[الماسه حساسه]

بسم الله الرحمن الرحيم
اللهم صلي وسلم على محمد وآل محمد
راح اقول لكم قصة شخص وانتوا بنفسكم حكمو عليه في واح عنده قريبه فقيره ماعندها احد ساكنه في البيت لوحدها وتستلم شؤن بس مافي احد يروح يستلم لها وهي تعبانه يعني حتى صحتها على قدها قام شخص من اقاربها يستلم لها بس كان يعطيها الفلوس ناقصه ويكذذذب عليها مره يقول ان الصراف مايسحب هالمبلغ وكل مره يقول لها كذبه وحتى اذا جات زياده مايعطيها وهي ساكته عنه وفي يوم من الايام احد اقاربها ماتحملت الي تشوفه وكلمت بأسلوب جدا لبق وما قالتها انه يبوق بس قامت تقوله على شكل سؤال يعني مثلا قالت له يقولون ان جايه زياده للشؤن اشلون ماعطيتها عاد اهو لان يبوق هذي المره الفقيره حس ان هذي المره اكتشفته وقال انتو تتهموني بالبوق ورمى البطاقه على هذي المره وهي مسكينه الحين مافي احد راح يصرف لها .
قولوا لي بصراحه رايكم الي يسويه صح ولا لا وهو كبير وفاهم وواعي اجل اذا كل واحد منا سوا هذا التصرف اجل على الدنيا السلام وشلون قدر يسوي كذا والمشكله انها قريبته مو غريبه مع ان حتى الغريب لازم نخاف الله فيه لان بعدين رب العالمين راح يحاسبنا على كل ريال ناخذه بالحرام وحرام علينا ان احنا وعيالنا ناكل من فلوس حرام .
ماأقول الا الله يغنينا بحلاله عن حرامه والله يهدي الجميع واتمنى انكم تعطوني رايكم هل انا على حق في كلامي ولا اهو وامثاله