" نجي للشي اللي يجمل العين صح العدسآت اللاصقة : صرنا نستعملها بشكل كبير وصار منها الوان كثيرة نجي نتعرف عليها بشكل اقرب * أنواع العدسات اللاصقة: - توجد أنواع عديدة للعدسات اللاصقة الشفافة والملونة، لكنه هناك ثلاثة أنواع رئيسية: - عدسات لينة ومريحة في ارتدائها والسبب في ذلك هو احتوائها على ماء وتؤدي إلى تراكم المواد الغريبة داخل العين لتلتصق بسطح العدسة مما يؤدي إلى تهيج العين وحدوث بعض الالتهابات بها - عدسات للتغيير، وكما يتضح من اسمها يتم تغييرها يومياًً أو بعد أسبوع أو أسبوعين أو حتى شهر. وهي لينة وميزتها تغييرها المستمر مما يمنع تراكم أي شئ داخل العين أو على العدسة نفسها ويحافظ عليها من أية إصابات. ( وهذي اللي نستخدمها ) - عدسات شبه- مرنة وتسمى أيضاً بالعدسات الجامدة المنفذة للغازات. وهي مصنوعة من السيليكون مع مركبات أخرى، تسمح بنفاذ غاز الأكسجين من خلالها لذا فهى غير مريحة مثل النوعين السابقين لكنها لا تسمح لأي مواد غريبة بالنفاذ لاحتوائها على كمية أقل من الماء وفي نفس الوقت لا تجف. * أما عن الأنواع الأخرى فمنها: 1- عدسات لينة تصحح الاستجماتيزم. 2- عدسات مستوية للأشخاص التي تزرع لهم قرنية أو تم إجراء جراحة في أعينهم لعلاج قصر النظر(Lasik)، وهي جامدة تسمح بنفاذ الغازات من خلالها. 3- عدسات تصمم خصيصاً لتلاءم حجم القرنية وتتوافر في النوع اللين والجامد. 4- العدسات الجامدة التقليدية ولم يعد يتم استخدامها. الوانهآ: عندي من عدسات آليسا اللون ( الرمآدي ) ولاتنسون ان لون العدسة الطبيعي يحكم وناوية اشتري لون ثاني .. كيف نستخدم عدسآتنا بكل آمان : فيه شركات كثيرة انتجت لنا عدسآت لاصقة تناسب عيوننا فيه ( فريش لوك - جونسون - توتي <- بتاع حليمة وفيه منها استخدام واحد وتترمي وفي منها شهر وفيه 6 شهور ......... وغير هالكلام لازم نتعامل مع العدسة بكل حساسية .. لانها راح تدخل في مكان حساس بالمرا وعشان كذا لمن تجي تطلعينها من العلبة لازم تكون يدك نظييييفة ونمسكها بكل نعومة .. لانو ممكن نخدشها او نتسبب في جرحها وغير كذا كمان ننتبه لمدة صلاحية العدسة وننطفها قبل اللبس وبعده <~ ضرووري بعده واذا لاحظنا اي احمرار واستمر هالشي لفترة طويلة وقت اللبس ع طول نرميها لانو ممكن تكون مقطوعة او انها خلاص صارت غير قابلة للاستخدام كيف نعتني فيها : اول شي زي ماذكرت نظافة وسلامة العدسة قبل كل شي ونركز ع العلبة نفسها لازم ننظفها بالموية والمحلول تبع العدسة وكمان نغير المحلول كل 6 شهور واذا بغينا ننظفها نسوي كذا : ننظف يدنا اول شي وبعدها نطلع العدسة من العلبة ونحطها براحة يدنا ونكب شوي من المحلول وننظفها كأننا نسوي لها مساج وبعد كذا نرجعها للعبلة بمحلول جديد . نكرر هالعملية مرة بالاسبوع اذا كنتي تلبسينها دايم او مرة كل اسبوعين كيف نلبسها البعض يلاقي صعوبة وقت اللبس لانو اصلا صعب بس بعد تكرار اللبس راح تكون سهلة بالمرا نسوي زي الصورة هذه نرفع الجفن العلوي بالسبابة ونسحب الجفن السفلي بالاصبع البنصر وبالاصبع الوسطى نكون حاطين العدسة .. بس ننتبه لازم تكون جافة لو كانت مبلولة ماراح تلصق ممكن تستعيني بيدك الثانية وهذا اسهل حاولي تدخليها بالعدسة نفسها ولا تحطينها بالجزء الابيض مع انو في بنات يحطونها بالجزء الابيض ويحركون عيونهم عشان تثبت وبعد ماتلبسينها غمضي عيونك لثواني بسيطة عشان تثبت اكثر اذا حسيتي انو كأنو في حاجة مو طبيعية يعني مثلا كأن فيه شعرة طاحت بعينك خرجي العدسة لانو ممكن تكون مقلوبة .. او يكون فيه شي عالق فيها فـ رجعيها في المحلول والبسيها ثاني او حسيتي بحرقان وعيونك بس تدمع خرجيها ونظفيها بمحلول جديد والبسيها من جديد وغمضي عيونك الين يخف الحرقان اذا ماخف معناتو العدسة فيها بلا .. ارميها المهم عيونك ترتاح باللبس " هنا الصعب لانو بعضنا يشيلها بظفره .. وبعدها نشتكي عدساتنا انقطعت لا ياقلبي .. فكي عيونك واخفضي الجفن السفلي بيدك الثانية وبإصبعك حركي العدسة للجزء الابيض وبعد كذا حاولي تطوينها زي كأنك تضغطين من الجوانب ع طول حتخرج معاكي . وبرضو لا ننسى يدنا تكون نظيفه نصآيح عآمة : اول شي واهم شي اننا مانشتكي من حساسية او التهابات في العين . تاني شي نختار عدسات طبية كويسة ننتبه من اشعة الشمس او القرب من الفرن او الاستشوار واحنا لابسينها نبتعد من الاسبراي او مثبت المكياج ماننسى وننام فيها او نتسبح فيها نلبسها قبل المكياج واذا حطينا كحل نحطه ع الجفن ونحاول انه مايلمس العدسة .. واذا بغينا نزيل المكياج نزيل اول شي العدسات بعد ماتشيلين العدسات نظفيها قبل لاتحطينها بالعلبة . حطي محلول من قلب عشان ماتنشف العدسة وهي بالعلبة وبالتالي تتكسر اذا كنتي بالطيارة لازم يكون معك موية عشان مويتها تنشف بالجو مسكرتك لازم تكون من النوع المقاوم للماء وقت لبسك للعدسات اذا بتطلعين والجو مشمس لاتنسين نظاراتك الشمسية بعد مااشيل العدسة وخلاص انتهي منها لازم اريح عيوني ياإني اعمل كمآدات للعين كمآدات للعين : للأمآنة ماقد جربتها بس حطيتها عشان تستفيدون كمآدات البابونج : اغلي زهرة البابونج لحد مايصير الموية اصفر وتذبل الزهرات بعد كذا اتركيه يجف واستخدمي القطن الخاص بمنطقة العين واغمسيه بالمحلول وحطيه ع عينك واسترخي لمدة 15 دقيقة زي ماذكرت ممكن تستخدمي الشاي وممكن نعناع .. منآسبة جدا للتخلص من التعب والاجهاد كمادات الخيار الباارد يانها تونس وتجلب للخاطر الونسة والحيوية كمآدات الثلج المجروش تحطين القطن وفوقه الثلج .. احساس منعش او استخدام قطرة للعين ( بريزولين ) هالقطرة عجيبة تقضي ع الحكة والاحمرار في العين وبعد فظيعة لوقت الانفلونزا .. خاصتن عند انسداد الانف قطرتين وينتهي كل شيء .. مدري اذا البعض يناسبه او لا { يفضل الأستشارة " {