يذوب الثلج في كاس الغرام ويلفظ انفاسه
وانا في شفة الكاسه لمست الثلج بشفاتي
اصحّي الليل في اول لقانا واشعل احساسه
واعلّم هالقمر وشلون يضوي ليل سهراتي
عطر فاح بعبير وعطر المجلس وجلاسه
سهر يرسم سهير بحضرة الموعد وبسماتي
المّلم هالشتات اللي قبلها ضايع بناسه
واحاول امسح الماضي قبل تصحا معاناتي
واضم بصدرها صدري واغطي الوقت بنعاسه
واحطم عمري الضايع وارفض كل ساعاتي
انا يا قلبها طفلك ظلمني بالزمن باسه
انا ياعمرها لحظه تجسد كل غاياتي
طلبتك قولي احبك وادق بقلبي اجراسه
واخلي هالحزن يرحل وياخذ اخر اهاتي
سلام ومنكتب بسمي وربي داخلي ماسه
اموت ومالمسها غير منهو يسكن بذاتي
ربيعي ماعرفه اللي يجرّح هالشجر فاسه
وحبي مافهمه اللي قتلني في بداياتي
تعالي وارحمي قلبي اسير وحطمه ياسه
هزمني غدر احبابي ونكسّ كل راياتي
يذوب الثلج في كاسي ويلفظ اخر انفاسه
ونذوب برقة الكاسه انا وانتي ونياتي