الجزء الحادي والثلاثون
× حــصة ×
رجعت من عند نورة يعني ع الساعة 10 بالليل ..شفت الصقر وهو يدخل باتجاه بيتهم ..حركات ولد عمي جنبه بااقة ورد كبيره ..والله الاخ يعرف حركات الرومانسيه ...ضحكت بيني وبين نفسي .. الله يااصقر اناا قلت عني صغيره وماانااسبك وبنهايه تزوجت بنت حتى ماوصلت العشرين ...بصرااحه اناا ماااني زعلانه لانه تزوج ..اصلا مايهمني ولا عمره كان بعيني بمرحله من المراحل صحيح بغيت انتقم لكرامتي المجروحه واخذه لكني كنت بظلم نفسي واظلمه .. هو طيب ويستاهل الخير ومرته اطيب منه بعد ... اتذكر يووم ملكته ...كانو مسوين حفلة صغيره ببيتهم
تحجبت زيين : مبروك ياولد العم ..منك المال ومنها العيال
مارفع عينه فيني ..حسيته مستحي وخجلان : يبارك بعمرك ياحصة ..وعقابلك
ابتسمت وقلت لمرته : حطي ولدنا بعينك يافرح ..مارح نوصية عليك لانه مايحتاج تواصي
فرح بخجل : ان شاء الله
فرح كانت بسيطة وناعمه بفستان فيروزي وشعرهاا ملفلف بطريقة حلوه ومكياجها مره خفيف .. البنت صحيح مب ذاك الحلا لكن سبحان الله فيهاا قبول من تشوفها تدخل قلبك من غير استاذان
رجعت وجلست ع كرسي وكان جنبي حرمة مغطية : انتي حصه ؟!
التفت : ايه نعم
قالت لي : انا منيره جاارت فرح وتقدرين تقولين بمكانة عمتها الله يرحمهاا
قلت لها وانا اتذكر هاا : ياهلا والله
قالت لي : تدرين كان نفسي اشووفك من زمااان من غير غطى
ابتسمت : ان شااء الله بس مااكون اخرع
قالت : بسم الله عليك ..الزين كله فيك
قلت : تسلمين من ذووقك ..بس ليه كنتي تبين تشوفيني
منيره قالت لي بصراحه : فضول والله ...كنت ابي اعرف شلون بنية صغيره تكون اشجع من رجال وتوقف بوجه اهلهاا .. وتعرض نفسهااا لكلام الناس بس ماتهين كرامتهاا
قلت لها : منيره هذاا كله صفحه وانتهت وكل انساان بالدنيا له نصيبه
قالت لي : تدرين ان عقااب وصى وصيه قبل لايموت ؟!
سألتهاا : وصيه ؟!!
هزت راسها : عقاب وصى زوجي قبل لاايموت لانه الي كان معه وقاله قولوو لحصه تساامح وتستر ماشافت
قلت لها وانا امسك دمووعي : قال شي ثاني؟!!
منيره : لااااا
ترحمت عليه : الله يرحمه ..
قطع كلامنا العشا الي نادوناا عليه ..انا مااقدرت ادخل لا عشى ولا يحزنوون ...كنت احس نفسي مخنوقه ..قلت لامي اني بروح البيت وباخذ الشغاله معااي
رحت للشغاله لقيتهاا تاااكل .. ماهان علي والله اقومها من اكلهاا ..حرام هي طول اليووم تكرف
مالقيت نفسي الا ماخذه عبااتي وطالعه من البييت
شفت خالد وااقف برى ويتكلم تلفوون ..تغطيت ززين وسكرت عباااتي ..ومشيت بطلع من البووابه
خالد : وقفي يااابنت
صوته جمد الدم بعروقي ..صوت كله غضب ..وقفت مكاني : ووين راايحه ؟!!
التفت عليه وسويت نفسي قويه : خويي برى يستناااني ..بالله ذا سؤال ؟!! يعني الساعه 12 وين برووح بيتناا
قالي : وليه بلحالك
قلت له : من بعد البيت اهووو
قالي : ادخلي انثبري دااخل .
قلت وانا احس نفسي مخنوقه وشوي بصيح : مااني داااخله .. ومشيت اكمل طريقي لبرى البوابه
خالد معصب مسكني بقوووة ووقفني قداامه ونفض ايده مني كاني قذااره : انتي متى بتتعلمين الادب ؟!
يوم اكلمك لا تعطيني ظهرك وصووتك لاا ترفعينه لاا اضيع ملامح وجهك اللحين
قلت بغيض : ماابقي الا انت يااخويلد ترفع صووتك علي وتهددني
شفته يفرك قبضته والله خفت يضربني ...قالي : اناا اعرف شلوون اربيك
قلت له : الحمدالله والشكر انت تربيني ؟! ربي نفسك انت بالاول
اقدر احلف انه كان بيضربني لكن جيت اخوي سعد منعت كل شي
سعد: وش تسوون هني
خالد : شفتها طاله رايحه البيت قلت امشي وراها لين ماتصل
سعد بحدة : ليه طالعه من غير امي ...؟!! وا ليه مادقيتي علينا نوصلك
قلت بكل ثقه : امي بتقعد واناا ابي اروح انام بكرة ان شااء الله وراي صحوة من بدري للجامعه موعد مقابلتي 8 وانتم تعشوون قلت خلاص اروح بلحالي من بعد البيت اهوو ..حتى خالد عيت يوصلني
خالد لاحظ ان وجود ابد مب مرغوب : عن اذنكم
سعد بعد ماراح خالد : امشي قداامي ..مشيت معااه وانا منتظرة نوصل بيتناا ويدوس ببطني عاد فرصته البيت فااضي وصلني البيت وفتحلي بمفتاحه
سعد : حصه لا عاد اشوفك واقفه تتكلمين مع احد من عيال عمك لحالكم وخصوصا بالشاارع ساامعه
قلت له : انت ماعندك ثقه بااحد ؟!!
قالي : السالفة ماهي مسألة ثقة ؟! اناا واثق فيك وواثق بعيال عمك اكثر منك بعد لكن أي احد ممكن يمر ويشوفكم ماارح يكون كلامه زيين ابد ..هم رجال ماايعيبهم كلمة ..بس انتي بنت والبنت سمعه
قلت له : ان شااء الله سمعت طق على بااب غرفتي : تفضل
دخل ابوي : هلا هلاا يباا
ابوي : تعالي ابيك
حسيت بااستغراب ..ابوي بغرفتي ولا بعد يبيني ؟!! الله يستر بس ..جلسنا انا وياه بالكراسي المحطوطه بزاوية الغرفة
سالته سؤال حسيت ابد مو وقته : يباا اجيبلك القهوة هني
قالي وهو يأشر ع الكرسي : اجلسي
جلست : سم يباا
ابوي وهو ينزل مظروف ويحطة قدامي ع الطاولة : خذي
اخذته الظرف وفتحت وشفت فلووس كلها من فئة الخمسمئة : وش ذا يباا
ابوي : مهرك
فكرت نفسي سمعت غلط : نعم ؟!!
ابوي عاد : مهرك
قلت ابي افهم السالفه : يبا شلون مهري ؟!! انا حتى ماانخطبت ؟!!
ابوي جاوبني : خالد خطبك واناا وافقت وهذاا مهرك 200 الف بنملك بعد بكرة بينا وبالعيد بنسوي العرس
عصبت وانا اشوف ابوي يفرض رايه حتى مايشااورني : ومن قال اني موافقه ؟!!
ابوي بنظرة حاده : لا ترفعين صووتك ..وانا مااشاااورك انا امرك
حاولت امسك اعصاابي ..اعرف ابوي والله لو عندت بيجبرني : يباا ولي يسلم عمرك انا ماابي اتزوج ..يباا والله مااابيه
ابوي : عطيني سبب واحد يخليك ترفضين خالد
خالد اااخ لو هو قدامي كان قطعته بسناااني : يباا خالد مثل ماتعرف راعي مخدرات وبنااات وشلون اخذه
ابوي ماعجبه كلامي عن ولد اخوه : هذاا ك اول واللحين تغير
قلت : ابو طبيع مايجوز عن طبعه
ابوي : حصه انا ماابي أي نقااش الملكة بعد يومين سمعتي ..
قلت له : بس انا حتى فحوصات الزواج ماسويتها شلون بانملك
ابوي ضحك : نفس التحاليل الي سويتيهاا للوظيفه الي كنتي تبينهاا خليت اخوك يعملك بهاا فحص الزواج
يعني فهيدان الثور عنده خبر ولا قاااالي
قلت وانا معصبه : وليه الاخ مستعجل
قالي : خالد مساافر بيباشر المشروع الي بالشرقيه ويبي يكلمك طول هالفتره يتعرف عليك اكثر
ضحكت بتريقه : الي يسمع يقول عمره ماتكلم معاااي ولا شاافني
ابوي وهو يوقف : هذا الخبر وجااك ووالله ياااحصه لو جاني خبر انك مسويه شي عشان تلغين هالزوااج لادفنك بالحوش
وقام بيخرج وفتح البااب بيطلع : يباااااااا
التفت علي
انا كنت موطية رااسي ومخليه شعري يغطي وجهي عشان لايشوف دموعي : ليه يااايباا ؟!! ليه تخليني كورة يتحاذفها عيااال عمي ؟!! ليه ؟!!!
ابووي : لو ان خالد مب كفو مااعطيته
وطلع وقفل الباااب جلست ع الكرسي واناا اهتز وابكي ..بصدري قهر ماتتتصووورونه ..نار شااابه ..سوااهاا الحقييييييير .. قمت لتسريحيت مثل الموجووده وصرت ادور على مشرطي او حتى مقص ...دورت ..دورت بس مالقيت شي...اخر مره اخذ فهد المشرط والمقص من غرفتي ...ماحسيت الا وانا مرميه كل الاغراض الي على التسريحه كلهاا بالارض كانت القوارير كلها تتكسر على الرخاام ..صوت التكسر كان مثل موسيقى تطرب الاذن ...وشكل الزجاج المتكسر مغري ..كنت واعدة امي اني ماعاد اشرط نفسي مااعاد اجرحهاا .. كنت خلاص بمد ايدي واااخذ قطعة زوجاج الا ان امي دخلت علي
امي : وش فيه وش صااير ؟!! ..هالهاا منظر الارض ..قربت مني وقومتني من مكااني ..اخذتني ع السرير
ضميت امي بقوووة ...ضميتها وانا ابكي واشااهق ...
امي كانت تمسح على شعري وتسمي علي : بسم الله الرحمن الرحيم ..بسم الله
قلت بصوت مخنووقه : يمه قووليله مااابيه ..يمه تكفين مااابيه
امي : بس يااحصه اهدي ..اهدي عشان نتفااهم ...
قلت وانا اطالع امي : ماابااااه ...يمة والله مااابيه
امي وهي ترجع شعري بعيد عن وجهي : طيب ماتبينه لييه
انقهرت : يمه مااابيه ..ماابيه ..مابيه يكفي انه اخو عقاااب ...يمه شلوون اخذ اخووه شلوون ؟!!
امي : الله ياااحصه مو هذا الي كنتي تقوليه مااهز فيك شعره
مارديت عليهااا .. ماابي افضح نفسي اكثر مما اناا مفضووحه ..لو تكلمت جرووحي بتتفتح كلهاا
امي : حصه سمعي يمه .. انسي ان خالد ولد عمك وانه اخو عقااب فكري فيه على انه رجال مايقرب لنا بصله شوفي نفسك يمه وقتها بترفضيه لو تقدم لك ؟!!
كنت انااظر امي وماني عارفه شقوول ...ابتسمت : شفتي ان مافيه عيب ..حصه ياابنتي صحيح اننا واثقين فيك وبتربيتنا لك ..لكن كلام الناس ياابنتي مااايرحم .. الناس تعرف انك تردين كل من يجيك ..وصارت تتقول عليك
وانا مايرضيني انك تصيرين علك بفم الي يسوى والي مايسوى
قلت بسرعه : يمه ردو خالد وانا اول واحد يجي بوافق عليه
امي بهدوء : تبدين الغريب ع القريب ؟!! تهقين ابوك يوافق ؟!! اخوانك بيقبلون ؟!
قلت لها : انا الي بتزوج مب هم
امي : حصه مابي نقااش اكثر بالموضوع ..ابوك قرر وانتهينااا .. الا عاد لو تبين تكسرين كلاامه وتحطين رااسه بالطين شي ثااني ..طلعت وتركتني
اول ماطلعت رحت لجوالي ..مسكته ودقيت على رقم الزفت الي اسمه خالد
" ان الرقم الذي طلبته لا يمكن الاتصال به الان .."قفلت بقهر ...النذل الجباان مقفل جواله
ارسلت رساله له انت احقر انسان شفته بحياااتي ..شلون تفهم ماااابييك "
×فهد ×
رجعنا من السووق تعرفون ...جاتنا فجأ حاله صرنا ساكتين ... العيون الي كنت اشوف الضحكة فيها .. اختفت
ماافهمت وش الي صاار
سالتها : نوال تحسين بوجع او شي
قالت لي : لا سلامتك ..خلنا نرجع البيت تعتب من الدوره
جاوبتها : ان شااء الله
رجعنا البيت .. وماكنت غلطان ... شكلها متغير..الضحكة اختفت ..شفتها وهي تاخذ الاكياااس وتطلعهاا للغرفة تبع النونو ..سااعدتها بالحمل ..ودخلت الاكيااس معهاا ...تركتها لانها تبي ترتبهاا ..ورحت غرفتي اريح
× نوال ×
ماادري وش صاارلي ...حسيت بضيقه بصدري..مااقدرت اكمل التسوق مع فهد .. حاسه ان كل الي انا ويااه فيه مجرد عرض مسرحي ...قريب جداا رح ينسدل الستار وينتهي ...او انه حلم ورح اصحى على وااقع مريير
اخذ الاكيااس وصرت انزل الي فيهاا ...اخذت الملاابس الصغيره وبديت اطبقها واحطها بالدلاااب ... غيااراااته
رتبتهاا بالشوفونيرة ..اللون السماوي كان غالب على كل القطع والاغرااض ...حتى رضاعته ..تجنن كلها رسومااات ..اشترينا اكثر من مقااس ..شي صغير ..شي كبير ... اشتريناا مستحضرات الحماام " وانتم بكرامه " المخصصه للاطفال ..بودرة لجسمه ...حتى عطر خااص لللاطفاااال ...شفت وحده من الاكياس ... ماانتبهت لها ...فتحتها ولقيتهاا غطى لونه ابيض مرسوم على وحده من زوايااه قلبين صغااارمتداخله وفي صورة لبيبي صغير يلعب ويضحك ..حضنت الغطى وصرت ابكي ..بكيت بحرقة ...وانا اتذكر ان ولدي بيكون بعيد عن ابوه ..وان كل الي جالسه اللحين اسويه وارتبه ..مارح يشوف منه شي.. رح يكون مشتت بيني وبين ابووه ..ورجعت مرت ببالي الفواتير الي لقيتها ..وانحرق قلبي اكثر ..اكيد بيتزوج ..بيجيب لولدي مرت ابوو ..بكيت بقهر ..دموع حاااره ..بحرااارة الناار الي بقلبي ..حتى ان رجولي ماعادت تحملي بركت ع الارض على ركبي وانا اضم الشال اكثر واكثر الين مادفنت وجهي فيه
حسيت بيد تمسح على شعري : نوال شفيك
رفعت رااسي بسرعه ..هذا متى جاا هناا ..شلون ماحسيت فيه
مسحت دموعي بسرعه ووقفت : خير في شي ؟!
قالي : انتي شفيك شكلك متغيره ماكنتي كذا عند الكتورة ولا حتى بالسوق
تنهدت وانا اروح لدولاب واحط الشال بواحد من الادراج : فهد لا تشغل بالك ماافيني شي
× خالد ×
يالله نفسي اشوف وجها اول ماتسمع الخبر من عمي ..اتوقع انها بتنفجر ... كلها يومين وبملك عليهاا وبتصير زوجتي ..لي لحااالي ..صحيح اني كنت ناوي ااجل هالخطوة لين ماارجع من الشرقيه لكني مااقدر ااخرها اكثر واناا اشووف ابو احمد يلمح لعمي بالنسب ...خفت تطير مني ..مثل ماطااارت زمااان ... تنهدت وانا سمع صوت ابوي بذني وهو يقول لعقاب "اليوم كلمت عمك وحجزت لك حصه "
عقاب كان باخر سنة من الجامعه يعني تقريبا 22 سنه ..انا كنت حتى ماوصلت ال15 بس كنت افهم واستوعب الي حولي .. ماكنت متخيل ان عقاب بياخذ حصه .!! شلون واناا ؟!! انا كنت احبهاا الا اموت عليهاا ..
عقاب : بس يبا انا مااابي اعرس اللحين
ابوي : احد قال عرسك بكرة ؟! اعرس وقت ماااتبي..المهم البنيه ماتروح مناا ولا تطلع برى
اعترض: بس الصقر بعده ماتزوج
قاله : مالك دخل بااخوك انت لك بنفسك ...وطلع راايح لدوامه
عقااب لاامي : يمه قوليله ماابي اعرس ولا ابي حصيص
امي : ابوك تعرفه محد يقدر يعترض على راايه
كنت ابي اصرخ ..ابي اعترض ابي اقول ترى ياانااس ابيهاا والله العظيم ابيهاا..لكن على قولة ابوي انت بزر انثبر سااكت وسكت ..سكت وانجرح قلبي .. كنت دوم اشوفها تستحي منه ..تبتسم له وهومثل الصنم لااا يحس ولا حتى يعبرهاا ...وذبحني اكثر يووم كلمها تفسخ الخطبة ..انا كنت موجوود بالحديقة كنت اسمعهم ..كل كلمه كان يقوولهاا ..تمنيت ارووح له واضربه ..لكني سكت يوم كنت اسمع حصه ترد عليه بك جرأة كبرت بعيني يووم ارفضت انهاا ترخص نفسهاا ..وبنفس الوقت حلته من الارتبااط ..هربت بسرعه قبل لاا ترووح لبااب وتشووفني كنت اشوفهاا من بعيد وهي تمسح دمعهاا ..عشان لااحد يعرف
وصلت البيت ..دخلت ومالقيت احد بالصاله .. وين راااحو هاذول ؟!
× فهد ×
مشيت باتجاهاا ...ولفيتهاا وقااابل وجهاا وجهي .. تدرون بكثر ما قلت طابت نفسي ..كنت اعرف اني اكذب على نفسي ..مستحيل نفسي تطيب منهاا ..اناا احبهاا ..شوفتهاا مهموومه ..تذبحني ...صح تعمدت اجرحها كثيير ..تعمدت اني اتعامل ببرود معاهاا ..بس والله بغيتها تحس فيني ..الدكتور محمد كان يقولي حسسها بالحب ..سوينا طريقته ماجابت نتيجه ..اتبعنا الاسلوب المعاكس ..وبدأ تتفاعل معاي ..شكلي بقلب من طب الاطفال لطب النفس ...
اول مالتقت عيني بعينهاا ..ما استمر اللقاء ثواني الا ونوال ترخي نظرهاا وتطلق العنااان لدموعهاا
سالتهاا : دموعك هااذي ليش ؟!
ردت : ابكي نفسي ..ومشت تبي تطلع من الغرفه مسكتها من ايدهاا وصاربينا مسافه مد الذراع
قلت لهاا : وش بها نفسك تبيكنها ؟!!!
قالت : ابد مافيهاا شي ...انا وزوجي اغراب ..مايربطنا شي الا طفل مثل ماايربطنا بنفس الوقت بيفرقناا ... وش فيهاا نفسي واناا اشوفك تجهز لعش زوجيتك الجديد ..وانا لسى على ذمتك ..وش فيهاا ياافهد ؟!!
سحبتهااا لصدري وضميتهاا ..اول مره من تطلقناا اضمهاا لصدري ..تعرفون حسيت بروحي رجعت لي من ضميتهاا ..احبهااا ...والله احبهاا ..ضغطت عليهاا بقوة ... ضمتني هي بعد ..كنت امسح على شعرهااا
خليتهاا تبكي براحتها
رجعت بعدت عني : شفقان ياافهد ؟!
حطيت اصبااعي على فمهاا : اووووص ..
كانت تطالع بعيوني واصبااعي لسى على فمهاا ..رجعت اضمهاا لصدري وقلت لهاا : عمرناا ياانوال مااابنكوون اغرااب ..عمرناا ..انتي رووحي ..وخرتهاا "ابعدتها " ومسكت وجها بين كفوفي ..والله رووحي ..لاقسى لساني عليك ..لو تجاافيت ... والله يتم قلبي مشتاق لك .. ويظل فكري يهوجس فيك ..لا تظنين يوم قلت طالق ارتحت ..نوال والله يوم طلقتك حسيت قلبي بيطلع من مكاانه ..نوال انتي اهنتيني بكراامتي ..مافي رجال يرضااهاا لنفسه ..حتى لو اني احبك ..كرامتي فوق كل شي عندي .....واذا علي ببطنك اذا كنت مشتاق لشووفه واذا كنت احبه ترااه قطعه منك ..كنت اشوفهاا تبتسم على كلاامي ..تذكرت وش تقصدين بعش زوجيتي الجديد؟!
شفتها مكشره ملامحهاا ودفت ايدي : بيتك الي تجهزه ..ولا تقول شكووك ..انا شفت الفواتير بجيبك
ضحكت : وحكمتي انهاا لبيت ومره جديده
سالت : اجل لميين
ابتسمت لها : راحت لااهلهااا ..لاتضيعين اجرها
كملت تسألني : والطقم ؟!!
ضحكت : الطقم هدية حملك .. بس ترددت اعطيك اياااه
سالت : يعني ماابتتزوج
قلت لهاا : وليه اتزوج ؟!!اناا عندي مره تسوى حريم الدنيا كلهم
قالت : يعني بترجعني ؟!!
قلت لها : والله اني رجعتك من اول مااشفتك ليلة العرس ببيتناا
عصبت علي : نعم ؟!! و كل الي سويته ليه ؟!!
قلت لهاا : كنت اشووف غلااي عندك .. وسحبت خشمها ...اتدلع مثل ماتدلعتي علي..
حطت ذراعااتهاا حول رقبتي : تدلع ياابعد هلي تدلع
قلت لها بجدية : نوال الطلاق اعتبريه قرصة اذن لك ..اانا صحيح احبك ومااشوف غيرك ..لكن كل انسان له حدوود يتحمل ..وانااخلااص طاقتي ع التحمل صفر .. لا تفكرين تعيدين الي كان لان وقتها بس بينتهي كل شي ومن غير رجعه
قالت وهي ترسم ابتسامه حلوه مصحوب بنظرات خجل : ادري والله اني قرفتك بعيشتك ..وصدقني الدرس استوعبته زيين ..والي صار بالاول ماارح يتكرر ابد فهد اذا انت تحبني .فانا اموت عليك ..والله مااقدر اعيش من دوونك الفتره الي قضيتها بالمستشفى .بغيت انجن لاني مااشفتك ..تعرف كوني جيت وقضيت عدتي هنا ..كنت انذبح كل يوم وانا اشوف صدك عني ..ترى ابد مو سهل ع المره تشوف نفسهاا ماتسوى بعين زوجهاا .. تلبس وتشيك له وهو حتى ماايطالع فيهاا ...وقتها حسيت بس بك يوم كنت اتجااهلك
قلت لهاا : يعني تووبة ؟!
جاوبتني : توووووووبة
حطيت ايدي حول خصرها : خليك متذكره ..لو عدتيها ياااويلك وضربت راسي براسها خفه
سمعنا صوت نحنه عند البااب ونوال ابتعدت بسرعه عني
× خالد ×
قلت مادام مافي احد بالصاله بطلع اناام ...وطبعا كان لاازم امر من جب غرفة البزر ...والله مااتوقعت اشوفهم بغرفة البزر ..والحلوين مسوين لي غراميااات والبااب مفتووح والله انحرجت
جاني صوت فهد : تعاال تعااال
قلت لهم : يعني لااازم هالغرامياات ووين بغرفة خلوودي
فهد طوق نواال الي محمره خدودهاا وتحاول تفك نفسهاا منه : اولاا خلوودي بعينك ..اسمه عبد العزيز وثانياا وانت وش حارقك رجال وحرمته
قلت له : راعي ان معاكم عزووبي
قالي وهو يحط راسه على كتف نوال : اتزوج احد ماسكك
قلت له : هين كلها اربع وعشرين ساعه تعدي وعقبهاا و بودع عزوبيتي
نوال علقت : يعني سويت الي برااسك
قلت لها : ايه
نوال : والله مااتمنالك غيرهاا .. ولا ابيها تكون عند احد غيرك .بس مب ذا الاسلووب
قلت لها : يعني انا الي عااجبني ؟!! ترى مب سهله علي اني اخذها وانا اعرف انها ماااتبيني
فهد تنهد : خالد انت يوم طلبتها ماااحد كذب عليك ..ولا حد خدعك .. انت تدري من البدايه ان حصه قلبهاا كان لعقاااب ..ومن عقبه ماعاد فكرت بااحد .. يعني اعتراضها مب عليك لشخصك .. هي عايفه الزواج كله .. وترى محد جاابرك تتحمل ..تقدر تروح لاابوي وتفسخ الخطبة
ابتسمت : جبرني هااذاا ياااولد العم ...واشر على صدرة
نوال وهي تضمني : والله ياااحظها فيك
سحبها فهد : هييي لاا تتجاوزين حدودك
ضحكت : مالت عليك ياااشيخ ..اقول مااعندكم عشى ؟!
نوال جات ترد الا قاطعها فهد : ماعندناا
قلت له : احسن برضوو ..ووقربت وسحبت نوال من ايدهاا ومشيت بيها نطلع من الغرفه
قلت لها : والله ياااختي احلى شي انك ماطبختي .. اناا عاازمك على العشى ..اناوانتي ورجعت رااسي وطالعت بفهد ..بس سمعتتتتتي انا وانت بس
نوال تضحك : اووكي بجيب عبااااتي
فهد : هيييييييي وين بترووحين ..مشي وسحب نوال ..وين ماخذ حرمتي؟!
قلت : اووف من اللبشه ..هي ترى ماني ماخذك معااناا ..ابي اختي بس
فهد وهو يطالع بنوال : بتروحين معااه ؟!! بتهنى لك اللقمة من دوني ؟!!
ماخليتها تتكلم : ايه تهنى ..يااخي حل عنهاا شووي
فهد : اشوفك سااكته عاجبك كلاامه يعني
قلت له : يعني وش تقوول
فهد ا بيرد علي الا ان نوال عصبت: اووف وبعدييين ...ترى ذبحتوني كل واحد فيكم يتكلم بلساني ترى اعرف اتكلم عن نفسي ..شووف هو صحيح ان فهد طفشت منه وحلو الواحد يغير الوجيه لكني مارح اتحرك من غيره حيااتي كلها ماله طعم ولا لوون من غيره
فهد وهو يضمهاا : بعد عمري والله
ابتسمت من قلبي: يااعيني ع الحب ..الله يهنيكم ..ودورو على من يعشيكم ...
فهد : اشوفك رجعت بكلاامك ؟!!
قلت له : يااخي انت واحد تاكل عن عشر انفاار وانا رجال ميزانيتي ماتسمحلي بصراحه
خبطتني نوال على ايدي: اذكر ربك لا تحسده
قلت :اووووووووووهووو تخاف عليه
نوال : زوجي اكيد بخاف عليه
فهد بعتب : اللحين هذا الي قدرتي عليه ؟! زوجي ؟! قولي حبيبي روووحي عمري .عيووني مو زووجي
نوال : انا اجيب عبايتي اصرف لي
طلعت تجيب عباااتهاا وطلعناا نتعشى برى
× فرح ×
صحاني الصقر قبل لاايطلع لصلاة الفجر .. قمت وتسبحت بسرعه ..ولبست قميص بيت .. صليت ...وجلست ع السرير .. اقرا وردي اليومي .. شفت البااب ينفتح .. حطيت مصحفي بالدرج .. وانا اشوف صقر يدخل من البااب
الصقر : السلام عليكم
رديت وعليكم السلام ورحة الله وبركاته
جااا وتمدد ع السرير وحط راسه عفخذي .. كنت العب بشعره المندي :بترجع تناام
قالي : والله حاس بنشااط مااعتقد انااام ... وسحب خصله من شعري
قلت : أي.. الله يخليك اتركه ابيه ينشف والمه قبل لايلتف
قالي : وليه تلمينه انا عاجبني كذااا
قلت له : الاندومي عاجبك
قالي : ايه عااجبني
قلت : والله انتم ماانعرف لكم مره تبونه ناعم ومره مجعد
قالي : ههه على حسب المزااج ..تصدقين فقدت شادن
ابتسمت : والله حتى اناا .. كله منك محد قالك ماتمر تجيبهاا
اعتدل بجلسته : ياسلاااام مو كأنك انتي الي سمحتيلهاا تبيت عندهااا
قلت له : ياسلام طلعت اناا الغلطااانه اللحين .
رحت ووقفت عند الدولاب : صح لا تنسي تباركين لحصه
سالت بغيره يوم سمعت اسمهاا وطيف وجها الحلو جا ببالي : اباركلهاا على ايش
قالي : انخطبت
سالته : ياسلام وانت من ويين تعرف اخبارهاا
حسيت انه يلعب باعصاابي : بنت عمي اكيد اني بعرف اخبارهاا
قلت بغيرة وااضحه : الله يبارك لهاا
سمعت صوت ضحكته : ههههههههه
سالته بقهر : ليه تضحك ؟!!
قالي : اللحين انا اقولك انخطبت وانتي تردين من طرف خشمك حشى كل هااذي غيره
قلت له : نعم غيره ؟ اناا اغاار
× الصقر ×
كانت تمثل الصدمه مع ان تعابير وجهاا فااضحتهاا ... خدوده الي بدا الحمار يكسيهاا .. اضطراب حركة جسمهاا .. حبيت احرجهاا اكثر واكثر قمت ووقفت بوجهااا على مساافه قريبه مره
سالتهاا : ليه مدام فرح مااستااهل تغارين علي ؟؟ مالي معزة بقلبك
ماردت علي عيونهاا كانت متعلقة بالارض ..كملت .. وشفيك ردي
مثلت الزعل .. : افاا لهالدرجه مالنا بالقلب مكاااان ...ومشيت بطلع من الغرفه ..اكمل تمثليت الزعلان
استوقفني صوتهااا : يعني انا الي لي بالقلب مكان
التفت عليها مصدووم : وش تقصدين
دارت وفتحت الدولاب وطلعت شال وردي مشيت باتجااهي : ماسمعت جوابك
سحبت الشال من يدهاااا : مااحب من بفتش باغراضي
سالتني بحدة : من كاانت ؟!!
جاوبتهاا : ماني ملزم اجااوبك ...حياتي قبل لااتزوجك شي خاص فيني . ...اخذت مفتاااحي وجوالي وتركت لها البيت بكبره ... رحت على طول لبيتي انا وياااسمين .. دخلت البيت . وجلست بصالته ... كان الشال جنبي .. كنت اطالع فيه .. تمنيت ان صااحبته تظهر فجأة وتلتف فيه ... مسكت الشاال .. وصرت اشمه ..سمعت رنت
جوالي طلعت اشووف من المتصل ..كانت مهاا : صباااااااااااح الورد
رديت : هلا مهاا
مها : خير وش فيك ؟!! تقولها كذا من غير نفس
قلت لها : مها اخلصي وش عندك
مها بحنيتها : حبيبي وش فيك ؟!! عسى مااشر
قلت لها : مافيني شي .. في احد بالله يتصل ع الناس بذا الوقت ؟!! يااشيخه حتى ماجات ال7
ضحكت : هههه والله البيت نااايم قلت مالي غير صقوور يصحى بدري خليني اغلس عليه
سألتها : زوجك لسى ناايم ؟!
جاوبتني : ايه رجع من الصلاة ونااام .. صقر من غير لا تضيع السالفه شفيك ياااخوي
هاذي هي مها من تسمع صووتي تعرف اذا كنت مضايق او سعيد : مهااوي قلت لك مافيني شي ..اتركي عنك الوسوسه .. ولا ترجيني ..وكملت وانا اكذب ... ترى ياادوب اغير ملابسي وارووح الشغل في امان الله
قفلت من غير لاا اعطيهاا فرصه ترد علي
طالعت بملاابسي ..اوووف .. كنت لاابس بنطلون ازرق ريااضي وتيشرت ابيض .. اووف كيف اللحين ارووح دووامي ... ماكنت ابي ارجع للبيت .. طلعت غرفتي ..داارت عيوووني بالمكااان تنهدت .. وانا احارب طيف الذكريات .ياما ضحكناا بذالمكااان .. وجلسناا على هالكرااسي .. حتى السرير كانت ياسمين تنااقز عليه
رحت للدولااب .. وفتحته ..شفت ثياابها المرتبه ..مثل مااهي .. وشفت كم ثووب لي ...كنت البسها يوم اتعذر بالسفر واجي عندهاا .. سحبت لي ثوب مع شمااغ ...وبدلت ملاابسي ..كنت ابدل بسرعه .. كنت كااره التواجد بالغرفه .. كنت احس نفسي صغيير ..صغير وااايد ...صغير بخيااانتي .. خنت ذكرى يااسمين...ومااحترمتهاا .. وبنفس الوقت خنت فرح ..يمكن مااخنت خيانة جسد وانما خيااانة مشااعر .. هالخيانة اصعب وابشع انواع الخياانة ..خياانة جرحهاا كبير .. التداوي منهاا يااخذ وقت كبيير
× مها ×
عطيته الشماغ يلبسه ...وكانت حلاا وشادن جالسات ع التسريحه ويطالون فيه
شااهين : ليه احس نفسي كاني تحت المجهر
ضحكت : ماادري هههه
حلاا : شوفي بااابا حلوو
ردت عليها شادن :موو حلوو بابتاي اللي احلااا ... سوفي ابوك ماعنده سعل ...وكان شاهين فعلاا عنده بمقدمة راسه صلع ..دايما يحط سماغ
شاهين ضحك: ههه بوجهي تقولهاا
حظنتهاا : صريحه بنت اخووي ...
شااهين وهوو يحظن حلاا الي كان مبين عليها الغيره من شاادن : بعد قلب ابوها
نزلنا وفطرناا .. وبلغت شاهين اني بمر بيتناا اوصل شااادن ومنه اشووف فرح
مع ان سببي الحقيقي اني ارووح اعرف وش صااير بين صقر وفرح ..لما كلمته كان مبين من صوته انه مضاايق وبشكل كبير .. ماادري اخااف امس بدل مايكحلهاا عماااها !!
× خالد ×
اول ماصحيت فتحت جوالي .. واستلمت رساله حصه ..والله ضحكت ... حسيتها بالفعل مقهورة ..نزل الصاله ابي افطر ...وبما اني مسافر على رحلة الساعه 2 الفجر بكره فاعطيت نفسي اجازة
جلست بالصاله .. وكنت معطي البااب ظهري ..يعني أي احد يدخل مارح ينتبه لوجودي ولا حتى بيلاحظه
سالت نوال وهي تحط الفطور قدامي : ووين رجلك ؟!
جاوبتني : فهد طلع من بدري ..وراه عمليااات ..انت مب رايح شغلك ؟!
جاوبتهاا : لا مو رااايح
الجرس رن ...رااحت نوال تفتح البااب ..كت اسمع صووت حصه هي تصاارخ
حصه : وينه
نوال: ادخلي بالاول
حصه وهي تدخل : نوال اقولك فهيدان وييينه ؟
قالت لها : فهد مب موجوود
حصه بقهر : عاجبك الي سواه زووجك ؟!! اللحين انا ارووح احلل للوظيفة وزوجك يااخذها تحاليل زوااج ؟! اصلا اخوك هذاا الي مماايستحي على وجهه ..شلون يتجرأ ويخطبني .. وهو عارف اني ماابيه.. ولا اني
طاايقته ..الحماار
نوال : حصه ترااه اخوي
قالت لها: اخوك مب رجااال .. لو رجال مااكان قبل يااخذ وحده ماتبيه
نوال صرخت : حصصصصصه
× حصه ×
صحيح ان من حق نوال انها تعصب لاني اتكلم عن اخوهاا ... لكن عيونهاا كانت معقله على مكان محدد .درت وليت اشوف بايش تطالع ...التفت وشفت خالد وواقف بنص الصاله ونظراته تطق شراار ..حسيت باحرااج لاني كنت اسبه من قبل ...لكني مستحيل ابين لاي احد ارتبااكي
خالد جاا وعدى من جنبي بكل بروود : تعرفين اناا كان ممكن اهون .. لكن اللحين عنااد فيك لاتمم الملكه بكره .. وان كان فيك خير قولي لاااا
صرخت : انت ايش حجر ماتحس ؟!!
قالي: لو مااحس ماكاان خطبتك
ماعرفت شرد ..كان بعيوونه نظرة مااعرفت وش معنااها نظرة اول مره اشوف احد يطالع فيني بطريقته ..حسيت باارتبااااك .حاولت اخفيه بس مااقدرت .. وهو قدر يلمح هالشي الابتساامه الي على شفاااته قالت هالشي ..كمل : اشوفك بكرة ياااعرووسة
قال لنوال :نوال اناا طالع تبين شي ؟!!
جاوبته : سلامتك
ناظرني : توصين شي يااابنت عمي ؟!
والله تمنيت اني اقوم واهشم وجهه وامسح هالابتساامه السااخره ..لفيت وجهي بقهر ..وجلست على واحد من الكرااسي وكنت اهز رجلي
طلع من البيت ...نوال : عجبك زعل
قلت لها : قلعته
عصبت علي : حصووه تراه اخووي
قلت لهاا : نووواال وبدين بالله ماشفتيه كيف يتكلم معااي ببروود ... والله تمنيت اهشم وجهه ..
قاالت لي : عيب عليك ترى هااذاا بكره ان شااء الله بيصير زوجك
عضيت شفتي بقهر : لاتذكريني .. والله الين اللحين النار بقلبي ماابردت .. تخيلي ابووي حتى مااشااورني
قالت لي : والله حتى انا مو عاجبني طريقة عمي ولا خالد ...بس ترى يمكن تكون خيره
قلت لها : أي خيره .. تدرين اسكتي احسن لك لا تخليني انفجر اللحين واقول كلاام يزعلك ....جات عيني على الساعه وكانت تقريبا 10 .
سالتهاا : وين راايح اخووك ؟!
ابتسمت بخبث: اشوف بدينا نحقق
قلت لهاا : لاايروح بالك بعيد اناا شفته لابس بنطلون يعني اكيد مو رايح الشركه
قالت لي : بيروح يجيب اغرااض له .تدرني بكرة بيساافر الشرقيه
فرحت : يعني ماابنملك
هزت رااسهاا : الا بتملكوون .. رحلته بتكوون الساعه2 الفجر
تنهدت : ياافرحه ماتمت ....تعالي وش صار بينك انتي وفهد ؟!
شفت ابتساامه على شفااتهاا .ابتساامت خجل : رجعني
فرحت : واللللللللللللللله مبروووك وقمت وحضنتهاا ..الف مبرووك الله لاايفرقكم ..ولايغير عليكم
قالت وهي تقرص خدي : اميييين ...ويحط لاخوي مكان بقلبك
قلت بغضب : نوووووال
سالتني : عندك شي لبكرة ؟
قلت لها : من جدك انتي تبيني البس واتشيك لخويييلد هااذا الي بااقي
نوال قالت : اسمه خااااالد .... شووفي انتي ساعدتيني بموضووعي مع فهد .. واللحين اناا جا دووري اساعدك بنصيحتي ..شوفي حصه لا تبدين زواجك غلط .. صحيح مو انتي الي اخترتي خااالد .. لكن احياان اللي ينفرضون علينا احسن بكثيير من الي نختارهم ..اعطي نفسك انتي وخالد فرصه ..لاتنهين كل شي حتى من قبل لا تبدون ..ولا تااخذين واحد بذنب الثااني
تنهدت : يصير خير
× خالد ×
طلعت من البيت رايح للسوق .. الكلام الي قالته لي حصه ..جرحني ..صحيح اني مثلت البرود عليهااا ..لكن بداخلي انجرحت ..مو سهل ابد على الرجل يسمع من الي يتمناها زوجه له ..انها ماتبيه ولاتطيقه ..لاوماتشوفه رجال ....رحت للسوق قضيت لي كم بنطلوون وقمصان وتيشارتاات ...احلى شي بالسوق الصبح انه يكن فاضي ..تقدر تقضي براحتك ...مريت على محل للمجوهراات .. طبعاا ملتي بكره فلاازم اخذ شي للعرووس
دخلت واخترت دبلتين وحده فضه لي والثانيه من الذهب الابيض المطعم بالالمااس ...اخترت بعد طقم نااعم اعجبني وكان مزين من الالماس الملوون
كنت بطلع خلااص من المركز التجااري لكن لفت نظري فستاان نااعم ..معروض بوحده من البااتريناات ..دخلت وشريته بطلعتي .. ورحت ع البيت
× فرح ×
فرحت اول مااشفت شاادن تدخل من الباااب ..ضمتها لصدري وبستها
قلت لهاا : وحشتييني
شادن : حتى انتي
قلت لها : ايه بااين ..عسى ماتشااطنتي عند عمتك
شادن : لا والله كنت مؤدبه حتى اسألهاا ..واشرت على مهاا
مها : ماشااء الله عليهاا
سالتهاا : ليه ماجبتي حلاا؟!
جاوبتني : عمتي عيت عليهاا ... تقول بتاخذهاا معها عند ناس من جماعتهاا
شادن طلعت تلعب بغرفتها ..وانا سويت لنا شااي وجلسنا بالصاله
مهاا : فرح شلوونك مع الصقر ؟! ان شاء الله تعدل
تنهدت : نحمدالله على كل حال
قلت لهاا بانفعال : مارضااك الباارحه
استغربت : وانتي شدرااك ؟!..انتي الي اقترحتي عليه صح ؟!
حسيتها انحجرت : ااايه
قلت لهاا : تطمني راضااني ..عمل بنصيحتك
قالت بصرااحه : طيب ليه وجهك مقلووب ومبين عليك الضيقه ..والصقر يووم كلمته الصبح كاان مبين على صوته هو بعدالضيقه
سالتها : متى كلمتيه ؟!
جاوبتني : يعني ع ال7
قلت لها : يعني من بعد ماا طلع من البيت
سالتني : تهاوشتوو ؟!
قلت لها بصرااحه : ماتهااوشنا تركنا كل شي بينا معلق ...مهاا ابغى اسأل سؤال وابغى اعرف اجابته منك بك صراااحه
مها : خير ياا فرح وش سؤالك
سالتها : صقر كان له علاقاات بحريم قبل لا يتزوجني ؟!
شفت صدمه بعينها : الصقر ؟!!طبعاا لااااا
قلت لها وانا اتذكر الشال الوردي : مها ترااك قلتي بتجاوبيني بصرااحه
قالت لي: وهذا انا جاوبتك.صقر فعلاا ماله ابد غراامياااات ..اخوي واعرفه اكثر مما اعرف نفسي
سالتها بقهر : والشال الوردي ؟!!...لاتقولين ماتعرفين عنه شي تراني اعرف انك الوحيد الي تقدر تدخل غرفته وترتب كل اغراضه
قالت لي : الله يرحم صااحبته
سالتهاا : ماتت ؟!!
جاوبتني : ايه ..ترى ماكانت عشيقته لاا يروح بااالك بعيد ..يااسمين كانت زوجته على سنة الله ورسوله ..
سالتها : كان يحبها
قالت لي: كان يحبها واعتقد انه الين اللحين بعده يحبهاا ..يااسمين كانت حيااته .. تزوجها بسر لانه كان يعرف ان مستحيل اهلي يووافقون عليهاا .. على فكرة اهي اخت شاااهين
حسيت غيره تنهش قلبي : حلوة ؟؟
قالت لي : مااكان وجها حلو بس..طبااعهاا حلووه ..صحيح مااتتكلم ..بس كانت تفهمه ..كان يخرج من هالباب ..واشرت ع البااب ... وكل هموم الدنياا على راسه ...بس يروح عندهاا ..يرجع والضحكه من الاذن للاذن
مها كانت تتكلم بصرااحه كبييره ..صرااحه جرحتني .. كان متزوج وماقالي .. كان يحب .. وانا كنت افكر نفسي اول مره بحيااته ..كنت افكر ابتعاده عني ..جفاه سببه الفرق بيناا ..طلع السبب حب وحده محتل قلبه
مهاا : لا تزعلين ياافرح انتي الي طلبتي صراحتي ..ووالله لو كنت مكاانك اكيد كنت رح اتضااايق
حسيت دموعي تحرقني بعيني ...حطت ايدهاا على ايدي ...: فرح اذا كان الصقر وفي لوحده تحت الترااب ..فتأكدي انه رح يكون وفي لك انتي زوجته
قلت لهاا بحرقة : ابيه يحبني ياامهاا .. والله ماابي أي شي منه ..ابيه يحبني ..نص الحب الي حبه لمرته الاولى الي اطلبه ياامهاا كثيير ؟!! اطالب بالكثير ؟!!
مها ابتسمت : اكيد مو كثير ..من حقك ..واذا كان بعيد عنك قربيه ...لاتعندي وتقعدي تلعبي على حبل الكرامه ..الذكيه الي تكسب زوجهاا ...لو هو بعيد عنها بعد السموات والارض ..واياك تقارنين نفسك بياسمين الله يرحمهاا انتي شي وهي شي ...ولاتجبرينه يقارن بينكم ..خليك مختلفه ... شووفي ياافرح انا والله اعتبرك مثل نوال اختي .. فلاتزعلي مني ولا من صراحتي ..فرح حاولي تغيري استايل لبسك .. خلي نفسك مره اكثر ..من انك مراهقه .. مو تكبرين نفسك لااا ..بس بيني نفسك انثى اكثر ..اسحريه السحر الحلال
سالتها : كاان بالشركه
قلت لها : مااعتقد ...اتوقع يكون ببيته
رددت : ببيته
مها وهي توقف : فرح فكري بالي قلته
×نورة ×
اليوم حاسه بتعب مره كبير .. من طلع راااكاان للدوام واناا بس متمدده ع السرير ..سمعت الجرس يرن .. بالكاد قدرت ارروح للباب وفتحته .....اووف ..هذاا وقت زيارة بالله .. كانت جارتهم منيره.
منيره : كيفك نورة
جوبتها : هلاااا ...كيفك انتي
منيره وهي تدخل : الحمدالله ...نوره شكلك تعبانه
قلت لها بصراحه : والله حاسه بكل جسمي يعورني
حطت يدهاا على راسي : ويلي اني مسخنه ...وين زوجك عنك ؟؟
قلت لها : راكان طلع
منيرة : ادخلي ارتاحي انتي اللحين بغرفتك
قلت : والغذا
منيره: الغذا انا بسويه انتي ادخلي ارتاحي
دخلتني اناام ...واعطتني بندوول
مااصحيت الا 2 وشفت راكان جنبي ..وعلى جبيني كماادة
وشفته يقرا بكتاب بيده : رااكان
قفل الكتاب : شلوونك اللحين ؟!!
قلت : احسن شووي
ابتسم لي : الحمدالله ..جيعاانه
تذكرت الغذا : انت تغذيت
قالي : لاا والله لسى
جيت اقوم : ووووين
قلت له : بجيب لك غذا
قالي : لا تروحين ولا تجين ..انا بجيب الغذاا
شفته يطلع ..وراح وجاب الغذا ..كانت منيره مسويه شورباا زكبسه
اعطااني الشوربا وحط جنبي كاسة الليمون ..واخذ هو صحن الكبسه
طبعا شربت الشورباا ومن بعده عصير الليمون ...رفع رااكان الاطبااق ... تسللت ورراه وشفته وهو يغسل الاطبااق .. شكله مختلف كثير عن رااكان الجااف والتقليدي ..التفت علي : وش مقومك
قلت له : قلت اشووفك
قالي : اشووف ارجعي غرفتك بالطيب
كنت ساانده نفسي ع البااب لاني حاسه بدوخه خفيفه..: وش بتسوي بالموياا ؟
قالي : بسويلك شااهي ..يدفيك ...ارجعي الغرفه
× راكان ×
شفت جسمها وهو يطيح ..جريت ولحقتها قبل لا رتطم بالارض .. ومسكتهاا ..: نوورة
نورة : هااا
سالتهاا : داايخه ؟!
كانت متمسك برقبتي وانا ارفعها : ايه دووخه خفيفه
شلتهاا للغرفه وحطيتها بالسرير : اقعدي ولا تتحركي ... رحت للدولاب ..ونزلت لها غيااار ..بدلي ملاابسك بااخذك المستشفى الان
طلعت من الغرفه عشان تغير.. لبست عبااتها وسندتها الين ماوصلنا السياارة ...بالمستشفى عملو لهاا تحاليل وفحوصاات .. كنا متوقعين مجرد حمى ...او حتى انفلونزا
الدكتور : كم لكم متزوجيين ؟؟
جاوبته : ثلاث شهور تقريباا
الدكتور :مبروك المدام حااامل
والله ماتوقعت ابد الحمل .. كنت اشوف الصدمه على وجه نوره ..الي سالت الدكتور : شلون انا كنت اخذ حبوب
قالي الدكتور : الحبوب مب مانع نهائي .. غير كذا اني حامل تقريبا باكثر من شهرين
رح اكتب لها مقوويات تسااعدها ...
رديت : شكرا دكتور
حاولت اكتم غيضي كثر مااقدر ... الين ماطلعنا من المستشفى ... ووصلنا البيت ..
اول مادخلنا انفجرت فيهاا : من متى تاخذين الحبوب
جاوبتني بلا مبالاة : من شهر ونص
سالتها ليش ؟؟؟
جاوبتني : لان ماابي أي شي يربطني فيك ..ولاا ابي اقعد بهالخراابه اكثر
قلت لها : ولا عاد انا ابيك ..من تولدين تضفيين وجهك على بلادك .. انا بعد ماابيك ومن اليوم تحرمين علي
والله بغيت اضربهاا لكن مااتعودت امد ايدي على حريم ...قررت ارووح اطلع حرتي بشغلي لاا اذبحهاا
× الصقر ×
رجعت من الدووام ..استقبلتني شااادن... ضميتهاا ...: هلااا والله
بااستني على خذي : ليه ماجيت الغذا
مسكت ايدها الصغيره : كان عندي شغل ..وين ماماا
فرح طلعت من المطبخ وهي مبتسمه : هلاا وغلاا
رديت على ابتساامتها وانا مستغرب منهاا : اهليين
شاادن سحبت ثووبي ووطيت لمستواها : وش فيه
شادن توشوشني : سووف فلح لاابسه تنوله كصيله مله ..ماتستحي
فتحت عيووني : عييييييييييييييب ...محد يقول كذا على ماماا
فرح وهي حاطه يدها على خصرها :وش تقوولوون ؟!!
فلح تقلدهاا وتحط ايدها على خصرهاا : انتي ليه لابسه تنوله كصييله مللللللله مو عيب ؟!!
فرح جاوبتها وهي محمره : لا تحيطن يدك على خصرك عييب
جاوبتها شاادن : سووفي يدك
فرح نزلت يدها بسرعه وواناا ضحك من كل قلبي عليهم
فرح : عااجبك المووضووع
قلت : والله تهبلووون .. كنكم توائم تتناقر
فرح لشاادن : يالله يااحلوه على غرفتك ..نووم
شاادن وهي تزيد تعلقها فيني : ابعى اكعد مع بااباا ..فرح وهي تجي تاخذها من يدهاا ..: حبيبي باابا جاي من الشغل تعبااان يبغى يرتااح
شادن كانت تطالعني بعين الرجاا..قلت لها : سمعتي ماما شقااالت
شااادن طلعت ع الدرج وهي تحلطم .. فرح : اجهز لك الاكل
قلت لها : انتي كل ماتشوفيني تسأليني عن الاكل ...مكتووب على جبهتي مشفووح
حسيتها انحرجت ..وبان بحمرة خجلها : والله مو قصدي
جاوبتها بجفاف من بعد ماغاابت شاادن تماما عن عيني : ماايهم
طلعت وغيرت ملاابسي ..ونزلت الصاله ..شفت فرح تحط صينية الشااهي ..ومعااهاا موالح
جلست ع الكنبه وصرت اطقطق بالريموت .حطيت على برنامج اقتصاادي وصرت اتاابعه
جات فرح وجلست جنبي وكانت تسحب تنورتها الجينز القصيره الي ارتفعت مع الجلووس .. اعترف شكلها كان مغري جداا ..خصوصا مع البدي الاحمر الي كان متقطع من الظهر ونازله فتحته من الصدر .. وشعرهاا مسشورته .. عملت نفسي مو مهتم وانا الود ودي اقعد اناظرهاا ...اعطتني كاسة الشااهي ..اخذتها وسحبت حبة بسكويت مملح .. والله كنت جيعان .بس سويت فيها ثقيل ...كنت جالس معهاا وكنا سااكتين .مافي أي حوار بيناا ... كنت انتظر تسألني عن ثياابي الي بدلتهاا من غير لا ارجع البيت ..عن الشال ..لكنها ماا سالت ولا فتحت فمها بكلمه ..ولا حتى انا تكلمت انتظرت ليين ماخلص البرنامج ..قمت وطلعت غرفتي تمددت على السرير ..شفتها وهي تدخل .. طنشتهاا ولا كانها موجوده ... شفتها تاخذ غياار من الدولااب ..رااحت للحمام "وانتم بكرامه " تغير ملابسها ..ضحكت لنا اللحين 3 اشهر متزوجين ولا تغير ملابسها قداامي ..حتى يوم تلبس قصيير او مفتح تلاقيها طول الوقت مستحيه وحالتها حاله ..اول ماشفت وكرة البااب تتحرك على طول لفيت وجهي للجهة الثاانية عشان لاتشوف اني مو ناايم
جات وجلست ع السرير من جهتي ..وفتحت الابجورة الي كنت قاافلهاا : صقر انا اعرف انك مب نايم ماله داعي حركات البزراان
مارديت عليها ..سحبت اللحاف وغطيت به وجهي ..رجعت وسحبت اللحاف : صقر
زفرت : وبعدين ؟!!
قالت لي : اللحين حضرتك ليه زعلان ؟! من الي مفروض يزعل انا او انت ؟!!
عطيتها ظهري: اقول بلا هرج فاضي واقفلي النور وراي دوام بكرة ومو ناقص قرقرة حريم
حسيت بها تووقف وسحبتني من كتفي تبرني التفت عليهاا : انت عديم الاحساااس .. متبلد .. تدري اناا كنت امني تفسي واقول بكرة يحس ..لكن الي مثلك عمره مااارح يعرف الاحساااس ..لانك بالاصل بلا قلب .. ماتعرف غير انك ملتزم بواجباات ..ولك حقوق ..اهنيك "وصفقت " نجحت بتادية واجبااتك كأب لشاادن ...لكن كزوج ..انت اكبر فااااااااشل ... لان العاطفة عندك صفر .. مايرتفع مأشرها الا وقت النوم ..وقتها بس يبدأ قلبك بالخفقااان ...كنت اسمع كلامهاا ..كلام جاااارح ...جاارح جدااا ...اول مره اسمعها تتكلم معاي بذي الطريقة .. اول مره اسمع صوتها يهتز وهي تكلمني .. طول عمرها صوتها ثاابت ...قووية ..قمت من ع السرير تباادلنا النظرات ..عيونها نظراتها كانت موجوعه اماا اناا كنت اتمنى نظراتي تخترقها ..وتمزقها مثل ماممزقتني كلماتهاا ...وقفت واتجهت لجهة البااب والتفت عليها : انتي مو بس طفلة بعمرك حتى بتفكيرك
طلعت من الغرفه ورحت غرفة خالد ..جلست بالظلام حتى مافتحت اللنبااات ... كنت منقهر ..وبنفس الوقت نار بصدري تستعر ...انا على اخر عمري ..طفلة تقيمني ؟!!
× نورة ×
صحيت وانا احس بغثياان ..جريت ع الحمام "وانتم بكرامه " حاولت ارجع بس ماااقدرت ...جلست على الارضيه البااارده ..وانا منقهره ..ضربت رااسي بالجدر : لييييييييييش ..انا ماابيه ..ماابيه .. ليييش
اكره هالطفل ..ماابيه ..اكرههه مثل ماكره ابوه ..اكره بلاااده .. خذه وخلصني مني ...مااابيه
وقفت وتاكدت من تقفيلتي لبااب الحمام " وانتم بكرامه " وقفت على المرحاض " عزكم الله " من بعد ماغطيته ..وقفت للارض ..المسافه كانت قريبه ..ماتتعب ..رجعت ثااني مره طلعت وقفزت ..كررتها ثلاث وعشر ..كررتهاا الليين مااحسيت رجولي ..ماعادت تقدر تشيلني ..مشيت لين مااوصلت غرفتي ..تمددت ع السرير ووصرت اضرب بطني بقبضات يدي ..انزل ..كنت ابكي ..وبنفس الوقت ..اصرخ كن الي داخلي يسمعني ..انزل ماااابيك ..انزل
× فرح ×
ع الساعه 10 اتصلت على رااكان بشغله ..وطلبت منه يمرني البيت ...كان بيمرني العصر لكني اصريت يجيني قبل .. من امس ماذااقت عيووني النووم .. امس قلت لصقر كل الي بقلبي ..ماقدرت اسكت وانا اشووف بروده وجفااف معاااملته .. وهاجس حرمته الاولى ماغاب عن فكري .. اكثر مااقهرني الباارحه ..بروده .. كنت ابه يهااشو يصااارخ ..ع ال 10.30 كان عندي
راكان وهو يجلس من بعد ماسلم : خير وش فيك ؟!
قلت له : شلون حرمتك وش اخبارها عسااها بخير؟!
جاوبني وهو مبتسم : الحمدالله بخير.. نورة حامل
فرحت له : والله الف مبرووك
راكان : الله يبااارك فيك ..خير وش صااير ؟! مااظنك جبتيني عشان تساليني عن احوالي
خذيت نفس : راكان انا ابي اتطلق
رفع حاجبه : عيدي مااسمعت
قلت بقهر من اسلووبه : راكان لا تستخف بالموضوع
قالي : انا مااستخف الا انتي الي يظهر انهبلتي أي طلاق أي خرابيط
قلت له : اسمعني ياااخوي اناا تعبت .. خلااص ماعدت اتحمل ..ابي ارتاااح
سالني: مقصر عليك ؟!! ماايعاملك زيين ؟!!
قلت بقهر : مشكلته انه مو مقصر ..لا على شادن ولا علي
قالي : اجل وش مشكلته ؟!!تبين تطلقين ليه ؟!
صرخت عليه : مو حااس فيني ...احس نفسي قطعة اثااث عنده ..شغاااله .. تدري وش اللي يتعب البنت ياخوي...؟!رجـلٍ يخـون اشواقـهـا و الـمـودة …. إللي إلا احتـاج الغـلا صـار نمـرود ..وليـا شبـع ممـا عـطـاه إسـتـرده
شفته سااكت ..وكانه يفكر : فرح وانا اخوك الطلاق مايعتبر حل .. لو تطلقتي منه انتي الي بتتعبيين ..اول شي بيسوية بيااخذ شاادن ..بتصبرين عنها ؟!! اكيد لااا ..ابتسم ..بتصبرين عن صقر
رفعت عيني بصدمه ..شفته يبتسم بخبث : فرح انا اخوك واعرفك متاكد انك تحبينه ... مارديت عليه ..مااقدر اقول لاا ماااحبه واناا اكبر كذااابه بكوون ..كمل شفتي لو ماتبينه كان على طول قلتيهاا .. وانا اخووك لا تستعجليني انتي حتى مامر على زواجك سنه كلها ثلاث اشهر تقريباا ..الزواج مب كله عسل ولا كله رومانسياات ..انتي تقعدين بالبيت ماتعرفين زوجك وش يقاابل برى من بشر من مشااكل .. تلاقينه مايوصل البيت الا وهو مهدوود حيله وروحه بخشمه ...طول ال35 سنه مااكان عنده زوجه واللحين فجأة زوج واب
اكيد بيحس بالضغط ...اعطي نفسك انتي ويااه فرصه ..ع الاقل لين تمر هالسنه ..دايما السنه الاولى بالزواج تكون صعبه بعدكم ماعرفتو طبااع بعض ولا تاقلمتم مع بعضكم ..غير فرق السن الكبير ...لا تصيرين مخفه حطي عقلك برااسك واذا تشتكين انه ماايحس فيك ..ترى والله مابه ع الدنيا اخبث منكن يالحريم .. وغمز لي
قلت مقهورة منه ومن تلميحاته : اقول قم رح شغلك
ضحكت : ههههههههه والله كنك طمااطم
قلت له : ماني رااده
وقف : بوووسي شاادن ..والله اشتقت لهاا
قت له : شادن مب فاضيتلك الحلوه اليوم اول اياامهاا بالتحفيظ ألي جبنا
ابتسم : حركاااات
قلت له : سجلناها قبل كمن يوم مع حلا منهاا يحفظون قراان ومنهاا يتعدل نطق الحرووف
سالته : جيين اليوم بيت ابو سعد
هز راسه : ايه عزمناا ..مبروكين ان شااء الله
رديت الله يباارك بعمرك
×نورة ×
كنت احس بحرااااره بكل جسمي .. مااني قاادره اتحرك .. موقااادره اشيل جسمي ...وجع باسف ظهري ..احسه بيذبحني ..اااخ ..حسيت بيد تنحط على خدي بخفة : نورة ..نورة تسمعيني
حاولت ارفع جسمي بتعب : هاااااا
سندني : نورة .تسمعيني زي النااس ؟!! داايخه
مارديت عليه .. اكتفيت بهز راسي الثقيل ..جات عيوني على ثيااابي حسيت بخجل كبيييره ..شفته رااح للدولااب ..وجاب لي ملابس نظيفة ..حطهاا على الجهة الثانية من السرير
شالني من غير تردد واخذني للحمام " وانتم بكرامه " وحطني بالبانيو "المروش " كنت مااقدر اووقف وقف تحته معااااي وانا متمسكه فيه خلع عني قميصي القطني ..وفتح الموياا ..كانت داافيه ..ومع كل قطره تلامس جسمي كنت احس بالالم يخف شووي ... سحب روب الحمااام ولفني بيه ..وشالني لين غرفة النووم .. سااعدني بلبس ملابسي النظيفة .وغير ثوبة ملابسه المبلوله ولبس ثوب ع السريع ..لفني بعبااتي ومااصحيت الا وانا بالمستشفى
شفته جالس على الكرسي وبيده مصحف اول مانتبهلي قفلة : شلونك اللحين ؟!!
جاوبته : الحمدالله وش الي صاار
شفت بعينه نظرة الم مااتعودتها : انتي اجهضتي
نز ل الخبر علي مثل الصااعقه .. حسيت بدموعي الحاره على خدي ..وبيده تمسح بكل حنان على شعري .. قالي : نورة لاتزعلين .. ربنا الي عطانا اياه وهو الي اخذه ..ان شاء الله بيرزقنا بغيره ..
نظرته باالم وطلبت منه ضمني يااارااكان
ابتسم بحنان لي سندني وضمني لصدره ..تعلقت فيه بقوة وبكيت بالم ..انا الي تمنيته يطيح .. وانا الي طيحته ..ليه زعلاانه عليه .. ليه احس نفسي مذبووحه من جوااتي ..وايدي كلهاا ملطخه بالدم ...النظراات الي بعيون راااكان ..الالم والحزن ..حسيتها كلهاا سيااط تضرب جلدي
قالي يخفف عني : خلاص نورة ..الدكتورة قالت هو طااايح ..طاايح والمساله كانت مسالة وقت
قلت وانا موجووعه : انا الي ذبحته ...اناااا ..وجلست اضرب صدري ..انا ذبحته يااراااكااان بعدت عنه وتكورت على نفسي كاني اجمع شتااتهاا ..ماكنت ابيه ...مااكنت ابيه
ابتعد عني ورجع يمددني : نامي انتي تعباانه وماتدرين وش تقوليين
كانت عيوني مسمره عليه ..ابي اعرف ردت فعله ..ابي اقرا نظرااته ..لكن نظرته كانت خاليه من أي تعبير ..مبهمه دخلت الممرضة ..واعطتني ابره نمت على مفعولهاا
× حصه ×
رميت الفستان ع السرير ...وصارخت على نوال : يحلم اخووووك ..لايكون مصدق نفسه تىر بعده مااصااار زوووجي عشان يتحكم بلبسي
نوال وهي تهز راسها وتقعد ع السرير: حصه وبعدين يعني ايش بتلبسي ؟!! لا رضيتي تشترين فستان ولا تبين تلبسين فستااانه ..يعني وش بتسوين تنزلين له عريااانه
انقهرت منهاا : ماله داعي انزل له
زفرت : هو ماله داعي تنزلين له طيب والناس الي بالصاله وش بتسوين فيهم ؟!!
جاوبتها: قلت لك مو لابسته بلس فستااني الاسود
اعترضت : اسود ؟!! اعذو بالله من تلبس بملكتها اسووود
قلت لها : اناا ..
دخلت امي : انتي لسى مالبستي ..متى بتلبسين ؟
قلت لها : اللحين
امي وهي تشوف الفساتين منثورة : وش بتلبسين ؟!
قلت لها : الاسود . فستان زواج مهاا
امي بحزم : البسي أي فستان الا الاسود .. وش يقولون النااس
قلت : مغصوووووبه
امي : ماردت علي واشرت على فستان خالد الاحمر القرنفلي : البسيه مره حلووو وناعم
قلت لهاا وانا اشوف ضحكت نوال : مو عااجبني ...وانا كذاابه الفستان من شفته انهبلت عليه ولا بيت ..مستغربه شلون خالد يكون عنده ذووق حلو وناعم كذا يخلف الله على ذووق فهد ولا سعد كل واحد ادفش من الثاني
امي : البسي بسرعه ..وحطي مكياااج ولا تكثرين
هزيت رااسي : ان شااء الله
بعد ماطلعت امي ضحكت نوال علي : حليلك وانتي مطيعه
قلت لها : والي يعاافيك اسكتي ..مدري ليه تبيني اكشخ كلهم جارااتهاا ومرت اخوك وعمة اختك
جاوبتني : يكفي انك عيتي تروحين لكوفيراا .. ع الاقل تشيكي بالبيت .. اذا مو للناس ..ولا حتى لاخوي ..تشيكي لنفسك ترى ماارح تملكين كل يوووم
اخترت بالنهايه فستان لونه ازرق رمادي غااامق من غير اكتااف ..كان طووويل .. ومن عند الصدر الين الحوض القمااش يكون مطبق بشكل افقي تطبيقاات مره صغيره عند الصدر ونزل بشكل اكثر واصغررر ومايل الين الحوض الي تصير عددها اقل بكثيير بشكل اوسع ..كل الكسر هااذي مايله لليسااار ..ومنتهيه كلهاا عند قطعة القماش المطرزة بشكل طوولي بعرض 5 سام من اول الصدر لبروز عضمة الحوض وتبدأ تاخذ انحناء جسمي وتتد شوي بشكل اصغر بكثير ومدبد الطرف مسافة شبر تحت اول بروز لعضمة الحوض
كنت بسوي مكيااج خفيف ..لمعة ذهبي وروج فااتح الا ان نوال اصرت اني ارسم عيني ..سمووك وسيت مثل مابغت ..ازرق رمادي مع لمعه ذهبيه ..وروج بلمعه ورديه نااعمه ..مع بلاشر ومسكره ..لبست حلق ذهبي طويل وخاااتم ..فردت شعري الي حلفت امي اسشورة واللفه بالمكر
جاتني نوال من بعد ماخلصت : ماااشااء الله قمررررررر.. وخصوصا المكيااج ..افتحيلك صالون
قلت وانا احس قلبي يزداد نبضه من بعد ماعرفت ان الشيخ جاا : والله انك مرووقه
ضحكت : اكيد ..
سالتها : نورة ماجاات ؟!
جاوبتني : لااا مااجات امك كلمتها ماترد ع البيت .. بس رجلها بعدين اتصل واعتذر يقول ماتقدر تجي تعبااانه .. الله يعينها اجهضت
فتحت عيوني : اجهضت ؟!!
نوال وهي تسحبني عشان انزل اوقع : ايه وش فيها ..امش معااي
ماهتميت اني نازلة اوقع ولا يحزنون ...كل فكري عند نورة ..اجهضت ؟!! توها قبل كم يوم تقول مسويه احتيااطاتها وماتبي تحمل ..بالنهاية تحمل وتسقط !! ...حرييييم
طعبا جابولي الدفتر من بعد ماحلفني الشيخ اني انا حصه ..وقعت وانا ايدي ترتجف كان ودي اشخبط ع الورقة من بعد ماطاحت عيني على اسم خوويلد وتوقيعه
وقعت ..اخذ مني فهد الدفتر : الف مبرووك منه المال ومنك العيااال
ماجااوبت عليه ..لاني كنت زعلاانه منه قالي : لايصير قلبك اسوود
مارديت ..طلعت على طول غرفتي
مامداني اوصل الغرفه الا وامي جااايه : حصة يالله ياابنتي تعالي بنزفك
مسكت امي وحضنتها وصرت ابكي .. امي : بس يااحصه ترى كلهاا ملكه ..امسحي دموعك عن يسي مكيااجك ويالله بسرعه الناس تنتظر ؟؟ونزلت بسرعه ...من غير لاارد عنهاا ..عرفت انها هي بعد متضاايقه ..ِفت الضيقه وانا انزل السلاالم على انغام اغنية الزفه..جلست بصدر مجلس الحريم ..الي انعمل فيه كوشة بسيطة من الورود والشموع ...جلست مع الحريم ..هااذي تبااارك ..وهذي تهني وانا رسمت طبعا ابتسااامه كذااابه
لبستني مها الطقم المااسي الي جابه عريس الهناا .. وكان فخم مره حتى الالماس الملون من اصفر لاحمرياقوتي لازرق رماادي بان حلو مع الفستان
جاتني فرح وسلمت علي وبيدها شادن : مبرووك يااسلفتي
جاوبتها بابتساامه : الله يبااارم فيك يااسلفتي
شادن مدت يدها : مبلوووك يااعلووووسه سحبتها وضميتهاا وبست خدهاا
قلت وانا احطها على حجري: عقباااالك
فرح : اعطيني ايااها اللحين بضاايقك
قلت لها : لاا خليهاا..ع الاقل اشغل نفسي بعيد عن نظرات الحريم
ضحكت : ههه طيب
× خالد ×
اخيراا رجع فهد بالدفتر.. اخيراا صااارت لي .. زووجتي
صقر: مبرووك ياخوي
ابتسمت له : الله يبااارك فيك
وقمت لعمي وسلمت ليه وبست رااسه ...عمي : ترااهاا امانه عندك ياااخالد
قلت اطمنه : ترااها بعيووني يااعمي ..اقول وش راايك اخذها وامشي
عمي : اركد واناا عمك
سلم علي فهد وسعد الي رجع للبيت وسكن معاااهم ...شااهين ..والله مستغرب كيف شاااهين وسعد تحت سقف وااحد ؟! معقول شاهين ماايحس بالغيره منه ؟! ورب يماعندي سالفه ليه يغاار .. سعد خااص خطب وان شاء الله بالعطلة الصيفيه زواجه ..وشاهين متزوج مها ومبسوطين مع بعض
قلت لسعد بحكم انه جنبي : اقول ممكن اشوف حرمتي
قالي : اس ترى ماعندنا شوفاات
قلت له : ترى المملك توه مزوجناا ..قم بالطيب شف لنا طريق
مارد علي ..اضطريت انتظر لين ماقام الرجال للعشى ودخلت اناا وسعد للحريم
× مها ×
كنت طالعه من غرفة السفره من بعد ما تاكدت ان كل شي جااهز ..بنادي الحريم يدخلون يتعشوون الا برجال بوجهي ..رجعت بسرعه ..على ورى ..واخذت الشال الي مع ثوبي وتغطيت به
ماتوقعت اني بشوف سعد داخل البيت لا وعرفني : مها قولي لامي تجيب حصه للمجلس الداخلي خالد فيه
جاوبته : ان شااء الله
كان بيمشي لكن وقف وقالي : مهاا
التف عليه وانا مغطية وجهي : سم
جاوبني : سم الله عدوك ..مها بخصوص الهدية
قاطعته : اسفة ان ضاايقتك لاني رديتها بس انا مااشوفه لايق اقبل منك هدايا وانا على ذمة رجال
قالي : انا ماكنت قااصد شي بها ..كنت ابي ابين لك ان نيتي صاافيه واني اتمنى لك السعاده مع شااهين .. ماشاءا الله عليه رجال والنعم فيه ..مها تراني ولد عمك عزوة وظهر لك .. ربنا ماكتب ان علاقتنا يكون لها شكل ثاني ...مابيك تترددين وانا اخوووك وشدد ع الكلمه ...لا صاابك شي ..بتلاقين عون وسند
ابتسمت من تحت الغطاء : تسلم يااخوي ماتقصر
اعطاني ظهره ..سبحان الي غيره .. وين سعد ابو عيون جريئة .. صار ابد مايرفع بصره .. ولحيته ربت وقصر ثووبة .. حتى حصه تقول ان اخلاقه وتعامله تعدل معاااهم ..ِشفت خطيبته البنيه تبان حبوبة وضعيفه ..الله يوفقه معهااا
دخلت وبلغت عمتي وطلبت مني انا الي اخذ حصه لانها ماتقدر تترك الضيفااات الحلوات
اخذت حصه وجات معااي نوال طبعا ..وقفنا اثلاثه قدام البااب
نوال تاشر لها : ادخلي شفيك
حصه : ادخلي انتي بالاول
نوال: والله اخيو يبي يشوفك مو يشووفني ..وفتحت البااب ودفتهاا
حصه عصبت : مالت
نوال قفلت البااب من غير لا ترد عليها
قلت لها : ليه ؟!!
نوال وتسحبني من ايدي : امشي والي يعاافيك ..بنت عمك ماتجي الا بالعين الحمره
× حـــصة ×
انقهرت من نوال الي دفتني للغرفو دف وماحست بصوتي العالي يوم قلت مالت ..وانا اناظر البااب بقهر
جاني صوت خالد مجبرني ع الالتفااف : وعليكم السلام
التفت عليه ..ناقصني هذاا بعد قالي بلهجه امر كرهتها : تعالي اجلسي ..ولا الوقفه عند البااب عاجبتك
مشيت اليين وصلت وجلست على كنبه مفرده ..وجلس هو قبااالي .. حمدت ربي اني فارده شعري الطوويل و غطية به اكتاافي .. نظراات خالد كانت متفحصه .. .. ..وبان الاعجااب وااضح بنظرااته ..اعترف ان هالنظراات اشبعت غرور الانثى فيني ..لكني مااوضحت هالشي ابد
سالته بقهر : بتقعد تطالع كثيير
سالني : مضاايقتك نظراتي
قلت بصرااحه : ماتهمني
ابتسم بسخريه : بااين ..والدليل الارض الي رجلك بتخرمها من كثر النقر
انتبهت اني فعلا اهز رجلي ...وهذي حركة تلقائية يووم اكون متوتره ..وقفت هزت رجلي بصعووبة
قام وتحرك من مكااانه وجلس بالكنبة الي جنبي ..وبكل هدوء سحب ايدي من حضني ..بغيت اسحبها لكنه مسكهاا بقووووة ..ناظرته بغضب ..لكن عيونه نظرتهاا كانت احد .طلع بيده الثاانية علبه مخمليه ..ونزل خااتم منهاا وحطه ببنصر يدي اليمنى ..كنت احس بقلبي ينبض بسرعه كبييره ..وحرااره تسري بكل جسمي ..يداته صحيح كانت بااارده لكنها احرقتني ..سمحت لنفسي وانا اشووفه مشغول بالعلبه اتامل ملاامحه .. ماشاء الله على خالد .. وسيم جدا .. وهذا رااجع لشبهه الكبير بامه الله يرحمهاا .. البشره المياله للبيااض اكثر منه السماار ..خشمه شوي طوويل مو كثير لكن ارنبة انفه مدببه ..حواجبه ماكانت مقوسة مثل حواجب صقر لاا بالعكس كانت شوي عريضه بس خفيفه مع تقوس بسيط جداا اكثر مايميز خالد الشاامه االي تحت عينه اليمنى وقريبه من انفه كانت صغيره بس غامقه ..اما عيونه فهي عيوون حااده مثل عيون اخوانه بالضبط ..
وووووجع رفع راسه وانتبه لي ...مالت ..مالت
انتظروني في الجزء الاخييييييير
اتمنى لكم طيب المتابعه
لكم اجمل تحيه
