الثامن والعشرين
...
والجروح من القرايب والخطا مني وفيني !
...
الكل جالس ومبسووط . .. صقر وفهد احاديثه ماخذتهم ... ومهاا ونوال الحديث عن الزيارة المرتقبه لشاهين وامه مسيطرة على محور الحديث
وصل خالد البيت ومادق الجرس هالمره ستخدم مفتاحه الي من فتره طويلة مااستخدمة ..دورة بكل هدوء خطى اول خطوه ممزوجه بالشوق لاخته كان متوقع انهاا رح تنبسط مره لما تشوفه ورح تجري عليه وتضمه ...لكن ولا شي من هذا صاار. نظرت الذهول سيطرة على الموقف ... فهد مو مصدق ان هذا الي يشوفه خالد ... متى رجع ؟!! وليه صقر ماابلغه ؟!! اما هي اخر شي كانت تبيه اليوم انها تشوف خالد .. تقدم بكل ثقه نحوهاا ووقف وجه لوجه معااهاا الضحكة الي على شفاته بلمح البصر ذابت مع رنت الكف الي صدم الكل
نوال تحركت بسرعه تبى تخرج من البيت بكاامله ..دفت اخوهاا : وخرررر
مشيت باتجاه فهد وتمسكت بيده : خلنا نمشي
فهد مو عاارف وش يسووي ...نوال كانت ترتجف وعيون خالد فيها مليون الف سؤال .. نوال وهي تهز ايد فهد بقوة : خلناا نمشي
حط ايده على ايدها يطمنها : خلاص .. البسي عباتك
مشيت بتلبس عبااتها الا خالد يمسكهاا بقووة من ايدهاا : ليييييييييش ...وكان الشرر يتطاير من عيينه
صقر: اتركهاايااخالد
خالد صرخ فيه : ابي اعرف ليييش ؟!!!!!!!!
نوال تحاول تفك ايدهاا وعيونها تستنجد بفهد ...خالد : ليه ياانوال ليه ؟!!
نوال :لييه لك وجه وعين تسأل... الي مفروض ينقااله ليه اهو انت ليه راجع يااخالد ليه ؟!! منوو رجعك ؟! وناظرت بصقر... انت الي رجعته مو ؟! ليه مرجعه ؟!حنا مااصدقنا لملمناا نفسناا ليه مرجعه ؟!
صقر : نوال هذاا اخوك
نوال صرخت وطفرت الدموع من عينها : مو اخو الي مثله مو اخوو
مهاا تمسكهاا : نوال حبيبتي اهدي وماله داعي ذا الكلام
نوال : اكيد ماله داعي مو انتي الي انكوييتي يااامهاا اناا الي انكوويت النار احرقتني انااا .. انا الي اليين اليوم ادفع الثمن مو احد ثااني ...انااا الي دفعت ثمن خطاايااه ... اناا الي تحملت ثمن نزواته ...
همس خالد : منصور
نوال : ايه منصور تذكره يااسيد خااالد .. تذكر خويك الي طعنته بظهره
خالد وبدأ يفقد اعصاابه : وش سوى ؟
نوال : اسأل اخته
خالد : انطقييييييييييييييييييييي يي وش سوى وش سويتي وتقدم باتجاهها ..كان يبي يجرها من شعرهاا لكن صقر وفهد وقفوو بينهم
نوال من ورى ظهر فهد : اسألهم .. اسأل اخووك .. اسأل ولد عمك ... قوله ياافهد ..قوله وش صاار ..قوله وش استوى ؟!
فهد : نوال بس ..بس
نوال : يش بس ؟!! ماعندك الجرأة انك تقولة ؟!! تبوني انا اقوله ؟!! بكل سرور بقووله
يااسيد يااامحترم يااخوي يااحامي عرضي ...لعبت باعرااض الناااس ربي سلط من يذوقك الكااس نفس الكاااس
هي كانت تقابلك بكيفهاا .. بس اناا رحت على عماااي ... اينااس تعرفت علي بالجامعه ..صرناا اصحاب ..بالعيد عزمتني على حفلة بشاليه وانا من هبلي رحت ... حذرتني مها وقالت لااتروحين هالاماكن مشبووهه ..قلت لهاا لااا انتي توسويين البنيه بنت ناس مارح تسوي شي من الي في بالك وصلتني ومشت انا دخلت زي الهبله ماشفت احد فكرت نفسي جاايه بدري ..ركتني اينااس بحجة انهاا بتجيب لي عصيير بس لا هي جات ولا العصير عوض عنهاا ...صوتها اهتز بفعل البكاء ...عوض عنهاا جاا منصوور ... انصعقت يوم شفته ..فكرته مغلط ..لكنه كان متعمد جرني لغرفة النوم وهو يسمعني اقذر الكلمات والاوصااف ..رماني ع السرير وحاول يعتدي عليييي .. قطع فستاااني ..كنت اصارخ اناادي عليييييك ووين كنت ... ليته اكتفى بمحاولته الحقير داق على صقر يجي يشووف العرض المجاااني لفلمه الهاابط
صقر هني حس بمرااره وهو يتذكر ذاك الموقف ..وفهد الدم بعروقه في حالة فوراان
نوال تكمل بمراره امتزجت بالدموع : تخيل لماا تدخل مكان تشوف اختك بحضن رجال غريب ..شنو رح يكون موقفك ؟!صورتها كيف رح تكون في عيونك ؟!! تنهدت .. لو تعرف اناا شلوون كانت حياتي بعدهاا .. لو تتخل كم مره وقفت قدام صقر واناا احلفله أغلظ الايمان ومكان يصدقني ..ورفعت كمها وورته اثر جرح بمعصمهاا ..شووف يااخوي ..شوف يااعزوتي ..تمنيت اموت يومتها ..ماامت ....هو دعا علي بالموت واشرت على صقر ...بس ماامت تعرف من صدقني ؟!! هذاا ومسكت فهد بقوة ...هذاا لوحده الي صدقني ... وحده كان عنده الجرأة ... حط اسمه وشرفه بين يديني ... تزوجني بوقت لو غيره كان دفني بالارض ..تعرف سمعته كلام مثل السم ..تصرفت معاه بجفاف وكل هذا استحملني ..حتى بعلااجي ..كان جنبي ..اناا لو لفيت الدنيا مابلقى زيه لكن ووطت رااسها بالارض وكلهم شاافو دموعها وهي تطيح ع الارض ..عمري ماارح اقدر ارفع عيني بعينه ..عمري ماارح اشوف نفسي لاايقه له ..انااالنقطه السوداء بالورقة البيضاا ... تعرف انا بكل مره اتخاصم فيها معااه اكون منتظره بين لحظة والثانيه يقولي احمدي ربك سترتك ..ولا حتى يرمي علي يمين الطلاق .. اسأله يبي عيال مني ؟!! لو قالك ايه تاكد انه بقراارة نفسه يقول لاا.... وش يبي بعيال ممكن الناس تعاايرهم بامهم بيوم من الايام ؟!! اناا حتى مشااعري مااقدر اعبر له عنهاا ... اليوم يوم قالي انه يحبني كنت مثل الصنم لاا رديت ولا حتى ابديت أي ردت فعل ...تدري ليش ؟ لان كل لي صار بسببك بيقعد حاجز بيني وبينه ومستحيل بيوم ينزال
مهاا كانت تسمع الكلام وتبكي ..تبكي حال اختها الي شايلته بقلبها مب هين ابد
فهد ماهاانت عليه دموعهاا ولا الكلماات الي قالتهاا ...ضمها لصدره بقووة .: اياني وايااك تعيدين ذا الكلام انتي مااسويتي شي تخجلين منه انتي مااالك ذنب ساامعتني ...وشد قبضته عليها ...مالك ذنب ... تمسكت فيه بقوة وصارت تبكي وتشااهق
الصقر مشي باتجاه نوال ومسح على شعرهاا بحنان : نوال خلااص السالفه نسيناهاا .. ومثل ماقال فهد انتي مالك ذنب
نوال التفت عليه لكنهاا ماردت... يمكن لو ردت كانت اجرحته هو بعد بالكلام ..لكنهاا ناظرت باتجاه خالد تشوف ردت فعله تفاجأت وهي تشوف الدموع على خده .. ماكان هاين عليها تشوفه يبكي ...رجال ودموع معادله مستحيلة وفقا لتربيتهاا ... ماتذكر انها شافت يوم بعيون اخوانها ولاا حتى ابوهاا... حتى يوم ماامات عقاب ابوها ماابكى على ولده .....
تقدم باتجاهها بخطى ثقيلة ...: انا اسف .. والله اسف .......... وطلع بسرعه من البيت
مهاا : صقرالله يخليك الحقه شوفه ووين راح ...لاتخليه لحاله وهوو بوضعه
صقر طلع وراه : خاااااااالد .....خاااااااالد
خالد وقف ..صقر : وين بترروح ؟؟
خالد : مالي مكاان يالصقر مالي مكاان
صقر : اول شي امسح دموع الحريم ...مسح خالد دمع عينه .. الي صار مع نوال صار وانتهى وان ماااجبت لك سيره لان على بالي الموضوع تنسى لكن مثل ماانت شاايف نوال الجرح بجواتهاا مااندمل .. يعني توقع انها مابتصير معاك طبيعيه بيوم وليلة .. وان شاء الله الي صار يكون لك درس
خالد : واخ مصعبه من درس
صقر : تعال ادخل
خالد : لاا ياصقر مااقدر ..احس نفسي مخنوق بروح
صقر : وين بتروح انت مو قايل بتنام هناا
رن جوال صقر ..: هذي مها
صقر: نعم ..
مها : وينكم
الصقر : عند البااب
مهاا : خالد ووين ؟! معاك ؟!!
الصقر: ايه معااي
مها : خليني اكلمه
مد صقر الجوال لخالد ..الي اشر له انه مايبي يتكلم
الصقر : مالي خص تفاهم معاها
خالد : هلاا
مها بحزم : وقسم بالله ان ماتجي انت واخوك وتدخلون البيت اللحين لااكون لابسه عباتي وساحبتك انت واخوك من ثياابكم .
خالد : مها اسمعي
مهااا: خويلد سمعتني اللحين تدخلوون ..الكلام ماخلص في امان الله
خالد مد الجوال للصقر : تبينا نرجع
الصقر : اجل امشي قدامي
دخل هو وياه البيت ... وكان فهد ومها بس بالصالة
الصقر : وين نوال ؟
مها : تغسل وجهها
خالد : مهاا ليه ماتاجلين الي تبين تقولينه لين بكرة ان شاء الله
مها : الكلام مارح يتاجل لانه لازم ينقال اللحين دامكم نبشتم الماضي بكل مافيه
نوال جات بعد ماغسلت وجهها وجلست بشكل تلقائي جنب زوجهاا
خالد وصقر جلسو جنب بعض ..ومها بكرسي منفرد : تصدقون لمتنا حلوه ... مو هذا موضوعناا
نوال انتي من حقك تزعليين وتشيلين بخاطرك على خالد ... بس لين متى الزعل ؟!! الموضوع مو من اسبوع ولا شهر .. الموضوع صار له سنتين .. وانتي اللحين الحمدالله متزوجه وفهد يحبك وانتي تحبينه .. بتقلبين بالدفاتر القديمة ليش ؟ .. خالد اعتقد شفت نتيجة مصيعتك .. وشفت ثمن كل دقيقه تهنيت فيه بالحرام اختك بكت دم بمقابلهاا ... اتمنى ان الله يكون تاب عليك من ملاحقة النسوان مثل ماتاب عليك من السم الي كنت تاخذه
خالد: والله مااعدت اعيدهاا ....نوال لا تفكرين نفسك بس المجروحه ...انا نفسي اتقطع ..انا الي مفروض اكون الحامي لك صرت جلادك
مهاا :اتمنى ان القلوب تتصافى ترى تعبناا من الهموم والعتب ... خالد قم بوس راس اختك
نوال : ماابيه يقرب مني
مها : نواااااااااااااااال ..... انت قم جالس ليه
خالد قاام وانحنى على راس اخته وباسها ..نوال كانت دايره راسهاا ..لكزها فهد : وبعدين
وقفت وسلمت على اخوها
صقر : واللحين بتعشونا ولاا ندور لنا مطعم
مهاا: افاا تدور مطعم وانا موجوده ...دقايق والاكل جاهز
خالد : ايوا خلينا نستفيد منك قبل لا ياخذك شاهين
مها انحرجت : خوووووووووووووووووويلد
نوال : هههههههههه حمر وجهاا
مها : هذي الي من توها زعلانه
فهد : اقول شاهين متى بيجي
مها : وش دراني انا
صقر يلعب حواجبة : ماتدرين هاا
مهاا : روحو دورولكم مطعم
<<<<<<<<<<<<<<<<<<<<<<<
اليوم المنشود
شاهين كان من صبح الله صاحي ماقدر حتى ينام .. مو عارف كيف بيكون الاستقبال ... ردت فعل اهلها.. لكن دامه قبلو يستقبلونه اكيد مارح يردونه ... لكنه برضو خايف من امه معقول تسوي شي يفشله قدام النااس خصوصا وان مها مو نازلة لها من زور ..
ام شاهين : وشفيك تناظرني كذا ؟!
شاهين : هاا ولا شي
ام شاهين : اشتريت شي للبنيه
شاهين : أي بنيه ياايمه
ام شاهين : يعني أي بنيه ... مهاا
شاهين : لازم اشتريلها شي ؟!
ام شاهين : واخزيااااه وش تبيهم يقولون عليناا مايعرفون الاصول ولا بخلاء
شاهين :بسم الله وشقلت اناا .. طيب وش لازم اجيب لهاا
ام شاهين : جيب الي يشرفك قدام النااس
شاهين : ان شااء الله ...يمه مبسوطة ؟!
ام شاهين : والله انا كنت اتمنى لك بنت بنوت لكن هذا اختيااارك ودامك تبيهاا اناا مااالي راي
شاهين : يمه انتي الخير والبركة وانا من دونك مااسوى
ام شاهين : الله يخليك لي ياوليدي ... وان شااء الله ان لك في البنيه خير الله يسخرهاا لك .. انت متى تبيناا نروح لهم ؟!
شاهين : ان شااء الله بعد المغرب
ام شاهين : بناخذ حلاا معانا ؟!
شاهين : لا اليوم لا خليها مع مربيتها ....المره الجايه ان شااء الله
<<<<<<<<<<<<<<<<<<<<<<<
صحيت ومالقيته جنبهاا ....استغربت هذا وين بيكون رااح ؟!! نزلت لقته جالس بالصاله ...ابتسمت : متى صحيت ؟!
رد الابتسامه : يعني من ساعة
نوال وهي تجلس بالكرسي المقابل : ليه ماصحيتني
فهد : ماله داعي .. اصحيك ليه امس مانمنا بدري فقلت ترتاحين احسن
نوال : يعني انت الي نمت .... وقفت بتروح تسوي فطور ... وش تبي ع الفطور ؟!
فهد : لا تسوي ولا شي انا عاازمك ع الفطور
نوال : نعم ؟!!
فهد : الي سمعتيه قومي يالله غيري ملابسك وانا بغير ونروح نفطر بالمكان الي يعجبك
نوال : اوووووووووكي
طلعت وغيرت وهو نفس الشي وهم خارجين من البيت جا وشبك ايدها بيده نوال سحبت ايدها : فهد ؟!
فهد : خير وش فيك
نوال: جنيت انت ؟! ترى منا بالبيت
فهد : طيب واذا ..انتي زوجتي
نوال : انا زوجتك ماختلفناا ...لكن هذي الحركة مو حلوة ... مره تضايق .. بعدين الناس ايش يدريهاا اني زوجتك ؟!!
فهد : يعني صحبتي .. والدبل ذي واشر على دبلهم وش تطلع ؟!
نوال : بتوديني ولا لاا ؟!
راحو للمطعم وطلبوو لهم فطور خفييف ..وطبعاا الصبح اغلب الطاولاات تكون فاضية .. كاان في طاولة عليها مجموعه من البنااات .. قامت وحده منهم تغسل ومرت من جنب طاولة فهد ونوال وسحبت جوال فهد الي ع الطاولة ... وقامت تطقطق فيه .. وسط ذهول من الاثنيين
البنيه : كذا يكون رقمي عندك .. انتظر تلفوونك وحطت الجوال ع الطاولة
فهد كان مثل انسان مسبحينه بموياا مثلجه .. اماا نوال أي مااقدرت تملك اعصابهاا ..مسكت الجوال ووقفت وراحت للطالة الي جالسين عليها البنااات
البنيه : نعم
نوال ماردت عليها حطت الجوال بكاسة الموياا الملياااانه واخذت الجك الزجاااجي الملياان مويااا وكبته على رااس البنااات
البنت وقفت مفزووعه ووقفو صحبااتها معااها : انتي مجنوووووونه
نوال : وانتي الصاادقة ريحتك نتنه حبيت انظفك شووي
مسكت وحده من البتاات يد نوال : انتي تحسبين ماوراها احد
نوال وتسحب يد البنيه : يؤيؤيؤ خليك بحالك ياماااماا لا تتعوري
فهد اقترب باتجاهاا : يااقلبي لا توسخين نفسك بذي القذارة خليناا نمشي
نوال وهي تمسك ايد فهد وتشبك اصابعها باصاابعه : ياللاا يااقلبي
فهد وهو طالع للقرسوون : الحساب عليهم
فهد لنوال بالسيارة : اشووف شبكتي اصاابعك
نوال المقهوره : اللحين انت ماجاا ببالك الاشبك الاصاابع ؟!! وقليلة الادب هذيك ماانت مقهرو منها ولا فرحان ان البنات تشوفك حلوو ويطاردوونك
فهد : مو مهم البنات يشوفوني حلوو المهم انتي تشوفيني حلوو .. وشراايك حلو ؟!
نوال بغيض : ماشي حاالك
فهد : لومااشي حالي ماغازلوني ليه ماتعترفين اني حلو
نوال : ولا يهمك انت حلوو وتهبل وتجنن ارتحت
فهد : بالله عليك انتي لسى زعلاانه؟!
نوال : الا بنفجر مو بس زعلاااانه ... انت ماشفت شلون ناظرت فيك وفوق كذا تاخذ جوالك واناا ماعبرتني ولا حتى استحت من وجوودي .. بالله هذا الي قداام عيني اجل بالمستشفى وش يصير من ورى ظهري
فهد : نوال وبعدين معقول ماعندك ثقة فيني .. والله ماعمري طالعت بوحده ولا حتى استهوتني مااعدااك ... ارتحتي ..وبعدين انتي ماقصرتي بالبنت روشتيها بالمويا في شي اردى من كذاا ..حتى جوالي روشتيه معااهاا
نوال اذكرت الجوال : معليه فهد والله من قهري
فهد : فدى راسك ياقلبي ولا يهمك ... متى بتروحين لمها ؟!!
نوال : مها كانت تبينا نروح نتغدا عندهاا ...لكني مارضيت قلت لها بنتغدا ببيتناا وبنجيهاا
فهد بطيبة : وش رايك نروح بيت اهلي
نوال طلعت شياطينهاا : مسرع اشتقت لها توك من كم يوم شاايفهااا
فهد فهم قصدها لكنه يستعبط : أيه والله وحشتني ومن فتره ماقايست لها الضغط والسكر
ووقف السياااره قدام البيت .. نوال نزلت وهي تغلي من استعباط فهد ودخلت البيت . فهد نازل وهو يتمخطر ومبسوط من غيرتهاا ...طلعت نوال غرفتهاا وحطت عباتها
فهد دخل وسألها : ها بتروحين اكلمهم
نوال : مااااااااني راايحه
فهد : ليه
نوال : ماله داعي من يومين وحنا عندهم
فهد : واذا هم بيت عمك قبل لا يكونون اهل زوجك
نوال : ماله دااعي وبعدين عمتي نفسها بتروح بيتناا
فهد : حلوو تروحين معاااهم
نوال : قلت لك ما ابغى اروح ..غصب يعني
فهد وهو يتتمدد ع السرير : قولي انك ماتبيني اروح مو انتي الي ماتبي
نوال التفت عليه : وش قصدك
فهد لعب حواجبه : والله انتي ادرى
نوال طنشته وراحت جهة الدولاب وسوت نفسها ترتبه
فهد : والله ان الدولاب مرتب ومومحتاج ترتيب
نوال :......
ياوقتي ترفق ترى القلب كافيه
كثر الماسي والعذاب يحتويني
ماعاد باقي حيل همي اداريه
لو بكتم الدمع غصب يفضحني
فهد اعتدل بجلسته ولمح وجه نوال من الجنب .. كان من السهل انه يلمح دموعها الجااريه .. انصدم مو عارف هو شقال عشان تضاايق هالقد ؟!
نزل من ع السرير وثنى ركبته ضمهاا من وراهاا وسند راسه على كتفهاا : ليه يانوال ليه ؟!
نوال بعصبيه : وخر ايدك عني
فهد وهو لسى ضامها : وش فيك ؟! وش الي مزعلك فهمييني الله يخليك فهمين ؟!
نوال ضحكت بسخريه : افهمك ؟!!ماظنك عبيط ... ودارت براسهاا فلتقت نظراتها بنظراته .. وبحكم ضم فهد ماصار يفصل بين راسها وراسه الا كمن سنتيمترات ...فهد وش رايك تكون صريح وتقول انك مشتاق لهاا
فهد يفكها بغضب : وش هالكلام ..انا مستحيل افكر بنورة كم مره لازم اقولك اني مو مهتم باي مره
نوال كملت عنه :غيري دريت
فهد : كأنك مو مصدقتني
نوال رجعت داارت وواجهت الدولا ب : شكلك كذبت الكذبة وصدقتها .. فهد من تخدع ؟! نفسك ؟! او تبي تخدعني .. نورة سبحان من صورهاا جمالهاا ماينوصف انا نفسي احسدها عليه وجسمها ولا عارضات الازياء
تبي تفهمني انها ماجذبتك ؟!! حتى وهي ضامتك ماحركت مشااعرك ؟!! لاتنسى انك رجال
فهد بقهر من تلميحااتهاا : الي ماتعرفينه يااطوية العمر ان نورة اختي هي وحصه راضعين مع بعضهن
نوال انصدمت من الي قااله فهد ..همست : اختك ؟! ....سكتت شووي .. وش يعني اذا نورة اختك في الف مثلاها الا ملاايين وبيجي اليووم الي بتمل فيه من دور المخلص وبتبدلني .. لا نكذب على بعض .. انا جنب نوره او خلني اقول حصه اختك او حتى مهاا اناا اقل بكثييير شكلي مقبول .. لكن يملى العيين ؟!! مااظن واحد مثلك الحريم اشكال والوان مرن عليه بملى عينه .. بدأ صوتها يهتز وكملت بمرااااارة.. ابوي زمان مل من امي وتزوج عليهاا بداال المره عشر ويمكن اكثر بعد بناات شكاال والوووان من جنسيااات مختلفه وانت بكرة بتسوي نفس السواه وصدقني وقتهاا مااارح الوومك
فهد رجع ضمها لكن هالمره بقوووة وضغط شديد ..: اللحين هاذي هقوتك فيني ؟! ثقتك معدومه ؟!! ماادري متى تفهمين .. ماادري متى بتحسيين؟!! الشكل مو كل شي ..انتي عندي ..سكت ..ماله داعي اكمل اصلااا الكلام معك ضااايع ...لكن تدرين يوم ما رح امل بجيك تدورين لي على مزيووونه تملى العييين يااازوجتي العزيزة .. وفكهاا وهو مقهور منهاا طلع برى البيت وتركهاا
<<<<<<<<<<<<<<<<<<<<<<<
راكان كان مشغول .. فاارش قدامه كومه من الوورق وجالس يقرا فيهاا ..الاله الحاسبه يقسم ويضرب ويجمع
شادن دخلت ونطت عنده : لاااااااااااااااكااااااااااااا ااااان
صرخ عليها : شااااادن وخري من ع الورق
شااادن : كووووم "قوم "
راكان : وين
شادن : تعال نلوح البكاله ..الله يحليك
راكان : مافي بقاله .. ويللا ضفي وجهك على برى
شادن بعناااد جلست وتربعت جنبه : ماااني اايحه يللا كووم
راااكان : فرررررررررررررح
فرح جات جري : خييييييييير ؟!!وش صااير
راكان وهو منقر: تعالي شيلي ام لسااانيين عندك
شادن : انا ماعندي الا لسان سووف ومدت لساانهاا
فرح غصبن عنها ضحكت : ههههههههههههه
راكان : شيليهاا شيليهاا لااا اذبحهاا
فرح : وانت ليه مانزلتهاا
راكان عشاان تعورني بيدي لاا مشكوره اقول اخرجي وشيليها معااك
فرح انتبهت للاورااق وش ذاا كله هالمزبلة من بينظفها
راكان : هاذي دراسة جدوى يااجاهله
فرح : تكفى يالمتعلم
راكان بعفوية : اقول خذي بنتك وخلصيناا .. انتي هي قومي رووحي مع امك
شادن لوت بوزها وقامت ومسكت بيد فرح : يالللا مااماا تعالي نلوووح ...هذاا دوباا ماسلت احبه انتي بتشلي لي حلااااوة
راكان : دوبا بعينك ياطويلة اللسان
رح ماردت عليهاا مشيت بكل طواعيه معااهاا ولسى صدى الكلمه باذنها .. ماما ... كلمه ماتوقعت انها بتسمعها يوم من شاادن ..هل شادن بدت تحس حنانهاا وعاطفتها ؟!ابتسمت بينها وبين نفسهاا ..اخيرا يااشادن
<<<<<<<<<<<<<<<<<<<<<<<
مع ان اليوم خطبته الرسميه خلاص .... الا انه ماقدر يمنع نفسه يروح ويقابلة ..مفروض انه يكون قبل اليوم لكن عاد وش يسووي ماقدر يوصل له الا اليوووم
شاهين : مرحبا اخ سعد
سعد : هلا اخ شاهيين اذا مب غلطان
شاهين : ايه نعم
سعد من بعد ماجلسو وطلبوا لهم قهوة : ممكن اعرف سبب اصرارك على شوفتي
شاهين : والله الموضع من غير لف ودوران يتعلق بطليقتك
سعد مصدووم وبنفس الوقت فاير دمه .هذا وش عنده يتكلم عن اهله : طليقتي ؟!!!!!!!
شاهين : اخ سعد انا اليوم عندي موعد مع ابوك عشان اخطب طليقتك رسمي و
سعد يكتم غيضة : واناا وش لي ؟!!
شاهين : ممكن اعرف ليه انفصلتوا؟!
سعد بعقله كان يسترجع كل الي صار ..حس بحقارة تصرفه ..حس بالقهر انه فرط بمها ..تدرون الود وده يمسك شاهين ويذبحهه ..لكنه سكت ..لازم يسكت ..خذا نفسك عميق وقاله : ما تفاهمناا فنفصلناا
شاهين : بعد شهر ؟!!!
سعد ماحب يكثر الكلام ..اصلا ماااعنده كلام يقوله وش يقوله والله انا نذل وطلقتها من ثاني يووم بس اخفينا الخبر عشان النااس لاتكلم ؟!!
سعد : قلت لك ماتفااهمنا انفصلنا وحنا تونا ع البر ولا لازم ننتظر لين مايصير بيناا عيال وننفصل ووقف بيمشي ... اعرف انك بتاخذ ملكة بين اهلهاا لو فكرة بس تفكير انك تهينهاا برقبتك ..ومشي
<<<<<<<<<<<<<<<<<<<<<<<
الكل كان من بدري ببيت الذيب .. ام سعد جاات بدري بالضبط بعد صلاة العصر كانت متواجده بالبيت ونورة رزت وجهاا طبعاا اماا نوال جات كمان مع ان هي وفهد ماتبادلوا كلمه ... اما في المجلس كان النمر وعيال اخوانه ..وولده فهد
خالد لفهد : فهد تعال ابيك بكلمه راس
طلع خالد وفهد للحديقة .. وجلسوا ع الطاولة ...خالد : فهد شلون نوال معااك
فهد : تماام الحمدالله
خالد : بس شكلكم لما دخلتو مايقول كذا
فهد : خالد أي اثنين يكون بينهم شد .. هذي طبيعة الزواج ... عمرها مارح تكون عسل بعسل
خالد : فهد اناا ماابي اتطفل على حيااتكم .. وبنفس الوقت ماابغى اكون سبب بتنغيصها
فهد تنهد : خالد انت مالك دخل باي شي يصير بيني وبين نوال ... تعرف وش مشكلتي الحقيقيه مع اختك ؟ اختك مو حاسه فيني ياخالد مو حاسه وفوق كذا ثقتها بفسهاا صفر
خالد : فهد يكون بعلمك نوال تحبك .. يمكن صحيح ماتقولك .. لكن هي تحبك
فهد : اختك تحس بالامتنان اتجاهي مو الحب
خالد : اذا هذا تفكيرك اسمحلي اقولك انك غلطااان .. نوال يافهد ان حبت احد يبان علهاا ..عيونها تفضحهاا .. والبارحه كل نظره ناظرتها فيك .. كانت تقول ذا الشي .. الكلام الي امس قالته عنك ماقالته بس لانها تبي تعاتبني ... نوال قالته لانهاا فخورة فيك " ناظرة فهد باستغراب "..لاتناظرني كذا .. نوال فخورة انك صنف غير عن كل البشر .. رجال بمعنى الكلمه ... فهد نوال محتاجه انك تصبر عليها .. الي شافته مب هيين ...الا ياولد عمي ان ماكان لك خاطر فيهاا فعرف انها مب رميه
فهد قاطعه بحده : خالد وش ذا الهرج ... يكون بعلمك بنات حوا كلهن بكفة وهي بلحالها بكفه ثانيه
خالد كان يبي يرد على فهد لكنه ماعاد رد يوم شاف نوال جايه عليهم
نوال : السلام عليكم
ردو بصوت واحد مثل طلاب المدارس : وعليكم السلام ورحمة الله وبركاته
نوال رفعت حاجبها : الحمدالله ع العقل .. فهد عمتي تبيك تجي تقيس لها الضغط حااسه بصدااع قوي
فهد يوقف بسرعه : من متى ؟
نوال : من يوم ماجااات
فهد: طيب وين جهازهاا ؟
نوال : بتجيبه حصه معاهااا اللحين جاايه ...
فهد : اجل تعالي خليني اشوفهاا .. سويلي طريق
مشيت نوال ومشي معاهاا فهد ..اما خالد جلس بالحديقه شوي .. مشي الين ماوصل عند المرجيحه الي بالركن شوي بعيده .. حط ايده عليهاا وانجرف ببحر الذكرياات
اااااااااااااخ صرخت من شدة الالم بعد ماطاحت من ع المرجيحه
جري عليهاا : تعورتي
حصه رفعت اسها بقهر : يالدووووووووووب وضربته ع صدره
خالد : اااخ وووووووول عليك قلت تعورتي ماصار فيك شي
حصه وقفت وهي تنفض التراب عن فستانها الابيض الي تبقع بالتراب وخالطه دم من ركبتهاا
خالد انتبه للدم : شووفي دم
حصه بقهر : وجع خوييييلد اللحين ماما بتهاوشني
خالد بنفخت صدر : هي انتي لا تقولين خوويلد ...اسمي خالد
حصه بعناد الطفلة ...: خووووويلد ..خووووووووووويلد الثور بعد وجات تجري بسرعه الا انهاا ماقدرت من شدة الوجع : ااااااي
خالد سحبها من شعرهاا : تستاااااااااهلي
حصه بدت تدمع : انقللللللع
خالد دخل ايده بجيب بنطلونه .: دوري من يدخلك جوااا
حصه كانت تبغى تقوله تعال خذني معاك لا ترووح لكنها يوم شافت عقاب داخل : ظف وجهك ..عقااب ...عقاااب
جا عقاب وطبعا اشتكت له ..عقاب يومتهاا قرصله اذنه وشالهاا بكل بسااطة بين ذراعه ودخلها البيت
مسك اذنه كانه يتذكر القرصه ... اوجعته ذاك اليووم .. حتى انه كره حصه يومتهااا وعقاب ماقصر بلغ صقر بالسالفه ومن يومتها الصقر منعه من انه يلعب مع حصه رغم انهم توهم بالسبع سنيين
التفت يبي يرجع للمجلس شاف حصه وهي داخله كانت مسرعه وكاشفه وجهاا وعبايتها مفتوحه ..حس بشياطينه تتناقز قداامه خصوصا وهو يشوف المزارع الي كان جالس يسقي الزرع يطالع فيهاا .. هي دخلت جري ع البيت ... راح خالد للمزاارع وصرخ عليه ومابقي غيرالضرب بيضربه ايااه .. دخل البيت ومشي باتجاه الصاله : يااااااااولد ..
نوال : صبررررر
حصه لفت طرحتها زي الناس ونوة سحبتهاا نوال الين المجلس الداخلي وقفلت الباب عليهاا .. فهد كان وده يضحك عليها لكنه مسك نفسه
نوال : خاااااااالد تعال
دخل خالد بحجة الاطمئنان على مرت عمه : السلام عليكم
الكل رد السلام : وعليكم السلام
خالد : ها عمه كيفك اللحين
ام سعد : هلااا ياولد ي .. الحمدالله ..نورت بيتك ياخالد
خالد : تسلمين ياعمه ... شلونك يابنت العم
حصه ببرود : الحمدالله ..وقفت وراحت تجيب لامهاا كاسه فيها محلول مويا وملح
فهد لامه : يمه لاجابت حصه المويا اشربيها
ام سعد : ان شاء الله
رن جوال فهد طلعه وناظر بالرقم وتنهد: المستشفى ..رد ع الاتصال .. هلاا ..ان شااء الله ... مسافة الطريق
قفل السماعه .. انا بروح المستشفى يبوني ...عن اذنكم ...اووهو صح ومبروك يالعروس مقدما
مها حمرت خدودهاا وماردت عليه
ام سعد : سوق بشويش لا تستعجل
خالد : ان شااء الله ...لاتنسى تقول لابوي وصقر " يكلم خالد "
ووقف ومشي لين الباااب ومشيت معاه نوال قالها حتى منغير لا يلتفت ..لمى بيخلص الدوام بجيك
نوال ردت من غير أي اهتماام : لا تتعب روحك اناا ابي ابات اليوم عند اهلي
فهد من غير نفس : فكـــــــــه
<<<<<<<<<<<<<<<<<<<<<<
ام سعد :مها ياابنتي اطلعي كملي لبسك وشوفي معاك نوره
مها : طيب ماتبغي شي
ام سعد : سلامتك ...طلعت مها وجلس خالد يتكلم مع عمته
ام سعد : خالد شف حصة ماعاد صارت مويا وملح
خالد ان شاء الله ...رااح خالد للمطبخ يشوف حصه ..وشاف الشغاله وهي تخرج
سالها : ماما حصه ويين
جاوبته : يتكلم تلفون عند بااب وراني ..
خالد : طيب هذا مجلس اشر ع القهوة أي بالصينيه
هزت راسها ...ٌقالها : اجل وديه
كمل هو طريقه للمطبخ شاف حصه وهي واقفه تكلم عند الباااب ..ومعطيته ظهرهاا
حصه : انت حقييييير وواطي واذا عاد عندك بقاياا كرامه لا تتصل ...اكل تبن " وانتم بكرامه " وقفلت السماعه ...والتفت بتدخل وشاافت خالد واقف وضام يدينه لصدره
حصه حست بارتبااك من نظرات خالد بلعت ريقهاا ورااحت تااخذ الكاسه الي ع الطاولة ولا كان شي صاار
رجع جوالهاا يرن ثاني مره لكنها مااردت
خالد اعترض طريقها وبلهجة امر : ردي
رفعت حاجبها : نعم ؟!!
خالد : اقول ردي
حصه بتحدي : ماني راده ...وكملت بتوتر ..رقم غريب ليه ارد عليه ؟!
خالد : والي قبل شووي
حصه : وانت وش خصك ؟!! منو انت عشاان تسألني هالاسأله
وكمل جوالها رن ...سحب خالد الجوال من يدها بقوة وسط دهشتهاا
حصه : هي انت ؟!!!
عطاها نظرة جمدت الدم بعروقها ورد : نعم ؟!!
الصوت : اعطيني الحلوه الي اول
خالد بقهر : حلك حالول ان شااء الله ..
الصوت : شكل العيله كلها لسانها طوويل ...لكن من الحلوه كل سبه احلى من الثااانيه
خالد معصب : اقول يالواطي لا عاد تتصل ساامع لا وقسم بالله اجرجرك عن طريق الامااره
الصوت : طيب بس سؤال هي حلوه مثل صوتها او احلى ؟!!
خالد :مابقي كلمه بقاموس الشتاايم مااقالهاا ... كلمه منه وكلمه من المتصل المجهوول
اخرتهاا قفل التلفون بقهر وطفاه
حصه كانت وااقفه ورافعه حاجبها : انت شلوون تتجرأ وترد على تلفووني ؟!
خالد : من ووين جاب رقمك ؟!
حصه : رقمته بالتحليه
خالد : مااستبعدها وانتي داخله عبايتك كلها مفتوحه ووجهك مكشووف ماكان في رجال بالحديقه
حصه بقهر منه : رجال أي رجال ؟! مااشفت احد ..وكملت تتمصخر .. لايكون بس قصدك انت ؟!!
خالد وهو يحس نفسه بينفجر .مسكها من ايدهاا بقوة : تكلمي زي النااس
حصه فك ايدها بقوة : تجاوزت حدودك ياخوويلد ... لايكون ناوي تسوي فيها رجاال علي ؟!! انتبه زيين المره الي فاتت طنشت بمزاجي ..لكن اللحين لا تحلم ... تبي تعرف من ووين جاب الرقم .... ترى ماني زي خويااتك ..كلها طقطه بسيطه ع الازاارير بشكل عشوائي بتجيب له الرقم
خالد : وانتي ليه تردين على رقم غريب ؟!!
جاوبته : وانت مالك حق تسألني انا عندي ابو وعندي اخواان هم بس لهم كلمه علي يااخووويلد
ومشيت وتركته ......خالد ضرب الطاولة بقهر الين ماحس عظامه تهشمت ...قهره الرجال المتصل الي ماترك كلمه تخدش الحياء وقلهاا في وصف حصه ..بس الي قهره اكثر نظرات حصه له نظرات تحدي ولهجتهاا الي كلها ازدراء شي ما تعود عليه
حصه راح واعطت امها كاسة المويا : وووين هذا كله كاسة مويا
حصه : كنت ادور ع الملح والشغاله مو موجوده
نوال : راحت تودي القهوة مجلس الرجال . وانا مأكده انها دق حنك الحين مع شهاب الدين
حصه : شهاب وش مدخله ؟!!
نوال : ووين يدخل حصه .. انا عطيتها ورقه لااغراض يجيبها
حصه ضربت راسهاا : يؤيؤيؤيؤيؤ
امها : وش فيك
حصه : نسييت الكيكه والشوكلاته
امها : ماشاء الله وجايتني بطولك
نوال : هههه ياعمه انا اتصلت عليها ورجيتهاا اكيد بتنسى
حصه : والله اني نزلت زي المجنونه على بالي دوختي ولا شي ..اقول تعالي نروح المستشفى مو احس
ام سعد ابتسمت بحناان : لامانسيتي ولا شي اخوك يقول هبوط ..واللحين اتصلي ع البيت وقولي للشغاله ترسلها مع السواق
حصه : ان شااء الله
نوال : وفسخي عباايتك مااحتريتي
حصه : والله اني نسيتها ههههههههه
<<<<<<<<<
وصل شاهين واهله لبيت الصقر ...كان بالاستقبال لهم صقر وعمه وخالد
شاهين كان مرتبك مره ...وصقر كاتم الضحكة
شاهين : والله ياعم انا يشرفني اني اطلب ايد كريمتكم ؟!!
ابو سعد : وحنا مارح نلقى احسن منك ياشاهيين ..انت تشرف أي احد تتقدم له
شاهين : تسلم يااعم هذا من طيب اصلك
خالد باشره بالقهو : سم
شاهين : سم الله عدوك
شاهين كانت ايده ترتجف وكان يحس ان القهوة ممكن تنكب عليه باي لحظة ..كان الموقف مو كافي ان الموقف مرعب ... لكن وجود ابو سعد لحاله يسبب الرعب هالرجال الخمسيني يفرض حضورة حاله من التوتر والرعب ..حضورة طاغي تمااماا .. والله شكل العيلة كلهاا عندهاا هالشي من الابو الله يرحمه للعم الصقر حتى خالد رغم صغر سنه
شاهين : طيب ياعم وش طلبااتكم ؟
ابو سعد : انت اول شف البنت وبعدها نتفاهم ..صقر خذه يشوف المها
الصقر : على امرك ياعمي .. تفضل
ووقف الصقر وراح معاه شاهين للمجلس الداخلي
<<<<<<<<<<
مها الي كانت لابسه تنوره طويلة باللون الزيتي ماسكه من الحوض بعدين تنزل بشكل كسر من تحت وتوب باللون الكريمي هاي وست تزينه شريطة ساتنيه زيتيه ..تركت شعرهاا مفتووح .. جلست جنب عمتهاا وكانت ترتجف ..صحيح انها تزوجت من قبل لكن عمرهاا مامرت بتجربت الفحص والتقليب ..ام شاهين كانت تفحصها بنظرة كأنها اول مره تشوفهاا
ام شاهين صحيح تعرف مهاا كاخت صقر لكن كزوجه لولدهاا لااازم تتمقل ..ام شاهين ماتقدر تنكر جمال مهاا الي رغم انها مو حاطه حتى الكحل بعينها الا ان جمالهاا كان وااضح ...بعكس اختها الي صحيح لابسه ومتشيكه وهي زوينه ماعليها شي ..صدق الجمال حظوظ ...ام شاهين بغت تنخبل يوم شافت حصه ..وتحسرت من كل قلبهاا عليهاا
ام شاهين "بقلبها " : الله يااشااهين مابغيت الا المطلقة تعال وش بنت عمهاا ..بسم الله عليهاا تقول قمر يمشي ع الارض
حصه كانت تقوم بالمبااشره نيابة عن نوال الي راحت تكلم اخوهاا ...اما الشيخه نوره فكانت تسترق النظر وتعلق وتضحك على التخلف الي جالس يصير على حد تعبيرهاا
نورة لنفسها " متخلفييييييييين ..ههههه ... تشتري انتيكا "تحفة " و تخطب ههههه "
نوال رجعت للحريم وقالت : يقولون الشوفه
مهاا حست بكل خلايا جسمهاا ترتجف داخلهاا ..لعمتها : عمه ماله داعي
ام سعد : وش ماله داعي قومي ..هذا حقه ...وكملت لام شاهين ... ام شاهين قومي معاهاا يوخيتي واحد ولدك الثاني ولد اختك
ام سعد : لا يوخيتي انا استحي مااني بداخله
مهاا بخوف : يعني اروح لحالي
ضحكو عليهاا : ههههههه
نوال : ياللا قومي الصقر برى
مهاا وقفت وراحت معاها .. وهي تحس نفسهاا شوي وبتطيح ع البااب
الصقر لمها : حمدالله ع السلامه كان ماجيتي
مها : والله برجع الله يخليك قوله ماله داعي
الصقر: اقول امشي قداامي
مهاا : صقررررررررر
سحبهاا من ايدهاا ودخلهاا : هاااااااااذي المهاا
شاهين وقف يوم شاافها داخله ..وهي اول مالمحت ثوب على طول رجعت اتخبت ورى ظهر اخوهاا
شاهين حسها طفلة وكان يبي يضحك على شكلهاا فعلاا تبان طفلة ... بمقاارنه جسمها الصغير بضخامه الصقر
الصقر وخر عشان يشوفهاا..الا انها كانت ماسكه بثووبة من الظهر وبقوة وكل ماتحرك باتجاه رااحت ورااه ودفنت راسها بظهره
الصقر طفش : وبعديييييين ومسكها بقوة ووقفها قدامه وصار ماسكها من زنودهاا عشان لا تتحرك
مهاا التفت عليه برجاا انه يتركها تخرج
الصقر : ماافي خليه يشوفك ويخلصناا ..انت يالله شوف
شاهين رفع نظرة فيهاا بجرأة لكن وين يشوفهاا منزلة راسها بالارض ومافي شي ينشاف من وجها والسبه ذا الشعر ..شكلي بخليها تقصه بعد الزواج ..لا وين تقصه هالحرر ينقص
شاهين بجرأ لصقر: انا مو شايف شي خليهاا ترفع راسهاا
الصقر : لا يااشيخ والله ماتنعطى وجه اقول نزل راسك بس
شااهين : نعم
الصقر الي سمعته ...شااهين عمل مثل ماانطلب منه وهو مو فاااهم ..الصقر همس لمها ..ارفعي راسك وشوفيه لا تقولين بعدين يخووف
رفعت راسها بخجل لكنها ماقدرت تناظرة وتتامله ..فاول ماحست بيدين اخوها وخرت عنهاا بسرعه جرت لبرى وزين انها ماتعنقلت وطاحت
ضحك شاهين وصقر غصباا عنهم شكلها كان يفطس ضحك
الصقر وقف ضحكته وقال بجدية : شاهين اختي وانكشفت عليك ...اذا ماصار بينكم نصيب ..فهي اختك ..استر ماشفت
شاهين : من غير لا تقول ياصقر اهلك اهلي ..متى الملكه ؟
الصقر : عجبتك
شاهين بضحكة : اكيييييييييييييد متى نملك ؟
الصقر : امم نسالها يمكن ماعجبتها
شاهين جلس ع الكنبه : رح اسالهاا وانا انتظر
الصقر : صقررررررررررره " يعني عجلة "
نزل صقر وراح لمها وسألهاا عن رااسها ماردت عليه بس خدودهاا حمرت بزياادة
نوال: يااخي ليه الاحراجاات مووافقه روحو تفاهمو ع البااقي
الصقر : انتي من كلمك
نوال : اقول رح والي يرحم والديك وانتي تعالي وسحبت مهاا من ايدهاا
تم الاتفاق على المهر وهالسوالف وتحدد العرس بعد 3 اشهر ...روحو الناس الي عندهم ومابقي الا نوال
خالد دخل ولقي نوال جالسه .. انتي هني مارحتي
نوال : جالسه فوق راسك اناا
خالد وهو يجلس : اعوذ بالله من لسانك
صقر جااهم من بعد ماانهى مكالمه تلفونية .. ها العروسه اخبارك
مها بحقد : مالت عليك انت شلون تمسكني والله كنت ابغى ابكي
صقر : وانا وش اسويلك اقولك اوقفي متخبيه وراي شلون بيشوفك ؟!!والله لوشفتوهااا شكلها يفطس ضحك وهي مستحيه
خالد : خسارة كان صورتها
صقر: تصدق فاتتني
مها : لا يااشيخ .. والتفت على نوال .. زوجك بيتعشى عندناا
نوال : لا موو جاااي وانا ببيت عندكم
صقر : بتبيتين ليش تهاوشتي مع زوجك ؟
نوال : اعوذ بالله وش فيك ؟!! اللحين انا من تزوجت مانمت عندكم والله اشتقت لبيتناا حرم يعني
الصقر : لا مو حراام بس
خالد : يااخي انت ليه تطول المواضيع وهي قصيره ...اقول انا ماشي
الصقر : خلك جالس تسليني اللحين بقعد اعد الجدران
خالد : وهذيل وش شغلتهن
الصقر : اللحين بيختفين اصبر خمس دقاايق
مها : مو لو كنت متزوج كان احسن
الصقر : خذ لك
خالد : وهي الصادقه ياخي تزوج ابغى احد يناديني عموو
نوال : وانت هذا اللي همك .. والله صقر تزوج شوف مها كلها شهرين وبتروح بيت زوجها انت بتقعد لحالك بين ذي الجدران
خالد : وانا ويين ؟
نوال حتى مااعبرته ولا كان في احد يتكلم مهاا : شووف انت ليه ماتخلينا نشولك وحده بنت حلال تملا البيت عليك وتراعيك
خالد تضايق من تطنيشت نوال له ..: يالله في امان الله
مها : والعشى
خالد : سوري انا متعود على عشى ابو مشاري مااقدر اتركه
الصقر : خالد ابو مشاري وش يشتغل ؟
خالد : مراسل ..بيني وبن انا اتمنى تشوفله شغله عندناا ياصقر
الصقر : اجل اسمع خله السبت يجي ويستلم وظيفته عدناا ...و بالمناسبه عمي يبيك تجي تداوم بالشركة
قطب جبينه : بس انا مرتح مع شاهين
الصقر : عمي مومرتااح ولا اناا ..الشركة الام مفروض من الان تتعلم ادارتهااا هذي راس مالنا كله اما شاهين فلا تخاف عليه يدير عشر لحاله
نوال : قول ماشاء الله لاتحسده
الصقر : ماشاء الله تبارك الله تبيني اروح وابخره
مهاا : ياثقل دمك
******************
صرخت اول ماشافت صورته بالتلفزيوون : رااااااااااااكاااااااااااااااا ن
حصه : بسم الله الرحمن الريم وش فيك ؟
نورة : اهو راكان الي حكيت لك عنه
حصه : هذاا ... طالع بطل والله ... تكريم من وزير الداخليه ...كشخه والله
نورة : تصدقين اشتقت له
حصه رفعت حاجبها : لا يااشيخه قولي والله
نوره : راكان انسان زيين ...عيشتي معاه عرفتني الشي هذا
حصه : ياقوى عينك
************************
بعد مرور3 اشهر
راكان تخرج من الجامعه هو وشلته وتفرغو بشكل كامل لشركتهم الصغيره
فرح تخرجت من الثانويه وجابت نسبه مرتفعه وقررت تدخل علوم
خالد رجع واشتغل بشركة العايلة
حصه تخرجت كمان من الجامعه وقدمت عشان تكون معيدة
الصقر مشغول قد شعر راسه بالتحضيرات لزوااج مهااا وبيين مشريع شركااته رغم ان وجود شااهين وخالد يساعده
نوال وفهد حياة روتينيه ..ونوال تخرجت وحملت
مها العروس من سووق لسوق والبنات مساعدينها حتى نوره تسااعدهاا
<< ليلة العرس>>
نوال كانت تشوف مهاا وهي كاتمه ضحكتهاا : مها خلااص اقعدي والله انحولت
مهاا تطالع فيها بتعب : والله اخاف اطيح فيه
نوال وهي تمص الليمونه :ماارح تطيحيين ترى مو ثقيل لهالدرجه
مها وهي تمرر اصاابعهاا على فستانها اللولي : بيعجبه الفستان
نوال: الاهم من الفستان راعيته .. وانا متاكده انك عاجبتنه والاهم بنته تحبك
مهاا : يااقلبي على حلا تجنن
نوال : متى بيملكون ؟ بكرة الصبح ان شاء الله
مها : بالله ملكه وزواج بنفس اليووم والله شي يخوف
نوال : ان شاء الله كل شي بيصير تماام
مها راحت تفصخ الفستان ..ونوال جاها اتصال من فهد ..
ماني براضيه خله يحس مره بجفايه وليه يدري أني احبه صاير يزودها معايه خله يذوق اللي جرالي ..خله يتحراني ويسهرويضيع في شكه وعذابه
فهد : السلام عليكم
نوال : هلا وعليكم السلام ...شلونك ؟
فهد : الحمدالله و انتي اللحين وش مسوويه ؟
نوال وهي تحط ايدها على بطنها الي مو مبين : الحمدالله
فهد : محتاجه شي تبين شي
نوال : سلامتك .. ماارح تجي ؟
فهد تنهد : ماني جااي اليوم انا مناوب
نوال اتضايقت بس بينت نفسها عاادي : طيب ووين اكلت عمتي قالت انك ماجيت عندهم تتغدا ولا جيت عندنا ووين اكلت؟!
فهد : والله ماتغديت الين اللحيين
نوال : ايش ؟! ليه ؟!! مو كافي انك امس حتى العشى ماكلته زي الناس
فهد بسخرية : هامك الموضوع مره ؟!
نوال بقهر من طريقة فهد بالكلام : اكيد يهمني انت زوجي ..
فهد : والله كويس متذكرة ان عندك زووج
نوال : فهد
فهد يبي ينهي مكالمته : اسمعي فلوس الكوفيره موجوده مع حصه عطيتها ايااهاا الصباح
نوال قاطعته : قلت لك ماني محتاجه شي اخواني ماارح
قاطعها بدوره : انااا زوجك ياهاانم انا الي اصرف عليك مو اخواانك حتى لو انتي منثبره عندهم وقفل السماعه بوجهااا
نوال جلست تناظر السماعه بقهر ...سمعت صوت مها : تستاااااهلي
نوال بضييق : مهااا وبعديييييييين مو ناقصتك
مها : اقول انزلي صقر متصل ع التلفون الداخلي يبيك تحت هو وخاالد
نوال : متى ؟!!
مها : اتصل وانتي تكلمين رجلك
نوال وقفت وهي تمص اللليمونه بغييض ونزلت للدور الارضي مكان ما اخوانها جالسين
خالد :واناا كل ماشفتك تمصين بذا الليمون ؟
نوال : والله طعمه يهبل
صقر من دون أي مقدمات : متى ناويه تردين بيتك
نوال بضيق : تضايقت مني ؟
خالد : مستحيل نضايق منك .. انتي اخر العنقود و
نوال : انا مااكلمتك اناا كلمت اخوي
خالد بعصبيه : ولد الجيران انا ؟ تكلمي زي الناس
نوال حست بخوف اول مره تشوف خالد معصب وطالعت بصقر تستنجد فيه
الصقر : ردي عليه ليه ساكته
نوال : برجع ان شاء الله بعد زواج بكم يووم
خالد : بكرة بعد العرس تروحين مع زوجك بيتك .. قلتي تبين تساعدين مها بتجهيزتها وقلنا من حقك .. لكن تتركين بيتك من ثلاث اسابيع ولسى ناويه تجلسيين ...ماايصير
الصقر : نوال ترى فهد صاير مثل العزوبي طول الوقت وهو يا ببيت اهله يا بالمطاعم ياكل حتى ثيابه بالمغسله
نوال : انا قلت له يجي هنا هو مو راضي حتى ثيابه قلت له يجيبهم هو الي مو راضي وش اسويلة
الصقر: رقصيله .. انتي ماتستحين بالله .. اسمعي من بكرة الا من اللحين تقومين تلمين اراضك انا بوديك بيت زووجك
نوال : صقر
خالد : نوال انتي في شي مخبيته عناا ؟ متهاوشه مع زوجك ؟؟
نوال : هاااا
الصقر : من قال هاا سمع
نوال : مااصار شي
خالد : كذااااااابه ... ارتباكك يقول ان صار شي
نوال خافت ..ماهي عارفه وش تقولهم .. اتهاوشت انا وياه والسبب فستان هم كذا مولعين
الصقر : انطقي
نوال : اناا وياه صار بينا مشاده خفيفه مثل أي اثنيين
الصقر رفع حاجبه : مشاده ؟ والسبب ؟
نوال بلعت ريقهاا وجالسه تدور كذبه تقولهاا
مهاا من ع الدرج : انا اقولك السبب
وجات وجلست معااهم : الحلوه ماتخبي عني شي
خالد : وش الي صار ؟!
مها : اختك راحت تشتري فستان لعرسي مع زوجهاا .. وانتم تعرفون فهد زيين واحد عايش على مرتبه ومايمد ايده لعمي وياخذ منه هلله .. ونوال بدال لا تراعي ذا الشي وتحترم عصاميته اهانته
تطايرة عيون خالد وصقر شرر
الصقر : انتي " لنوال " كملي وش صاار
نوال وهي تذكر : اناا طلبت منه نروح نشتري فستاان وعجبني فستان طيب لما سالنا عن السعر كان غالي انا ماكنت اشوفه غالي بالعكس رخيص انا من يوم كانت هناا عمر ي ماطليت بسعر ولا اهتميت انت " واشرت للصقر " كنت تعطيني من غير حتى لاا تجادل ولا حتى امي .. انا ماتعودت اسمع لاا
وهو عياا وقالي : نوال الفستان غالي الا نار فستان ب20 الف ؟!!
قلت له : بيسون لنا خصم
قالي : أي خصم خمسمية ماتسوي شي ومافي فستان
طلعت انا ويااه من المحل وانا منقهره وكان يبي يوديني سوق ثاني انا ماارضيت
قالي : انتي روحي وشوفي مارح تخسري شي
قلت له : قلت لك ماني رااايحه لو كاان الصقر كان دفع وهو مغمض
عصب وقال : اناا مو الصقر اناا فهد .. ومدي رجولك على قد لحافك
قلت له : انت عندك خير بس تحب تعيش بالفقر
فهد : اللحين انا قصرت علي بشي ؟؟ طلبتي شي وماجبته
مارديت عليه لاني منقهره وقف قدام محل فساتين وطلب مني انزل اشتري مارضيت انزل : مااني نازله
فهد : ترى والله مااشتريلك ساامعه
قلت بغيض: طز خلي فلوسك لك انا بشتري بفلوسي ..
ماحسيت الا وايده انطبعت على خدي .. وجابني هنا وقالي لا تعلمت الادب ارجع بيتي وجلس مايكلمني ولا حتى يسأل عني الا لما عرف بحملي من اسبوع
الصقر وهو معصب وماسك نوال من زندها بقوة : انتي أيش ؟!! ماتربييتي ؟!!
نوال بتوجع : اااي
خالد يفكها : صقر اتركها الله يهديك
الصقر : اتركها مب ساامع فعايل اختك ..طز ؟!! في وحده متربيه تقول لزوجها طز ؟!!
نوال : طلعت غصب عني اناا
الصقر : انتي ايش ؟!! انتي وحده بطراانه .. غيرك تحمدالله على زوج مثله
مهاا : صقر الكلام مو طريقة كلام هاذي اهدوو وتكلموو بعقل
جلسوو ونوال بداخلها ترتجف اما صقر وخالد بركايين ..خالد يقدر يمسك نفسه اما صقر ان عصب فما يعرف يتفاهم
خالد : نوال تشوفين الي سويتيه مع زوجك تشوفينه صح
نوال : ادري مو صح بس اناا كنت مقهوره من طريقة كلامه معاي
الصقر بعصبيه : يعني انتي الي طريقتك كانت قمة في الادب
خالد : نوال انتي اهنتي زوجك .. يكون بعلمك مافي شي يذبح الرجال اكثر من انه يشوف نفسه مايسوى بعين زوجته
نوال : خالد والله العظيم انا ماقصدت كله من الغيض ...وبعدين من قال انه مايسوى عندي ؟!
خالد : كلامك يانوال ؟! انتي شلون تقارنينه بالصقر .. صحيح ان ربناا موسع عليناا وفهد نفس الشي لكن فهد غير فهد مايبي يعيش عاله على ابوه ولا تهمه الفلوس .. هو مااختار الطب الا لانه مهنه انساانية نوال يوم جا يتزوجك بنالك بيت من حر مااله ..نوال المره العاقله هي الي تعيش مع زوجها وفق امكانيته وتحسسه انه حتى مع ضيق حاله انه معيشها بترف مابعده ترف
نوال : والله ياخالد من تزوجته عمره ماقصر علي بشي ..
خالد : طيب ليه مارجعتي معاه الاسبوع الي فات ؟!
نوال : حاز بنفسي الكف ياخوي
الصقر زفر: يعني كنتي تبينه يطبطب عليك ؟!! شوفي انا ماادافع عنه لكن وقسم بالله لو ان مرتي قالت لي طز ماجلست على ذمتي لحظة
نوال بلعت ريقهاا يوم سمعت طاري الطلاق
الصقر : قومي اتصلي عليه خليه يجي ياااخذك
نوال : مابيجي عنده مناوبة اليووم
الصقر: استغفر الله العظيم ..قومي تيسري غرفتك بالطيب
وقفت نوال بتطلع ..الا انه رجع سألها : شريتي شي لبكرة ؟!!
جاوبته : ايه عطاني يووم جاا فلووس وكملت لي مها من عندهاا بااقي القيمه
عصب صقر: بعد يعني مااشتريتي على قد الي عطااك انتي ايش؟!! وصرخ على مهااا وانتي ليه تعطينهاا فلووس
مهاا : ماهان علي اكسر بخاطرهاا
صقر: انقلعووووو غرفكن
الثنتين معاد تشوفون الا غبااارهن
الصقر صار يزفر بتعصيب..: استغفر الله .استغفر الله ...استغفر الله ..وكان جالس ووقف
التفت على خالد : متى تبيناا نكلم عمي نخطبلك حصه
خالد استغرب وش الي ذكرة بالموضوع وهل هذا وقته : اخطب حصه ؟!
الصقر: انا ناقصني استهباالك انت بعد
خالد ماااعجبة الاسلووب : صقر
الصقر : والله ماادري انا الاقيهاا من ووين ..من خواتك المخفات ولا منك ..ولا من الشغل ولا من الي بالمستشفى
خالد : من الي بالمستشفى ؟!!
الصقر : هااااااااااااااااااااا...محد محد
بذا الوقت رن جوال الصقر وكان فهد المتصل
الصقر رد على جواله وعيونه معلقه على نوال: هلاا فهد
فهد من دون أي مقدمات : صحيت تعال
الصقر : مسافة الطريق ..في امان الله ...وطلع حتى من غير لا يعبر خالد
خالد يكلم نفسه : وش عنده ؟!!
< قبل يومين >
استغرب يوم رن جواله ع الفجر وكان فهد
صقربخوف : فهد في شي صاار شي
فهد : صقر تعال المستشفى ومن غير لا تقول لاي احد
الصقر: في شي ؟! صار شي عمي عمتي فيهم شي ؟!
فهد : مافيهم شي ..انت بس تعال بتفهم
الصقر : اجل مسافة الطريق
بالمستشفى كاان فهد واقف قدام السرير الابيض وعيونه معلقة ع هالطفلة الي موصله بالاسلاك كان الشااش مغطي راسهاا وفي جرح على شفتهاا العليااا بالاضافة لخدووش اماا ذراعهاا فكانت مكسورة
اهلها برى ..اهلها .. طالع ثاني مره باللوح الي بيده شادن عقاب ال.. مستحيل تكون البينات خطأ ومستحيل يكون تشابه اسماء .. ترك غرفة العناية الفايقة ورجع مكتبه ..وماهي الا عشر دقايق الا والصقر عنده
وكان باين عليه القلق : وش فيه ؟!!
فهد : اجلس والي يعافيك
الصقر: خييير ياافهد
فهد : اليوم جاتنا طفلة بحادث سيارة ..انا اللي توليت علاجها ومن شوي رحت ادور على مرضاي وشفت لاول مره اسمها ..تعرف وش اسمها يااصقر؟!
الصقر الي مو فاهم شي : وانا وشلي باسمها ؟!!
فهد : البنيه اسمها شاادن عقاب بن الذيب ال ....
الصقر : نعم ؟!
فهد : الي سمعته شادن بنت عقاب ..بنت اخوك
الصقر : بنت اخوي ؟!! شلوون ؟! عقاب الله يرحمة توفي بعد سنه من زواجه وحرمته بعده بكمن شهر وما عرفناا ابد انها حاامل ؟! لو كانت بنت اخيو فعلا ليه محد بلغنا ؟! ليه اخفو وجودها عناا ؟! ليه محد قالناا
فهد : مادري .. يمكن اكون غلطان ؟!ويكون تشابه اسماء ؟!
الصقر : ووين غرفتهاا ؟! وين اهلها ابي اشوفهم
فهد : تعال معاي
اخذ الصقر معاه للانتظار ..كان خارج قسم العناية مجموعه من الكراسي جالسه عليه مره ومبين على جسمها الاهتزاز من كثر البكي وشااب بجنبها مبني عليه انه عشريني
الدكتور فهد : السلام عليكم
راكان : وعليكم السلام
فهد : ممكن تتفضلون معاي مكتبي
راكان : خير دكتور في شي ؟!! شادن فيها شي ؟!
فهد لا يااخوي مافيها الا العافيه انتم تعالو معاي مشي فهد ومعاه الصقر فرح رفضت تتزعزع من مكانهاا
فهد : اخ راكان ممكن اسألك وش قرابتك للبنت ؟!
راكان استغرب السؤال لكن جاوبة : انا ولد خالها
الصقر: ابوها وامها ووين
راكان مستنكر : منو الاخ
فهد : معليه اخوي جاوبناا
راكان : ابوها وامها متوفيين
الصقر : شلون ماتم ؟!
راكان : ممكن اعرف هالاسئلة وش مناسبتها
الصقر عصب : انت جااوب وخلاص
راكان : لا والله
فهد : يابن الحلال انت جاوبنا وانت بتفهم بعدين
راكان : ابوها مات من اكثر من خمس سنوات بحادث سيارة وامها ماتت بعد ولادتهاا
الصقر : انت وش اسمك بالكامل ؟! راكان شنو ؟!
راكان : راكان بن ماجد ال ...
الصقر : ابوك ماجد بن راشد ال...
راكان : ايه
الصقر : معقول يعني شادن بنت عقاب فعلاا
راكان : ممكن تفهموني ؟!
الصقر: انا الصقر بن الذيب ال...عم شادن
راكان مصدوم ك نعم ؟!! عمها ؟!!
الصقر: نعم انا عمهاا اناا اخو عقاب الكبير
راكان : وتوك متذكر ان عندك بنت اخو ؟! صح النووم
الصقر: انا ماااكنت اعرف بوجودهاا ..لو كنت ادري ماكان تركتهاا
راكان : وانا مفروض اصدق ؟!!
الصقر: فهد ابغى اشوف البنت
راكان : ولا تقرب منها
الصقر: انت مالك أي حق تمني اناا عمهاا عصبتهاا
فهد : ياجماعه اذكرو الله ..اللحين البنيه اهم شي صحتهاا ومفروض تحمدون الله انهاا سالمه وبدال ماكان عندها بس خوال اللحين عندها عماام وعمات وحنا فعلا ماكنا ندري بوجودها
راكان : شلون ماتدرون وجدي راح لابوك " واشر ع الصقر" وابوك ماقصر فيه وطعن عمتي بشرفهاا واللحين وبكل بساطه اعترفتم فيهاا
الصقر : الوالد الله يرحمه عمره ماجاب لنا سيرة بالموضوع ..لكذا ماسالنا ولا درينا عنهاا واليوم اول مااتصل فيني فهد على طول جيت
راكان لفهد : انت شلون تعرفه ؟!
فهد : عقاب الله يرحمه ولد عمي ونسيبي بنفس الوقت نسيبي
سكت راكان مو عارف وش يقول الللحين هذا عمها ..طيب انا ليه زعلان مفروض اني افرح ان طلع لها اهل يكونون لها عزوة وسند ...
الصقر: فهد شلون حالتها
فهد : الحمدالله كويسة بس هي بالعناية يعني مراقبة مو اكثر
الصقر: ابغى انقلها لمستشفى ثاني
فهد : ماله داعي ..المستشفى هنا كويس وحالتها مو مستاهله
راكان كان قاعد يسمعهم .. وبدأ يحس بالغضب من وجود هالعم .. حاس ان مكانته رح تهمش اللحين بعد ماكان مسئول مسؤليه تامه عن هالبنيه صااار مجرد ولد خال
ترقبوا الجزء التاسع والعشرين