بسم الله الرحمن الرحيم
السلام عليكم ورحمة الله وبركاته......اللهم صل على محمد وال محمد....
في يوم من الايااام صار لي موقف محرج ومضحك ويقهر بنفس الوقت......
في يوم كنت جالسه اسولف مع بنت خالتي كنا نسولف عن وحده حامل هي تسالني وش اتوقع بنت والا ولد قلتلها انا متاكده ولد قالت انا اقوووول بنت قالت لي متاكده ... من كم لكم ...
قلتلهااا الي تبين فلوس هديه اي شئ عادي ..... تتوقعوووون شنو طلبهااا...!!!؟
طلبت انها تعطيني سطااااااااار .....
طبعا انا قمت اضحك ومو مهتمه قلت لها عادي ....
لاني ماخذه الموضوع مزح بمزح حتى لو انا الي كسبت التحدي ماراح اعطيها السطاااااااار ولو بعطيها اياه..... بيكون خفيف وكاني امزح معاها ... وبيني وبينهااا يكون...وبس مو جنب جمااااعه..
ما اطيل عليكم المهم ولدت الحرمه بالسلامه..... تتوقعوووون شجااابت
جابت بنت يعني انا خسرت التحدي !!!.. بس نسيت الموضووووع وخمسة الاصابع الي تنتظرني
المهم رحنا كلنا نزووو ر الحرمه الي ولدت ... طبعاا مايحتااج اقولكم شلون يكون بيت الي تكون والد ابد تروح دفعه وتجي دفعه ماشاء الله تعرفون الطرف مايصدقون خبر ههههههه...
انزين ... دخلنااا وسولفناااا وتقهويناااا
....... فجاه من بين سواليف الحريم والهذره الزايده .....
فجاة
نادتني على انها بتكلمني الي هي بنت خالتي.....
التفت وياليت مالتفت ....
الا يجيني ذااااك السطااااااااااار الجااااااااااااامد بدون مقدماااااااااات
الكل سكت
الكل يطالع منبهر
الكل تفاجئ
صااااااار هدوووووووء وصخه على اثر ذلك الكف والله يغربله من كف....مو بيد عليهااا خلت كل جسمي يصير حااااااااار .....
الحريم كسروا خاطري مو عارفين شيسوون متفاجئين ان ضحكوااا بنحرج ....
وان تعاطفوا معاي وكسرت خاطرهم ... فهالحاله بينكسر خاطري على نفسي...
فبينوا الابتسامه البسيطه والمتفاجئه.....
عاد القسم الثاني من الحريم الكبار الي على نياتهم....
يؤ يؤ يؤ ليــــــــــش شسوت لش البنيه ....
مسكينه البنيه ماقالت شئ....
فردت عليهم بكل عفويه وكانها ماسوت شئ....
احنا متحدييين على فلانه اذا جابت بنت ...
فالكل حسيته فهالوقت يقول في خاطره تحدي فاشل وبايخ... وانا صار موقفي محرج وحزين والله اني مسكت دموعي لين ماطلعت من البيت وصحت لين قلت بس ...لاني ماتوقعتهااا بتنفذ الي قالت لاني قلت لكم حتى لو انا ربحت والله ماراح اسويهاا الدليل اني نسيت الموضوع وتفاجئت انها مانست الموضوع ....وزين بس اني ماستضريت لاني انحرجت حيل....
نصيحتي لكم لاحد يتحدى مع واحد دفش ومزحه ثقيل و اذا صار مزحكم انتم مو ثقيل لا تتوقعون انه بيصير مثل ردة فعلكم انتم .... فتوقعوواا كل شئ
اتمنى من جميع الاعضاء الحلوين مشاركتي في هذا الموقف وكل واحد يحط نفسه مكاني..
