أشكر اختنا الفاضلة / الساهرة على هذا الطرح الرائع ... ومثل ماقلت سابقاً لم يبقى شيئ إلا وصار تحت المجهر .. نبدأ على بركة الله بالاجابة على الاسئلة ،،، ..نبداء بالشكل.. وشي سيارتكـ وشو لونهاا ..؟؟ هوندا- لونها أبيض لؤلؤي ... وش نوع كفراتكـ؟؟ بيرجستون ... تحب االتعديل اذا نعم وش عدلت في سيارتكـ..؟؟ والله السيارة جديدة وماعدلت عليها أي شيئ سوى تلبيس الارضية بالبلاستيك والتضليلة ... قد صبغتهاا..؟؟ لا ... آخر مرة غسلتها..؟؟ والله البركة في الهندي - قطوعه كل شهر 50 ريال وآخر مرة غسلها اليوم المغرب ... من علمك السواقهـ..؟؟ أحد الاصدقاء الاعزاء ... اول سيارهـ سقتها..؟؟ كابرس... وش المكان اللي اول مره جربت السواقهـ؟؟ في الدمام وشوي شوي في الطرف والدمام ... اول سفره لك بالسيارة ..؟؟ والله رحت للدمام بس كنت خائف اول مرة أطلع خارج الاحساء والحمد لله زال الخوف بعد أول طلعة ... اول حـآدث صـآر لــك؟>بسسم الله عليــك في يوم عيد الاضحى المبارك 1426هـ ... ومعي ام زينب ... من يعزز لكـ وانت تفحط..؟؟ أذكر أني مرة فحطت على خفيف وبقيت أروح في الجدار أبي أسوي فيها عنتر قدام م زينب هههه ... وبعدها حرمت أسوي مثل هالحركات ... اخر مرة فحطت؟؟ لا لا الله لايعودها !!!! اول مخالفهـ؟؟ والله ما أذكر التاريخ بس كانت من قبل سنوات عديدة ... وكانت المخالفة : عرقلة حركة السير بأحد الشوارع في الدمام وحاولت أقنع عسكري المرور بس مافيه فايدة ما أقتنع رأسه يابس ههه ... قمت الصبح ولقيت القزازة مكسورة والمسجل مسروق..؟؟ ماحدثت لي .. بس اللي صارت له أكيد أنه أنصدم وربي يديم علينا نعمة الامان ... صدمكـ واحد وانحاش ..؟؟ حدثت لي في الدمام قبل عااام تقريباً كنت في السوق لأشتري غرضاَ ما ورجعت ووجدت السيارة بها صدمة بسيطة من الخلف ... وغضبت غضباً شديداً ولكن لا أملك إلا أن اقول حسبي الله ونعم الوكيل على هذا المتسبب ... صدمكـ واحد ونزل متشقق يضحكـ ؟؟ لا أعتقد ذلك .. فعادة في الحوادث لا ترى إلا الصراخ أو تطيب خاطر وأعترف بالخطأ ... اذا واحد ركب معك السيارة وغثيث ونزل وردع باب السيارة.. ماشعورك ؟؟ والله اللي يردعون باب السيارة بقوة أكثرهم النساء من أقاربي أنزل من السيارة وبووووم .... ركب معك واحد وانت توك مغسل السيارة وقعد يقشم =يفصفص حب..؟؟ ههههه عليه بالعافية ... بس ينظف مكانه ... عموماً لم تحدث لي ... ركب معك واحد مسوي فاهم ويعلمكـ مثلا يقول امسك اليمين لا اليسار .. هههه في البداية ولكن الآن لا ... السواقة ثابتة والحمد لله ... وين توقف سيارتكـ فيهـ..؟؟ اذا داخل البيت كل هذا خوفاً عليهاا ولا مافيه مكان جنب بيتكم..؟؟ بالشارع دائماً ... وأكثر الاحيان قرب البيت ... شخص ودكـ دايم يركب معكـ قدام..؟؟ أمي الله يحفظها ... فدعائها لي لاينقطع ... لو جا احد وطلب سيارتك بيروح فيهاا مشور صغينوط تعطيهـ ولا..؟؟ والله ما اقصر بس حسب المشوار وحسب حاجتي للسيارة !!!!! واذكر في أحد المرات طلب مني احد الاقارب السيارة لامر طارئ ولم أقصر معه وقد اتفق معي ساعه وراجع ولم يرجع إلا بعد خمس ساعات .... وديت سيارتك للصيانه وتاخرت .. وش تسوي ونت عايش بدونهاا ؟؟ والله السيارة السابقة ياكثر ماتنام في الورشة ... وإذا احتجت لأمر طارئ الأصدقاء موجودين ومايقصرون ... بنروح رحلهـ بسيارتكـ من تختار من الاعضاء يركبون معكـ؟؟ الغريب - حامل المسك - الجرح العارف - الوردة الملونة ... من الرادود الي دايم بمسجل السيارة ..؟؟ أفضل التنويع بين الرواديد !!! ولكني اعشق كثيراً الرادود ...: صالح الدرازي ... من رفيقكـ وونيسكـ في مسك الخطوط ..؟؟ حسب السفرة .. بس في الغالبية أحد الاصدقاء ... سيارهـ تتمناها.. وسيارهـ ماتحبها..؟؟ رينج روفر سبورت ... سيارات نيسان .. !! والسبب غلاء قطع غيارها المبالغ فيه ... كلمه توصف فيها سيارتكـ..؟؟ عملية وأقتصادية في أستهلاك الوقود ... وبعد ما انتهينا من الجزء النظري .. ابي مواهبكم في التصوير وآخيــرآ صـورـه لسيـآرتــك.. طبعاً الآن ليل ويمكن التصوير مايكون واضح جبت صورتها من النت ... ونهاية أنصح جميع السائقين بعدم السرعة وأحترام أنظمة المرور ... الساهرة الف شكر على هذا الطرح وبالتوفيق للجميع ...