نعمة النسيان
تعبت بغربة ايامي وجيتك خايف ولهان
يراودني الامل لحظه.. ولحظه تاقف انفاسي
حقيقه ما قويت اصبر واجاري نعمة النسيان
حداني حبك الصادق وجيتك رافع راسي
ابيك تشوف بعيونك مصايب لوعة الحرمان
اثرها في عيوني صورته من حولها ياسي
انا المخطي نعم مخطي بحقك واعترف غلطان
على كيفك وفسر جيتي لك ضعف يالقاسي
تصورت الهوى كلمه نرددها بلا حسبان
ولايبقى لها تاثير فينا يابعد ناسي
واثرها يا نظر عيني على المبلي لها سلطان
وليل المبتلي فيها من الايام منحاسي
كتبت اشعار بدموعي على خدي من الوجدان
تكرم واقرها تعرف مكانك داخل احساسي
عبدالله الرشود.