ضحكت بنعومه وهي تقول :ههههههههههههه شو اشوف النفسيه زينه 00
فهمت شو تقصد عشان كذا قلت لها بإستهبال :وشو اللي بعكررررررهااا00
قالت لي بحذر :إن ملكتك بكرررره 00
سكت شوي وبعدها قلت :وليش يتعكر مزاجي يااختي عادي (وكملت بسخريه ) بكره بصير حرم أخوووووووووك العزيز 00
سكتت سميره وبعدها قالت :مرام يمكن إنتي ماتحبين عامر وهذا اللي أنا متأكده منه بس (سكتت شوي وبعدها كملت )بس إنتي حاولي إنك تعطينه فررررصه 00
قلت لها بصدق وحب :إن شاء الله بس مااوعدك (وكملت بصدق) سميره إنتي صديقتي وأختي وإذا كنت بتحمل حياتي مع عامر هذا بكون بسبب وجودك في نفس البيت 00
غيرت سميره الموضوع وقالت :صحيح الملكه لرجال بس ؟!!
قلت لها وأنا اضحك :اييييييييييييه 00
قالت بإحباط: خساره خاطرررررررري أحضر بس يلا مو مشكله بحضر الزواج 00
إبتسمت بسخريه وقلت :أشوفك متحمسه 00
قالت لي بفرحه :أكيد بتحمس 00(وكملت بضحكه) ههههههههههههههه مو فرح اخوي الوحيد على أعز صديقاتي 00
ضحكت معها وأنا أقول بسخريه :ههههههههههه أمحق أخووووووووووي 00
أول مره ماتزعل سميره مني وردت علي وهي تضحك وتقول :هههههههههههههههههههه مادام وافقتي تحملي اللي بيجيك 00
ضحكت معها وأنا اقول بسخريه :هههههههههههههههههههههههههه بتحمل أمري لله 00
شوي سمعت صوت عند سميره بعدها رجعت لي وهي تضحك وتقول :حمااااااااتك بتبارك لك وتسلم عليك 000
ولع وجهي من الاحراج من كلمه سميره 00بعدها قلت بهمس :سلمي عليها 00
قالت لي سميره وهي تضحك :هههههههههههههههههههههه شو تظبطين أوضاعك من الحين مع حماتك 000
قلت بعصبيه :سميرررررررررروووه
قالت لي بخوف مصطنع : خلاص أوكي أوكي يوووووووووصل (وكأنها تذكرت شئ وبعدها قالت ) على فكرره جوالك ليش مغلق لايكوون عشان 000
قطعت كلامها وأنا أقول: لا مو عشان عامممممممممر (وكملت بكذبه) امممممم بس هو طاح مني وتكسر 00
قالت لي :اهااااااااااااااا (وكملت بحماس ) أوكي أخليك الحين برووح أجهز لزواج أخوووووووي 00 (وكملت بضحكه ) هههههههههههههههه باااااااااااااي ياأحلى عرووووووس 00
قلت لها بملل :سميرررروه تركي عنك هالحركات 00
ضحكت وهي تقول : هههههههههههههههههههههه أوكي لاتعصبين يلا مع السلامه 00
إبتسمت وانا أقول :مع السلااااااااااامه 000
سكرت التلفون عنها ورجعته مكانه بعدها قمت من مكاني ورحت لغرفتي وجلست على التسريحه وأنا افكر بكلام سميره 00 وبعدها بشوي دخلت ريم وهي تركض وفرحانه وتقول :عموووووووووو عمووووو00
قلت لها وانا أبتسم :تعالي حبيبتي 00 أنا هني 00
جات عندي وهي تلعب بيدينها :عموو إنتي بتصيرين عرووسه 00
إستغربت من سؤالها وقلت :منوووو قالك00
دارت حوالين نفسها وهي تقول ببراءه :عمو فهد قال لي بيروح يشتري لي فستان عشان إنتي بتصرين عروووسه 00
ضحكت عليها وقلت :هههههههههههههههههههههههههههههههههه ايه صح بصير عروسه 00
اشرت لي بيدها وهي طالعه وتقول :خلاص بروح أشتري فستاااااااااااااان 00
تركتني وطلعت أما أنا رحت لسريري وحاولت أناااام عشان اقدر أتحمل كل اللي بيصير بكررره 000 وفي اليوم الثاني قمت من النوم بسبب الحركه اللي جنبي 00 فتحت عيوني وأنا أطالع اللي جنبي 00شفت ريماني نايمه وكأنها ملاك وحاظنه دب بحظنها 00جلست أطالع في ملامح وجهها الطفولي والعب بشعرهاااااا 00شفت وجهها إعتفس وكأنها منزعجه وهي تحاول تبعد يدي عنها 00بستها على خدها وقمت عشان أتغسل وأصلي الفجر والظهر00 بعد ماصليت جات عندي مامي وهي تقول بفرح :يلاااا يمه تعالي تغدي 00وصحي معك ريماني 00
طالعت في ريم اللي نايمه وقلت :لا يمه خليها تنااااااااام 00مسكينه شكلها تعبانه 00
إبتسمت لي مامي بحنان وبعدها قالت لي :عقباااااااااال مااشوف عيالك يمه 00
بصراحه حسيت بإحراج فضيع من كلام مامي عشان كذا قلت لها بسرعه:إن شاء الله يمه 00 (وقلت لها عشان أتهرب ) الحين خلينا ننزل عشان تغدا00
نزلنا أنا ومامي تحت وشفنا فهد وبابي على السفره 00رحت لبابي وحبيته على راسه وأنا أقول :كيفك بابي؟
قال بحنان وهو يسحبني عشان أجلس جنبه :الحمدالله بخير دام إنكم بخير (وكمل ) الله يسعدك يايبه اليوم بتتزوجين وبتصيرين عروس 00
قلت له وأنا أطالع الصحن اللي قدامي :أمين 00
لف بابي على فهد وقال له :فهد جهز مجالس الرجال 00وشوف العشاء ابغى على المغرب كل شئ جاهز 00
قال له فهد بإحترام :إن شاء الله يبه 000
بعد الغداء جلسوا مامي وبابي تحت عشان يتكلمون عن الملكه 00أما فهد طلع من البيت عشان ينفذ اللي طلبه منه بابي 00أما أنا طلعت لغرفتي بعد ماقلت لريتا تحط غداء لريم 00 دخلت الغرفه وشفت ريم نايمه رحت عندها وأنا أهزها وأقول لها بهمس:ريماني قووووووووومي 00قومي حبيبتي 00
إفتحت عيونها وهي تفركها بيدينها وتقول :همممممممممم أبي أنااااااااااااام 00
قلت لها بحنان وأنا أمسح على شعرها :ريماني قومي حبيبتي عشان تتغدين 00
لفت على الجنب الثاني وهي تقول بضيق :ماااااااااابي اكل 00خليه بعدين 000
فكرت شوي وبعدها قلت لها بخبث :امممم كيفك 00(وكملت)بس ها مابتشوفيني وأنا عروس 00
ضحكت من خاطري لما إنقزت من السرير وهي تبعد اللحاف عنها وتركض لدولاب وطلع كيس كبير وتجيبه عندي وتقول :لا خلااااااااااص صحيت (وكملت وهي طلع الفستان )شوفي هذا فستااااني 000
طالعت الفستان وكان شكله حيل روعه وذوق وقلت لها بحنان :اللـــــــــــــــــــــــــــــه روووووووعه ماشاء الله بيطلع عليك حلو 00
إنحرجت وردت خدودها وبعدها باستني على خدي وراحت للحمام بسرعه 000 أما أنا جلست اطالعها وأنا مبتسمه وأشوفها وهي رايحه للحمام وشوي سمعت دق على الباب وقلت :تفضل 00
فتحت ريتا الباب ودخلت وهي معها صينيه الغداء قلت لها وأنا اشر على الطاوله :حطيه هناااااا 00
حطت الصينيه وطلعت وسكرت الباب وراها000 شوي طلعت ريماني وجات عندي وهي تمسك بطنها و تقول :امممممممممم جوعانه 00
قلت لها وانا أضحك :هههههههههههههههههههههههههه كنتي بتضحين بالاكل عشان النوووم (وأشرت لها عشان تجئ)يلاااااااااااا تعالي أنا بأكلك بيديني 000
إبتسمت لي وجات جنبي 00وجلست أكلها بيديني وأنا أبتسم بعدين قالت لي وهي تبعد يدي عنها :خلاااااااااااص شبعت 00
طالعت فيها وأنا أقول بزعل :لاااااااا شو هذا مااكلتي شئ00
قالت لي ببراءه :والله خلاص شبعت 00
قامت عشان تغسل فمها وبعدين جات عندي وهي تسولف وتحكيني ببراءه عن علي أخوها وكيف يعاملها وكيف عايشه معه 00أحيانا تضحك وأحيانا توقف وتقلد لي حركاته 00بصراحه كبر علي بعيني 0وحسيته إنسان طيب وحنون يعتمد عليه00 حافظ على أخته وصار لها بمثابه الام والاب 00 بصراحه ضاع الوقت وماحسينا فيه 00 مرت الساعات وجاء وقت المغرب وجاء عامر والضيوف00 وقتها بس حسيت عمري بمووووت من الخوف لما سمعت دق على باب غرفتي وأنا أقول :تفضل 00
فتح بابي الباب ودخل راسه وهو يبتسم ويقول : مبررررررروك ياعروسه 00
ماتموت ..
دامها تطلع مع أنفاسي ... وتفوت !
ودامي .. اقطف .. من هوى التحنان ... توت !!
ودام أحس إن الدفا باقي معاي !؟
برمى الدمعة ورى همي ..
وراي .. !
وأصرخ بـ جرحي .. الحزين :
أص ياجرحي ! ...
سكوووووووووووت !!!
قلت له وأنا أفرك يديني :هلا باااااابي 00(وكملت بصعوبه) تفضل 00
جاء بابي عندي وهو شايل الدفتر بعدها قرب مني وأعطانياه عشان أوقع00 أخذت القلم منه وقعت بيد مرتجفه على ورقه إعدامي على الورقه اللي بتكون فيها نهاية حياتي 000
بعد ماوقعت حطيت القلم بالدفتر بيد مرتجفه00 وباسني بابي على جبيني وهو يقول بتأثر:مبروووك يالغاليه مبروك يابنيتي 000
حسيت الدموع تجمعت بعيوني وأنا أقول بصوت مرتجف ومتقطع :اللـ ـ ـه يبـ ـارك فيك يالغالي 00
طلع بابي من الغرفه وهو مبسوط وفرحان وتركني إنسانه محطمه إنتهت حياتها قبل ماتبداء 00 حاولت أبتسم لو من ورى خاطري وجاهدت لين قدرت لما شفت مامي داخله علي وهي فرحانه حيل ومبسوطه 00قربت مني وباستني على خدي وهي تقول :مبروووووووك يمه مبروووووووووك 00
طالعت في الفرحه اللي بعيونها ومااقدرت الا أظمها لصدري وأنا أصيح 00 ضمتني شوي لين هديت بعدها بعدتني عنها شوي وقالت لي وهي تمسح دموعي :لا يمه لا تصيحين (وكملت بحنان) إنتي عرووووووس والمفروض ماتصيحين 00
قلت لها وأنا أمسح دموعي بكف يدي وأبتسم :إن شاء الله يمه إن شاء الله 000
بعدها تركتني مامي وطلعت من الغرفه وخلتني بروحي 000ومن الضيق مااالقيت غير سريري هو الوحيد اللي أقدر أدفن عمري فيه 00 رحت لسرير بتعب وضيق وإنسدحت عليه 000 وماامداني أغمض عيوني الا والباب ينفتح وهذا الشئ خلاني أفتح عيوني عشان أشوف اللي دخل غرفتي بدون مايدق الباب 00 لما فتحت عيوني شفت ريم واقفه وهي تبتسم ومعها كيس أحمر رووعه حيل 00إبتسمت لها وقلت :تعالي ريماني (وكملت وأنا أطالع بالكيس وأشر عليه ) ايش اللي معك ريماني ؟!
جات عندي وهي تمد لي الكيس وتقول :هذا حقك 00
أخذت الكيس منها وطالعت فيه بإستغراب وقلت لها :مين جايبه ؟؟!
قالت لي ببراءه وهي ترفع جسمها على السرير وتجلس عليه :زوجك 00
إنصدمت وقلت لا شعوريا :زوجي 00
هزت ريم كتوفها ببراءه وقالت :ايه 00هو قال لي عطيها عموو مرام وقولي من زوجك 00
مسكت الكيس بيد مرتجفه وجلست أطالع فيه وانا سرحانه 00بعدها قلت في خاطري خلاص عامر صار زوجي 00واللي بغااه صار 00 هو بغاني والحين نالني 00 قطعت تفكيري ريم وهي تمسك ذراعي وتهزني وتقول :عمووو إفتحيها بشوف شو فيها ؟؟!
إبتسمت ببرود وقلت لها :أوكي 00
مسكت الكيس وفتحته وشفت فيه علبه فخمه حيل لونها وردي وأحمر فيها شرايط وورود معطره 00 طالعت العلبه وطالعتها شوي وبعدها فتحتها وشفت فيها جوال روووعه شكله أخر شئ نزل في السوووق 00ومنتشر حوله ورووود طلعت الجوال من الكيس عشان اشوفه وأنا أطلعه لفت نظري ورقه لونها أحمر ووردي نفس الوان العلبه حطيت الجوال على جنب وأخذت الورقه وأنا أتنفس وأفتحها بيد مرتجفه وأقراء اللي فيها وكان مكتوب :
ليــــــت !!
قلبي ما تولع في هــــوى
( زين الطبــــــاع )
ليــ..ـــت
يوم انه بلاني بحــــبه
حبــــني !
وكاتب تحتها بتصل عليك بالليل حبي 00رقمي مسجل بالجوال (زوجكـ عامر)
مسكت الورقه وضغطتها بيديني بقوه ورميتها داخل الكيس وسكرت عليها00 دورت الجوال اللي كان جنبي عشان أحطه بالكيس وأرجعه مكانه لكني مالقيته 00 لفيت نظري بالغرفه و طاحت عيني على ريم اللي كانت تلعب بالجوال وهي جالسه على كرسي التسريحه رحت عندها وشديته من يدها بقوه وأنا أقول بعصبيه هي مالها ذنب فيها :هااااااااااااتيه 00(وبصراخ) ليش أخذتيه 00
جمدت البنت في مكانها وهي طالعني بخوف 00بعدها صاحت بصوت عالي وهي تقول :ابي علي أبي اخوووووووووووووووووووووووووووي 00 (وقفت بمكانهاوهي تقول )كلكم ماتحبووووووني الا علي ودوووووووني لعلي 00
بعدها حطت ريم يدينها على وجههاا وهي تبكي وتصيح 00طالعت فيها وأنا أحس قد إيش أنا سخيفه وماعندي قلب00 بنت صغيره أصارخ عليها بدون ذنب ليش ؟! ليش أفرغ حقدي وكرهي لعامر فيها ليش ؟! ليش ؟!
قربت منها وحظنتها لصدري وأنا أقول لها بحنان :بس حبيبتي 00بس ريماني لاتصيحين 00
زاد صياحها وهي تضمني بيدينها الصغيره وتشاهق 00كسرت خاطري وبصراحه حسيت بتأنيب الضمير وأنا أمسح على شعرها وأقول :ريماني حبيبتي لا تبكين كلنا نحبك ونموت فيك (قلت لها وأنا أسوي عمري صغيره )ريماني شوفيني ترى والله اصيح معك 00
بعدت عني شوي و ومسحت دموعها بكف يدينها 00وجلست تطالعني وأنا ماده بوزي مثل الاطفال وهي تضحك بطفوله بريئه وتقول :هههههههههههههههههههههههههههه خلاص عموووو لاتبكين 000
قلت لها ببراءه أطفال :يعني مابتعلمين علي أخوووووووك علي 00عشان مايضربني 000
قالت لي وهي تضحك :هههههههههههههههههههههه أصلا علي أخوي مايعرف يضرب 000هو ماعمره ضربني 00
سويت عمري أتنهد بإرتياح وقلت :أهــــ الحمدالله ريحتيني (وكملت وأنا أطالعها بخبث) الحين تعالي لي 0000
رحت عندهاو جلست أدغدغها مع بطنها وهي تترجاني أتركها و تضحك 000وأنا بعد أضحك على ضحكها00 جلسنا على هالحال لين تعبنا 00 بعدها حسيتها بتنام لما تثاوبت و قلت لها :قومي حبيبتي نامي عندي على السرير 00
وقفت وهي طالعني بتعب :طيب بس أبغى أبدل ملابسي 00
وقفت معها وأنا أمسكها مع يدها وأطلع لها بيجامه من ملابسها اللي كانت موجوده بدولابي 00 طلعت البيجامه ومديتها لها وأنا أقول بإبتسامه :تعرفين تلبسين ولا البسك 00
أخذت البيجاما من يدي وهي تنفخ صدرها وتقول :أنا مو ياهل انا اعرررررف البس بروحي 00
ضحكت على كلامها وجلست اطالع فيها لما دخلت الحمام 00بعد مادخلت سمعت صوت باب غرفتي يندق وقلت :تفضل 00
إنفتح الباب ودخلت ريتا وهي تقول لي : ماما مرام ماما أسرار يبغى إنتي على التلفون 00
قلت في خاطري أكيد تبغى تعاتبني وتلومني 00بس الحين مو وقته واللي صار صار 00 بعدها فكرت شوي وا قلت لها :قولي لها إني نايمه 00
هزت ريتا راسها وهي تقول :أوكي 00
طلعت من الغرفه وسكرت الباب وراها 00 بعدها طلعت ريم من الحمام وهي لابسه البيجاما الرماديه اللي فيها ورود ورديه 00قربت مني وهي تتثاوب وتقول :أبي اناااااااااااااااااااااااااام 00
أشرت على السرير وأنا أبتسم لها بحنان :تعااااااااالي نامي جنبي 00 منوووو ماسكك 00
قربت مني وهي تطلع على السرير 00بعد ماطلعت على السرير إنسدحت على المخده وغمضت عيونها 00قربت منها ولحفتها وبستها على خدها 000جلست أمسح على شعرها لين حسيت إنها نامت 00 بعد مانامت قمت من السرير بشويش عشان