعايشين مع وضعك الجديد وحاولي تحافظين على بيتك وزوجك 000
في هاللحظه حسيت إن أسرار حرمه كبيره وعاقله عاشت الحياه وتذوقت مرارها 00 مع إن سنها صغير وبنفس سني لكن اللي ماتدري عنه أسرار إني أختلف عنها حيل 00أنا مااقدر اسامح بالسهوله اللي هي تتصورها 00 أنا بداخلي نار وكره وحقد تجاه عامر 00ومستحيل هالنار تنطفي لين أخذ حقي منه 0000
لا تقـوليـلي ’ اعـذريـه ، ... !
و انتـي بـ / عـيـنـك تشـوفـي ؛؛
كـيـف حـطـّم أمـنيـاتي
كـيـف شـوّه صـورتـه
فـي،’ذكـريـاتـي،’.... !
كيـف خـلـى الكـل يتسـائل ؛
| وش اللـي صـار فيـها | ...؟!
ليـه شـابـت .. ؟
ليـه صـار :الحـزن: دايـم محتويـهـا .... !
كيـف شـمـّتـهـم عـلي ... ؟؟
كيـف خـلـّى النـاس تضـحـك من عـنـاي ...
كيـف خـلـّى احسـاسـي / يـذبـل ؟؟
لـمـّا يتـسـلى بـ ’ شـقـاي ، .... !
بعد هاليوم إنشغلت مع مامي وأسرار بين الاسواق والدكتووور عشان مراجعات رجلي 000وطبعا كنت أروح غصبن عني مو برضاي00 ومرت الايام والاكياس اللي في غرفتي كل مالها وتزيد 00وصارت غرفتي كلها أكياس مرميه في كل مكان 00ماتقدرون حتى تحطون رجلكم فيها 000 صار يومي روتين من البيت للمستشفى وبعد المستشفى للسوق وطبعا من غير حنة أسرار وزنها على إذني عشان أشتري قمصان نوووم وأنا رافضه تماما 00 لكن هي ماخلتني لين شرت لي كذا قميص وكلها فاتحه ومشخلعه 00وأذكروقتها قالت لي بخبث وهي طالعني :خاااااااطري اشووووفه عليك 00
وقتها إنقهرت منها وعصبت ونسيت نفسي إني بالسوق وانا أصارخ بوجهها وأقول :جب ولا كلمه صج ماتستحين 00(وكملت بغيض) هذا مو منك مني انا الخبله اللي مطاوعتك جايه معك 000
تركتها وخليتها لحالها و طلعت أنا من المحل 000لحقتني بسرعه وهي تضحك وتقول : ههههههههههههههه مرامووو وقفي 00
لفيت عليها وأنا أحط يدي على خصري بعصبيه وأقول:نعم 00
حاولت تمسك ضحكتها وهي تقول :نعم الله عليك (وكملت بغياض) ولا عشانهم خلاص بيفكون الجبس بكره خلاااص بطنشينا ومو محتاجه لمساعدتنا 00
جلست أتأفف في وجههاا وانا اقول :اسررررررررااارووو أحسن لك يوزي عني 00 ترى صج وصلت معي 00
المهم وقتها سكتت وماقالت لي شئ 00 رجعنا من السوق ومررنا فهد على مطعم وجاب لنا همبرغر وبيبسي وجاب لريم اللي كانت معاه بطاطس وكاتشب اللي تحبه موووت 00 المهم وصلنا اسرار وبعدها رحنا لبيتنا 00 طلعنا أنا وريم فوق وعلى طول على السرير من التعب 000 بعد هذاك اليوم إنقهرت على اسرار وجلست أتحلف فيها 00 قمت من مكاني وفتحت الباب اللي كان يندق لاني كنت قافلته 00 ولما فتحته دخلت علي ريماني وتعلقت برقبتي وهي تقول :السلام عليكم 00
شلتها بين يديني وانا أبوسها واقول :هلا وغلا 00وعليكم السلااااااااام 00
باستني على خدي وبعدين نزلتها على الارض وقلت لها:توك جايه من علي 00
قالت لي وهي تضحك :هههههههههههههه ايوووه 00(وكملت وهي دور حوالين نفسها ) وقال لي إنا بنروح لزواجك 00
إبتسمت لها وقلت :أكيد بتجين وبخليك تنزفين معي 00
شكلها مافهمت كلامي عشان كذا ضحكت وبعدها قالت لي :عموووو خلاص الحين إنتي تمشين زينا 00
طالعت رجلي اللي فكوا عنها الجبس وقلت بإبتسامه :إيه حبيبتي خلااااص 00
قالت لي بإحراج :عمووو وريني فستانك حق العروووسه 00
أشرت على عيوني وانا أقول لها: تامرين أمررر00
رحت لدولابي وطلعت فستاني عشان أوريه ريم اللي كانت مستانسه حيل عليه ومبسوطه وبعكسي أنا اللي أحس عمري أموت بالبطئ كل مااقرب موعد الزواج 000 نسيت اخبركم عامر من يوم ماملك علي مافيه يوم الا يصبح ويمسي علي في مسجاته 00واليوم بالذات رسل مسج كان مكتوب فيه :
صدقيني منتهـى ’ لطفـك ، خـذانـي ... !
جرّني لأشياء كثيـره ... ما ابيـهـا
ليـه مـدري قلتـها .. وش هـو دعـاني .... ؟!
انفض جراحـي وانا اللي محتويـها ،
يمـكن | ارتحـت | لك ...
او شي ثـاني
احسبيـها .. كيـف ودك .. تحسبيـها ... !
وكتب تحت (باقي عن زواجنا يومين وبنعيش بعدها تحت سقف واحد )( زوجكـ عامر)
خلاص تعودت على اساليبه وحركاته عشان كذا طنشت وماهتميت 00بس اللي كان يخليني أرجف من الخوف هو قرب موعد الزواج 00 قامت ريم بعد ماشافت الفستان وقالت لي :الله حلوووووووووووووووو00
بستها على خدها وقلت لها :إنتي الاحلى 00
قامت من عندي وراحت للسرير وهي طلع الاغراااض والاكياس للي عليه وتقول بوجه من عفس :أوووووووف 00كيف أنام الحين ؟!!
ضحكت عليها وعلى برائتها وقلت :هههههههههههههههههههههههههه ياربي على هالوجه المعصب 00فديتك لا تعصبين (وكملت وأنا أبعد الاكياس عن السرير ) أنا الحين أطلعها كلهااااااااااااا 0000
بعد ماطلعت الاكياس وجمعتها كلها وحطيتها في زاويه وحده 00 إنسدحت ريم وتمددت وغمضت عيونها ونامت من التعب 00 أما أنا ماجاني نوم رحت لفستاني الابيض عشان أشيله ولما وصلت عنده طالعت فيه وأنا سرحانه (وأقول بخاطري ) لو كان ماجد هو اللي بيتزوجني أكيد كنت بكون سعيده وبتكون الارض مو سايعتني من الفرح 00وأكيد كنت بأستمتع وأفرح بالاغراض اللي شريتها حق زواجي00 (وتنهدت بتعب )وأنا أكلم نفسي وأقول :أهـ خلاص يامرام إنسي ماجد 00ماجد صار ماضي والحاضر هو (ورصيت على أسناني وأنا أقول ) عامر000
أخذت الفستان ورجعته بمكانه بالدولاب 00حسيت بالجوع فقررت أروح للمطبخ عشان أكل 00وانا طالعه من غرفتي لقيت فهد متمدد على الكنب وبيده الريموت وقدامه على الطاوله بيبسي وبيتزا 00 رحت عنده وأنا أخذ لي وحده من قطع البيتزا وأقول :أوووه يالخاااااااين 00تاكل بيتزا وانا ميته من الجوووع 00
قال لي وهو يطالع التلفزيون ومندمج :توي جايبه 00مااكلت منها الا قطعه (وبعدين لف علي وهو يقول لي ) وينها ريم خليها تجئ تاكل 00
قلت له بعد مابلعت اللقمه :ريم نااااااااااااااااااااااااايمه 00 (وكملت وأنا أكل قطعه) جات من برى وهي تعبانه 000
عدل جلسته وهو يقول :أي والله 00هالبنت ماليه علينا البيت 00 ماادري كيف بتحمل بعدك إنتي وياها 00
حطيت قطعه البيتزا الباقيه من يديني على الطاوله وقلت له:ليه ؟هي وين بتروح؟!!
طالعني وهو مستغرب وقال :إنتي ناسيه إن علي طلع من المستشفى 00وكان بياخذها بس إحنا قلنا له يخليها لين يخلص زواجك 00
وربي حسيت بغصه بداخلي 00والدموع بددت تتجمع في عيوني 000ريم خلاص صارت وحده من العايله وربي مانقدر نستغنى عنها 00كيف نستغنى عن روح البيت 00 صحيح اني بتزوج بس اكيد مو مخليتها 00 طالعني فهد بتأثر وقال لي:خلاص مرام لا تبكين يعني هي وين بتروح 00أكيد كل يوم والثاني بتجينا 00
مسحت دمعه نزلت على خدي وطالعت فهد وانا أقوله :بشتااااق لكم واااااااااااااااااايد 00
قام فهد من مكانه وهو يضحك ويقول :ههههههههههههههههههههههه اللي يشوفك تقولين هالكلام يقول إنك بتروحين بلاد برى 00 مو كان البيت قريب مايباعد عنا غير ربع ساعه 00
ضربته على كتفه وانا اقول :جبببببببببببببب (وكملت بقهر) الشرهه مو عليك على اللي جالسه معك 00 وتقول لك بتشتاق لك 00
قمت من مكاني وطلعت من الصاله وانا أركض واسمع صوت فهد من بعيد وهو يضحك 000 دخلت غرفتي وسكرت الباب وراي ورحت للسرير وإنسدحت عليه وأنا أطالع في ريم وأمسح على شعرها وأبوس خدودها 0000 بعدها ماحسيت بعمري الا وانا نايمه 00 مر اليوم اللي بعده عادي رحت المشغل وصبغت شعري خصل ثلجيه وتنقشت 00أما العصر جات اسرار والاء عندي في البيت000 وهم اللي ساعدوني بشيل الاغراض وحطها في الشنط لانهم بياخذونها ويودونها البيت 00 مر اليوم كئيب واانا أحس العد التنازلي قرب وضربات قلبي تزيد 00 ليله الزواج ماقدرت انام احس عمري بموت خلاص حاولت قد مااقدر انا بس ماقدرت والله ماقدرت 00 حاولت أسلي نفسي بأي شئ عشان كذا رحت للتلفزيون وجلست أقلب في من قناة لقناه وطبعا من التوتر والخوف اللي في مااعجبني ولا شئ 00رميت الريموت وسكرت التلفزيون ورحت لغرفتي 00بعدها قررت أقراء قران وأصلي لي ركعتين عشان ارتاح وانام 00 رحت الحمام وإنتم بكرامه وتوضيت وبعد ماطلعت فرشت السجاده ولبست شرشف الصلاه 00وصليت ركعتين وانا أدعي ربي يعيني ويوفقني ويستر علي 00وبعد ماخلصت صلاه مسكت القران وجلست اقراء فيه لين حسيت بإرتياح وطمانينه 00بعد ماخلصت منه شلته ورجعته مكانه وأخذت السجاده والشرشف وحطيتهم على جنب لاني مقرره أخذهم معي في بيتي أنا وعامر 000 رحت للسرير وتمددت عليه وبست ريم ونمت 00 صحيت من النوم على صوت اسرار اللي كانت تهزني وتصارخ وتقول :مرااااامووووو يالخايسه قووووووووووووووووووووومي (وكملت بعصبيه ) قومي الوقت راح علينا 000