وشي سيارتكـ وشو لونهاا ..؟؟ كامري 99 - أبيض وش نوع كفراتكـ؟؟ سؤال مال أمه داعي .. لكن ياالله علشان زيادة ثقافة الكفرات - بيرجستون تحب االتعديل اذا نعم وش عدلت في سيارتكـ..؟؟ لا ما أحب التعديل وجدي أخوي يحب التعديل .. ولذلك و باجتهاد شخصي حط تظليله بيضاء في الخلف قد صبغتهاا..؟؟ No اخر مرة غسلتها..؟؟ مثل الشباب يوجد هندي يغسلها يومياً من علمك السواقهـ..؟؟ الوالد طبعاً و قد تعلمت مبكراً و مبكراً جداً لأن الوالد يبغى يعلم واحد السواقة و يفتك من مقاضي البيت لدرجة أنني أملك بطاقة الصرف للوالد و أنا في متوسط ! اول سيارهـ سقتها..؟؟ طبعاً أول مرة سقت سيارة كانت في السادسة الابتدائي سيارة مرسيدس -- أعتقـد الساهـرة تتذكرهـا بعدها تعلمت السواقة شوي على سيارة سيدريك بعدها في ثاني متوسط صارت تحت يدي أول سيارة و هي داتسن 83 مع هنقر و هذه السيارة هي التي تعلمت بواسطتها كل شيء في السيارة حتى أدق تفاصيل عمل الماكينة ليش ؟؟!!! لأن كل يومين في الورشــــة بل تعدت تعليمي لتُعلِمَ هذه السيارة كل أفراد أسرتنا واحداً بعد واحد بواسطتها تعلمت التطعيس فوق جبل كنزان ( جبل الشعبة ) حتى أتذكر في ذاك اليوم و بعد نزولي من قمة الجبل سمعت صوتاً في الماكينة و كأنه بخار فتحت الكبوت و رأيت شيئاً أسوداً مغلقاً بغطاء و كأنه يريد الانفجار فقررت فتحه و لكني وجدته مضغوطاً و حاراً بقطعة خشبة فتحته من بعيد و إذا بانطلاق ماء حار جداً منه علمتُ لاحقاً بأن اسم هذا الشيء هو الرديتر و المفروض ما أحد يفتحه إلا إذا برد :D في ثاني ثانوي ملكتُ أول سيارة و كانت من الوكالة تويوتا 93 ثم أخيراً الكامري و في آخر سنة جامعية - من الوكالة أيضاً وش المكان اللي اول مره جربت السواقهـ؟؟ ملعب كرة قدم اول سفره لك بالسيارة ..؟؟ إممم أول مرة سقت سيارة في سفر كانت من السعودية إلى الأردن ( أول ثانوي ) وبعدها توالت السفرات إلى المدينة سافرت بالسيارة إلى دول الخليج ما عدا اليمن وكان أصعبها و أرهقها هو الوصول إلى صلالة في عُمان اول حـآدث صـآر لــك؟>بسسم الله عليــك أتذكر بالهايلكس (93) كنت أمشي في جهة النخيل حيث الصروف رأيت سيارة تسير نحوي و الطريق ضيق و على يميني أحد هذه الصروف و الأرض لم تكن مستوية جهة الصرف المهم أن القادم توقف جهة يمينه لأن الطريق فعلا لا يسع ولكن عندما اقتربت منه قليلاً تحرك نحوي فما كان مني إلا تحركت بالسيارة بضعة سنتميترات فبدأت السيارة بالانزلاق قليلاً قليلاً حتى هوت في الصرف كان انزلاقاً ممتعاً لكن الهندي إلي وياي خاف حد الدعســــة على عمره مع أن السيارة انزلقت بكل تؤدة و طمآنينة و هدوء من يعزز لكـ وانت تفحط..؟؟ ما أتذكر صراحة ... يمكن ثامر الحاجي ( الشبــح ) أو صح صح تذكرت .. ما كنت أفحط اخر مرة فحطت؟؟ قلنا ما كنت أفحط اول مخالفهـ؟؟ ما أقول ظلم .. و لكن ربما سوء حظ النور الخلفي حق الدتسن (83) كان عطلان ، أنا صلحته في الورشة ولكن تعطل مرة أخرى و في نفس الوقت شافه المرور و عطاني مخالفة مع إني قلت له اليوم مصلحه مخالفة أخرى كانت ربط الحزام و هذه أيضاً سوء حظ ، كنت رابط الحزام ، فقط فككته لأخرج شيئاً من جيبي إلا و في وجهي المرور امسك مخالفة قمت الصبح ولقيت القزازة مكسورة والمسجل مسروق..؟؟ لا ولكن مرة وجدت اللوحة مسروقة .. طلعت بدل صدمكـ واحد وانحاش ..؟؟ لا صدمكـ واحد ونزل متشقق يضحكـ ؟؟ واحد - أجنبي - صدمني من الخلف و نزل جداً جداً جداً مفــزوع لأنها صدمة قوية أنا كالعادة ريلاكس و قعدت أخخف عليه الصراحة سيارته انعفست و لكن الكامري يا جبل ما يهدك ريح مع ذلك أخذت منه شوية فلوس علشان ينتبه مرة ثانية اذا واحد ركب معك السيارة وغثيث ونزل وردع باب السيارة.. ماشعورك ؟؟ أركب سيارته و أنزل و اردع الباب مثله ركب معك واحد وانت توك مغسل السيارة وقعد يقشم =يفصفص حب..؟؟ هو لا لكن معليه ركب معك واحد مسوي فاهم ويعلمكـ مثلا يقول امسك اليمين لا اليسار .. عندي صديق هندي سنغافوري - من جماعتنا - ودائماً معاي المهم هالرجال تعلم السواقة عن كبر هنا في السعودية وإحنا سواقتنا في الرياض الله لا يوريكم فهو مسكين كله خايف: انتبه و لف و لا تصدم و خفف و طالع .... إلخ عاد أقوله أنا إن هذا هو حال من يتعلم في الكبر وين توقف سيارتكـ فيهـ..؟؟ اذا داخل البيت كل هذا خوفاً عليهاا ولا مافيه مكان جنب بيتكم..؟؟ في البلد في مواقف البيت ( ومؤخراً صار من الخوف لكثرة حرامية السيارات ) في الرياض في مواقف الشقة في العمل في مواقف العمل التي هي داخل مبنى ( هذي فقط لكبار الشخصيات .. إحم إحم ) شخص ودكـ دايم يركب معكـ قدام..؟؟ فطوم و امها لو جا احد وطلب سيارتك بيروح فيهاا مشور صغينوط تعطيهـ ولا..؟؟ عندي عيب شرعي لا أقول لا إلا في تشهدي << مبالغ لكن قريب من كذا و اسألوا من يعرفوني وديت سيارتك للصيانه وتاخرت .. وش تسوي ونت عايش بدونهاا ؟؟ المحلل بدون سيارة يضيع بنروح رحلهـ بسيارتكـ من تختار من الاعضاء يركبون معكـ؟؟ إممم .. يمكن الساهرة لأنها تمون فبقعد أتأمر عليها سوي شاي و جيبي حَب .. إلخ من الرادود الي دايم بمسجل السيارة ..؟؟ مع الأي بود ، حاط كل الرواديد في العالم من رفيقكـ وونيسكـ في مسك الخطوط ..؟؟ المحللة سيارهـ تتمناها.. وسيارهـ ماتحبها..؟؟ الطوارق و مورانو ما في سيارة ما أحبها بالخصوص كلمه توصف فيها سيارتكـ..؟؟ آه على سيارتي رفيقة دربي وأروع ما فيها أنها ما تقول أح و لا تشتكي و إن اشتكت فلا تتطلب الكثير مع العلم أنني لا أرحمها من المشاوير أكثر من 450000 كيلو ماشية و مع ذلك لا تريد أكثر مما تريده أي سيارة من قماشات و زيت و بواجي أنا لا أقول كلمة لسيارتي ولكني فعلاً كثيراً ما أقبّلُ الدركســون الصورة يمكن بعدين تحيــة للجميع و قد استمتعت حقاً بقراءة تجاربهم مع السيارات وكسرت خاطري الرابعة مالت أبو حسن المحلل ،،،