اللهم صل على محمد وآل محمد السلام عليكم ورحمة الله وبركاته أيها الأحبة كلي أسف واعتذار عن تأخري فقد كنت مسافرا خارج المملكة . . . . . . . باسمه تعالى نبدأ طبعا بحكم إنه المدرسة إجازة، ولا فيه لا تحضير دروس، ولا تدريس أبتدي يومي بعد صلاة الظهر أجلس وأصلي، واقرأ جزء كامل وبعدين أجلس إشوي على التلفزيون إذا فيه محطة عدلة ولا أشيل شيلتي ووينك يالمطبخ وكعادتي ملقوف أشوف كان فيه بسكتي يبغى له تكسير ولا دونات يبغى له تقطيع ولا بطاطس يحتاج تقشير لين تفوخ أمي مني وتطردني من المطبخ وبعد الفطور أقعد أتابع مسلسل " كلنا اعيال قرية " ( فلجدولي نصيب من المرح والضحك ) لين تجي الساعة ثمان بعدها أروح بيت من بيوت العايلة الكريمة ونختم جزء جماعي وعلى ما أرجع تكون استوت الساعة تسع على طول أروح الدوام ( والدوام لله ) طبعا أنا أشتغل في محل تجاري ( ماني قايل اسمه لأنه مشهور وبتعرفوني ) دوامي يبدأ الساعة تسع المسا وينتهي الساعة وحدة الصبح بعد ما أطلع من الدوام يأتي دور الانترنت أتصفح منتدياتي المفضلة منتديات الطرف، منتديات عشاق السيدة زينب منتديات العلوية، منتديات شبكة الفصيح لين يجي وقت السحور أتسحر، واجلس إشوي على قناة الفرات لا يفوتكم فيه واحد يقرا دعاء أبي حمزة الثمالي صوته روعة وياخذكم في جو روحاني بعدها أصلي صلاة الفجر وارجع إشوي على الانترنت لين الساعة ست ولا ست ونص وبعدها أذهب في سُبات عميق وهكذا تعود الكرّة أعتذر مرة أخرى عن تأخيري وترى برنامجي في الإجازة عادي بس أيام المدرسة مرة حلو وأكثر نشاط لكل من: وردة الأحلام / غرااااااااام مهاااااااوي/ مثالية ليل الهموم/ عزف الدموع ليت للقلب عين وكل من رشحني ( ووهقني ) لأن أتبوأ هذا المكان وللحديث تتمة